16/10/2025
✒️ മരുതമലൈ മാമനിയേ മുരുകയ്യാ... കവിയരസ് കണ്ണദാസൻ ഓർമ്മയായിട്ട് 44 വർഷം.
കവികളിലെ രാജാവ് എന്നർത്ഥം വരുന്ന കവിയരസ് എന്ന പേരിലറിയപ്പെട്ടിരുന്ന....
പ്രശസ്തനായ തമിഴ് കവിയും ഗാനരചയിതാവുമായിരുന്ന കണ്ണദാസൻ.
സൂപ്പർ ഹിറ്റ് ഗാനങ്ങളായ
1972 ൽ പ്രദർശനത്തിനെത്തിയ ദൈവം എന്ന സിനിമയിലെ എക്കാലത്തെയും സൂപ്പർ ഹിറ്റ് ഗാനങ്ങളായ
🎼 മരുതമലൈ മാമനിയേ മുരുകയ്യാ...
🎼 വരുവാണ്ടി തരുവണ്ടി മലയാണ്ടി...
🎼 തിരുചെന്തൂരിൻ കടലോരത്തിൽ സെന്തിൽനാഥൻ...
🎼 കുണ്ടറത്തിലെ കുമരകുക്ക് കൊണ്ടാട്ടം...
1972 ൽ പുറത്തിറങ്ങിയ പട്ടിക്കാടാ പട്ടണമാ എന്ന ചിത്രത്തിൽ എം.എസ്. വിശ്വനാഥന് ഈണം നല്കി ടി.എം സൗന്ദരരാജന് ആലപിച്ച പാട്ട്
🎼 അടി എന്നടി രാക്കമ്മ....
🎼 കണ്ണേ കലൈമാനേ.... ( മൂന്നാം പിറൈ - യേശുദാസ് - ഇളയരാജ)
🎼 കോവിൽ എൻബതും ആലയം....
🎼 അതോ അന്ത പറവൈ പോലെ... രചിച്ച അദ്ദേഹം കാരൈമുത്തു പുലവർ - വനങ്ങാമുടി - കനകപ്രിയൻ - പാർവതിനാഥൻ - ആരോഗ്യസാമി എന്നീ തൂലികാ നാമങ്ങളിൽ അറിയപ്പെട്ടു. തമിഴ്നാട്ടിലെ കാരക്കുടിക്കടുത്തുള്ള സിരുകൂടൽപട്ടിയിലെ നാട്ടുകോട്ടൈ നഗരത്തർ കുടുംബത്തിൽ സത്തപ്പൻ ചെട്ടിയാരുടെയും വിശാലാക്ഷി ആച്ചിയുടെയും മകനായി
1927 ജൂൺ 24 ൽ ജനിച്ച അദ്ദേഹത്തിന്റെ ശരിയായ പേര് 'മുത്തയ്യ' എന്നായിരുന്നു.
100 -ലധികം പുസ്തകങ്ങൾ പ്രസിദ്ധീകരിച്ചിട്ടുണ്ട്. അതിൽ 21 നോവലുകൾ, 'അർത്ഥമുള്ള ഹിന്ദു മതം' എന്ന 10 വാല്യമുള്ള ലേഖന സംഹിത എന്നിവയുണ്ട്. 1944 മുതൽ 1981വരെ നാലായിരത്തിലധികം കവിതകളും അയ്യായിരത്തോളം ചലച്ചിത്രഗാനങ്ങളും പുറത്തു വന്നിട്ടുണ്ട്. 8-ാം ക്ലാസ്സ് വിദ്യാഭ്യാസം മാത്രമേ ഉണ്ടായിരുന്ന കണ്ണദാസന്റെ നിരീക്ഷണ പാടവം, സാഹസികത എന്നിവ എടുത്തു പറയേണ്ട ഒന്നാണ്. ഒതുങ്ങിക്കൂടിയ ഒരു ജീവിതമായിരുന്നില്ല കണ്ണദാസന്റേത്. തമിഴ്നാട്ടിൽ കിട്ടാവുന്ന എല്ലാ കാര്യങ്ങളിലും അദ്ദേഹം ഇടപെട്ടിട്ടുണ്ട്. മദ്യം, മദിരാക്ഷി, മയക്ക് മരുന്നുകൾ, ചൂതാട്ടം, രാഷ്ട്രീയം, നിരീശ്വരവാദം, ഈശ്വരവാദം തുടങ്ങിയവയെല്ലാം തന്നെ അദ്ദേഹം പരീക്ഷിച്ചു. എല്ലാം അനുഭവിച്ച് അറിഞ്ഞശേഷം തൻ്റെ അനുഭവങ്ങൾ വെളിച്ചത്തിൽ ഒരു പുസ്തകം തന്നെ എഴുതിയുണ്ടാക്കി. സ്വയം പരിഹസിക്കുന്ന വരികളായിരുന്നു അതിലധികവും. ‘സർക്കാസം’ കണ്ണദാസന്റെ പ്രത്യേകത ആയിരുന്നു. ആ പുസ്തകം തമിഴ്നാട്ടിലെ വിദ്യാർത്ഥികൾ, അഭ്യസ്തവിദ്യർ, കുടുംബിനികൾ, കർഷകർ, കൂലിത്തൊഴിലാളികൾ, വരേണ്യവർഗ്ഗം തുടങ്ങി എല്ലാ തലത്തിലുമുള്ള ആളുകളെ സ്വാധീനിച്ചിരുന്നു എന്നു തന്നെ പറയാം. ചെറുപ്പകാലത്ത് ദ്രാവിഡ നിരീശ്വരവാദ സംഘടനകളുടെ വക്താവായിരുന്ന മുത്തയ്യയ്ക്ക് പക്ഷേ എന്തിലും വലുത് സ്വന്തം മാതൃഭാഷയോടുള്ള സ്നേഹവും, സാഹിത്യത്തിനോടുള്ള അഭിവാഞ്ഛയുമായതിനാൽ കയ്യിൽ കിട്ടുന്ന പുസ്തകങ്ങളൊക്കെ വായിക്കാറുണ്ടായിരുന്നു. ഒരിക്കൽ ‘തിരുപ്പാവൈ’ എന്ന പുസ്തകം വായിക്കാൻ ഇടയായ മുത്തയ്യ, ഹിന്ദുത്വത്തിൽ ആകാംക്ഷ ഉടലെടുക്കുകയും, തിരുപ്പാവൈ, ഹിന്ദുത്വം എന്നിവയിലെ രഹസ്യങ്ങൾ തേടി ഇറങ്ങുകയും ചെയ്തു. തിരുപ്പാവൈ എന്ന കവിത, ആണ്ടാൾ (ലക്ഷ്മി ദേവി), കൃഷ്ണനെക്കുറിച്ച് എഴുതിയതാണ്. ഇങ്ങനെയൊക്കെ ഉള്ള രഹസ്യങ്ങൾ തേടിയിറങ്ങിയ മുത്തയ്യ തികഞ്ഞൊരു ഈശ്വര വിശ്വാസിയായിമാറി സ്വയം ശ്രീ കൃഷ്ണന്റെ ദാസനായി, അങ്ങനെ കണ്ണദാസനായി. അതിന് ശേഷം ഹിന്ദുത്വത്തിന്റെ സ്വത്വം അറിയാൻ ശ്രമിച്ച കണ്ണദാസൻ തന്റെ അറിവുകൾ ലേഖനങ്ങളായി പ്രസിദ്ധീകരിച്ചതാണ് ‘അർത്ഥമുള്ള ഹിന്ദുമതം’.
മൂന്ന് വിവാഹം കഴിച്ച കണ്ണദാസൻ്റെ ആദ്യ ഭാര്യ പൊന്നഴകി എന്ന പൊന്നമ്മാളെ 1950 ൽ വിവാഹം ചെയ്തു. അതേ വർഷം തന്നെ പർവ്വതിയമ്മാളെയും
1976 ൽ വള്ളിയമ്മയേയും വിവാഹം ചെയ്തു മരണം വരെയും
മൂവരുമായുള്ള ബന്ധം നിലനിന്നിരുന്നു. ഉണ്ടായിരുന്നു. ആദ്യത്തെ രണ്ടു പേരിൽ 7വീതം 14 മക്കൾ ഉണ്ടായിരുന്നു. 1981 ഒക്ടോബർ 16-ന് 54-ാം വയസ്സിൽ ഇഹലോകവാസം വെടിഞ്ഞപ്പോൾ ലോകം അദ്ദേഹത്തെ അനേകം അനശ്വര ഗാനങ്ങളുടെ പേരിൽ പേരിൽ മാത്രം ഓർക്കുന്നു.
കടപ്പാട് : വിവിധ മാധ്യമങ്ങൾ
🎶 രചന - സംഗീതം - ആലാപനം.
വായനക്കൂട്ടം (കലാഗ്രാമം ബുക്ക് ക്ലബ്ബ് )
