09/09/2026
അവൾ ജോലി ചെയ്യുന്ന ഡെന്റൽ ഹോസ്പിറ്റലിൽ 8000 രൂപയുടെ ട്രീറ്റ്മെന്റ് എടുത്ത ശേഷം ഒരു രൂപ GPay ചെയ്തു അതിന്റെ സ്ക്രീന്ഷോട് എടുത്തു chatGpt വഴി 8000 ആക്കി റീസെപ്ഷനിൽ കാണിച്ചു മുങ്ങിയ മഹാനു ഭാവനെ നിരന്തരം ഫോണിൽ ബന്ധപ്പെട്ട് അവനിൽ നിന്നും 5000 വാങ്ങിയ ശേഷം ബാക്കിയുള്ള 3000 അയാൾ തരാതെ വലിപ്പിക്കുന്നത് കൊണ്ടു അയാൾക്കെതിരെ സ്റ്റേഷനിൽ കേസ് നൽകാൻ പോയതായിരുന്നു അവൾ.........
അവൾ എഴുതി നൽകിയ പരാതി വായിച്ചിട്ടു ആ പോലീസ് ഓഫിസർ ആദ്യം അവളോട് ചോദിച്ചത് ഇങ്ങനെയായിരുന്നു
" ഇത് ഓഗസ്റ്റ് 31 നു നടന്ന സംഭവം അല്ലെ നിങ്ങൾ എന്താണ് ഇത്രയും വൈകിയത് പരാതി നൽകുവാൻ.... "
"അല്ല സാർ, അയാൾ വിളിക്കുമ്പോഴൊക്കെ ഫോൺ എടുയ്ക്കുന്നുണ്ടായിരുന്നു പിന്നെ രണ്ട് ദിവസം കഴിഞ്ഞപ്പോൾ 5000 തരുകയും ചെയ്തു, ബാക്കിയും തരും എന്ന് കരുതി, പക്ഷെ ഇത്ര ദിവസമായും നൽകാത്തത് കൊണ്ടാണ് പരാതി നൽകാം എന്ന് കരുതിയത്.... പിന്നെ 3000 രൂപയുടെ പേരും പറഞ്ഞു ആളുകൾ പോലീസ് സ്റ്റേഷനിൽ പരാതി നൽകുമോ എന്നൊരു സംശയവും ഉണ്ടായിരുന്നു......"
എന്ന അവളുടെ മറുപടി കേട്ടിട്ടു അദ്ദേഹം പറഞ്ഞു തുടങ്ങുകയാണ്......
3000 രൂപയല്ല, 3 രൂപ ആയാലും നിങ്ങളെ ഒരാൾ "പറ്റിച്ചു " സ്വന്തമാക്കി എന്ന് തോന്നിയാൽ നിങ്ങൾ മടിക്കാതെ സ്റ്റേഷനിൽ വരണം, നിങ്ങൾക്ക് വേണ്ടി സംസാരിക്കാനും പ്രതികരിക്കുവാനും ആണല്ലോ ഞങ്ങൾ ഇവിടെയുള്ളത്....
എന്നിട്ട്, അവൾ നൽകിയ, നമ്പറിൽ 3000 പറ്റിച്ചു മുങ്ങിയവനെ വിളിച്ചിട്ട് " നിങ്ങൾക്കെതിരെ സ്റ്റേഷനിൽ ഒരു പരാതി ലഭിച്ചിട്ടുണ്ട്, എപ്പോൾ സ്റ്റേഷനിൽ വരുവാൻ സാധിക്കും.... അതിന്റെ സത്യാവസ്ഥ നിങ്ങളിൽ നിന്നും അറിയുവാനാണ് " എന്നുള്ള ഒരു വിളിയും....
എന്നിട്ട് അവളോട് " ഞാൻ ഇവനെ വൈകിട്ട് ഒന്നൂടെ വിളിച്ചിട്ട് നാളെ രാവിലെ 10.30 ക്ക് സ്റ്റേഷനിൽ വരുവാൻ ഓർമിപ്പിക്കാം, നിങ്ങൾ ധൈര്യമായി പൊക്കൊളു, ഇതിനു നമുക്ക് നാളെയൊരു തീരുമാനം ഉണ്ടാക്കാം " എന്നൊരു ഉറപ്പ് കൊടുക്കലും......
പിറ്റേന്ന് രാവിലെ അവൾ ഹോസ്പിറ്റലിൽ ചെല്ലുമ്പോൾ അവിടുത്തെ ഫോണിൽ ഒരു മെസേജ് വന്നു കിടക്കുന്നുണ്ടായിരുന്നു... Your acoount hasn been credited 3000 " എന്നു രൂപത്തിൽ.....
ജീവിതത്തിൽ ഇത് പോലെയുള്ള , ഒട്ടേറെ
പ്രശ്നങ്ങൾ ഉണ്ടാവുമ്പോൾ പോലീസ് സ്റ്റേഷനിൽ പോയാൽ അവർ ഇതെങ്ങനെയെടുക്കും, അവർ നമ്മളോട് എങ്ങനെ പെരുമാറും എന്നൊക്കെ ആലോചിച്ചു സ്റ്റേഷനിൽ പോകാതെ ഈ പ്രശ്നങ്ങളെല്ലാം ഒറ്റക്ക് ഡീൽ ചെയ്യുവാൻ ശ്രമിച്ചു ഒടുക്കം പ്രശ്നം ആകെ വഷളാക്കുന്ന അവസ്ഥയിലേക്ക് എത്തിക്കുന്ന ഒട്ടേറെപേരെ അറിയാവുന്നത് കൊണ്ടു ഒരു കാര്യം പറയണം എന്ന് തോന്നി.......
ആക്ഷൻ ഹീറോ ബിജു എന്ന ചിത്രത്തിൽ പറയുന്ന പോലെ " ഇവിടെ ഏതു കേസും എടുക്കും, പാവപെട്ടവന്റെ സുപ്രിം കോടതി ആണെടാ ഓരോ പോലീസ് സ്റ്റേഷനും " എന്നത് പോലെ ചിന്തിക്കുന്ന പെരുമ്പാവൂർ പോലീസ് സ്റ്റേഷനിലെ മനോജ് സാറിനെ പോലെയുള്ളവർ കാക്കി കൂട്ടത്തിൽ ഉണ്ട്....
നിങ്ങൾ ധൈര്യമായി സ്റ്റേഷനിലേക്ക് ചെല്ലു......
കാര്യങ്ങൾക്കൊരു തീർപ്പ് ഉണ്ടാവട്ടെ....
മനോജ് സാർ,
ചെങ്കോൽ സിനിമയിൽ ലാലേട്ടൻ പറയുന്ന " ഒരു വട്ടം പോലീസ് സ്റ്റേഷനിൽ കയറിയാൽ ആ പേടിയങ്ങു മാറും സാറേ " എന്ന ഡയലോഗിന് ഇത്ര മനോഹരമായ വേറൊരു അർഥം കൂടെയുണ്ടെന്ന് മനസിലാക്കി തന്നതിനു നന്ദി.... ❤️
Written by Sanalkumar Padmanabhan
