08/06/2026
കാസർകോട്ട് 45 ഗ്രാം എംഡിഎംഎയുമായി ഒരാൾ അറസ്റ്റിൽ
● സംസ്ഥാനവ്യാപകമായി പോലീസ് നടപ്പിലാക്കി വരുന്ന ലഹരിവിരുദ്ധ കാമ്പയിനായ 'ഓപ്പറേഷൻ തൂഫാൻ' പദ്ധതിയുടെ ഭാഗമായി കാസർകോട്ട് എംഡിഎംഎ വേട്ട. കസബ എസ് ഡി റോഡിലെ പള്ളം പ്രദേശത്ത് നടത്തിയ പരിശോധനയിൽ 45 ഗ്രാം എംഡിഎംഎയുമായി ഒരാളെ പോലീസ് പിടികൂടി. അബ്ദുൽ നാസിർ (40) ആണ് പിടിയിലായത്.
● ജില്ലാ പോലീസ് മേധാവി ബി വി വിജയ് ഭരത് റെഡ്ഡിക്ക് ലഭിച്ച രഹസ്യവിവരത്തിൻ്റെ അടിസ്ഥാനത്തിൽ ഞായറാഴ്ച പുലർച്ചെ 1.30-ഓടെയാണ് പോലീസ് സംഘം പരിശോധന നടത്തിയത്. പിടിച്ചെടുത്ത ലഹരിമരുന്നിൻ്റെ അളവ് കൊമേഴ്സ്യൽ ക്വാണ്ടിറ്റി വിഭാഗത്തിൽ ഉൾപ്പെടുന്നതിനാൽ എൻ ഡി പി എസ് ആക്ട് 22(c) വകുപ്പ് പ്രകാരമാണ് കാസർകോട് പോലീസ് കേസെടുത്തിട്ടുള്ളത്.
● സബ് ഇൻസ്പെക്ടർമാരായ മൗഷ്മി, പ്രകാശൻ എന്നിവരുടെ നേതൃത്വത്തിൽ സീനിയർ സിവിൽ പോലീസ് ഓഫീസർ വിജേഷ്, സിവിൽ പോലീസ് ഓഫീസർമാരായ നീരജ്, സനൂപ്, നിജിൻ, അനീഷ് എന്നിവരടങ്ങിയ സംഘമാണ് പ്രതിയെ പിടികൂടിയത്.
● ലഹരി ശൃംഖലയുമായി പ്രതിക്ക് ബന്ധമുണ്ടോയെന്നും എംഡിഎംഎ കാസർകോട്ടെത്തിച്ചതിന് പിന്നിൽ മറ്റാരെങ്കിലും പ്രവർത്തിച്ചിട്ടുണ്ടോയെന്നും അന്വേഷിച്ചുവരികയാണെന്ന് പോലീസ് വ്യക്തമാക്കി. 'ഓപ്പറേഷൻ തൂഫാൻ' പദ്ധതിയുടെ ഭാഗമായി ജില്ലയിൽ ഇതുവരെ 51 കേസുകൾ രജിസ്റ്റർ ചെയ്യുകയും 55 പേരെ അറസ്റ്റ് ചെയ്യുകയും ചെയ്തതായി പോലീസ് അറിയിച്ചു.
വാർത്ത ഷെയർ ചെയ്യൂ 📢
**ASeize
Kasaragod police arrested a 40-year-old man, Abdul Nasir, from Pallam with 45 grams of M**A as part of Operation Toofan. The raid was conducted based on a tip-off received by District Police Chief B V Vijay Bharat Reddy. The police team was led by Sub Inspectors Moushmi and Prakashan, and included SCPO Vijesh, and CPOs Neeraj, Sanoop, Nijin, and Aneesh. A case has been registered under the NDPS Act. Kasaragod News. 'One arrested with 45 grams of M**A in Kasaragod'.
