18/09/2025
*పి.ఎం.ఏ.వై 2.0 ఆంగికార్ పోస్టర్ ఆవిష్కరణ*
కావలి, అమరావతి జ్యోతి;
*ప్రధాన మంత్రి ఆవాస్ యోజన (పి.ఎం.ఏ.వై) 2.0 హౌసింగ్ పథకాన్ని ప్రజలకు మరింత చేరువ చేయడం లక్ష్యంగా "ఆంగికార్" పోస్టర్‌ను కావలి మున్సిపాలిటీ కమిషనర్ జి. శ్రావణ్ కుమార్ గురువారం ఘనంగా ఆవిష్కరించారు*.
*ఈ సందర్భంగా కమిషనర్ మాట్లాడుతూ పి.ఎం.ఏ.వై పథకం కింద అర్హులైన నిరుపేదలకు స్వంత ఇల్లు కల్పించడం కేంద్ర ప్రభుత్వ ప్రధాన లక్ష్యమని చెప్పారు"ఇల్లు ప్రతి కుటుంబానికి ఒక ఆవశ్యకత. ఆ అవసరాన్ని తీర్చడమే ఈ పథకంతో సాధ్యం అవుతోంది. కావలి పరిధిలో అనేక కుటుంబాలు ఈ పథకం ద్వారా ప్రయోజనం పొందుతున్నాయి" అని ఆయన తెలిపారు*.
*అంతేకాక, ఆంగికార్ పోస్టర్ ద్వారా ప్రజల్లో హౌసింగ్ పథకం గురించి పూర్తి అవగాహన కలుగుతుందని, అర్హులైన వారు తప్పకుండా దరఖాస్తు చేసుకోవాలని పిలుపునిచ్చారు. పథకం అమలులో పారదర్శకత, వేగం కోసం అధికారులు ప్రత్యేక చర్యలు తీసుకుంటున్నారని ఆయన స్పష్టం చేశారు*.
*ఈ కార్యక్రమంలో మున్సిపాలిటీ సిబ్బంది, హౌసింగ్ శాఖ అధికారులు, ప్రజా ప్రతినిధులు,తదితరులు పాల్గొన్నారు*.
