𝐊𝐈𝐋𝐈𝐌𝐀𝐍𝐎𝐎𝐑 𝐕𝐀𝐑𝐓𝐇𝐀 കിളിമാനൂർ വാർത്ത

31/10/2024

കിളിമാനൂർ, പുതിയകാവ് ജംഗ്ഷനിൽ ആറ്റിങ്ങൽ റോഡിൽ 800 സ്ക്വയർ ഫീറ്റ് ഗ്രൗണ്ട് ഫ്ലോർ കടമുറി വാടകയ്ക്ക്. ആവശ്യമുള്ളവർ ബന്ധപ്പെടുക.

ഫോൺ: +919567602916

03/10/2024

ഹരിതവൽക്കരണം നൂറ് ശതമാനം പൂർത്തിയാക്കിയ തിരുവന്തപുരം ജില്ലയിലെ ഏക പോലീസ് സ്റ്റേഷനാണ് കിളിമാനൂരിലുള്ളത്. ടൗൺ സൗന്ദര്യവൽക്കരണത്തിൻ്റെ ഭാഗമായി പോലീസ് സ്റ്റേഷൻ പരിസരം കൂടുതൽ ഹരിതമയമാക്കുന്നതിന് ഹരിതസഹായ സ്ഥാപനമായ ഗ്രീൻ വെർമസ് സ്പോൺസർ ചെയ്ത ചെടികൾ കഴിഞ്ഞ ദിവസം തദ്ദേശ സ്വയംഭരണ സ്ഥാപനത്തിൻ്റെ നേതൃത്വത്തിൽ വിതരണം ചെയ്തു. നിരവധി കേസുകളിൽപ്പെട്ട വാഹനങ്ങൾ കൂട്ടിയിട്ട് അതിനു മുകളിലൂടെ ചെടികൾ വളർത്തി സ്റ്റേഷൻ പരിസരം ഹരിതമയമാക്കിയ മാതൃക പഠിയ്ക്കാൻ വിദേശ രാജ്യങ്ങളിൽ നിന്നും നിരവധി പേരാണ് ദിവസേന ഇവിടെയെത്തുന്നത്.

10/02/2024

തട്ടത്തുമലയിൽ വൃദ്ധയെ തോട്ടിൽ മരിച്ചനിലയിൽ കണ്ടെത്തിയ സംഭവത്തിൽ ദുരുഹതയില്ലെന്ന് പൊലീസ്

09/02/2024

കിളിമാനൂർ കാനാറയിൽ യുവാവിനെ മരിച്ചനിലയിൽ കണ്ടെത്തി

09/02/2024

സ്റ്റുഡന്‍റ് പോലീസ് കേഡറ്റ് പ്രോജക്ടിന്‍റെ സംസ്ഥാനതല ക്വിസ് മത്സരത്തില്‍ തിരുവനന്തപുരം റൂറല്‍ പോലീസ് ജില്ലയിലെ മടവൂര്‍ എന്‍.എസ്.എസ് ഹയര്‍സെക്കന്‍ററി സ്കൂള്‍ ഒന്നാം സ്ഥാനം നേടി. അനന്യ പി.എസ്, ആദിദേവ് പി.എസ്, അപര്‍ണ്ണ ആര്‍.ബി എന്നിവരായിരുന്നു സംഘാംഗങ്ങള്‍. തിരുവനന്തപുരം പേരൂര്‍ക്കട എസ്.എ.പി ക്യാമ്പില്‍ നടന്ന ക്വിസ് മത്സരം ജി.എസ് പ്രദീപ് നയിച്ചു. വിജയികള്‍ക്ക് യഥാക്രമം 25,000 രൂപയും 15,000 രൂപയും 10,000 രൂപയും എവര്‍ റോളിങ് ട്രോഫിയും സര്‍ട്ടിഫിക്കറ്റുകളും ലഭിക്കും. ശനിയാഴ്ച തൈക്കാട് പോലീസ് ട്രെയിനിങ് കോളേജില്‍ വച്ച് ഐ.എസ്.ആര്‍.ഒ ചെയര്‍മാന്‍ എസ്. സോമനാഥ് വിജയികള്‍ക്ക് സമ്മാനം നല്‍കും.

09/02/2024

കാരേറ്റ് നഗരൂർ റോഡിൽ പുനർനിർമ്മിച്ച ചെറുക്കാരം പാലത്തിൻ്റെ ഉത്ഘാടനം പൊതുമരാമത്ത് വകുപ്പ് മന്ത്രി പി.എ മുഹമ്മദ് റിയാസ് നിർവ്വഹിച്ചു

08/02/2024

കൊട്ടാര മുറ്റത്ത് നെൽകൃഷിയിൽ നൂറുമേനി വിളയിച്ച് കിളിമാനൂർ ബ്ലോക്ക് കാർഷിക കർമ്മസേന

08/02/2024

17/04/2023

തിരുവനന്തപുരത്തുനിന്നും കിളിമാനൂരിലേക്ക് വരികയായിരുന്ന യുവാവിൽ നിന്നും മൊബൈൽ ഫോണും പഴ്സും പിടിച്ചു പറിച്ച കേസിലെ പ്രതി അറസ്റ്റിൽ. കിളിമാനൂർ , അടയമൺ, പച്ചയിൽ വീട്ടിൽ, അഞ്ഞൂറാൻ എന്ന് വിളിക്കുന്ന മഹേഷ് (32) ആണ് അറസ്റ്റിലായത് .

15/04/2023

ബസ് യാത്രക്കാരന്റെ കയ്യിലെ പണം പിടിച്ചുപറിക്കുന്നത് തടയാൻ ശ്രമിച്ചപ്പോൾ കൈ കടിച്ചു മുറിച്ച് രക്ഷപ്പെടാൻ ശ്രമിച്ച പ്രതിയെ കിളിമാനൂർ പോലീസ് പിടികൂടി.
കിളിമാനൂർ സ്വദേശിയായ രവി എന്നയാളുടെ കൈയിൽ നിന്നും ബസ്സിറങ്ങുന്ന സമയം പതിനായിരം രൂപ തട്ടിപ്പറിച്ച് രക്ഷപ്പെടാൻ നോക്കിയ കേസിലെ പ്രതിയായ കിളിമാനൂർ ,പാപ്പാല സ്വദേശി സന്തോഷ് ആണ് പിടിയിലായത്. ഇക്കഴിഞ്ഞ വെള്ളിയാഴ്ച രാവിലെ പോങ്ങനാട് നിന്നും കിളിമാനൂരിലേയ്ക്കു സർവീസ് നടത്തുന്ന സ്വകാര്യ ബസിലായിരുന്നു സംഭവം. പണം തട്ടിയെടുക്കാൻ ഒരുങ്ങവെ തടയാൻ ശ്രമിച്ചപ്പോൾ ഉടമയുടെ കൈ കടിച്ചു മുറിച്ച് പരിക്കേൽപ്പിച്ച ശേഷം പ്രതി ഓടി രക്ഷപ്പെടുകയായിരുന്നു. ഈ സമയം പട്രോളിംഗ് ഡ്യൂട്ടിയിലുണ്ടായിരുന്ന പോലീസിന് കിട്ടിയ വിവരത്തിന്റെ അടിസ്ഥാനത്തിൽ നടത്തിയ അന്വേഷണത്തിൽ പ്രതിയെ പിടികൂടുകയായിരുന്നു.

14/04/2023

കടയിൽ സാധനങ്ങൾ വാങ്ങാനെത്തിയ യുവതിയോട് മദ്യപിച്ച് അപമര്യാദ കാട്ടിയ കേസിലെ പ്രതി അറസ്റ്റിൽ

12/04/2023

വീട്ടിൽ അതിക്രമിച്ച് കയറി സ്ത്രീയെ ആക്രമിച്ച കേസിൽ മടവൂർ സ്വദേശി അറസ്റ്റിൽ