Amin Ul Hind

29/06/2025

پریس ریلیز
تاریخ: 29 جون 2025
مقام: گاندھی میدان، پٹنہ

وقف ترمیمی قانون کے خلاف امارتِ شرعیہ کی پکار پر لاکھوں افراد کا تاریخی اجتماع

امارتِ شرعیہ (بہار، اڑیسہ، جھارکھنڈ و مغربی بنگال) کی دعوت پر آج 29 جون 2025 کو پٹنہ کے تاریخی گاندھی میدان میں “وقف بچاؤ، دستور بچاؤ” کے عنوان سے ایک عظیم الشان کانفرنس کا انعقاد عمل میں آیا، جس نے اپنی وسعت، نظم، اور اثر انگیزی کے لحاظ سے تاریخ رقم کر دی۔

اس عظیم عوامی اجتماع میں نہ صرف بہار، اڑیسہ، جھارکھنڈ اور مغربی بنگال سے بلکہ ملک کے مختلف حصوں سے لاکھوں کی تعداد میں عوام نے شرکت کی۔ گاندھی میدان مکمل طور پر انسانی سروں کے سمندر میں تبدیل ہو چکا تھا۔ وقف ترمیمی قانون کے خلاف یہ اب تک کا سب سے بڑا اجتماع تصور کیا جا رہا ہے۔

کانفرنس کی صدارت امیرِ شریعت حضرت مولانا احمد ولی فیصل رحمانی صاحب دامت برکاتہم نے فرمائی، جب کہ اسٹیج پر ملک کی تقریباً تمام بڑی ملی و سماجی تنظیموں کے سرکردہ قائدین اور ان سیاسی پارٹیوں کے نمایندے موجود تھے جن کا مؤقف وقف ترمیمی قانون کے خلاف ہے۔

تمام مقررین نے اس بات پر زور دیا کہ وقف ایک مذہبی و دستوری امانت ہے، جس میں کسی بھی طرح کی حکومتی مداخلت ناقابلِ قبول ہے۔ انہوں نے امارتِ شرعیہ کی اس بیداری مہم اور اس پُرامن احتجاج کو سراہتے ہوئے حضرت امیرِ شریعت کے ہر فرمان پر لبیک کہنے کا عہد کیا۔

شدید گرمی اور دھوپ کی تمازت کے باوجود عوام کا جوش و خروش مثالی رہا۔ شرکاء نے پرامن انداز میں پورے صبر و استقلال کے ساتھ وقف کے تحفظ کے حق میں اپنی آواز بلند کی۔

پروگرام کا اختتام حضرت امیرِ شریعت کی بصیرت افروز تقریر اور پُراثر دعا پر ہوا، جس نے پورے مجمع کو روحانی سکون بخشا اور آئندہ کے لیے عزم و حوصلہ دیا۔

01/06/2025

🔴 غیر شرعی حرکات کے روک تھام کے لئے شمالی دیناج پور کے گوالپوکھر،جھلجھلی عیدگاہ میں میٹنگ میں شرکت کی اپیل

29/05/2025

🔴 جامعہ قاسم العلوم منجھوک کے شیخ الحدیث مفتی عبدالحمید صاحب کی نئی کتاب فضائل و مسائلِ قربانی کا آج رسم اجراء ادا کیا گیا|

04/05/2025

29/03/2025

🔴 اتردیناجپور ضلع کے تحت گوالپوکھر کے منجھوک کے دارالعلوم قاسمیہ میں الخیر ہدیٰ ٹرسٹ کی جانب سے سینکڑوں علماء کے درمیان فوڈ پیکٹ تقسیم کیا گیا ||

23/03/2025

وقف ترمیمی بل2024 کے خلاف ملک گیر تحریک
آل انڈیا مسلم پرسنل لا بورڈ نے کیا بڑا اعلان

نئی دہلی: 23؍ مارچ 2025
دہلی کے کامیاب مظاہرے کے بعد آل انڈیا مسلم پرسنل لا بورڈ نے وقف ترمیمی بل کے خلاف کل ہند تحریک چلانے کا اعلان کیا ہے۔ آل انڈیا مسلم پرسنل لا بورڈ کے ترجمان اور مجلس عمل کے کنوینر ڈاکٹر سید قاسم رسول الیاس نے تمام مسلم تنظیموں، سول سوسائٹی موومینٹ، دلت، آدیباسی، او بی سی اور اقلیتی رہنماؤں کا بورڈ کی جانب سے شکریہ ادا کرتے ہوئے کہا کہ اللہ کی تائید و نصرت اور ان کے تعاون کے بغیردہلی کاعظیم الشان مظاہرہ ممکن نہیں تھا۔ ہم ان تمام اپوزیشن پارٹیوں اور ممبران پارلیمنٹ کے بھی مشکور ہیں جنہوں نے نہ صرف اتنی بڑی تعداد میں شرکت کی بلکہ پوری قوت سے وقف ترمیمی بل 2024 کو کلیتاً مسترد کردیا۔

وقف ترمیمی بل 2024 پر آل انڈیا مسلم پرسنل لابورڈ کی جانب سے بنائی گئی 31 ارکان پر مشتمل مجلس عمل نے فیصلہ کیا کہ بورڈ اس متنازعہ، امتیازی اور سخت نقصاندہ بل کے خلاف تمام دستوری، قانونی اور جمہوری راستے اختیار کرکے ایک ملک گیر تحریک چلائے گا۔ جس کے پہلے مرحلے کے طور پر پٹنہ میں ( 26 مارچ) اور وجے واڑہ میں ( 29 مارچ) کو ریاستی اسمبلی کے سامنے بڑے احتجاجی دھرنوں کا اہتمام کیا جارہا ہے۔ ان دھرنوں میں بورڈ کی مرکزی قیادت، دینی و ملی جماعتوں کی مرکزی و ریاستی قیادت شرکت کرے گی۔ اسی طرح سول سوسائٹی کے رہنماء، دیگر اقلیتی طبقات کی سرکردہ شخصیات اور دلت، آدیباسی نیز او بی سی طبقات کے رہنماء بھی شریک ہوں گے۔ بورڈ کی جانب سے سیاسی پارٹیوں کے رہنماؤں اور ممبران پارلیمنٹ کو بھی مدعو کیا گیا ہے۔ گو کہ تمام سیاسی پارٹیوں نے اپنے ممبران کو وہپ جاری کرکے پارلیمنٹ کے تمام سیشنس میں ان کی شرکت لازمی قرار دی ہے، تاہم ہماری کوشش ہوگی کہ کم ازکم جے پی سی کے اپوزیشن ممبران ان دونوں دھرنوں میں شریک ہوں۔ اس کے علاوہ پٹنہ کے دھرنے میں جے ڈی یو، آر جے ڈی، کانگریس اور لوک جن شکتی پارٹی کے ریاستی رہنماؤں بشمول چیف منسٹرکو بھی مدعو کیا گیا ہے۔ اسی طرح آندھرا پردیش کی حکمراں پارٹی ٹی ڈی پی، وائی ایس آر کانگریس، کانگریس پارٹی اور بائیں محاذ کی پارٹیوں کو بھی مدعو کیا گیا ہے۔
بورڈ کے ترجمان نے کہا کہ ہم ان دونوں دھرنوں سے بی جے پی کی حلیف پارٹیوں کو ایک واضح پیغام دینا چاہتے ہیں کہ یا تو وہ بل کی حمایت سے ہاتھ کھینچ لیں یا پھر مسلمانوں، اقلیتوں، سول سوسائٹیز اور انصاف پسند شہریوں کی حمایت سے محروم ہوجائیں۔ ڈاکٹر الیاس کے مطابق مسلم پرسنل لا بورڈ نے ملک گیر آندولن کا ایک تفصیلی پروگرام بنایا ہے۔ جس کے تحت ملک کی ہر ریاست کی راجدھانی میں احتجاجی پروگرام آرگنائز کئے جائیں گے۔ حیدرآباد، ممبئی، کلکتہ، بنگلور، مالیر کوٹلہ( پنجاب) اور رانچی میں بڑے احتجاجی جلسے منعقد کئے جائیں گے۔ مسلسل دھرنوں اور ہیومن چین کا بھی اہتمام کیا جائے گا۔ پرنٹ و الیکٹرانک میڈیا اور سوشل میڈیا کا بھرپور استعمال کیا جائے گا۔ اس درمیان کئی بار X پر ٹیوٹر ہیش ٹیگ کمپین چلائی جائے گی۔ ہر بڑے شہر اور ضلعی ہیڈکوارٹرس پر مسلسل دھرنوں، کانفرنسوں کا اہتمام کیا جائے گا اور ڈی ایم اور کلکٹر کے ذریعے صدر جمہوریہ کو میمورنڈم دئے جائیں گے۔

✍️ جاری کردہ
ڈاکٹر محمد وقار الدین لطیفی
آفس سکریٹر

22/03/2025

تحفظ اوقاف کے لئے پٹنہ بہار میں عظیم الشان مظاہرہ!

محترم ائمہ کرام، دانشوران ملت!

ملت اسلامیہ کی ان تھک کوششوں کے باوجود مرکزی حکومت ہمارے اوقاف (مساجد، مدارس، عید گاہیں، خانقاہیں، قبرستان، درگاہیں اور خیراتی اداروں) کو ہڑپنے اور برباد کرنے کے گھناؤنے منصوبہ کو روبہ عمل لانے جارہی ہے۔ اندیشہ ہے کہ موجودہ جاری پارلیمنٹ سیشن میں متنازعہ وقف بل پیش ہو کر منظور ہو جائے۔ پھر اس کے بعد ہر شہر اور گلی کوچوں میں ایک طوفان بد تمیزی برپا ہو گا۔
ملت اسلامیہ ہندیہ کا مؤقر پلیٹ فارم آل انڈیا مسلم پرسنل لا بورڈ 26 مارچ 2025 کو صبح 10:00 بجے سے دوپہر 02:00 تک دھرنا استھل، تھانہ روڈ، گردنی باغ، پٹنہ میں ایک عظیم الشان احتجاجی مظاہرہ کا انعقاد کر رہا ہے۔ جس کی قیادت ملت کی دینی و ملی جماعتوں، سیاسی و سماجی تنظیموں کی مرکزی قیادت کرے گی۔ جس میں سیاسی جماعتوں کے رہنما، ہمارے سکھ اور عیسائی بھائی، دلت، ادیباسی اور اوبی سی کے رہنما نیز سول سوسائٹی کے اکٹیوسٹ بھی شرکت فرمائیں گے۔

احتجاج ہمارا جمہوری و آئینی حق ہے، جسے پر امن اور منظم انداز میں انجام دینا ہم سب کی شرعی و اخلاقی ذمہ داری ہے۔ اللہ تعالیٰ ہمیں استقامت کے ساتھ دین پر ثابت قدم رکھے اور ہمارے اوقاف و ملی تشخص کی حفاظت فرمائے۔
آپ حضرات سے مؤدبانہ گزارش ہے کہ خطبہ جمعہ میں اس دھرنے کی اہمیت اور اس میں شرکت کی ضرورت پر روشنی ڈالیں اور عوام الناس کو اس میں بھر پور طریقے سے شامل ہونے کی ترغیب دیں۔

والسلام
- مولانا خالد سیف اللہ رحمانی، صدر آل انڈیا مسلم پرسنل لا بورڈ
- مولانا سید ارشد مدنی، نائب صدر بورڈ و صدر جمعیۃ علماء ہند
- مولانا عبید اللہ خان اعظمی، نائب صدر آل انڈیا مسلم پر سنل لا بورڈ
- جناب سید سعادت اللہ حسینی، نائب صدر بورڈ وامیر جماعت اسلامی ہند
- مولانا اصغر علی امام مہدی سلفی، نائب صدر بورڈ و امیر جمعیت اہل حدیث
- مولانا محمد علی محسن تقوی، نائب صدر مسلم پرسنل لا بورڈ
- مولانا محمد فضل الرحیم مجددی، جنرل سکریٹری آل انڈیا مسلم پرسنل لا بورڈ
- مولانا سید محمود اسعد مدنی، صدر جمعیۃ علماء ہند
- ڈاکٹر سید قاسم رسول الیاس، کنویز مجلس عمل، ترجمان بورڈ

اپیل کنندگان:
مولانا احمد ولی فیصل رحمانی (امیر شریعت، امارت شرعیہ بہار، اڑیسہ، جھار کھنڈ)، مولانا سید شاہ منہاج الدین مجیبی صاحب (خانقاہ مجیبیہ، پھلواری شریف)، ڈاکٹر سید شاہ شمیم الدین احمد منعمی صاحب (خانقاه منعمیہ، پٹنہ سیٹی)، مولانار ضوان احمد اصلاحی (امیر حلقہ، جماعت اسلامی ہند، بہار)، ڈاکٹر فرید امان اللہ (ادارہ شرعیہ)، ڈاکٹر فیض احمد قادری (جمعیۃ علما ہند)، مولانا محمد ناظم صاحب (جمعیۃ علماء ہند)، مولانا خورشید احمد مدنی صاحب (مرکزی جمعیت اہل حدیث)، مولانا انیس الرحمن قاسمی (نائب صدر، آل انڈیا ملی کونسل)، مولانا ابوالکلام قاسمی شمسی (آل انڈیا مومن کا نفرنس)، مولانا سید امانت (حسین مجلس علماء، خطباء امامیہ بہار)۔

11/03/2025

“वक़्फ़ संशोधन बिल” : वक़्फ़ संपत्तियों को नष्ट करने और हड़पने की साजिश, हम इसे पूरी तरह खारिज करते हैं : ऑल इंडिया मुस्लिम पर्सनल लॉ बोर्ड

ऑल इंडिया मुस्लिम पर्सनल लॉ बोर्ड इस वक़्फ़ संशोधन बिल विभिन्न धार्मिक व सामाजिक संगठनों और देश के तमाम न्यायप्रिय नागरिकों के साथ मिलकर अपने लोकतांत्रिक और संवैधानिक अधिकार का उपयोग करते हुए 17 मार्च 2025 को जंतर मंतर, दिल्ली पर “धरना” देगा।

08/03/2025

🟥 آل انڈیا مسلم پرسنل لاء بورڈ کا وقف ترمیمی بل کے خلاف 13 مارچ کو دہلی کے جنتر منتر روڈ پر مظاہرہ، شرکت کی اپیل ||
🟥 All India Muslim Personal Law Board Ka Waqf Amendment Bill Ke Khilaf 13 March ko Delhi Mai Protest ||

04/03/2025

� نعت شریف| مرکزی ادارہ شرعیہ | مولانا غلام رسول بلیاوی |

28/02/2025

🔴آج رمضان المبارک کا چاند نظر نہیں آیا: مرکزی ادارہ شرعیہ

17/02/2025

مغربی بنگال کے تحت گوالپوکھر کے گلشن رضا کانفرنس سے مولانا غلام رسول بلیاوی کا خطاب براہ راست نشر