27/03/2026
انسان کی زندگی بہت مختصر ہے، لیکن اللہ تعالیٰ نے اپنے فضل سے ایسے اعمال عطا فرمائے ہیں جن کا اجر انسان کی موت کے بعد بھی جاری رہتا رہتا ہے۔ انہی میں سے ایک عظیم عمل صدقۂ جاریہ ہے۔
نبی کریم ﷺ نے ارشاد فرمایا:
"جب انسان مر جاتا ہے تو اس کے تمام اعمال ختم ہو جاتے ہیں، سوائے تین چیزوں کے: صدقۂ جاریہ، یا ایسا علم جس سے فائدہ اٹھایا جائے، یا نیک اولاد جو اس کے لیے دعا کرے۔"
صدقۂ جاریہ وہ صدقہ ہے جس کا فائدہ مسلسل لوگوں تک پہنچتا رہے، جیسے: مسجد بنوانا، کنواں کھدوانا، دینی مدارس کی مدد کرنا، قرآن مجید تقسیم کرنا، یا کسی کو علم سکھانا۔
آج ہم دنیا میں رہتے ہوئے بہت کچھ جمع کرتے ہیں، مگر اصل کامیابی یہ ہے کہ ہم آخرت کے لیے کچھ بھیجیں۔
یاد رکھئے! ایک چھوٹا سا عمل بھی اگر اخلاص کے ساتھ ہو، تو وہ قیامت تک آپ کے نامۂ اعمال میں نیکیوں کا اضافہ کرتا رہتا ہے۔
آئیے! ہم سب نیت کریں کہ اپنی زندگی میں صدقۂ جاریہ کا حصہ ضرور ڈالیں، تاکہ ہماری قبر بھی روشن ہو اور ہمارا اجر بھی جاری رہے۔
