25/01/2026
സ്നേഹം നിറഞ്ഞ നന്ദി!
നീലാംബരി പ്രൊഡക്ഷൻസ് വൈഡ് സ്ക്രീൻ മീഡിയാ പ്രൊഡക്ഷൻസ് എന്നീ ബാനറിൽ മുരളി നീലാംബരി, ഡോ: മനോജ് ഗോവിന്ദൻ, പ്രദീപ്കുമാർ, മോഹനൻ കൂനിയേത്ത് എന്നിവർ ചേർന്ന് നിർമ്മിച്ച "വടു - The Scar " എന്ന ചിത്രത്തിൻ്റെ ഓഡിയോ പ്രകാശന കർമ്മം ചാവറ കൾച്ചറൽ സെൻ്ററിൽ നടന്നു.
മലയാളത്തിൻ്റെ വാനമ്പാടി ഗായിക, പത്മഭൂഷൻ കെ.എസ്. ചിത്ര, മാധ്യമ പ്രവർത്തകനും, സംവിധായകനുമായ എം.കെ രാമദാസിനു നൽകിയാണ് ഓഡിയോ പ്രകാശനം ചെയ്തത്. ചെറുവയൽ രാമനെ കുറിച്ചുള്ള ഡോക്യുമെൻ്റെറിക്ക്, ദേശീയ പുരസ്കാരം നേടിയ സംവിധായകനാണ് എം.കെ. രാമദാസ്.
ചടങ്ങിൽ പങ്കെടുത്ത് ഞങ്ങളോട് സഹകരിച്ച എല്ലാവർക്കും ഹൃദയത്തിൻ്റെ ഭാഷയിൽ അകൈതവമായ കൃതജ്ഞത രേഖപ്പെടുത്തുന്നു
മുരളി നീലാംബരി എഴുതിയ വരികൾക്ക് നവാഗതനായ പി ഡി സൈഗാൾ സംഗീതം പകരുന്ന നാലു ഗാനങ്ങളാണ് ഈ ചിത്രത്തിലുള്ളത്.
ചിത്ര ചേച്ചിയും, മധു ബാലകൃഷ്ണനും, നിഖിൽ രാജും ഗാനങ്ങൾ ആലപിച്ചിരിക്കുന്നു.
സുനിലാൽ ചേർത്തല മനോഹരമായി ഓർക്കസ്ട്ര നൽകിയിരിക്കുന്ന ഗാനങ്ങൾ റെക്കോർഡ് ചെയ്തിരിക്കുന്നത് ഡിജിസ്റ്റാർ മീഡിയായിലെ സന്തോഷ് ഇറവൻകരയും, ഗാനങ്ങൾ മിക്സ് ചെയ്ത് മാസ്റ്റർ ചെയ്തിരിക്കുന്നത്,
മൈ സ്റ്റുഡിയോ യിലെ സായ് പ്രകാശും ആണ്.
ഗാനരചയിതാവും ഇന്ത്യാ ബുക്ക് ഓഫ് റെക്കോർഡ് ജേതാവുമായ ഡോ.ബി.ജി. ഗോകുലൻ, ചലചിത്ര നടി മായാ മേനോൻ, ചാവറ കൾച്ചറൽ സെൻ്റർ ഡയറക്ടർ ഫാദർ അനിൽ ഫിലിപ്പ് CSI, സംവിധായകൻ ശ്രീജിത്ത് പൊയിൽക്കാവ്, പി.ഡി സൈഗാൾ, മുരളി നീലാംബരി, ഷീബ പ്രദീപ് എന്നിവർ ചടങ്ങിൽ പങ്കെടുത്ത് സംസാരിച്ചു.
ടി.ജി രവി, ശ്രീജിത്ത് രവി, ശിവജി ഗുരുവായൂർ, മണികണ്ഠൻ പട്ടാമ്പി, ആര്യ എന്നിവരെ പ്രധാന കഥാപാത്രങ്ങളാക്കി ശ്രീജിത്ത് പൊയിൽക്കാവ് തിരക്കഥയെഴുതി സംവിധാനം ചെയ്ത "വടു-The Scar" എന്ന ചിത്രത്തിൻ്റെ ഛായാഗ്രഹണം വിപിൻ ചന്ദ്രൻ നിർവ്വഹിക്കുന്നു.
എഡിറ്റർ-രതിൻ രാധാകൃഷ്ണൻ, ചീഫ് അസോസിയേറ്റ് ഡയറക്ടർ-രവി വാസുദേവ്, അസിസ്റ്റൻ്റ് ഡയറക്ടർ- ബാലാസാഗർ, അഞ്ചിത, സൗണ്ട് ഡിസൈൻ ആന്റ് ബിജിഎം - നിഖിൽ കെ മോഹൻ, ഫിനാൻസ് കൺട്രോളർ - ശ്രീകുമാർ പ്രിജി, കല - വിനീഷ് കണ്ണൻ, പരസ്യകല - വിഷ്ണു രാമദാസ്, ഷാജി പാലൊളി, കോസ്റ്റ്യൂംസ് - പ്രസാദ് ആനക്കര, മേക്കപ്പ് - വിനീഷ് ചെറുകാനം, സ്റ്റിൽസ് - രാഹുൽ ലൂമിയർ, പ്രൊഡക്ഷൻ കൺട്രോളർ - കമലേഷ് കടലുണ്ടി, മനോജ് കുമാർ,
മയൂര സ്റ്റുഡിയോ തൃശ്ശൂർ, ഫുൾ സിനിമാസ് കൊച്ചി യിലെ സുരേഷ് (DI), സന്ദീപ് ശ്രീധരൻ (Final Sound Mixing), കപിൽ ഗോപാലകൃഷ്ണൻ, മാർജ്ജാരയിലെ ജിനേഷ് (VFS), രാജേഷ് ജന (Subtitle) അമ്പിളികുമാർ (സെൻസർ സ്ക്രിപ്റ്റ്), സക്കീർ ഹുസൈൻ ( AWBI Permission) എന്നിവർ അണിയറ പ്രവർത്തകരാണ്.
പ്രൊമോഷൻ സോങ് സംവിധാനം ചെയ്ത കണ്ണൻ ബ്രഹ്മമംഗലം, ചിത്രീകരിച്ച് എഡിറ്റ് ചെയ്ത് കളർ
ഗ്രേഡ് ചെയ്ത തുഷാർ മീഡിയ കൊച്ചിയിലെ തുഷാർ സുകുമാരൻ അഭിനയിച്ച ബിന്ദു പ്രമോദ് എന്നിവരും സിനിമയുടെ ഭാഗമാണ്
PRO -എ.എസ്. ദിനേശ്, മനു ശിവൻ.
