Media Rangh

13/05/2026

സീനിയർ സെക്കൻഡറി സിബിഎസ്ഇ പരീക്ഷാഫലത്തിൽ ഉജ്ജ്വല വിജയവുമായി ന്യൂ ഇന്ത്യൻ സ്കൂൾ, ബഹ്‌റൈൻ. ഫെബ്രുവരിയിൽ നടന്ന പന്ത്രണ്ടാം ക്ലാസ് ബോർഡ് പരീക്ഷയിൽ 99.5 ശതമാനം വിജയം കൈവരിച്ചാണ് സ്കൂൾ ഈ നേട്ടം ആഘോഷിച്ചത്.

പരീക്ഷ എഴുതിയ 202 വിദ്യാർത്ഥികളിൽ 172 പേർ ഫസ്റ്റ് ക്ലാസ് കരസ്ഥമാക്കി. ഇതിൽ 102 പേർ ഡിസ്റ്റിംഗ്ഷനോടെയാണ് വിജയിച്ചത്.

സയൻസ് സ്ട്രീം (Science Stream) സയൻസ് വിഭാഗത്തിൽ മികച്ച മാർക്കോടെ മുന്നിലെത്തിയവർ:

ഒന്നാം സ്ഥാനം: നന്ദിനി ശ്രീദേവി കുമാരവേൽ (97.6%)
രണ്ടാം സ്ഥാനം: ദിവ്‌ജ്യോത് സിംഗ് ബാൽ (97%)
മൂന്നാം സ്ഥാനം: ഇഷിക രഞ്ജിത്ത് നായർ (95.8%)

കൊമേഴ്സ് സ്ട്രീം (Commerce Stream). കൊമേഴ്സ് വിഭാഗത്തിൽ മികച്ച വിജയം നേടിയവർ:

ഒന്നാം സ്ഥാനം: അൽഫിയ റെജൻ വർഗീസ് (98.8%)
രണ്ടാം സ്ഥാനം: ജെയിംസ് സാജു മാത്യു (97.2%)
മൂന്നാം സ്ഥാനം: ഫർഹിന ഫാത്തിമ ഷെയ്ഖ്, വൈഗ ഷിജോയ്, പീഹു ദേശായി എന്നിവർ 96.8% മാർക്കോടെ മൂന്നാം സ്ഥാനം പങ്കിട്ടു.

വിവിധ വിഷയങ്ങളിൽ ഏറ്റവും അധികം മാർക്ക് നേടിയ വിദ്യാർത്ഥികൾ:

ഇംഗ്ലീഷ്: നന്ദിനി ശ്രീദേവി കുമാരവേൽ, തനിഷ്ക ചക്രയൻ, ശ്രേയ സാജു, മുഹമ്മദ് ഇർഫാൻ നൗഫൽ, സുറാഫ മുഹമ്മദ് അഷ്റഫ്, ആൽബിൻ ബെന്നി, ഫർഹീന ഫാത്തിമ ഷെയ്ഖ്, വൈഗ ഷിജോയ്, മെറിൽ ആൻ മനോജ്, അൽഫിയ റെജൻ വർഗീസ്, സി. ബി. സഹാന.

മാത്തമാറ്റിക്സ്: പ്രഭ്‌ജോത് സിംഗ്, ദിവ്‌ജ്യോത് സിംഗ് ബാൽ.

ബയോളജി: നന്ദിനി ശ്രീദേവി കുമാരവേൽ, അന്ന ട്രീസ, ദിവ്‌ജ്യോത് സിംഗ് ബാൽ, ഇഷിക രഞ്ജിത്ത് നായർ.

ഫിസിക്സ് (94): പുൽകിത് സിംഗ്ല.

കെമിസ്ട്രി (97): നന്ദിനി ശ്രീദേവി കുമാരവേൽ, ശ്രീദേവ് മാണിക്കോത്ത്.

കമ്പ്യൂട്ടർ സയൻസ്: അനിരുദ്ധ് രാജേഷ്, ശ്രേയ സാജു, മുഹമ്മദ് ഇർഫാൻ നൗഫൽ, പ്രഭ്‌ജോത് സിംഗ്, പുൽകിത് സിംഗ്ല.

ബിസിനസ് സ്റ്റഡീസ്: അൽഫിയ റെജൻ വർഗീസ്.

ഇൻഫോർമാറ്റിക്സ് പ്രാക്ടീസസ്: അഭിലാഷ് കണ്ണൻ, ജെയിംസ് സാജു മാത്യു, ഫർഹീന ഫാത്തിമ ഷെയ്ഖ്.

അപ്ലൈഡ് മാത്തമാറ്റിക്സ്: അൽഫിയ റെജൻ വർഗീസ്, പീഹു ദേശായി.

ഇക്കണോമിക്സ് (99): അൽഫിയ റെജൻ വർഗീസ്.

അക്കൗണ്ടൻസി (99): ജെയിംസ് സാജു മാത്യു.

മാർക്കറ്റിംഗ് (99): സി. ബി. സഹാന, വൈഗ ഷിജോയ്.

വിദ്യാർത്ഥികളുടെ മികച്ച വിജയത്തിൽ സ്‌കൂൾ മാനേജ്‌മെന്റും അധ്യാപകരും അഭിനന്ദനങ്ങൾ അറിയിച്ചു

13/05/2026

ഈ വർഷത്തെ സിബിഎസ്ഇ പന്ത്രണ്ടാം ക്ലാസ് പരീക്ഷയിൽ ഇന്ത്യൻ സ്കൂൾ വിദ്യാർത്ഥികൾക്ക് ഉജ്വല വിജയം. ഇത്തവണയും ഇന്ത്യൻ സ്‌കൂൾ അതിന്റെ ദീർഘകാല അക്കാദമിക മികവിന്റെ പാരമ്പര്യം ഉയർത്തിപ്പിടിച്ചു. സ്കൂൾ 98.09 എന്ന മികച്ച ഓവറോൾ വിജയശതമാനം കൈവരിച്ചു.

ഹ്യുമാനിറ്റീസ്, കൊമേഴ്‌സ് വിഭാഗങ്ങളിൽ സ്കൂൾ നൂറു ശതമാനം വിജയം കരസ്ഥമാക്കി. 21 വിദ്യാർത്ഥികൾ എല്ലാ വിഷയങ്ങളിലും എ വൺ ഗ്രേഡുകൾ നേടിയപ്പോൾ, 52 വിദ്യാർത്ഥികൾ പരീക്ഷയിൽ 90 ശതമാനമോ അതിൽ കൂടുതലോ കരസ്ഥമാക്കി. പരീക്ഷയിൽ 272 വിദ്യാർത്ഥികൾക്ക് 75% ഉം അതിൽ കൂടുതലും നേടാൻ കഴിഞ്ഞു. 514 വിദ്യാർത്ഥികൾക്ക് 60% ഉം അതിൽ കൂടുതലും മാർക്ക് ലഭിച്ചു.

മികച്ച വിജയം നേടിയവരിൽ, ജിസെൽ ഷാരോൺ ഫെർണാണ്ടസ് 500 ൽ 486 മാർക്കുമായി 97.2 ശതമാനം നേടി സ്‌കൂൾ ടോപ്പറായി. പ്രണവി മണപുറവും അന്ന ബിനുവും 96.8 ശതമാനം വീതം (484/500) നേടി സ്കൂളിൽ രണ്ടാം സ്ഥാനം നേടി. 500 ൽ 484 മാർക്ക് നേടി സിമോൻ മാത്യു ജോളി 96.4 ശതമാനത്തോടെ മൂന്നാം സ്ഥാനം നേടി.

സയൻസ് വിഭാഗത്തിൽ അന്ന ബിനു 96.8 ശതമാനത്തോടെ ഒന്നാമതെത്തി. സിമോൻ മാത്യു ജോളി 96.4 ശതമാനം നേടി രണ്ടാം സ്ഥാനവും ആൽവിൻ ജോർജ് സേവ്യർ 95.6 ശതമാനവും നേടി മൂന്നാം സ്ഥാനവും കരസ്ഥമാക്കി.

കൊമേഴ്‌സ് വിഭാഗത്തിൽ ജിസെൽ ഷാരോൺ ഫെർണാണ്ടസ് 97.2 ശതമാനം നേടി ഒന്നാം സ്ഥാനം നേടി. അദിതി സതീഷ് അയ്യർ 95.6 ശതമാനം നേടി രണ്ടാം സ്ഥാനത്തെത്തിയപ്പോൾ, റെഹാൻ സേത്മിക കലുബോവിലയും ബാലാമണി അയിലൂർ യോഗേഷും 95.2 ശതമാനം നേടി മൂന്നാം സ്ഥാനം പങ്കിട്ടു.

ഹ്യുമാനിറ്റീസ് വിഭാഗത്തിൽ, പ്രണവി മണപുറം 96.8 ശതമാനം മാർക്ക് നേടി ഒന്നാം സ്ഥാനം നേടി. അംഗന ശ്രീജിത്ത് 95 ശതമാനം മാർക്ക് നേടി രണ്ടാം സ്ഥാനവും ക്രിസ്റ്റഫർ ചാക്കോ പൂവേലിൽ 92.6 ശതമാനം മാർക്ക് നേടി മൂന്നാം സ്ഥാനവും കരസ്ഥമാക്കി.

ഇന്ത്യൻ സ്‌കൂൾ ചെയർമാൻ അഡ്വ. ബിനു മണ്ണിൽ വറുഗീസ്, സെക്രട്ടറി വി. രാജപാണ്ഡ്യൻ, അസി.സെക്രട്ടറിയും അക്കാദമിക അംഗവുമായ രഞ്ജിനി മോഹൻ, ഭരണസമിതി അംഗങ്ങൾ, പ്രിൻസിപ്പൽ വി.ആർ പളനിസ്വാമി, സീനിയർ സ്കൂൾ അക്കാദമിക് അഡ്മിനിസ്ട്രേഷൻ വൈസ് പ്രിൻസിപ്പൽ ജി. സതീഷ് എന്നിവർ ജേതാക്കളെ അഭിനന്ദിച്ചു.

പരീക്ഷ ഫലത്തിന്റെ വിശദാംശങ്ങൾ:

• മൊത്തം വിജയശതമാനം 98.09
• ഹ്യുമാനിറ്റീസ് സ്ട്രീമിൽ 100% വിജയം
• കൊമേഴ്‌സ് സ്ട്രീമിൽ 100% വിജയം
• സയൻസ് സ്ട്രീമിൽ 96.49% വിജയം
• സ്കൂൾ ടോപ്പർക്ക് 500 ൽ 486 മാർക്ക് (97.2%)
• 21 വിദ്യാർത്ഥികൾക്ക് എല്ലാ വിഷയത്തിലും എ വൺ ലഭിച്ചു
• 52 വിദ്യാർത്ഥികൾക്ക് 90% ഉം അതിനു മുകളിലും ലഭിച്ചു
• 272 വിദ്യാർത്ഥികൾക്ക് 75% ഉം അതിനു മുകളിലും ലഭിച്ചു
• 514 വിദ്യാർത്ഥികൾക്ക് 60% ഉം അതിനു മുകളിലും ലഭിച്ചു
• 9 വിദ്യാർത്ഥികൾക്ക് ഗണിതത്തിൽ 100 ലഭിച്ചു
• 1 വിദ്യാർത്ഥിക്ക് കമ്പ്യൂട്ടർ സയൻസിൽ 100 ലഭിച്ചു
• 1 വിദ്യാർത്ഥിക്ക് എഞ്ചിനീയറിംഗ് ഗ്രാഫിക്സിൽ 100 ലഭിച്ചു
• 2 വിദ്യാർത്ഥികൾക്ക് അക്കൗണ്ടൻസിയിൽ 99 ലഭിച്ചു
• 2 വിദ്യാർത്ഥികൾക്ക് ബയോ-ടെക്നോളജിയിൽ 99 ലഭിച്ചു
• 1 വിദ്യാർത്ഥിക്ക് അപ്ലൈഡ് മാത്തമാറ്റിക്സിൽ 99 ലഭിച്ചു
• 1 വിദ്യാർത്ഥിക്ക് കെമിസ്ട്രിയിൽ 99 ലഭിച്ചു
• 1 വിദ്യാർത്ഥിക്ക് ഇൻഫോർമാറ്റിക്സ് പ്രാക്ടീസിൽ 99 ലഭിച്ചു
• 1 ഒരു വിദ്യാർത്ഥിക്ക് സൈക്കോളജിയിൽ 99 ലഭിച്ചു
• 1 വിദ്യാർത്ഥിക്ക് ബിസിനസ് സ്റ്റഡീസിൽ 99 ലഭിച്ചു
• 4 വിദ്യാർത്ഥികൾക്ക് മാർക്കറ്റിംഗിൽ 98 ലഭിച്ചു
• 2 വിദ്യാർത്ഥികൾക്ക് ഇംഗ്ലീഷിൽ 98 ലഭിച്ചു
• 1 വിദ്യാർത്ഥിക്ക് ബയോളജിയിൽ 98 ലഭിച്ചു
• 1 വിദ്യാർത്ഥിക്ക് സോഷ്യോളജിയിൽ 98 ലഭിച്ചു
• 1 വിദ്യാർത്ഥിക്ക് ഇക്കണോമിക്‌സിൽ 97 ലഭിച്ചു
• 1 വിദ്യാർത്ഥിക്ക് ഫിസിക്സിൽ 95 ലഭിച്ചു
• 1 വിദ്യാർത്ഥിക്ക് ഹോം സയൻസിൽ 94 ലഭിച്ചു
• 1 വിദ്യാർത്ഥിക്ക് ആർട്ടിഫിഷ്യൽ ഇന്റലിജൻസിൽ 93 മാർക്ക് ലഭിച്ചു

12/05/2026

അകാലത്തിൽ നമ്മളെ വിട്ടു പിരിഞ്ഞ പ്രശസ്ത കവിയും,ഗാന രചയിതാവുമായിരുന്ന അനിൽ പനച്ചൂരൻറെ സ്മരണാർത്ഥം അദ്ദേഹത്തിന്റെ കവിതകളും, ഗാനങ്ങളും ഉൾക്കൊള്ളിച്ചു കൊണ്ടുള്ള പ്രത്യേക പരിപാടിയാണ് ഇത്തവണത്തെ അക്ഷരക്കൂട്ട്.." തീരത്തടുത്ത്... തിരികെ മടങ്ങിയ... പനച്ചൂരാൻ".

മെയ് പതിനാറാം തീയതി ശനിയാഴ്ച വൈകിട്ട് 7.30ന് സൽമാനിയായിലെ ഇന്ത്യൻ ഡിലൈറ്റിൽ നടക്കുന്ന പരിപാടി വാഴ 2 എന്ന സിനിമയിലൂടെ പ്രശസ്തനായ സിനിമാതാരം ശ്രീ. വിനോദ് കെടാമംഗലം ഉദ്ഘാടനം ചെയ്യും.

ഇന്നലെവരെ നമ്മൾ കണ്ടുകൊണ്ടിരിക്കുന്ന എഴുത്തിന്റെയും വായനയുടെയും മേഖലകൾ, പതിയെ അപ്രസക്തമാകുന്നത് തിരിച്ചറിഞ്ഞാണ് എഴുത്തിനെയും വായനയെയും സ്നേഹിക്കുന്ന ബഹ്റൈനിലെ പ്രവാസികൾക്ക് വേണ്ടി പ്രവാസ ലോകത്തെ സാമൂഹ്യ-സാംസ്കാരിക തലങ്ങളിലെ ഏവരെയും പങ്കെടുപ്പിച്ചുകൊണ്ട് എ.കെ.സി.സി അക്ഷരക്കൂട്ട് എന്ന പേരിൽ സാഹിത്യ സംഗമം സംഘടിപ്പിക്കുന്നത്.

എ.കെ.സി.സിയുടെ നേതൃത്വത്തിൽ സംഘടിപ്പിക്കുന്ന അക്ഷരക്കൂട്ടിലേക്ക് ഏവരെയും സ്വാഗതം ചെയ്യുന്നതായി ഭാരവാഹികൾ അറിയിച്ചു.

12/05/2026

11/05/2026

ആത്മീയ ആചാര്യനും, "ആർട്ട്‌ ഓഫ് ലിവിങ്" സ്ഥാപകനുമായ ശ്രീ ശ്രീ രവിശങ്കറിന്റെ എഴുപതാം ജന്മ ദിനാഘോഷങ്ങളുടെ ഭാഗമായും, ആർട്ട് ഓഫ് ലിവിങ് ഫൗണ്ടേഷന്റെ 45-ാം വാർഷികവും അനുസ്മരിച്ച്,മെയ്‌ 8-2026ന് മനാമയിലെ വിവിധ തൊഴിലാളി താമസകേന്ദ്രങ്ങളിലായി സേവന പ്രവർത്തനം സംഘടിപ്പിച്ചു.

പരിപാടിയുടെ ഭാഗമായി, അർഹരായ തൊഴിലാളികൾക്ക് ഭക്ഷ്യധാന്യ കിറ്റുകൾ വിതരണം ചെയ്തു.തൊഴിലാളി സമൂഹത്തിന്റെ അടിസ്ഥാന ആവശ്യങ്ങൾക്ക് കൈത്താങ്ങാകുക എന്ന ലക്ഷ്യത്തോടെ സംഘടിപ്പിച്ച ഈ പ്രവർത്തനത്തിൽ, നിരവധി വോളണ്ടിയർമാർ പങ്കെടുത്തു.

"ആർട്ട്‌ ഓഫ് ലിവിങ്ങിന്റെ" മുതിർന്ന യോഗാധ്യാപകരായ ദീപ്‌കുമാർ, അജീത് നമ്പ്യാർ, വിദ്യ അനിൽ എന്നിവരുടെ നേതൃത്വത്തിലായിരുന്നു സേവന പ്രവർത്തനങ്ങൾ സംഘടിപ്പിച്ചത്.പരിപാടിയുടെ ഏകോപനം ശ്രീജിത്ത്‌, ജയചന്ദ്രൻ എന്നിവർ നിർവഹിച്ചു.

ഗുരുദേവിന്റെ എഴുപതാം ജന്മദിനവും,ഫൗണ്ടേഷന്റെ 45-ാം വാർഷികവും അനുസ്മരിക്കുന്ന ഈ സേവന പ്രവർത്തനം, സാമൂഹിക പ്രതിബദ്ധതയുടെ ഉദാഹരണമായി ശ്രദ്ധേയമായി.

ഭാവിയിലും സമാനമായ സാമൂഹിക സേവന പ്രവർത്തനങ്ങൾ സംഘടിപ്പിക്കുമെന്ന് സംഘടന ഭാരവാഹികൾ അറിയിച്ചു.

10/05/2026

ബഹ്‌റൈൻ സെൻ്റ്:മേരീസ് ഇൻഡ്യൻ ഓർത്തഡോക്സ് കത്തീഡ്രലിലെ സൽമബാദ് - ബുദ്ധയ്യ ഏരിയ പ്രയർ ഗ്രൂപ്പിൻ്റെ കുടുംബ സംഗമവും , റവ: ഫാദർ ജേക്കബ് തോമസ്സ് അച്ചനും, കുടുംബത്തിനും യാത്ര അയപ്പ് സമ്മേളനം നടത്തി .

സിത്ര - നബിസാല വി ഐ പി സിമ്മിംഗ് പൂൾ ഹാളിൽ വെച്ച് മുൻ മാനേജിംഗ് കമ്മിറ്റി മെമ്പർ വിനോദ് ഡാനിയേലിൻ്റെ അദ്ധ്യക്ഷതയിൽ കൂടിയ യോഗത്തിൽ ഏരിയ കമ്മിറ്റി മെമ്പർ ബിജു കോശി മത്തായി സ്വാഗതവും പ്രോഗ്രാം കോഡിനേറ്റർ മനോജ് ഡാനിയേൽ നന്ദിയും രേഖപ്പെടുത്തി.

ഇടവകയുടെ അസിസ്റ്റൻ്റ് വികാരി റവ: ഫാദർ തോമസ്സ് കുട്ടി മുഖ്യ പ്രഭാഷണം നടത്തി. യോഗത്തിൽ ഇടവകയുടെ ട്രസ്റ്റി ജോൺ കെ.പി, സെക്രട്ടറി കുരുവിള പാപ്പി, മുൻ മാനേജിംഗ് കമ്മിറ്റി മെമ്പർ സുനിൽ ജോൺ, ഇൻ്റെണൽ ഓഡിറ്റർ അനോജ് ജേക്കബ് എന്നിവർ ആശംസകൾ അറിയിച്ചു സംസാരിച്ചു. ഇടവകിൽ നിന്ന് യാത്രയാകുന്ന വികാരി ഫാദർ ജേക്കബ് തോമസ്സ് അച്ചന് പ്രയർ ഗ്രൂപ്പിൻ്റെ മൊമെൻ്റോ നൽകി ആദരിച്ചു.

കുമാരി അനിറ്റ ആൻ വിനോദിൻ്റെയും, അയോണ മനോജിൻ്റെയും നേതൃത്വത്തിൽ കുട്ടികൾക്കും, മുതിർന്നവർക്കുമായി വിവിധ കല , കായിക മൽസരങ്ങളും നടന്നു.

മറുപടി പ്രസംഗത്തിൽ റവഃ ഫാദർ ജേക്കബ് തോമസ്സ് അച്ചൻ പ്രയർ ഗ്രൂപ്പിൻ്റെ എല്ലാ പിന്തുണയ്ക്കും, തുടർപ്രവർത്തനങ്ങൾക്ക് ആശംസയും നേർന്നു .

10/05/2026

നിയമസഭാ തിരഞ്ഞെടുപ്പ് വിജയത്തിന് ശേഷം കോൺഗ്രസിൽ ഉടലെടുത്ത മുഖ്യമന്ത്രി തർക്കത്തിൽ വി.ഡി. സതീശന് പിന്തുണയും ഐക്യദാർഢ്യവുമായി ബഹ്റൈനിലെ കോൺഗ്രസ് പ്രവർത്തകർ.

ബഹ്‌റൈനിലെ വിവിധ യുഡിഎഫ് സംഘടനാ നേതാക്കൾ വി.ഡി. സതീശന് ഐക്യദാർഢ്യം പ്രഖ്യാപിച്ച് രംഗത്തു വന്നു.

കഴിഞ്ഞ ദിവസം സൽമാനിയ ഇന്ത്യൻ ഡിലൈറ്റ്സ് ഹാളിൽ ചേർന്ന യോഗത്തിൽ നിരവധി കോൺഗ്രസ് പ്രവർത്തകർ പങ്കെടുത്തു. അനസ് റഹീം, ബ്ലസ്സൻ മാത്യു, ധനേഷ് മുരളി,ജലീൽ മല്ലപ്പള്ളി, ബേസിൽ നെല്ലിമറ്റം, അബ്രഹാം സാമൂവൽ, ഫാസിൽ വട്ടോളി, അലൻ ഐസക്, പ്രൊഫ: ഷെമിലി പി ജോൺ, മുബീന മൻഷീർ, ലത്തീഫ് കോളിക്കൽ, ഷബീർ മുക്കൻ, ഷംഷാദ് കാക്കൂർ, നവാസ് കുണ്ടറ, അജി പി ജോയ് തുടങ്ങിയവർ നേതൃത്വം നൽകി.

10/05/2026

തണൽ ബഹ്‌റൈൻ ചാപ്റ്റർ വർഷം തോറും നടത്തിവരുന്ന രക്തദാന ക്യാമ്പ് ഈ വരുന്ന ആഗസ്റ്റ് 28 ന് നടക്കുമെന്ന് ഭാരവാഹികൾ അറിയിച്ചു.

മനാമ കെ-സിറ്റിയിൽ വെച്ച് നടന്ന യോഗത്തിൽ റഷീദ് മാഹി അദ്ധ്യക്ഷത വഹിച്ചു. ജനറൽ സെക്രട്ടറി മുജീബ് മാഹി സ്വാഗതം പറഞ്ഞു.

തണൽ രക്തദാനവുമായി ബന്ധപ്പെട്ട കാര്യങ്ങളുമായി മുന്നോട്ട് പോകാൻ ജമാൽ കുറ്റിക്കാട്ടിലിന്റെ നേതൃത്വത്തിൽ ഷബീർ മാഹി, ഹുസ്സൈൻ വയനാട്, ഹരീന്ദ്രൻ ഓർക്കാട്ടേരി, റിയാസ് ആയഞ്ചേരി, ഹാഷിം വില്ല്യാപ്പള്ളി എന്നിവരുൾപ്പെട്ട സബ് കമ്മിറ്റിയെ ചുമതലപ്പെടുത്തി.

തണലിന്റെ ഭാവി പരിപാടികളെ കുറിച്ചു നടന്ന ചർച്ചയിൽ ബഹ്‌റൈനിലെ പ്രശസ്തമായ ആശുപത്രികളുമായി സഹകരിച്ചു ഒരു വൃക്ക പരിശോധന ക്യാമ്പ് ഉടൻ തന്നെ നടത്തുവാൻ തത്വത്തിൽ തീരുമാനിച്ചു. അതിന്റെ പ്രവർത്തനങ്ങളുമായി മുന്നോട്ട് പോകാൻ റഫീഖ് അബ്ദുല്ല, വി.പി. ഷംസുദ്ദീൻ, ഫൈസൽ മടപ്പള്ളി, സയ്യദ് ഹനീഫ്, നവാസ് കുണ്ടറ എന്നിവരടങ്ങുന്ന കമ്മിറ്റിയെ ചുമതലപ്പെടുത്തി.

സമദ് മുയിപ്പോത്ത്, താലിബ് ജാഫർ, നിസാർ വില്ല്യാപ്പള്ളി, പി.ടി. അബ്ദുൽ അസീസ് എന്നിവർ പങ്കെടുത്ത യോഗത്തിന് ശ്രീജിത്ത് കണ്ണൂർ നന്ദി പറഞ്ഞു.

10/05/2026

പ്രവാസി വെൽഫെയർ മെയ് ഫെസ്‌റ്റ് ദിനാഘോഷത്തിന്റെ ഭാഗമായി പ്രവാസി വെൽഫെയർ സംഘടിപ്പിച്ച പ്രവാസി ബാഡ്മിൻറൺ ടൂർണമെന്റിലെ അത്യന്തം ആവേശകരമായ പോരാട്ടത്തിനൊടുവിൽ ലെവൽ 1 വിഭാഗത്തിൽ നിർമൽ ആർ ജിനേഷ്, സുഷിത് ഗുരുംഗും ജേതാക്കൾ ആയപ്പോൾ ഇഞ്ചോടിഞ്ച് പൊരുതികളിച്ച റിജോ ചാക്കോയും സുജിത് സുരാനും റണ്ണേഴ്സ് അപ്പ് ആയി. ആവേശവും ഉദ്യോഗവും ആദ്യാവസാനം വരെ നിലനിന്ന ലെവൽ 2 വിഭാഗത്തിൽ ഫസ്‌ലുറഹ്മാൻ വി പി, റഹാനസ് അബ്ദുറഹ്മാൻ എന്നിവർ പ്രവാസി കപ്പ് ഉയർത്തിയപ്പോൾ അവസാന ഷട്ടിൽ വരെ പൊരുതി കളിച്ച ബിബീഷ് ബാലകൃഷ്ണനും ആന്റണി ഫ്രാൻസിസും റണ്ണേഴ്സ് അപ്പ് ട്രോഫിക്ക് അർഹരായി.

സിഞ്ച് പ്രവാസി സെൻ്ററിലെ അന്താരാഷ്ട്ര നിലവാരത്തിലുള്ള സിന്തറ്റിക്മാറ്റ് ബാഡ്മിൻറൺ കോർട്ടിൽ നടന്ന മത്സരങ്ങൾ മുൻ ഇന്ത്യൻ ക്ലബ്ബ് ചെയർമാൻ കെ. എം. ചെറിയാൻ ഉദ്ഘാടനം ചെയ്തു. കായിക മേഖലയിലെ പ്രവർത്തനങ്ങൾ യുവത ശക്തിപ്പെടുത്തണമെന്ന് അദ്ദേഹം പറഞ്ഞു. പ്രവാസി വെൽഫെയർ പ്രസിഡന്റ് മജീദ് തണൽ അദ്യക്ഷത വഹിച്ചു. വിവിധ മേഖലകളിൽ നിന്നുള്ള നിരവധി കായികപ്രേമികൾ പങ്കെടുത്ത ടൂർണമെന്റ് മികച്ച സംഘാടനവും മത്സരവീര്യവും കൊണ്ട് ശ്രദ്ധേയമായി. ബഹ്റൈനിലെ പ്രമുഖ ബാഡ്മിൻറൺ ടീമുകൾ മാറ്റുരച്ച ബാഡ്മിൻ്റൺ ടൂർണമെന്റിൽ വിജയികൾക്ക് ട്രോഫിയും ക്യാഷ് പ്രൈസും സമ്മാനമായി നൽകി.

കായിക രംഗത്ത് പ്രവാസികൾക്കിടയിൽ സൗഹൃദവും ഐക്യവും വളർത്തുന്നതിനായി ഇത്തരത്തിലുള്ള പരിപാടികൾ തുടർന്നും സംഘടിപ്പിക്കുമെന്ന് ടൂർണമെൻ്റ് കൺവീനർ ഷാഹുൽ ഹമീദ് വെന്നിയൂർ അറിയിച്ചു. ബാഡ്മിൻറൺ ഏഷ്യ ഇൻറർനാഷണൽ റഫറിയും സർട്ടിഫൈഡ് അമ്പയറുമായ ഷാനിൽ അബ്ദുറഹീം, ബഹറൈൻ നാഷണൽ അക്രഡിറ്റഡ് അമ്പയർമാരായ അൻവർ, റഷീദ്, സുജാത വൈദ്യ, ധന ശ്യാം, ഫൈസൽ, ശ്യാം എന്നിവർ കളി നിയന്ത്രിച്ചു

09/05/2026

"ഒരു ജീവനായി ഒരു തുള്ളി രക്തം" എന്ന ശീർഷകത്തിൽ മൈത്രി സോഷ്യൽ അസോസിയേഷൻ സംഘടിപ്പിച്ച ആറാമത് രക്തദാന ക്യാമ്പ് സൽമാനിയ മെഡിക്കൽ കോംപ്ലക്സിൽ വച്ച് നടന്നു.

ബഹ്റൈനിലെ വിവിധ പ്രദേശങ്ങളിൽ നിന്നും 85 ഓളം രക്തദാതാക്കൾ ക്യാമ്പിൽ എത്തി രക്തം നൽകി

മൈത്രി പ്രസിഡന്റ് ശ്രീ സലിം തയ്യിൽ അധ്യക്ഷത വഹിച്ച ചടങ്ങ് ബഹ്റൈനിലെ പ്രമുഖ സാമൂഹിക പ്രവർത്തകനും ലോക കേരളസഭ അംഗവുമായ ശ്രീ കെ.ടി. സലിം ഉദ്ഘാടനം നിർവഹിച്ചു.
ജനറൽ സെക്രട്ടറി സക്കീർ ഹുസൈൻ സ്വാഗതം ആശംസിച്ചു

മൈത്രിരക്ഷാധികാരി ശ്രീ ഷിബു പത്തനംതിട്ട, ഇന്ത്യൻ സ്കൂൾ മുൻ ചെയർമാൻ ശ്രീ എബ്രഹാം ജോൺ, മാധ്യമ പ്രവർത്തകൻ ഇ. രാജീവ്, സാമൂഹിക പ്രവർത്തകരായ ഫസലു ഹഖ്, മജീദ് തണൽ, മൻഷീർ, സ്റ്റീവുസൺ, മുസ്തഫ പട്ടാമ്പി, ഗഫൂർ മൂക്കുതലഎന്നിവർ അഭിനന്ദനങ്ങൾ സന്ദേശങ്ങൾ കൈമാറി.

മൈത്രി ബഹ്റൈൻ ജീവകാരുണ്യ രംഗത്ത് നടത്തുന്ന നിരന്തര ഇടപെടലുകളും സാമൂഹിക പ്രതിബദ്ധതയും ചടങ്ങിൽ സംസാരിച്ചവർ അഭിനന്ദിച്ചു.

ചീഫ് കോർഡിനേറ്റർ സുനിൽ ബാബു, വൈസ് പ്രസിഡന്റ് നൗഷാദ് മഞ്ഞപ്പാറ, ജോയിന്റ് സെക്രട്ടറി ഷബീർ, ചാരിറ്റി കൺവീനർ അൻവർ ശൂരനാട്, മെമ്പർഷിപ്പ് കൺവീനർ അബ്ദുൽ സലീം, സഹ കൺവീനർമാരായ റജബുദ്ദീൻ, നവാസ് കുണ്ടറ, എക്സിക്യൂട്ടീവ് അംഗങ്ങളായ അൻസാർ തേവലക്കര, അജാസ്, ഷിറോസ്, നിസാം, നൗഷാദ് തയ്യിൽ മൈത്രി അംഗം ജമാൽ കോയിവിള എന്നിവർ ക്യാമ്പിന് നേതൃത്വം നൽകി.

മനുഷ്യജീവന്റെ തുടിപ്പ് നിലനിർത്താനായി അണിചേർന്ന കരുണ വറ്റാത്ത മനുഷ്യ സ്നേഹികൾക്ക് മൈത്രിയുടെ ട്രഷറർ അബ്ദുൽ ബാരിയുടെ നന്ദിയോടെ ക്യാമ്പ് സമാപിച്ചു

09/05/2026

ബഹ്റൈനിലെ താമസസ്ഥലത്തെ കെട്ടിടത്തിൽ നിന്ന് താഴെ വീണ് ചികിത്സയിലായിരുന്ന മലയാളി വിദ്യാർഥി മരിച്ചു. കോട്ടയം ചങ്ങനാശ്ശേരി സ്വദേശികളായ ജിസ്മോന്‍- അക്സ ദമ്പതികളുടെ ഏകമകൻ ഡെറിക് ജോസഫ് ജിസ്മോൻ (7) ആണ് മരിച്ചത്.ഇന്ത്യൻ സ്കൂൾ ബഹ്റൈൻ രണ്ടാം ക്ലാസ് വിദ്യാർഥിയാണ്.

അമേരിക്കൻ മിഷൻ ഹോസ്പിറ്റലിന് സമീപം ഉള്ള കെട്ടിടത്തിന്‍റെ രണ്ടാം നിലയിലാണ് ഇവർ താമസിച്ചിരുന്ന ഫ്ലാറ്റ്. തുറന്നുകിടന്ന ജനലിലൂടെ അബദ്ധത്തിൽ താഴെ വീഴുകയായിരുന്നു. ഉടനെ സമീപവാസികൾ സൽമാനിയ ഹോസ്പിറ്റലിൽ എത്തിച്ചിരുന്നു. തീവ്രപരിചരണ വിഭാഗത്തിൽ ചികിത്സയിലിരിക്കെയാണ് മരണം.