Media Rangh

16/08/2026

15/08/2026

🇮🇳 വിപുലമായ പരിപാടികളോടെ VOT സ്വാതന്ത്ര്യദിനാഘോഷം

വോയിസ്‌ ഓഫ് ട്രിവാൻഡ്രം (VOT) ഇന്ത്യയുടെ 80-ാമത് സ്വാതന്ത്ര്യ ദിനം വിപുലമായ പരിപാടികളോടെ ആഘോഷിച്ചു.

KCAയിൽ നടന്ന സ്വാതന്ത്ര്യദിനാഘോഷത്തിൽ ദേശീയപതാക ഉയർത്തി. തുടർന്ന് കുട്ടികളും VOT കുടുംബാംഗങ്ങളും അണിനിരന്ന ദേശഭക്തിഗാനാലാപനവും മധുരവിതരണവും നടന്നു.

VOT പ്രസിഡന്റ് ശ്രീ. വിനീഷ് ശിവദാസൻ സ്വാതന്ത്ര്യദിന പ്രതിജ്ഞ ചൊല്ലിക്കൊടുത്തു. ശ്രീ. മനോജ് വർക്കല സ്വാതന്ത്ര്യദിന സന്ദേശം നൽകി.

ജോയിന്റ് സെക്രട്ടറി പ്രദീപ് മാധവൻ, ട്രഷറർ മണിലാൽ, മെമ്പർഷിപ്പ് സെക്രട്ടറി ജയചന്ദ്രൻ, എന്റർടെയ്ൻമെന്റ് സെക്രട്ടറി അംജിത്, ലേഡീസ് വിംഗ് പ്രസിഡന്റ് പ്രിയങ്ക മണികണ്ഠൻ, സുനിത സെൽവരാജ്, KCA സെക്രട്ടറി വിനു ക്രിസ്റ്റി എന്നിവർ ആശംസകൾ നേർന്നു സംസാരിച്ചു.

🇮🇳 ഒരുമയോടെ… അഭിമാനത്തോടെ… ഇന്ത്യയുടെ സ്വാതന്ത്ര്യത്തെ ആഘോഷിച്ച് VOT കുടുംബം.

15/08/2026

ഇന്ത്യൻ ക്ലബ്ബ് ബഹ്റൈനിൽ ഭാരതത്തിന്റെ 80-ാം സ്വാതന്ത്ര്യദിനാഘോഷം പ്രൗഢഗംഭീരമായി നടന്നു

🇧🇭 മനാമ: ഭാരതത്തിന്റെ 80-ാമത് സ്വാതന്ത്ര്യദിനം രാജ്യസ്നേഹത്തിന്റെയും ഒത്തൊരുമയുടെയും ഉണർവോടെ ആഘോഷിച്ച് ബഹ്റൈൻ ഇന്ത്യൻ ക്ലബ്ബ്.

ഇന്ന് (2026 ഓഗസ്റ്റ് 15) രാവിലെ 6:30-ന് ക്ലബ്ബ് അങ്കണത്തിൽ വെച്ച് ലളിതവും പ്രൗഢവുമായ പതാക ഉയർത്തൽ ചടങ്ങോടെയാണ് ആഘോഷങ്ങൾക്ക് തുടക്കമിട്ടത്.രാവിലെ നടന്ന ഈ ചടങ്ങിൽ പ്രമുഖ ഇന്ത്യൻ ക്ലബ്ബ് അംഗങ്ങൾ, സമ്മർ ക്യാമ്പിലെ കുട്ടികൾ, രക്ഷിതാക്കൾ എന്നിവരടക്കം നൂറിലധികം വരുന്ന കമ്മ്യൂണിറ്റി അംഗങ്ങൾ പങ്കെടുത്തു.

ഭാരതത്തിന്റെ ത്രിവർണ്ണ പതാക ഉയർത്തിയതിനെ തുടർന്ന് കമ്മ്യൂണിറ്റി അംഗങ്ങൾ ഒരേസ്വരത്തിൽ ആലപിച്ച ദേശീയഗാനം ചടങ്ങിന് വൈകാരികവും ഭക്തിനിർഭരവുമായ അന്തരീക്ഷം സമ്മാനിച്ചു.

ക്ലബ്ബ് ജനറൽ സെക്രട്ടറി ശ്രീ. അനിൽ കുമാർ ആർ. ചടങ്ങിൽ പങ്കെടുത്ത മുഴുവൻ കമ്മ്യൂണിറ്റി അംഗങ്ങളെയും ഊഷ്മളമായി സ്വാഗതം ചെയ്തു. തുടർന്ന് ക്ലബ്ബ് പ്രസിഡന്റ് ശ്രീ. ജോസഫ് ജോയ് കമ്മ്യൂണിറ്റിയെ അഭിസംബോധന ചെയ്തുകൊണ്ട് ഔദ്യോഗിക സ്വാതന്ത്ര്യദിന സന്ദേശം നൽകി.

ഔദ്യോഗിക ചടങ്ങുകൾക്ക് ശേഷം പങ്കെടുത്തവർക്കായി വിഭവസമൃദ്ധമായ പ്രഭാതഭക്ഷണവും ഒരുക്കിയിരുന്നു. സ്നേഹവും രാജ്യസ്നേഹവും നിറഞ്ഞ ഊഷ്മളമായ അന്തരീക്ഷത്തിൽ ഭാരതത്തിന്റെ ഈ ചരിത്ര നാഴികക്കല്ലിന്റെ ആഘോഷങ്ങൾ വിജയകരമായി.

15/08/2026

🇮🇳 സ്വാതന്ത്ര്യ ദിനം അവിസ്മരണീയ ആഘോഷമാക്കി ബഹ്റൈൻ എ.കെ.സി. സി.

ഭാരതത്തിന്റെ 80-ആം സ്വാതന്ത്ര്യ ദിനം വിപുലമായ രീതിയിൽ ആഘോഷിച്ച് ബഹ്റൈൻ എ.കെ.സി.സി (AKCC) ആഘോഷിച്ചു. ചടങ്ങിൽ ദേശീയ പതാക ഉയർത്തി ബഹ്റൈൻ പ്രസിഡന്റും ഗ്ലോബൽ സെക്രട്ടറിയുമായ ചാൾസ് ആലുക്ക പരിപാടികൾ ഉദ്ഘാടനം ചെയ്തു.

"ആയിരങ്ങളുടെ ജീവത്യാഗത്തിലൂടെയാണ് നമുക്ക് സ്വാതന്ത്ര്യം ലഭിച്ചത്. അടിമത്ത വ്യാപാരികളായിരുന്ന സാമ്രാജ്യത്വത്തെ കപ്പൽ കയറ്റുക അത്ര ലളിതമായ കാര്യമായിരുന്നില്ല. അതുകൊണ്ടുതന്നെ സ്വാതന്ത്ര്യത്തിന്റെ വിലയറിഞ്ഞു ജീവിക്കാനും, ആ സ്വാതന്ത്ര്യം വരുംതലമുറകൾക്കായി നിലനിർത്താനും നമുക്ക് കഴിയണം," എന്ന് ഉദ്ഘാടന പ്രസംഗത്തിൽ ചാൾസ് ആലുക്ക ഓർമ്മിപ്പിച്ചു.

ഭാരതമണ്ണിൽ ഒരാൾ മറ്റൊരാളെ ഭ്രഷ്ട് കൽപ്പിക്കാത്ത, ജാതിവ്യവസ്ഥ അപമാനമാണെന്ന് കരുതുന്ന ശാസ്ത്രബോധമുള്ള യുവതലമുറയുടെ വളർച്ച 80-ലെത്തിയ സ്വതന്ത്ര ഭാരതത്തിന്റെ വലിയ നേട്ടമാണെന്ന് വൈസ് പ്രസിഡന്റ് പോളി വിതയത്തിൽ അഭിപ്രായപ്പെട്ടു.

പോളി വിതയത്തിൽ അധ്യക്ഷത വഹിച്ച ചടങ്ങിൽ ജോജി കുര്യൻ സ്വാഗതവും ജെസ്സി ജെൻസൺ നന്ദിയും രേഖപ്പെടുത്തി.

15/08/2026

ഗുരുദേവ സോഷ്യൽ സൊസൈറ്റി (GSS) ഇന്ത്യയുടെ 80-ാമത് സ്വാതന്ത്ര്യ ദിനം വിപുലമായ പരിപാടികളോടെ ആഘോഷിച്ചു.

രാവിലെ 8:00 മണിക്ക് നടന്ന ചടങ്ങിൽ സൊസൈറ്റി ചെയർമാൻ സനീഷ് കൂറുമുള്ളിൽ ഇന്ത്യൻ ദേശീയ പതാക ഉയർത്തി. തുടർന്ന് അംഗങ്ങൾ അണിനിരന്ന ദേശഭക്തിഗാനാലാപനവും മധുര വിതരണവും നടന്നു.

വൈസ് ചെയർമാൻ സതീഷ് കുമാർ സ്വാതന്ത്ര്യദിന പ്രതിജ്ഞ ചൊല്ലിക്കൊടുക്കുകയും ദിനസന്ദേശം നൽകുകയും ചെയ്തു. ജനറൽ സെക്രട്ടറി ബിനു രാജ് രാജൻ ആശംസകൾ നേർന്നു സംസാരിച്ചു.

15/08/2026

14/08/2026

12/08/2026

11/08/2026

📰 പ്രവാസികൾക്കും കുടുംബത്തിനും 1 കോടി രൂപ വരെ മെഡിക്കൽ & അപകട ഇൻഷുറൻസ്! നോർക്ക കെയർ പ്ലസ് രണ്ടാംഘട്ട എൻറോൾമെന്റ് ഓഗസ്റ്റ് 18 മുതൽ 🚨✈️

തിരുവനന്തപുരം: പ്രവാസി കേരളീയർക്കായി നോർക്ക റൂട്ട്സ് നടപ്പിലാക്കുന്ന സമഗ്ര ആരോഗ്യ-അപകട ഇൻഷുറൻസ് പദ്ധതിയായ 'നോർക്ക കെയർ പ്ലസ്' (NORKA Care Plus) രണ്ടാംഘട്ട എൻറോൾമെന്റിന് തുടക്കമാകുന്നു!

പദ്ധതിയുടെ രണ്ടാംഘട്ട എൻറോൾമെന്റും ഇതിനായുള്ള പുതിയ പോർട്ടലും 2026 ഓഗസ്റ്റ് 18-ന് ബഹു. മുഖ്യമന്ത്രി വി.ഡി. സതീശൻ ഉദ്ഘാടനം ചെയ്യും. പ്രമുഖ പൊതുമേഖലാ സ്ഥാപനമായ യുണൈറ്റഡ് ഇന്ത്യ ഇൻഷുറൻസ് കമ്പനി (United India Insurance Co. Ltd.), വിദാൽ ഹെൽത്ത് TPA (Vidal Health TPA), അക്ഷയ ഇൻഷുറൻസ് ബ്രോക്കേഴ്സ് (AIBL) എന്നിവരുമായി സഹകരിച്ചാണ് നോർക്ക റൂട്ട്സ് ഈ പദ്ധതി നടപ്പിലാക്കുന്നത്.

📌 പ്രധാന സവിശേഷതകളും ആനുകൂല്യങ്ങളും:

🛡️ 1 കോടി വരെ GMC + GPA പരിരക്ഷ: തിരഞ്ഞെടുത്ത സ്ലാബ് അനുസരിച്ച് ₹1 കോടി രൂപ വരെയുള്ള ആരോഗ്യ ഇൻഷുറൻസും (Group Mediclaim Cover - GMC), ₹1 കോടി രൂപ വരെയുള്ള അപകട ഇൻഷുറൻസും (Group Personal Accident - GPA) ലഭ്യമാണ്.

🗓️ എൻറോൾമെന്റ് കാലാവധി: 2026 ഓഗസ്റ്റ് 18 മുതൽ സെപ്റ്റംബർ 18 വരെ മാത്രം! (പോളിസി പ്രാബല്യത്തിലുള്ളത്: 2026 ഓഗസ്റ്റ് 18 മുതൽ 2027 ഏപ്രിൽ 14 വരെ).

⏳ ക്ലെയിം വെയിറ്റിംഗ് പീരിയഡ്: എൻറോൾമെന്റ് തീയതി മുതൽ 30 ദിവസം.

👥 പ്രായപരിധി: 18 വയസ്സ് മുതൽ 70 വയസ്സ് വരെയുള്ള പ്രവാസികൾക്ക്.

👴 മാതാപിതാക്കളുടെ സംരക്ഷണം: ₹10 ലക്ഷം മുതൽ ₹1 കോടി വരെയുള്ള പോളിസികളിൽ 80 വയസ്സ് വരെയുള്ള പോളിസി ഉടമയുടെയോ പങ്കാളിയുടേയോ മാതാപിതാക്കളെയുംഉൾപ്പെടുത്താം.

🏥 ക്യാഷ്‌ലെസ്സ് ചികിത്സ (Cashless Facility): കേരളത്തിലെ 688-ലധികം ആശുപത്രികൾ ഉൾപ്പെടെ ഇന്ത്യയിലൊട്ടാകെയുള്ള 24,000-ത്തോളം ആശുപത്രികളിൽ ക്യാഷ്‌ലെസ്സ് ചികിത്സാ സൗകര്യം ലഭ്യമാണ്.

💰 പ്രീമിയം നിരക്കുകൾ (GST ഉൾപ്പെടെ):
(2027 ഏപ്രിൽ 14 വരെയുള്ള 8 മാസത്തേക്കുള്ള നിരക്കുകൾ)

🔹 1. ₹5 ലക്ഷം GMC + ₹10 ലക്ഷം GPA • പ്രവാസി മാത്രം: ₹5,499 • പ്രവാസി + പങ്കാളി + 2 കുട്ടികൾ: ₹9,039

🔹 2. ₹10 ലക്ഷം GMC + ₹10 ലക്ഷം GPA • പ്രവാസി മാത്രം: ₹9,833 • പ്രവാസി + പങ്കാളി + 2 കുട്ടികൾ: ₹17,039 • പ്രവാസി + കുടുംബം + മാതാപിതാക്കൾ: ₹44,364

🔹 3. ₹15 ലക്ഷം GMC + ₹15 ലക്ഷം GPA • പ്രവാസി മാത്രം: ₹12,839 • പ്രവാസി + പങ്കാളി + 2 കുട്ടികൾ: ₹22,961 • പ്രവാസി + കുടുംബം + മാതാപിതാക്കൾ: ₹56,478

🔹 4. ₹20 ലക്ഷം GMC + ₹20 ലക്ഷം GPA • പ്രവാസി മാത്രം: ₹13,829 • പ്രവാസി + പങ്കാളി + 2 കുട്ടികൾ: ₹24,625 • പ്രവാസി + കുടുംബം + മാതാപിതാക്കൾ: ₹60,740

🔹 5. ₹25 ലക്ഷം GMC + ₹25 ലക്ഷം GPA • പ്രവാസി മാത്രം: ₹14,556 • പ്രവാസി + പങ്കാളി + 2 കുട്ടികൾ: ₹25,893 • പ്രവാസി + കുടുംബം + മാതാപിതാക്കൾ: ₹63,813

🔹 6. ₹50 ലക്ഷം GMC + ₹50 ലക്ഷം GPA • പ്രവാസി മാത്രം: ₹15,231 • പ്രവാസി + പങ്കാളി + 2 കുട്ടികൾ: ₹26,964 • പ്രവാസി + കുടുംബം + മാതാപിതാക്കൾ: ₹66,017

🔹 7. ₹1 കോടി GMC + ₹1 കോടി GPA • പ്രവാസി മാത്രം: ₹19,439 • പ്രവാസി + പങ്കാളി + 2 കുട്ടികൾ: ₹34,107 • പ്രവാസി + കുടുംബം + മാതാപിതാക്കൾ: ₹80,191

(അധികമായി വരുന്ന ഓരോ കുട്ടിക്കും (25 വയസ്സ് വരെ) സ്ലാബ് അനുസരിച്ച് ₹2,753 മുതൽ ₹6,565 വരെ അധിക പ്രീമിയം നൽകേണ്ടതാണ്).

📊 നോർക്ക കെയർ പ്ലസ്: ഇതുവരെയുള്ള നേട്ടങ്ങൾ:
ലോകമെമ്പാടുമുള്ള 138 രാജ്യങ്ങളിൽ നിന്നായി 1,62,000-ത്തോളം പ്രവാസി കുടുംബങ്ങൾ ഇതുവരെ എന്റോൾ ചെയ്തു.

2026 ജൂലൈ 31 വരെ 31,660 പോളിസി ഉടമകൾക്കായി ₹227 കോടി രൂപ ക്ലെയിം നൽകി.

സമർപ്പിച്ച ക്ലെയിമുകളിൽ 99.38% വിജയകരമായി തീർപ്പാക്കാനും സാധിച്ചു.

📲 എങ്ങനെ അപേക്ഷിക്കാം?

നോർക്ക റൂട്ട്സ് വെബ്‌സൈറ്റ്: 🌐 www.norkaroots.kerala.gov.in

ഓൺലൈൻ പോർട്ടൽ: 🌐 norkacareplus.akshayagroup.net.in

'NORKA Care Plus' മൊബൈൽ ആപ്ലിക്കേഷൻ വഴിയും (Google Play Store & Apple App Store) എൻറോൾ ചെയ്യാം.

📞 ജില്ലാടിസ്ഥാനത്തിലുള്ള സപ്പോർട്ട് നമ്പറുകൾ:

• ടോൾ ഫ്രീ: 1800 2022 502 / 1860 4191 401 •

തിരുവനന്തപുരം: +91 9249548301 • കൊല്ലം: +91 9249548302 • പത്തനംതിട്ട: +91 9249548303 • ആലപ്പുഴ: +91 9249548304 • കോട്ടയം: +91 9249548305 • എറണാകുളം: +91 9249548306 • ഇടുക്കി: +91 9249548307 • തൃശൂർ: +91 9249548308 • പാലക്കാട്: +91 9249548309 • മലപ്പുറം: +91 9249548310 • കോഴിക്കോട്: +91 9249548311 • വയനാട്: +91 9249548312 • കണ്ണൂർ: +91 9249548313 • കാസർഗോഡ്: +91 9249548314 • എസ്‌കലേഷൻ സപ്പോർട്ട്: +91 9249548315

📢 ഈ പ്രധാനപ്പെട്ട വിവരം നിങ്ങളുടെ പ്രവാസി സുഹൃത്തുക്കൾക്കും ഗ്രൂപ്പുകളിലേക്കും പരമാവധി ഷെയർ ചെയ്യൂ!

11/08/2026