18/01/2026
നിനക്ക് അവനെ കണ്ട് പഠിച്ചൂടെ?
ഒരോ കുട്ടിയും ഈ വാചകം എത്ര തവണ കേൾക്കുന്നുണ്ടാകും?
ക്ലാസ്സിൽ, വീട്ടിൽ, ബന്ധുക്കളുടെയിടയിൽ… പലപ്പോഴും നല്ല ഉദ്ദേശത്തോടെയാണ് ഇത് പറയുന്നത്. കുട്ടികളിൽ മത്സരബുദ്ധി വളരും, മുന്നോട്ട് പോകാൻ പ്രചോദനം കിട്ടും എന്ന വിശ്വാസത്തിലാണ് പലരും കുട്ടികളെ മറ്റുള്ളവരുമായി താരതമ്യം ചെയ്യുന്നത്.
പക്ഷേ താരതമ്യം ചെയ്യുന്നത് പ്രചോദനം നൽകുന്നതിലധികം, പലപ്പോഴും സംശയം വിതയ്ക്കുകയാണ് ചെയ്യുന്നത്.
ഞാൻ അവനെ പോലെ അല്ല,
എന്നിൽ എന്തോ കുറവുണ്ട്.
എന്ന ചിന്തകളാണ് അതിലൂടെ പതുക്കെ കുട്ടികളുടെ മനസ്സിൽ വളരുന്നത്. കഴിവുകൾ വളരുന്നതിന് പകരം, സ്വന്തം മൂല്യം ചോദ്യം ചെയ്യാൻ കുട്ടികൾ ഇതിലൂടെ പഠിക്കുന്നു.
കുട്ടികൾക്ക് ഏറ്റവും കൂടുതൽ ആവശ്യമുള്ളത് അംഗീകാരമാണ്, പ്രോത്സാഹനമാണ്, സ്വന്തം കഴിവുകൾ കണ്ടെത്താനുള്ള അവസരമാണ്. അവിടെയാണ് ആത്മവിശ്വാസവും, സ്വയംമൂല്യബോധവും, മാനസിക സുരക്ഷയും വളരുന്നത്.
ഓരോ കുട്ടിയും വ്യത്യസ്തരാണ്. കുട്ടികളെ മറ്റുള്ളവരാക്കി മാറ്റാൻ ശ്രമിക്കുന്നതിനു പകരം, അവരെ അവരായിരിക്കാൻ അനുവദിക്കുക
ഇതുപോലെ കൂടുതൽ വിജ്ഞാനപ്രദമായ വിവരങ്ങൾക്കായി Follow Us!
