11/11/2025
പ്രണയവർണങ്ങൾ സിനിമയിലെ വിക്ടർ 💞💞💞
ബിജു മേനോൻ മനോഹരമായി ചെയ്ത വേഷം... പേർസണലി ഒരുപാട് ഇഷ്ടമുള്ള അദേഹത്തിന്റെ ഒരു കഥാപാത്രം
പ്രണയിക്കുന്ന പെൺകുട്ടിയോട് തന്റെ ഇഷ്ട്ടം തുറന്നു പറയാൻ കഴിയാതെ പോകുന്ന വിക്ടർ
ഉപാധികൾ ഇല്ലാതെ ആരതിയെ ആത്മാർത്ഥമായി സ്നേഹിക്കുന്ന വിക്ടർ
തന്റെ പ്രിയപ്പെട്ടവൾക്ക് മറ്റൊരാളോട് ആണ് ഇഷ്ട്ടം എന്നറിയുമ്പോൾ തകർന്നു പോകുന്ന വിക്ടർ
"ഒരിക്കലും ആരേം സ്നേഹിക്കാതെയിരിക്കുന്നതിനേക്കാൾ സ്നേഹിച്ചു നഷ്ടപ്പെടുന്നതാ നല്ലതെന്നാരോ പറഞ്ഞിട്ടുണ്ട്., പക്ഷെ നഷ്ടപ്പെട്ടവന് അങ്ങനെ പറയാൻ കഴിയില്ലല്ലോ..."💔
എങ്കിലും അവൾക്കു വേണ്ടി അയാളെ കാണാൻ പോകുന്ന വിക്ടർ
"എന്റെ പെണ്ണാ അവള്. ഈ നെഞ്ചില് അവളുപോലും അറിയാതെ കൊണ്ടുനടന്ന സ്വപ്നമായിരുന്നു ആരതി.."💔💔
അവസാനം മനസിന്റെ താളം തെറ്റി ഹോസ്പിറ്റലിൽ അഡ്മിറ്റ് ആകുന്ന പ്രയപ്പെട്ടവൾക്ക് വേണ്ടി എല്ലാം ചെയുന്ന പാവം വിക്ടർ
കുറച്ചു സീൻസ് ഉളളൂ എങ്കിലും പ്രേക്ഷകരുടെ മനസ്സ് കീഴടക്കുന്ന കഥാപാത്രം...
ബിജു മേനോൻ മനോഹരമായി ചെയ്ത കഥാപാത്രം ❤❤
ഒരുപാട് ഇഷ്ടമുള്ള ഒരു കഥാപാത്രം
"അവളുടെ മിഴിയിൽ കരിമഷിയാലേ-
കനവുകളെഴുതിയതാരേ...
നിനവുകളെഴുതിയതാരേ....
അവളേ തരളിതയാക്കിയതാരേ...
അവളുടെ കവിളിൽ തുടുവിരലാലേ
കവിതകളെഴുതിയതാരേ.....
മുകുളിതയാക്കിയതാരേ....
അവളേ പ്രണയിനിയാക്കിയതാരേ..."
സിബി മലയിൽ സംവിധാനം ചെയ്ത ഈ മനോഹര പ്രണയകാവ്യത്തിന്റെ തിരക്കഥ- സച്ചിദാനന്ദൻ പുഴങ്കര, ജയരാമൻ കടമ്പാട്ട് എന്നിവർ ചേർന്നാണ് നിർവഹിച്ചത്
ഈ സിനിമയുടെ മറ്റൊരു ഹൈലൈറ്റ് വിദ്യാസാഗർ സംഗീതം നൽകിയ ഗാനങ്ങൾ ആയിരുന്നു ❤❤
ഗിരീഷ് പുത്തഞ്ചേരി , സച്ചിദാനന്ദൻ പുഴങ്കര എന്നിവരായിരുന്നു ഗാന രചയിതാക്കൾ... ഗാനങ്ങൾ എല്ലാം സൂപ്പർ ഹിറ്റുകൾ ആയിരുന്നു
വിദ്യാസാഗറിന് സംസ്ഥാന സർക്കാർ അവാർഡ് നേടികൊടുത്ത സിനിമ
ഒപ്പം സുജാതക്കും...
മഞ്ജു വാര്യർ, ദിവ്യ ഉണ്ണി, സുരേഷ് ഗോപി എന്നിവരായിരുന്നു പ്രധാന കഥാപാത്രങ്ങൾ
പൊതുവെ പാവവും നിഷ്കളങ്കയും കവിതകൾ എഴുതുന്ന തന്റെതായ ഒരു ലോകത്തു ഒതുങ്ങി കൂടുന്ന വിദ്യാർത്ഥിനി ആരതി ആയി മഞ്ജു വാര്യറും മനോഹരമായി ചെയ്ത സിനിമ
ആരതിയുടെ നേരെ ഓപ്പോസിറ്റ് സ്വഭാവം ഉള്ള എല്ലാവരും ആയി ക്ലോസ് ആയി ഇടപഴകുന്ന കുസൃതികൾ ഒപ്പിക്കുന്ന വിദ്യാർത്ഥിനി മായ ആയി ദിവ്യ ഉണ്ണി
ഡെപ്യൂട്ടി കളക്ടർ വിനയചന്ദ്രൻ എന്ന റോളിൽ സുരേഷ് ഗോപി
ആരതിയെ അവൾ സൃഷ്ടിച്ചെടുത്ത ആ ലോകത്തു നിന്ന് പുറത്തെത്തിക്കാൻ മായയും സുഹൃത്തുക്കളും ചേർന്ന് ഒപ്പിക്കുന്ന ഒരു കുസൃതി ആരതിയുടെ ജീവിതത്തെ തകിടം മറിക്കുന്നു... അതാണ് സിനിമയിൽ..
കോളേജ് ഡേ ഫങ്ക്ഷനിൽ മുഖ്യ അഥിതി ആയെത്തുന്ന വിനയ ചന്ദ്രനോട് ആരതിക്ക് ഒരു ക്രഷ് ഉണ്ടെന്ന് തിരിച്ചറിയുന്ന മായ വിനയ ചന്ദ്രന്റെ പേരിൽ അവൾക്കു കത്തുകൾ എഴുതുന്നു.. ആരതി അയാളെ തീവ്രമായി പ്രണയിക്കാൻ തുടങ്ങുന്നു.. പക്ഷെ തന്റെ പ്രണയത്താൽ മുറിവേൽക്കാൻ ആയിരുന്നു ആരതിയുടെ വിധി... അവിടെ അവളെ മനസിലാക്കി അവൾക്കൊപ്പം വിക്ടർ ഉണ്ടായിരുന്നു..
കരമന ജനാർദ്ദനൻ നായർ, ഇർഷാദ്, ബോബി കൊട്ടാരക്കര,പപ്പു, ഷഫ്ന, പ്രവീണ, നന്ദു,രാജേന്ദ്രൻ, ഇർഷാദ്, ജോസ് പെല്ലിശേരി, രാമാദേവി, റോസ്ലിൻ, കെ ജി ജോർജ്,ബിന്ദു രാമകൃഷ്ണൻ എന്നിവരും മറ്റ് വേഷങ്ങളിൽ
സന്തോഷ് തുണ്ടിയിൽ ക്യാമറ കൈകാര്യം ചെയ്ത സിനിമയുടെ എഡിറ്റിംഗ് ഭൂമിനാഥൻ..
സിനിമ വിജയം ആയിരുന്നു...
ഈ സിനിമയെ കുറിച്ചും വിക്ടർ എന്ന കഥാപാത്രത്തെ കുറിച്ചും കമന്റ് ചെയൂ
