Fathima Fadhiya, Kochi (2026)

23/01/2026

പെണ്ണിന് ഐശ്വര്യര്യം പോരത്രേ.. അണ്ണാൻ ചപ്പിയ മോന്തയും കുടക്കമ്പിക്ക് ഷർട്ടിട്ട പോലത്തെ കോലവും ഉള്ളവനാണ് ഈ ഡയലോഗ് അടിച്ചത്!

200 പവനിലധികം സ്വർണ്ണവും കോടികൾ വിലവരുന്ന വീടും സ്ഥലവും നൽകിയാണ് ഗ്രീമയെ ആ അമ്മ ഉണ്ണികൃഷ്ണൻ എന്ന് പറയുന്നവന് വിവാഹം കഴിച്ചു നൽകിയത്. കല്യാണം കഴിഞ്ഞ് 25 ദിവസം കഴിഞ്ഞപ്പോ ഇവന് മടുത്ത്. അതോടെ അവൻ അവളെ ഉപേക്ഷിച്ചു. കഴിഞ്ഞ ആറ് വർഷമായി വിവാഹിതയെന്ന പേരിൽ, ഭർത്താവിന്റെ സാമീപ്യമില്ലാതെ, അപമാനഭാരത്താൽ തലകുനിച്ച് ജീവിക്കുകയായിരുന്നു പെണ്ണ്.

അടുത്തിടെ ഒരു മരണവീട്ടിൽ വെച്ച് കണ്ടപ്പോൾ ഓടിച്ചെന്ന അവളോട്‌ "നിനക്ക് ഐശ്വര്യമില്ല, നിന്നെ എനിക്ക് വേണ്ട" എന്ന് പറഞ്ഞ് പരസ്യമായി അപമാനിക്കുകയാണ് ഉണ്ണികൃഷ്ണൻ ചെയ്തത്. ഈ മാനസിക പീഡനമാണ് അവരെ മരണത്തിലേക്ക് തള്ളിവിട്ടത്. തങ്ങളുടെ മരണത്തിന് ഉത്തരവാദി ഇയാളാണെന്ന് അവർ എഴുതിയ ആത്മഹത്യക്കുറിപ്പിലും വ്യക്തമായി പറയുന്നുണ്ട്.

ഇത്രയും സ്വർണ്ണവും സ്വത്തും വാങ്ങി കൂട്ടിയിട്ടും, ഒരു പെണ്ണിന്റെ ജീവിതം നശിപ്പിക്കാൻ ഇവനൊക്കെ ഒരു ഉളുപ്പുമില്ലേ? വിദ്യാഭ്യാസമോ പണമോ അല്ല, മനുഷ്യത്വമാണ് വേണ്ടതെന്ന് ഇനിയും എത്ര ഉണ്ണികൃഷ്ണൻമാർ ജനിച്ചാലാണ് ഈ സമൂഹം പഠിക്കുക? എന്നാണ് ഇവർക്കൊക്കെ ബോധം വെക്കുന്നത്.🙏🙏🙏

10/01/2026

ഡൽഹി റേ** കേസിലെ പ്രതികളിൽ ഒരുത്തൻ ഒരു ഇന്റർവ്യൂവിൽ പറഞ്ഞ ഞെട്ടിക്കുന്ന ഒരു വാചകമുണ്ട്. അവൾ എതിർത്തത് കൊണ്ടല്ലേ അവളെ ഉപദ്രവിച്ചത് അവൾക്കും ഞങ്ങളെ പോലെ ആസ്വദിക്കാമായിരുന്നല്ലോ എന്ന്. പുറത്ത് പറയുന്നില്ലെങ്കിലും നല്ലൊരു ശതമാനം ആണുങ്ങളും ഇന്നും ഇതേ ചിന്താഗതിയിൽ ജീവിക്കുന്നവരാണ്. ഇവർക്ക് ഇതുവരെ സെക്സും റേ** തമ്മിലുള്ള വ്യത്യാസം തിരിച്ചറിയാനായിട്ടില്ല. അതുകൊണ്ടാണ് ഇവർ ഇന്ന് ഗീതു മോഹൻദാസിനെ തെറിവിളിക്കുന്നത്.🤨

യാഷ് നായകനാകുന്ന 'ടോക്സിക്ക്' എന്ന ചിത്രത്തിന്റെ ടീസർ വന്നത് മുതൽ ഇക്കൂട്ടർക്ക് ഉറക്കമില്ല. ഗീതു മോഹൻദാസ് പണ്ട് കസബയെയും അതിലെ സ്ത്രീവിരുദ്ധതയെയും എതിർത്തതാണ് ഇവരുടെ ഇപ്പോഴത്തെ ചൊറിച്ചിലിന് കാരണം. കസബയിലെ 'അശ്ലീലവും', ടോക്സിക്കിലെ 'ഇന്റിമസിയും' ഒന്നാണെന്ന് കരുതുന്ന ഇവരുടെ മനോനിലയാണ് എന്നെ ഏറെ ഞെട്ടിക്കുന്നത്. അതെങ്ങനെ കട്ടിലിൽ പെണ്ണിനെ കീഴ്പ്പെടുത്തുന്നതാണ് സെക്സ് എന്ന് ഇന്നും വിശ്വസിക്കുന്നവർ അങ്ങനെ കരുതിയില്ലെങ്കിലേ അതിശയമുള്ളൂ😏

പെണ്ണിന്റെ അനുവാദമില്ലാതെ, അവളെ ബലമായി കീഴ്പ്പെടുത്തുന്നതും അതിൽ 'മാസ്സ്' കണ്ടെത്തുന്നതും ലൈംഗിക വൈകൃതമാണ്. അതാണ് കസബയിൽ വിമർശിക്കപ്പെട്ടത്. എന്നാൽ പ്രായപൂർത്തിയായ രണ്ടുപേർ പരസ്പര സമ്മതത്തോടെ ഇടപെടുന്നതിനെയാണ് 'റൊമാൻസ്' അല്ലെങ്കിൽ 'സെക്സ്' എന്ന് വിളിക്കുന്നത്. ഇത് രണ്ടും തമ്മിലുള്ള വ്യത്യാസം മനസ്സിലാകാത്തവരാണ് ഇക്കൂട്ടർ. മമ്മൂട്ടി ചെയ്തത് നിസ്സാരമെന്ന് തോന്നുന്നവർ സ്വന്തം ഭാര്യയെയോ പെങ്ങളെയോ ആ പെണ്ണിന്റെ സ്ഥാനത്ത് ഒന്ന് സങ്കൽപ്പിച്ചു നോക്കിയാൽ തീരാവുന്ന സംശയമേയുള്ളൂ.😕

മറ്റൊരു അഭിമുഖത്തിൽ ഗീതു പറഞ്ഞത് കുടുംബസമേതം കാണുന്ന ഒരു സിനിമയിൽ, സ്ത്രീകളെ അപമാനിക്കുന്നതോ കാണുന്നവർക്ക് അസ്വസ്ഥത ഉണ്ടാക്കുന്നതോ ആയ ഒന്നും വരാൻ പാടില്ല എന്നാണ്. ആ സീൻ കണ്ട് ഏതെങ്കിലും ഒരു കുട്ടി തന്റെ സഹപാഠിയോടോ അനുജത്തിയോടോ അത് അനുകരിച്ചാൽ ഉണ്ടാകുന്ന അവസ്ഥ ഒന്ന് ആലോചിച്ച് നോക്കൂ? ഒരു പെണ്ണ് എന്ന നിലയിലും അമ്മ എന്ന നിലയിലും ഗീതുവും ഇത്രയെ ചിന്തിച്ചുള്ളൂ.🤷‍♂️

ഇനി 'ടോക്സിക്കി'ന്റെ കാര്യമെടുത്താൽ അതൊരു 'അഡൾട്ട് ഒൺലി' ചിത്രമാണെന്ന് അണിയറപ്രവർത്തകർ ആദ്യമേ വ്യക്തമാക്കിയിട്ടുണ്ട്. വയലൻസും സെക്സും ഒക്കെയുള്ള, കുട്ടികൾക്ക് കാണാൻ നിയന്ത്രണമുള്ള ചിത്രം. ആ ചിത്രത്തിൽ പരസ്പര സമ്മതത്തോടുകൂടി രണ്ട് പേർ വളരെ ആസ്വദിച്ച് ചെയുന്ന മനോഹരമായ ഒരു സെക്സ് സീനിനെ കസബയിലെ ബലപ്രയോഗവുമായി താരതമ്യം ചെയ്യുന്നവരെ സമ്മതിക്കണം.🙏🙏

ഇവന്മാരൊക്കെ നാളെ നാട്ടിലെ ഏതെങ്കിലും പെണ്ണിനോട് അനാവശ്യം കാണിച്ചിട്ട്, "എന്റെ അച്ഛൻ അമ്മയോട് ചെയ്യുന്നത് കണ്ടിട്ടല്ലേ ഞാനും ചെയ്തത്" എന്ന് ന്യായീകരിച്ചാലും അത്ഭുതപ്പെടാനില്ല. കഷ്ടം തന്നെ മലയാളിയുടെ മനോനിലവാരം!🥲🥲

22/12/2025

ഇന്നലെ ശ്രീനിയേട്ടന്റെ വിടവാങ്ങൽ ദൃശ്യങ്ങൾ കണ്ടപ്പോൾ മുതൽ എന്റെ മനസ്സ് ഉടക്കിയത് പ്രധാനമായും ആ നാല് പേരിലാണ്. ശ്രീനിയേട്ടൻ രോഗബാധിതനായ കാലം മുതൽ, ചുറ്റും കൂടുന്ന ക്യാമറക്കണ്ണുകൾക്കും ചോദ്യങ്ങൾക്കും നടുവിൽ അദ്ദേഹത്തിന് താങ്ങും തണലുമായി, ഒരു കുഞ്ഞിനെയെന്ന പോലെ പരിചരിച്ച് വിമല ടീച്ചർ കൂടെത്തന്നെയുണ്ടായിരുന്നു.

വിനീത് എന്നും അച്ഛന് അനുസരണയുള്ള, ശാന്തനായ മകനായിരുന്നു. എന്നാൽ താൻ അങ്ങനെയല്ലായിരുന്നുവെന്നും, പലപ്പോഴും അച്ഛനുമായി ആശയപരമായി വിയോജിച്ച് വീടുവിട്ടിറങ്ങിയിട്ടുണ്ടെന്നും ധ്യാൻ തന്നെ തുറന്നുപറഞ്ഞിട്ടുള്ളതാണ്. ചെറുപ്പത്തിന്റെ എടുത്തുചാട്ടത്തിൽ മാതാപിതാക്കളോട് കലഹിച്ചു നാടുവിട്ട ആ അനുഭവങ്ങൾ എനിക്കുമുണ്ടായിരുന്നത് കൊണ്ട് ധ്യാനിനെ എനിക്ക് പെട്ടെന്ന് റിലേറ്റ് ചെയ്യാൻ കഴിഞ്ഞു. പക്വതയില്ലാത്ത പ്രായത്തിൽ അച്ഛനമ്മമാരെ വേദനിപ്പിച്ചതോർത്ത് പിൽക്കാലത്ത് ഞാനും വല്ലാതെ നീറിയിട്ടുണ്ട്.

പലപ്പോഴും നമ്മൾ ചിന്തിക്കും, "ജീവിതത്തിൽ ഒന്ന് വിജയിക്കട്ടെ, എന്നിട്ട് അച്ഛന്റെ മുന്നിൽ തലയുയർത്തി നിന്ന് ആ ധൈര്യത്തിൽ അദ്ദേഹത്തെ ഒന്ന് കെട്ടിപ്പിടിക്കാം" എന്ന്. അങ്ങനെ നാളത്തേക്ക് മാറ്റിവെച്ച് ഒടുവിൽ ആ 'നാളെ' വരുന്നതിന് മുൻപേ അച്ഛൻ നമ്മളെ വിട്ടുപോകും. അത്തരമൊരു നിസ്സഹായതയും കുറ്റബോധവും ധ്യാനിന്റെ ആ കരച്ചിലിൽ ഉണ്ടായിരുന്നു. അച്ഛനെ സ്നേഹിച്ചു തുടങ്ങിയപ്പോഴേക്കും വിട്ടുപോകേണ്ടി വന്നതിന്റെ വേദന.

ജീവിച്ചിരിക്കുമ്പോൾ നൽകേണ്ട സ്നേഹവും പരിഗണനയും നൽകാതിരുന്നാൽ, അവർ പോയിക്കഴിയുമ്പോൾ ആ ശൂന്യത നമ്മളെ വേട്ടയാടും. അതുകൊണ്ട് മാതാപിതാക്കൾ കൂടെയുള്ളപ്പോൾ അവരെ സ്നേഹിക്കുക, ചേർത്തുപിടിക്കുക.
കുടുംബം കഴിഞ്ഞാൽ പിന്നെ അവിടെ ഏറ്റവും വേദനയോടെ കണ്ടത് സത്യേട്ടനെയാണ് (സത്യൻ അന്തിക്കാട്). മദ്രാസ് കാലം മുതൽ തുടങ്ങിയ സൗഹൃദം. ഒന്നിച്ച് കണ്ട കിനാവുകളും ചെയ്ത സിനിമകളും യാത്രകളും... ആ കണ്ണീരിൽ അവരുടെ ആത്മബന്ധത്തിന്റെ ആഴമുണ്ടായിരുന്നു. ചില വിയോഗങ്ങൾ നമ്മളെ വല്ലാതെ വേദനിപ്പിക്കും, ഹൃദയത്തിൽ വലിയൊരു വിങ്ങലായി അത് അവശേഷിക്കും. 😔💔

21/12/2025

ആത്മാർത്ഥ സുഹൃത്തിന്റെ വിയോഗത്തിൽ ഒന്ന് പൊട്ടിക്കരയാൻ പോലും സ്വാതന്ത്ര്യമില്ലാത്ത രണ്ട് മനുഷ്യർ😢😢

പ്രിയപ്പെട്ട ശ്രീനിവാസൻ സാറിന്റെ സംസ്കാര ചടങ്ങിൽ നിന്നുള്ള ദൃശ്യങ്ങൾ കണ്ടപ്പോൾ വല്ലാതെ മനസ്സ് നൊന്തത് ലാലേട്ടനെയും മമ്മൂക്കയെയും കണ്ടപ്പോഴാണ്. മലയാള സിനിമയിലെ ആ വലിയ മനുഷ്യർ, തിക്കിത്തിരക്കുന്ന ആൾക്കൂട്ടത്തിനിടയിലും വല്ലാതെ ഒറ്റപ്പെട്ടുപോയതുപോലെ..

നമ്മൾ അവരെ 'സൂപ്പർസ്റ്റാറുകൾ' എന്ന് വിളിക്കുന്നു. വെളിച്ചവും ക്യാമറയും അവർക്ക് ശീലമാണെന്ന് നമ്മൾ കരുതുന്നു. പക്ഷെ ആ മുഖങ്ങളിലേക്ക് ഒന്ന് സൂക്ഷിച്ചു നോക്കൂ. അത് താരങ്ങളുടെ മുഖമല്ല, കൂടെപ്പിറപ്പിനെ നഷ്ടപ്പെട്ട രണ്ട് സുഹൃത്തുക്കളുടെ മുഖമാണ്. അവർക്ക് പറയാനുള്ളത് നമ്മളെ ചിരിപ്പിക്കുകയും ചിന്തിപ്പിക്കുകയും ചെയ്ത പ്രിയപ്പെട്ടവനോടുള്ള യാത്രയയപ്പാണ്.

ഒരു നിമിഷത്തെ നിശബ്ദതയ്ക്ക് പകരം, നൂറുകണക്കിന് മൊബൈൽ ക്യാമറകളുടെ കണ്ണുകൾ. ഒന്ന് ഉള്ളുതുറന്ന് കരയാൻ പോലും സമ്മതിക്കാതെ, ഫ്ലാഷ് ലൈറ്റുകൾ കൊണ്ട് നമ്മൾ അവരെ വളഞ്ഞു. ജീവിതകാലം മുഴുവൻ ക്യാമറയ്ക്ക് മുന്നിൽ നമ്മളെ രസിപ്പിച്ചവരാണ് അവർ. എന്നാൽ 'അഭിനയം' നിർത്തി, വെറും പച്ച മനുഷ്യരായി നിൽക്കേണ്ട, ഏറ്റവും വേദന നിറഞ്ഞ ഈ നിമിഷത്തിൽ പോലും, നമ്മൾ അവരെ വെറുതെ വിട്ടില്ല.

ചുറ്റും നിൽക്കുന്ന ക്യാമറകൾ കാരണം സങ്കടം ഉള്ളിലൊതുക്കി, നിർവികാരരായി നിൽക്കാൻ നമ്മൾ അവരെ നിർബന്ധിതരാക്കി. സമൂഹത്തിന്റെ കാപട്യങ്ങളെ ഏറ്റവും നന്നായി പരിഹസിച്ച എഴുത്തുകാരനായിരുന്നു ശ്രീനിവാസൻ സാർ. വിരോധാഭാസമെന്നു പറയട്ടെ, ഇന്ന് അദ്ദേഹത്തിന്റെ യാത്രയയപ്പ് പോലും അത്തരമൊരു രംഗമായി മാറി. സഹാനുഭൂതി നഷ്ടപ്പെട്ട, മൊബൈൽ സ്ക്രീനിലേക്ക് ചുരുങ്ങിയ ഒരു സമൂഹത്തിന്റെ നേർക്കാഴ്ച.
ആദരാഞ്ജലികൾ ശ്രീനിവാസൻ സാർ. ഒപ്പം, ലാലേട്ടനോടും മമ്മൂക്കയോടും ഒരു മാപ്പ്, നിങ്ങളെ ഒന്ന് സ്വകാര്യമായി സങ്കടപ്പെടാൻ പോലും അനുവദിക്കാത്തതിന്.🙏🙏😓😓

11/12/2025

എത്ര തലകുത്തി മറിഞ്ഞാലും ഈ കേസിൽ ദിലീപിനെതിരെ ഇനിയൊരു വിധി വരില്ല - അഖിൽ മാരാർ

നടിയെ ആക്രമിച്ച കേസിൽ നിർണ്ണായകമായ വിധിന്യായങ്ങൾ വരുന്ന സാഹചര്യത്തിൽ, നടൻ ദിലീപിനെ ശക്തമായി പിന്തുണച്ചുകൊണ്ട് രംഗത്തെത്തിയിരിക്കുകയാണ് സംവിധായകനും ബിഗ് ബോസ് താരവുമായ അഖിൽ മാരാർ. ദിലീപിനെ ഈ കേസിൽ കരുതിക്കൂട്ടി കുടുക്കിയതാണെന്നും, യഥാർത്ഥ സത്യം ഒരുനാൾ പുറത്തു വരുമെന്നും അഖിൽ മാരാർ ഫേസ്ബുക്കിൽ കുറിച്ചു.

ദിലീപിനെ ശിക്ഷിക്കാൻ വേണ്ടി ഹൈക്കോടതിയിൽ പോയി നിയമപോരാട്ടം നടത്തുന്നവരെ രൂക്ഷമായ ഭാഷയിലാണ് അഖിൽ വിമർശിക്കുന്നത്. "ഹൈക്കോടതിയിൽ പോയി ദിലീപിനെ ശിക്ഷിക്കാൻ നോക്കുന്ന വിഡ്ഢികൾ എത്ര തലകുത്തി മറിഞ്ഞാലും ഈ കേസിൽ ദിലീപിനെതിരെ ഇനിയൊരു വിധി വരില്ല," എന്ന് അദ്ദേഹം തറപ്പിച്ചു പറയുന്നു. കാരണം ദിലീപ് അല്ല ഈ കൃത്യം ചെയ്തത് എന്നത് തന്നെയാണ് പരമമായ സത്യം. സത്യം എന്നായാലും ഈ ഭൂമിയിൽ ജയിക്കുമെന്നും അഖിൽ കൂട്ടിച്ചേർത്തു.

ഈ കേസിൽ ദിലീപ് എങ്ങനെ പ്രതിയായി എന്നത് പുറത്തുവരണമെങ്കിൽ പൾസർ സുനിയെക്കൊണ്ട് ഈ ക്രൂരകൃത്യം ചെയ്യിച്ചത് ആരാണെന്ന് കണ്ടെത്തണം. യഥാർത്ഥ പ്രതിയെ കണ്ടെത്തുന്ന നിമിഷം, ദിലീപിനെതിരെ നടന്ന ഗൂഢാലോചനയുടെ ചുരുളഴിയുമെന്ന് അഖിൽ മാരാർ നിരീക്ഷിക്കുന്നു. ദിലീപ് ആണ് ഇത് ചെയ്തത് എന്ന് വിശ്വസിക്കാൻ ചിലർക്ക് അവകാശമുള്ളതുപോലെ തന്നെ, ദിലീപിനെ മറ്റുള്ളവർ കുടുക്കിയതാണെന്ന് വിശ്വസിക്കാൻ തനിക്ക് അവകാശമുണ്ടെന്നും അദ്ദേഹം വ്യക്തമാക്കി.

08/12/2025

അതുവരെ ഒരു ഒറ്റപ്പെട്ട സംഭവമാണെന്ന് വിശ്വസിച്ചിരുന്ന ഒരു സമൂഹത്തിന് മുന്നിലേക്കാണ് മഞ്ജു ആ സത്യം തുറന്നടിച്ചത്. ഇതൊരു 'കൊട്ടേഷൻ ആണ്'

2017 ഫെബ്രുവരി 18. കൊച്ചി ദർബാർ ഹാൾ മൈതാനം ഒരു നിർണ്ണായക നിമിഷത്തിന് സാക്ഷ്യം വഹിച്ചു. മലയാള സിനിമയിലെ സഹപ്രവർത്തകർ ഒന്നടങ്കം ഒത്തുകൂടിയ ആ പ്രതിഷേധ വേദിയിൽ, അതുവരെ പൊതുസമൂഹത്തിൽ നിന്ന് അകലം പാലിച്ചു നിന്നിരുന്ന മഞ്ജു വാര്യർ മൈക്കിന് മുന്നിലെത്തി. അവരുടെ വാക്കുകൾ വളരെ കൃത്യവും മൂർച്ചയേറിയതുമായിരുന്നു.

അതുവരെ ഇതൊരു ഒറ്റപ്പെട്ട സംഭവമാണെന്നും, പ്രതിയായ പൾസർ സുനിയും സംഘവും സ്വന്തം നിലയ്ക്ക് ചെയ്ത ക്രൂരതയാണെന്നും വിശ്വസിച്ചിരുന്ന ഒരു സമൂഹത്തിന് മുന്നിലേക്കാണ് മഞ്ജു ആ സത്യം തുറന്നടിച്ചത്. ഇതൊരു 'കൊട്ടേഷൻ' ആണെന്നും, ഇതിന് പിന്നിൽ സിനിമാ മേഖലയിൽ നിന്നുള്ള ശക്തമായ കരങ്ങളുണ്ടെന്നുമുള്ള സൂചന നൽകിയത് ആ വാക്കുകളായിരുന്നു. പിൽക്കാലത്ത് പ്രമുഖ നടൻ ദിലീപ് ഈ കേസിൽ പ്രതിയാകുന്നതിലേക്കും, അന്വേഷണം പുതിയ തലങ്ങളിലേക്ക് നീങ്ങുന്നതിലേക്കും വഴിതെളിച്ച പ്രധാന മൊഴികളിലൊന്ന് ഇതായിരുന്നു.

ആ ദിവസത്തിന് ശേഷം മഞ്ജു വാര്യർ സ്വീകരിച്ച നിലപാടും ശ്രദ്ധേയമായിരുന്നു. മാധ്യമങ്ങൾ മുഴുവൻ അവരുടെ പ്രതികരണത്തിനായി കാത്തുനിന്നിട്ടും, വിവാദങ്ങൾക്ക് തിരികൊളുത്താതെ അവർ മൗനം പാലിച്ചു. എന്നാൽ, പറയേണ്ട കാര്യങ്ങൾ അന്വേഷണ ഉദ്യോഗസ്ഥരോടും കോടതിയിലും യാതൊരു ചാഞ്ചല്യവുമില്ലാതെ അവർ വ്യക്തമാക്കി. വൈകാരിക പ്രകടനങ്ങളില്ലാതെ, എന്നാൽ അതിശക്തമായ പിന്തുണയുമായി അവർ ആക്രമിക്കപ്പെട്ട നടിക്കൊപ്പം നിന്നു.

മറുവശത്ത്, കൊച്ചിയുടെ തിരക്കേറിയ റോഡിലൂടെ ഓടുന്ന ഒരു വാഹനത്തിനുള്ളിൽ അതിക്രൂരമായി ആക്രമിക്കപ്പെട്ട ആ പെൺകുട്ടി അനുഭവിച്ച ട്രോമ വിവരണാതീതമാണ്. അവളെ കുറ്റപ്പെടുത്താനും, മൊഴി മാറ്റാനും, സാക്ഷികളെ സ്വാധീനിക്കാനും നടന്ന ശ്രമങ്ങൾക്കിടയിലും അവൾ തളർന്നില്ല. അവളുടെ പ്രതിശ്രുത വരനും, കുടുംബവും, നീതിയിൽ വിശ്വസിക്കുന്ന ഒരു കൂട്ടം മനുഷ്യരും നൽകിയ കരുത്താണ് അവളെ മുന്നോട്ട് നയിച്ചത്.

എട്ട് വർഷങ്ങൾക്കിപ്പുറവും നീതിക്കായുള്ള പോരാട്ടം തുടരുകയാണ്. ഇത്രയും വൈകിയുള്ള നീതിയെ നീതിയെന്ന് വിളിക്കാൻ കഴിയില്ലെങ്കിലും, ഈ ക്രൂരതയ്ക്ക് പിന്നിൽ പ്രവർത്തിച്ചവർക്കും അതിന് ആസൂത്രണം ചെയ്തവർക്കും ഏറ്റവും കടുത്ത ശിക്ഷ തന്നെ ലഭിക്കേണ്ടതുണ്ട്. അത് സമൂഹത്തിന് ഒരു പാഠമാകാൻ വേണ്ടിയല്ല, മറിച്ച് ആ പെൺകുട്ടി അനുഭവിച്ച നരകതുല്യമായ രാപ്പകലുകൾക്ക് ഒരു ചെറിയ നീതിയെങ്കിലും ലഭിക്കാൻ വേണ്ടിയാണ്.

06/12/2025

കേസ് കൊടുക്കണം കൂടെ ഞാനുണ്ട്.. വീണുപോകാതെ ചേർത്ത് പിടിച്ചവൻ.. ആണൊരുത്തൻ🥰🥰

ഏറ്റവും മോശപ്പെട്ട അവസ്ഥയിൽ ഒരാൾ നമുക്കൊപ്പം എങ്ങനെ നിൽക്കുന്നു എന്നത് മാത്രമാണ് സ്നേഹത്തിൻ്റെ യഥാർത്ഥ അളവുകോൽ.

നല്ല കാലത്ത് കൂടെ നിൽക്കാൻ ആർക്കും സാധിക്കും, പക്ഷെ വീണുപോകുമെന്ന് ഉറപ്പുള്ളിടത്ത് താങ്ങി നിർത്തുന്നവനാണ് യഥാർത്ഥ പങ്കാളി. നവീൻ, ഈ ലോകം നിങ്ങളെ ബഹുമാനിക്കുന്നു.🙏🙏

05/12/2025

ഹാദിയയുടെ അമ്മയുടെ മരണവാർത്ത നമ്മുടെ മതേതര മാധ്യമങ്ങൾ അവതരിപ്പിക്കുന്നത് "ചങ്കുപൊട്ടി മരിച്ച അമ്മ", "നീതി ലഭിക്കാതെ മരിച്ച അമ്മ" എന്നൊക്കെയാണ്. ആ അമ്മയുടെ മരണം ഒരു ദുഃഖസത്യമാണ്. എന്നാൽ, വൈകാരികതയുടെ മേമ്പൊടിയിട്ട് മാധ്യമങ്ങൾ ആഘോഷിക്കുന്നത് വിശുദ്ധമായ മാതൃസ്നേഹത്തെ അല്ല, മറിച്ച് പ്രാർപൂർത്തിയായി മകളുടെ വ്യക്തിസ്വാതന്ത്ര്യത്തിന് മേലുള്ള ഒരു അമ്മയുടെ കടന്നു കയറ്റത്തെയാണ്.👎

ഹാദിയ ഒരു ചെറിയ കുട്ടിയല്ല, പ്രായപൂർത്തിയായ നല്ലവിദ്യാഭ്യാസമുള്ള തിരിച്ചറിവുള്ള വ്യക്തിയാണ്. സ്വന്തം ഇഷ്ടപ്രകാരം മതം മാറാനും, ഇഷ്ടപ്പെട്ട വ്യക്തിയെ വിവാഹം കഴിക്കാനും ഭരണഘടനാപരമായ അവകാശമുള്ള, പക്വതയുള്ള ഒരു സ്ത്രീയാണ്. മകൾക്ക് 24 വയസ്സ് കഴിഞ്ഞിട്ടും, അവൾ എന്ത് വിശ്വസിക്കണം, ആരെ സ്നേഹിക്കണം എന്ന് മാതാപിതാക്കൾ തന്നെ തീരുമാനിക്കണം എന്ന് ശഠിക്കുന്നത് സ്നേഹമല്ല, അത് കൺട്രോളിംഗ് ആണ്. 🤨

സ്വന്തം മകൾക്ക് ഇഷ്ടമില്ലാത്ത ജീവിതം അടിച്ചേൽപ്പിക്കാൻ ശ്രമിക്കുന്നതിനെ, കോടതികൾ കയറിയിറങ്ങി അവളെ വീട്ടുതടങ്കലിലാക്കാൻ ശ്രമിച്ചതിനെ നാം എങ്ങനെയാണ് 'ത്യാഗം' എന്ന് വിളിക്കുക? മക്കൾ മാതാപിതാക്കളുടെ സ്വത്തല്ല, അവർ സ്വതന്ത്രരായ വ്യക്തികളാണ്. "ഞാൻ പറയുന്നതേ നീ ചെയ്യാവൂ" എന്നത് കരുതലോ സ്നേഹമോ അല്ല, അത് ടോക്സിക് ആയ ഉടമസ്ഥാവകാശ ബോധമാണ്.🙏

മിശ്രവിവാഹങ്ങളെയോ മതം മാറിയുള്ള വിവാഹങ്ങളെയോ ഇന്നും എന്തോ മോശമായി കാണുന്ന നമ്മുടെ സമൂഹത്തിന്റെ ജീർണ്ണിച്ച ബോധത്തെയാണ് മാധ്യമങ്ങൾ ഇവിടെ താലോലിക്കുന്നത്. മകൾ സ്വന്തം നിലപാടിൽ സന്തോഷവതിയായി ജീവിക്കുമ്പോഴും, അത് അംഗീകരിക്കാതെ "എന്റെ മകൾ നശിച്ചുപോയി" എന്ന് കരയുന്ന മാതാപിതാക്കളെ മഹത്വവൽക്കരിക്കുന്നത് വഴി, "മക്കൾ മാതാപിതാക്കൾക്ക് വിധേയരായി ജീവിക്കേണ്ടവരാണ്" എന്ന തെറ്റായ സന്ദേശമാണ് ഇവർ സമൂഹത്തിനു നൽകുന്നത്.🤷‍♂️

സ്നേഹം എന്നത് പിടിച്ചുവെക്കലല്ല, പറക്കാൻ അനുവദിക്കലാണ്. മകൾ തിരഞ്ഞെടുത്ത ജീവിതത്തിൽ അവൾ സംതൃപ്തയാണെങ്കിൽ, അതിൽ സന്തോഷിക്കാൻ കഴിയാത്തത് ആ മാതാപിതാക്കളുടെ പരാജയമാണ്, അല്ലാതെ മകളുടെ തെറ്റല്ല.😬

ആ അമ്മയുടെ വിയോഗത്തിൽ ആദരാഞ്ജലികൾ. ഒപ്പം, സ്വന്തം ഇഷ്ടത്തിന് ജീവിക്കാൻ പോരാടിയ ഹാദിയയ്ക്കും അഭിവാദ്യങ്ങൾ. ✊

03/12/2025

അപൂർവ്വ രോഗത്തിന്റെ പേരിൽ വിശ്വസിച്ച് കൂടെ കൂട്ടിയവൻ വരെ ഉപേക്ഷിച്ച പെണ്ണ്.. കൈയ്യിൽ ഡ്രിപ് ബോട്ടിലുമായി ഡബ്ബിങ്ങിന് വന്ന അവളെ ഇന്നും വേദനയോടെ ഓർക്കുന്നുണ്ട് ഞാൻ.. 🥺🥺

ഒരു കാലത്ത് സമാന്ത എന്ന പേര് കേൾക്കുമ്പോൾ നമ്മുടെ മനസ്സിൽ വന്നിരുന്നത് സന്തോഷം നിറഞ്ഞ ആ ചിരി മാത്രമായിരുന്നു. എന്നാൽ പെട്ടന്നൊരു ദിവസം ആ ചിരി മാഞ്ഞു. പ്രണയിച്ച് വിവാഹം കഴിച്ച ജീവിതം പാതിവഴിയിൽ തകർന്നു. പിന്നാലെ മയോസൈറ്റിസ് എന്ന അപൂർവ്വ രോഗം ശരീരത്തെ കാർന്നുതിന്നാൻ തുടങ്ങി. എഴുന്നേറ്റ് നിൽക്കാൻ പോലും ആവാത്ത അവസ്ഥയിലും, ആശുപത്രി കിടക്കയിൽ ഇരുന്ന് കൈയ്യിൽ ഡ്രിപ്പ് ഇട്ടുകൊണ്ട് 'യശോദ' എന്ന സിനിമയ്ക്ക് ഡബ്ബ് ചെയ്യുന്ന ആ ചിത്രം ആരും മറന്നുകാണില്ല. ഇതോടെ എല്ലാം അവസാനിച്ചുവെന്ന് അന്ന് എല്ലാരും വിധിയെഴുതി.

എന്നാൽ അവിടെ നിന്നാണ് യഥാർത്ഥ 'ഫിനിക്സ് പക്ഷിയെ' പോലെ അവൾ ഉയിർത്തെഴുന്നേറ്റത്! ഇപ്പോഴിതാ, ആ കണ്ണീരിനും വേദനയ്ക്കും ദൈവം നൽകിയ മറുപടിയാണ് കഴിഞ്ഞ ദിവസം കേട്ടത്. 'ഫാമിലി മാൻ' സീരീസിലൂടെയും 'സിറ്റാഡലി'ലൂടെയും സമാന്തയെ കൈപിടിച്ചുയർത്തിയ സംവിധായകൻ രാജ് നിദിമോരു തന്നെ ഒടുവിൽ അവളുടെ ജീവിതത്തിലേക്കും കടന്നുവന്നിരിക്കുന്നു. ഡിസംബർ 1 ന് കോയമ്പത്തൂർ ഇഷ യോഗ സെന്ററിൽ വെച്ച് അതീവ രഹസ്യമായിട്ടായിരുന്നു വിവാഹം. വെറും 30 പേർ മാത്രം പങ്കെടുത്ത ലളിതമായ ചടങ്ങ്.

ഗോസിപ്പുകൾ സത്യമാണെങ്കിൽ, 'സിറ്റാഡൽ' ഷൂട്ടിംഗ് സമയത്താണ് ഇവർക്കിടയിൽ പ്രണയം മൊട്ടിട്ടത്. സമാന്തയുടെ ഏറ്റവും മോശം സമയത്ത് താങ്ങായി നിന്നത് രാജാണത്രെ. വിവാഹസമ്മാനമായി ഹൈദരാബാദിലെ ജൂബിലി ഹിൽസിൽ ഒരു ആഡംബര വീട് രാജ് സമാന്തയ്ക്ക് നൽകി എന്നും കേൾക്കുന്നുണ്ട്. എന്തായാലും ഒന്ന് പറയാം, ഇത് വെറുമൊരു വിവാഹമല്ല. വീണുപോയിടത്ത് നിന്ന്, തനിയെ പൊരുതി ജയിച്ച ഒരു പെണ്ണിന്റെ വിജയപ്രഖ്യാപനമാണ്. അർഹിക്കുന്ന സ്നേഹം വൈകിയാണെങ്കിലും അവളെ തേടിയെത്തിയിരിക്കുന്നു.
Happy Married Life Sam! ❤️

02/12/2025

വാർത്ത വായിച്ച് ചങ്ക് തകർന്നുപോയി😢പെൺകുട്ടിയുടെ കാമുകനെ ഇടിച്ച് തല ചതച്ചു, പിന്നെ വെടിവെച്ചു കൊന്നു🥺 കാമുകന്റെ മൃതദേഹത്തെ വിവാഹം കഴിച്ച് യുവതി💔💔

സ്വന്തം അച്ഛനും ആങ്ങളമാരും ചേർന്ന് തല്ലിക്കൊന്ന പ്രിയപ്പെട്ടവന്റെ മൃതദേഹത്തിന് അരികിലിരുന്ന്, സ്വയം സിന്ദൂരമണിഞ്ഞ് അവൾ സക്ഷമിന്റെ ഭാര്യയാവുമ്പോൾ.. ആ കാഴ്ച കണ്ട് ഉള്ളൊന്ന് പിടഞ്ഞുപോയി. വെറും 20 വയസ്സായിരുന്നു അവന്. സ്നേഹിച്ചു എന്ന ഒറ്റക്കാരണത്താൽ, ജാതിയുടെ പേരിൽ പച്ചയ്ക്ക് അവനെ കൊന്നുകളഞ്ഞു. പെറ്റ മകളുടെ സന്തോഷത്തേക്കാൾ വലുതാണോ ഈ ദുരഭിമാനം? സ്വന്തം ചോരയെ വിധവയാക്കിയിട്ട് എന്ത് ജാതി മഹിമയാണ് ഇവർക്കൊക്കെ കിട്ടുന്നത്?

"അച്ഛനും ആങ്ങളമാരും ചേർന്നാണ് അവനെ കൊന്നത്, അവർക്ക് വധശിക്ഷ തന്നെ കിട്ടണം" എന്ന് ആ പെൺകുട്ടി നെഞ്ചുവിരിച്ചുനിന്ന് പറയുമ്പോൾ, തോറ്റുപോയത് ആ കൊലയാളികളാണ്.
മരണം കൊണ്ട് പ്രണയത്തെ തോൽപ്പിക്കാൻ നോക്കിയവർക്ക് മുന്നിൽ, സക്ഷമിന്റെ മൃതദേഹത്തിൽ മഞ്ഞളും സിന്ദൂരവും ചാർത്തി അവൾ നൽകിയ മറുപടി ധീരമാണ്. ജാതിവെറിക്കുള്ള ശക്തമായ മറുപടി. പ്രിയപ്പെട്ടവനെ നഷ്ടപ്പെട്ട ആ പെൺകുട്ടിക്ക് അത് താങ്ങാനുള്ള കരുത്തുണ്ടാകട്ടെ.💔💔

Fathima Fadhiya

23/01/2026

10/01/2026

22/12/2025

21/12/2025

11/12/2025

08/12/2025

06/12/2025

05/12/2025

03/12/2025

02/12/2025

Address

Website

Alerts

Shortcuts

Share

Category