11/12/2025
ശക്തമായ പ്രതിഷേധം — ജനാധിപത്യത്തിനെതിരായ ക്രൂരാക്രമണം
ഇന്ന് കല്യാശ്ശേരി ബ്ലോക്ക് പഞ്ചായത്ത് പഴയങ്ങാടി ഡിവിഷനിൽ നിന്ന് മത്സരിക്കുന്ന കെ.വി. റിയാസ്ന്റെ ബൂത്ത് ഏജന്റായ ബാലകൃഷ്ണനെയും പന്ത്രണ്ടാം വാർഡ് സ്ഥാനാർത്ഥിയെയും സിപിഎം അക്രമികൾ ക്രൂരമായി മർദ്ദിച്ച സംഭവം അതീവ ഗുരുതരവും ജനാധിപത്യത്തെ അവഹേളിക്കുന്നതുമാണ്.
നെരുവമ്പുറം യു.പി. സ്കൂളിൽ, വോട്ട് ചെയ്യാനെന്ന വ്യാജേന അകത്തു കയറി, കസേര കൊണ്ടുള്ള ആക്രമണം നടത്തുകയും ഇരുവരെയും ഇപ്പോൾ പരിയാരം മെഡിക്കൽ കോളേജിൽ ചികിത്സയ്ക്ക് പ്രവേശിപ്പിക്കേണ്ട സാഹചര്യം ഉണ്ടാക്കുകയും ചെയ്തത് തിരഞ്ഞെടുപ്പ് ദിനത്തിൽ പോലും രാഷ്ട്രീയ അക്രമത്തെ ആയുധമാക്കുന്നവരുടെ യഥാർത്ഥ മുഖമാണ് വെളിവാക്കുന്നത്.
ജനങ്ങളുടെ സ്വതന്ത്രമായ വോട്ടവകാശത്തേയും സ്ഥാനാർത്ഥി–ഏജന്റ് സുരക്ഷയേയും നേരിട്ട് വെല്ലുവിളിക്കുന്ന ഇത്തരം ആക്രമണങ്ങൾ ഒരു സംസ്കാരമുള്ള സമൂഹത്തിനും ജനാധിപത്യത്തിനും ഒരിക്കലും അംഗീകരിക്കാനാവില്ല.
ഞങ്ങൾ ഈ ക്രൂരതയ്ക്കെതിരെ ശക്തമായ പ്രതിഷേധം രേഖപ്പെടുത്തുന്നു.
അക്രമികൾക്കെതിരെ ഉടൻ കർശന നടപടി
തിരഞ്ഞെടുപ്പ് കമ്മീഷന്റെ അടിയന്തര ഇടപെടലും സുരക്ഷാ ശക്തീകരണവും
ഞങ്ങൾ ശക്തമായി ആവശ്യപ്പെടുന്നു.
ഒ. ബഷീർ
ചീഫ് ഏജന്റ്
കല്യാശ്ശേരി ബ്ലോക്ക് — പഴയങ്ങാടി ഡിവിഷൻ
കടപ്പാട്
