11/08/2018
സംസ്ഥാനം അഭൂതപൂര്വ്വമായ കാലവര്ഷക്കെടുതി നേരിടുന്ന സാഹചര്യത്തില് മുഖ്യമന്ത്രിയുടെ ദുരിതാശ്വാസനിധിയിലേക്ക് (സി.എം.ഡി.ആര്.എഫ്) ഉദാരമായി സംഭാവന നല്കാന് വ്യക്തികളോടും സംഘടനകളോടും സ്ഥാപനങ്ങളോടും അഭ്യര്ത്ഥിക്കുന്നു. മനുഷ്യജീവനും വീടുകള്ക്കും മറ്റു വസ്തുവകകള്ക്കും റോഡുകള്ക്കും ഭീമമായ നഷ്ടമാണ് കുറച്ചുദിവസങ്ങള്ക്കകമുണ്ടായത്. ദുരന്തം നേരിടാന് എല്ലാവരും കൈകോര്ത്തു നില്ക്കണം. മുഖ്യമന്ത്രിയുടെ ദുരിതാശ്വാസ നിധിയിലേക്ക് ഒരു അഭ്യര്ത്ഥനയുമില്ലാതെ ധാരാളം വ്യക്തികളും സ്ഥാപനങ്ങളും സംഘടനകളും സംഭാവന നല്കുന്നുണ്ട്. അവരോടെല്ലാം നന്ദി പ്രകടിപ്പിക്കുന്നു. ദുരിതാശ്വാസത്തിന് കര്ണാടക സര്ക്കാര് 10 കോടി രൂപയും തമിഴ്നാട് 5 കോടി രൂപയും അനുവദിച്ചിട്ടുണ്ട്. ഇരു സര്ക്കാരുകളെയും നന്ദി അറിയിച്ചു.
ജൂലൈ 26 മുതല് ആഗസ്റ്റ് 9 വരെയുളള ദിവസങ്ങളില് മുഖ്യമന്ത്രിയുടെ ദുരിതാശ്വാസനിധിയിലേക്ക് 1.75 കോടി രൂപ സംഭാവനയായി ലഭിച്ചിട്ടുണ്ട്. സംഭാവനകള് താഴെ ചേര്ത്ത അക്കൗണ്ടിലേക്കാണ് അയക്കേണ്ടത്.
അക്കൗണ്ട് നം. 67319948232, എസ്.ബി.ഐ. സിറ്റി ബ്രാഞ്ച്, തിരുവനന്തപുരം, IFSC: SBIN0070028. CMDRF ലേക്കുളള സംഭാവന പൂര്ണ്ണമായും ആദായനികുതിയില് നിന്ന് ഒഴിവാക്കിയിട്ടുണ്ട്.
