Cinema Guru

27/06/2025

കിടിലം പടം

30/05/2021

Mucize 2: Aşk aka Miracles Of Love » ᴀ ʀᴇᴛᴀʟɪᴀᴛᴇ

■ ഒരു ഇൻസ്റ്റാ റീലിലൂടെ ഈ വർഷമാണ് മുജിസെ എന്ന ടർക്കിഷ് സിനിമ മലയാളികൾക്കിടയിൽ തരംഗം സൃഷ്ടിക്കുന്നത്. മലയാളികളുടെ അകമഴിഞ്ഞ സ്നേഹത്തിന് മുജിസെയുടെ നായകൻ മെർട്ട് തുറാക്ക് രണ്ട് പ്രാവശ്യമാണ് ഇൻസ്റ്റായിലൂടെ തന്നെ നന്ദി അറിയിച്ചത്. മുജിസെ ഒന്നാം ഭാഗത്തിലെ നായികയായ സെദാ തോസുനും മലയാളം പരിഭാഷയോട് കൂടിയ ആ ഇൻസ്റ്റാ റീൽ ഷെയർ ചെയ്തുകൊണ്ട് മലയാളികളോടുള്ള തന്റെ നന്ദി രേഖപ്പെടുത്തി. മലയാളികൾക്കിടയിൽ മുജിസെയുടെ വൻപ്രചാരത്തേക്കുറിച്ച് പറയുമ്പോൾ എംസോണിനെക്കുറിച്ച് പറഞ്ഞില്ലെങ്കിൽ തീർച്ചയായും അതൊരു നന്ദി കേടാവും. മലയാളികളെ ലോകത്തെ ഏതൊരു സിനിമയും കാണാൻ പ്രാപ്തരാക്കിയത് ഒരു അർത്ഥത്തിൽ എംസോൺ തന്നെയാണ്. എംസോണിന് വേണ്ടി അൻസാർ കെ. യൂനുസ് ഒരുക്കിയ മലയാളം പരിഭാഷയോട് കൂടിയുള്ള ഇൻസ്റ്റാ റീലാണ് ലക്ഷക്കണക്കിന് മലയാളികൾക്കിടയിൽ തരംഗമായതും. ഇൻസ്റ്റാ റീൽ കാരണം മുജിസെയുടെ ഒന്നാം ഭാഗം തിരഞ്ഞുപിടിച്ചു കണ്ട എത്രപേർ അതിന്റെ രണ്ടാം ഭാഗമായ മുജിസെ 2 : അഷ്‌ക്ക് കണ്ടു എന്നറിയില്ല. പക്ഷേ, മുജിസെ കണ്ട് ഇഷ്ടപ്പെട്ടവർ ഒരിക്കലും മിസ്സാക്കാൻ പാടില്ലാത്ത ഒന്നാണ് അതിന്റെ രണ്ടാം ഭാഗം.

Mucize 2: Aşk » a review 👇

WELCOME TO "r2h Media"ANCHOR: RIYAS PULIKKALWEBSITE: www.riyaspulikkal.comEMAIL: .comINSTAGRAM: www.inst...

18/04/2021

Joji » ᴀ ʀᴇᴛᴀʟɪᴀᴛᴇ

■ ജോജിയിലൂടെ ദിലീഷ് പോത്തനും ഫഹദ് ഫാസിലും മൂന്നാമതും ഒന്നിക്കുമ്പോൾ മറ്റൊരു ഹിറ്റ് എന്നതിലുപരി മറ്റൊരു മികച്ച ചിത്രം കൂടി ലഭിച്ചിരിക്കുകയാണ് മലയാളത്തിന്. ഇനി ദിലീഷ് പോത്തൻ ചിലപ്പോൾ മനസ്സിൽ പോലും ചിന്തിചിട്ടില്ലാത്ത പോത്തേട്ടൻ ബ്രില്യൻസുകളുടെ വരവാണ്. ഫഹദ് ഇല്ലായിരുന്നില്ലെങ്കിൽ താനൊരു സംവിധയകൻ ആവില്ലായിരുന്നു എന്ന് തുറന്നു പറഞ്ഞ ദിലീഷ് പോത്തന് ഫഹദാണോ, അതോ ഫഹദിന് ദിലീഷ് പോത്തനാണോ ഒഴിച്ചു കൂടാൻ പറ്റാത്ത ചേരുവ എന്നതൊരു ചോദ്യമാണെങ്കിലും മലയാളികൾക്ക് ഈ രണ്ടു ചേരുവകളും ഒന്നിക്കുമ്പോഴാണ് രുചികരമായൊരു സദ്യ പോലോത്ത സിനിമകൾ കിട്ടുന്നത്. ദിലീഷ് പോത്തൻ ജോജി എന്ന സിനിമ ഉണ്ടാക്കിയതും ഒരുപാട് ചേരുവകൾ ചേർത്താണ്. വില്യം ഷേക്സ്പിയറിന്റെ വിശ്വവിഖ്യാത നാടകം മാക്ബെത്തും മലയാളത്തിലെ അതുല്യ സംവിധായകൻ അതിമനോഹര സൃഷ്ടികളിൽ ഒന്നായ ഇരകൾ എന്ന സൈക്കോളജിക്കൽ ത്രില്ലർ സിനിമയും സമം ചേർത്തു അതിലേക്ക് കേരളത്തെ പിടിച്ചു കുലുക്കിയ കൂടത്തായി കൊലപാതക കേസിട്ട് ഭംഗിയായി പാചകം ചെയ്തെടുത്ത രുചികരമായൊരു സദ്യയാണ് ജോജി എന്ന സൈക്കോളജിക്കൽ ക്രൈം ഡ്രാമാ മലയാള ചിത്രം. മാക്ബെത്തും ഇരകളും കൂടത്തായിയും എങ്ങനെയാണ് ജോജിയാവുന്നത് എന്നുള്ളത് സ്പോയ്ലർ ആവും എന്നുള്ളത് കൊണ്ട് തന്നെ അവസാനത്തിലേക്ക് വെക്കുന്നു. ജോജിയിറങ്ങി ദിവസങ്ങൾക്കു ശേഷമുള്ള റിവ്യൂ ആയത് കൊണ്ട് തന്നെ ഇതൊരു വെറും റിവ്യൂ ആക്കാൻ ഞാൻ ഉദ്ദേശിച്ചിട്ടില്ല. പോത്തേട്ടൻ പോലും മനസ്സിൽ ആലോചിക്കാത്ത ബ്രില്യൻസുകളിലേക്കും ഹിഡൻ റെഫെറൻസുകളിലേക്കും ഏവർക്കും സ്വാഗതം.

■ മാക്ബെത്തും ഇരകളും കൂടത്തായിയും എങ്ങനെ ജോജി എന്ന സിനിമയായി മാറുന്നു എന്നതിനെക്കുറിച്ചാണ്. സ്പോയ്ലറുകൾ വരും എന്നുള്ളത് കൊണ്ട് തന്നെ ജോജി എന്ന സിനിമ കാണാത്തവർ ദയവായി തുടർന്നുള്ള വീഡിയോ കാണാതിരിക്കുക. 👇

TO "r2h Media"ANCHOR: RIYAS PULIKKALWEBSITE: www.riyaspulikkal.comEMAIL: .comINSTAGRAM:...

07/04/2021

31/03/2021

Hiring now

28/03/2021

Zack Snyder's Justice » Detailed Review 👇

26/03/2021

Zack Snyder's Justice » ᴀ ʀᴇᴛᴀʟɪᴀᴛᴇ

■ സ്നൈഡർ കട്ട് ജസ്റ്റിസ് ലീഗ് അഥവാ സാക്ക് സ്നൈഡറിന്റെ മാത്രം ജസ്റ്റിസ് ലീഗ്. 2017ൽ ഇറങ്ങി ഡിസാസ്റ്റർ ആയിപ്പോയ ഡിസിയുടെ ജസ്റ്റിസ് ലീഗ് മുതൽ കേട്ടു തുടങ്ങിയതാണ് സ്നൈഡർ കട്ട് വരുന്നൂ സ്നൈഡർ കട്ട് വരുന്നൂ എന്ന്. ഡിസി ആരാധകർ സോഷ്യൽ മീഡിയ ഒന്നാകെ പോസ്റ്റർ ഒട്ടിച്ചു നടന്നിട്ടും എനിക്കൊരു വിശ്വാസവും ഇല്ലായിരുന്നു ഒരു പരാജയപ്പെട്ട സിനിമയ്ക്ക് അതിന്റെ സംവിധായകന്റെ വേർഷൻ വരുമെന്ന്. ഇത് പക്ഷേ, ഞാനൊക്കെ പുച്ഛത്തോടെ നോക്കിക്കണ്ട ഡിസി ആരാധകരുടെ പോസ്റ്റർ ഒട്ടിപ്പിന്റെയൊക്കെ വിജയം തന്നെയാണ്. അവരുടെ അർഹതയ്ക്കുള്ള അംഗീകാരമാണ്.

എന്താണ് സ്നൈഡർ കട്ട്?

2017ൽ ഡിസി അവരുടെ തിരിച്ചു വരവും സ്വപ്നം കണ്ട് ഇറക്കിയ ജസ്റ്റിസ് ലീഗ് എന്ന ബ്രഹ്‌മാണ്ട സിനിമ ബോക്സ് ഓഫീസിൽ മൂക്കുംകുത്തി വീണതിന് പിന്നിൽ ഒരു ചതിയുടെ കഥയുണ്ട്. വാർണർ ബ്രോസ് എന്ന വൻകിട പ്രൊഡക്ഷൻ കമ്പനി സാക്ക് സ്നൈഡർ എന്ന സംവിധായകനെ ചതിച്ച കഥ.

സാക്കിന്റെ വാച്ച്മെനും 300ഉം മാൻ ഓഫ് സ്റ്റീലും ഒക്കെ കണ്ടവർക്ക് എന്താണ് അദ്ദേഹത്തിന്റെ റേഞ്ച് എന്ന് വ്യക്തമായി അറിയാം. 2017ൽ ഇറങ്ങി തിയറ്ററിൽ നിന്നും നാണം കെട്ടു മടങ്ങിയ ജസ്റ്റിസ് ലീഗിന് സംഭവിച്ചതെന്തായിരുന്നു? എന്തിനായിരുന്നു ആരാധകർ ജസ്റ്റിസ് ലീഗിന്റെ സാക്ക് സ്നൈഡർ വേർഷനായി പ്രതീക്ഷയോടെ കാത്തിരുന്നത്? എന്താണ് സാക്ക് സ്‌നൈഡറുടെ ജസ്റ്റിസ് ലീഗും വാർണർ ബ്രോസിന്റെ ജസ്റ്റിസ് ലീഗും തമ്മിലുള്ള വ്യത്യാസം?

Zack Snyder's Justice » Detailed Review 👇

WELCOME TO "r2h Media"ANCHOR: RIYAS PULIKKALWEBSITE: http://riyaspulikkalwordpress.blogspot.comEMAIL: [email protected]...

12/03/2021

Love » Detailed Explanation 👇

11/03/2021

Love » Explained

■ ഇതര ഭാഷാ ഇൻഡസ്ട്രികളിലെ മൈൻഡ് ട്വിസ്റ്റിങ് സിനിമകളെ വാനോളം പുകഴ്ത്തുമ്പോഴും അത്തരം പരീക്ഷണ ചിത്രങ്ങൾ സ്വന്തം ഭാഷയിലേക്ക് വരുമ്പോൾ പുറംകാല് കൊണ്ട് അടിച്ചു തെറിപ്പിക്കുന്ന കടുത്ത "ഐറണിയും" കൊണ്ട് നടക്കുന്ന ഒരു പ്രത്യേക വിഭാഗമാണ് നമ്മൾ മലയാളികൾ. അതുകൊണ്ട് തന്നെ അത്തരം പരീക്ഷണങ്ങൾ വളരെ കുറച്ച് മാത്രമേ മലയാളത്തിൽ സംഭവിക്കാറുമുള്ളൂ. ഞാനിത് വെറുതേ ഒരു വിവാദത്തിനു വേണ്ടി പറഞ്ഞതല്ല. മലയാളികളുടെ ഇരട്ടത്താപ്പിന്റെ ഏറ്റവും വലിയൊരു ഇരയായിരുന്നു പൃഥ്വിരാജിന്റെ നയൻ എന്ന സിനിമ. ലിജോ ജോസ് പെല്ലിശ്ശേരിയുടെ ജെല്ലിക്കെട്ട് ഇറങ്ങിയപ്പോഴും അതിന്റെ മൈൻഡ് ട്വിസ്റ്റിങ് ക്ലൈമാക്സിനെ ചൊല്ലി ഒരു വിഭാഗം അരിശം കൊണ്ടിരുന്നു. ഒരുപക്ഷേ, ലിജോയുടെ ഡൈ ഹാർഡ് ഫാൻസ്‌ ആയിരിക്കാം അതിനൊരു കാരണം. നമ്മൾ ഇഷ്ടപ്പെടുന്നത് മറ്റുള്ളവരും ഇഷ്ടപ്പെട്ടേക്കണം എന്ന നിർബന്ധം ഒട്ടുമില്ല. പക്ഷേ, മുൾഹോളണ്ട് ഡ്രൈവ്, പ്രീഡെസ്റ്റിനേഷൻ, ഫൈറ്റ് ക്ലബ്ബ്, ട്രയാംഗിൾ, ഡോണി ഡാർക്കോ, കൊഹെറൻസ്, നോളന്റെയും ഡേവിഡ് ലിഞ്ചിന്റെയുമൊക്കെ മറ്റു സിനിമകൾ തുടങ്ങിയവയെ കുറിച്ചൊക്കെ വളരെ ആവേശത്തിൽ ചർച്ച ചെയ്യുമ്പോൾ നമ്മുടെ സ്വന്തം മലയാളത്തിൽ ഇറങ്ങുന്ന അത്തരം സിനിമകൾക്കും അതേ പരിഗണന നൽകിയാൽ എന്താ എന്ന ചോദ്യം മാത്രമേ ചോദിക്കുന്നുള്ളൂ. എന്തായാലും ഖാലിദ് റഹ്‌മാന്റെ ലൗ എന്ന സിനിമയ്ക്ക് കിട്ടിക്കൊണ്ടിരിക്കുന്ന മികച്ച പ്രതികരണങ്ങൾ പ്രതീക്ഷ നൽകുന്നതാണ്. ഈ മാറ്റം ഇനിയും ഒരുപാട് നയനും Whoവും ലൗവുമൊക്കെ സൃഷ്ടിക്കാൻ താല്പര്യമുള്ള സിനിമാക്കാർക്ക് പ്രോത്സാഹനമായേക്കാവുന്ന വലിയ പ്രതീക്ഷ.

■ ലൗ എന്ന സിനിമ എക്സ്പ്ലൈൻ ചെയ്ത പലരും പറയുന്നത് കേട്ടു, ഗോകുലന്റെയും സുധി കോപ്പയുടെയും കഥാപാത്രങ്ങൾ ഡേവിഡ് ഫിഞ്ചിന്റെ ഫൈറ്റ് ക്ലബ്ബിലെയൊക്കെ പോലെ നായകന്റെ ആൾട്ടർ ഇഗോസ് ആണെന്ന്. പക്ഷേ, ഞാൻ പറയുന്നു "അത് തെറ്റാണ്". ഗോകുലന്റെയും സുധി കോപ്പയുടെയും കഥാപാത്രങ്ങൾ നായകന്റെ ആൾട്ടർ ഇഗോസ് അല്ല..!!??

Love » Detailed Explanation 👇

TO "r2h Media"ANCHOR: RIYAS PULIKKALWEBSITE: www.riyaspulikkal.comEMAIL: [email protected]...

08/03/2021

മാർച്ച് 12 നു തീയേറ്ററുകളിൽ എത്തുന്ന 'മീസാൻ' നെ കുറിച്ച് സംവിധായകൻ സിദ്ദിഖ് സംസാരിക്കുന്നു.