31/07/2023
മുഹമ്മദ് റഫി മരണമില്ലാത്ത ഗായകന്...
പ്രപഞ്ചനാഥാ നീയെന്റെ നോമ്പരം കലര്ന്ന യാചന കേള്ക്കുന്നില്ലയോ..!
പ്രപഞ്ചനാഥാ നീയെന്റെ നോമ്പരം കലര്ന്ന യാചന കേള്ക്കുന്നില്ലയോ... മനസ്സിനെ പിടിച്ചുലക്കുന്ന ഈ ഗാനം കേള്ക്കാത്ത ഒരു ഇന്ത്യക്കാരനുണ്ടാവില്ല. ഹിന്ദി അറിയാത്തവരുടെ നാവില് തുമ്പില് പോലും തത്തിക്കളിക്കുന്ന ഈ ഗാനമാണ് മുഹമ്മദ് റഫി എന്ന ഗായകനെ ലോക പ്രശസ്തനാക്കിയത്.
അതിപ്രശസ്തമാണ് ഇദ്ദേഹത്തിന്റെ ഓരോ ഗാനങ്ങളും. അമാനുഷിക ശബ്ദം എന്നാണ് റഫിയുടെ ശബ്ദത്തെക്കുറിച്ച് പല പ്രശസ്തരും അഭിപ്രായപ്പെട്ടിരിക്കുന്നത്. മുകേഷ്, കിഷോര് കുമാര് എന്നീ ഗായകര്ക്കൊപ്പം 1950 മുതല് 1970 വരെ
ഉര്ദു-ഹിന്ദി ചലച്ചിത്രപിന്നണിഗായകരിലെ മുടിചൂടാമന്നരില് ഒരാളായിരുന്നു റഫി.
1944ല് റിലിസായ ബുല് ബലോച് എന്ന ചിത്രത്തിലെ സോനി ഹീറിയേ തേരിയാദ്നേ എന്നാരംഭിക്കുന്ന പഞ്ചാബി ഗാനമാണ് റഫി ആദ്യമായി ആലപിച്ചത്. ബോളിവുഡ് നടന് ഋഥിക് റോഷന്റെ മുത്തചഛന് ജെ ഓംപ്രകാശ് സംവിധാനം ചെയ്ത
ആസ്പാസ് എന്ന ചിത്രത്തിലെ തൂ കഹീ ആസ്്പാസ്ഹേ ദോസ്ത് എന്ന് ഗാനമാണ് അവസാനമായി പാടിയത്.
റഫി എന്ന പേരിനര്ത്ഥം പദവികള് ഉയര്ത്തുന്നവന് എന്നാണ്, ഇസ്ലാമില് ദൈവത്തിന്റെ വിശേഷണങ്ങളിലൊന്നാണിത്.
നാട്ടില് വന്ന ഒരു ഫക്കീറാണ് റഫിയെ സംഗീതത്തിലേക്കാകര്ഷിച്ചത്. ഫീക്കോ എന്നു വിളിപ്പേരുള്ള റഫി ചെറുപ്പകാലത്തു തന്നെ അദ്ദേഹത്തിന്റെ നാട്ടിലെ ഫക്കീര്മാരെ അനുകരിച്ചു പാടുമായിരുന്നു.
ഉറുദു, ഹിന്ദി, മറാഠി, തെലുങ്ക് പഞ്ചാബി തുടങ്ങിയ അനേകം ഭാഷകളില് പാടിയിട്ടുണ്ടെങ്കിലും ഉര്ദു-ഹിന്ദി സിനിമകളില് പാടിയ ഗാനങ്ങളിലൂടെയാണ് മുഹമ്മദ് റഫി ഓര്മ്മിക്കപ്പെടുന്നത്. ദേശീയ അവാര്ഡ് ആറുതവണയും ഫിലിംഫെയര് അവാര്ഡും നേടിയിട്ടുണ്ട്. 1967-ല് പത്മശ്രീ ബഹുമതി നല്കി രാജ്യം അദ്ദേഹത്തെ ആദരിച്ചു.
1980 ജൂലൈ 31 ന് ഹൃദയാഘാതത്തെതുടര്ന്ന് ഈ ലോകത്തോട് വിട പറയുമ്പോള് ഇന്ത്യന് ഉപഭൂഖണ്ഡത്തിലെ ഏറ്റവും പ്രശസ്തനും ജനപ്രിയനും പ്രതിഭാശാലിയും മികച്ച സ്വാധീനമുള്ളതുമായ ഗായകരില് ഒരാളായി റഫി മാറിയിരുന്നു. അതുകൊണ്ട് തന്നെ കാലമെത്ര കഴിഞ്ഞാലും മുഹമ്മദ് റഫിയെ ഒരു ഇന്ത്യാക്കാരനും മറക്കില്ല, ഉറപ്പ്.
തുടര്ന്ന് വീഡിയോ കാണുക...
---------------------------------------------------------------------
Copyright : Newstime Network
---------------------------------------------------------------------
MUSIC COURTESY:
Pachabelly - Huma-Huma (No Copyright Music)
https://youtu.be/87ZE7VB8Ofk
