Kerala Inside

03/11/2025

What a proud moment for Indian cricket 🇮🇳
India, 2025 Women’s Cricket World Champions❤️

Send a message to learn more

29/10/2025

നെടുമ്പാശ്ശേരി റെയില്‍വേ സ്റ്റേഷന് അനുമതിയായി!

നെടുമ്പാശ്ശേരിയിലെ കൊച്ചി അന്താരാഷ്ട്ര വിമാനത്താവളത്തിലെ യാത്രക്കാരുടെ ചിരകാല സ്വപ്നമായ എയർപോർട്ട് റെയില്‍വേ സ്റ്റേഷൻ നിർമ്മാണത്തിന് കേന്ദ്ര റെയില്‍വേ ബോർഡ് അനുമതി നല്‍കി. സംസ്ഥാനത്തിന്റെ തെക്കും വടക്കും പ്രദേശങ്ങളില്‍ നിന്നുള്ളവർക്ക് നേരിട്ട് വിമാനത്താവളത്തില്‍ എത്താനും മടങ്ങാനും കഴിയുന്നതാണ് പുതിയ റെയില്‍വേ സ്റ്റേഷൻ. നിലവില്‍ അങ്കമാലിയിലോ ആലുവയിലോ ഇറങ്ങിവേണം എത്താൻ. വിമാനത്താവളത്തിന് സമീപത്തുകൂടിയാണ് റെയില്‍പ്പാത കടന്നുപോകുന്നത്.

29/10/2025

നാളെ പ്രാദേശിക അവധി; സര്‍ക്കാര്‍ ഓഫീസുകള്‍ക്കും അവധി ബാധകം!

പത്മനാഭസ്വാമി ക്ഷേത്രത്തിലെ അല്‌പശി ഉത്സവം ആറാട്ടിനോടുബന്ധിച്ച്‌ നാളെ ഉച്ചക്ക് മൂന്ന് മണിക്ക് ശേഷം തലസ്ഥാന നഗരിയിലെ സർക്കാർ ഓഫീസുകള്‍ക്ക് അവധി പ്രഖ്യാപിച്ചു.

29/10/2025

ക്ഷേമ പെൻഷൻ 2000 ആക്കി ഉയര്‍ത്തി സര്‍ക്കാര്‍!
ജനക്ഷേമപരമായ തീരുമാനങ്ങളുമായി സംസ്ഥാന സര്‍ക്കാര്‍. ക്ഷേമപെന്‍ഷന്‍ തുകയില്‍ വര്‍ധനവ് അടക്കമുളള വമ്ബൻ പ്രഖ്യാപനങ്ങളാണ് മുഖ്യമന്ത്രി പിണറായി വിജയന്‍ വാര്‍ത്താ സമ്മേളനത്തില്‍ അറിയിച്ചത്. ക്ഷേമ പെന്‍ഷന്‍ 400 രൂപ വര്‍ധിപ്പിക്കുമെന്ന് മുഖ്യമന്ത്രി അറിയിച്ചു. ഇതോടെ നിലവിലെ പെന്‍ഷന്‍ തുകയായ 1600 എന്നത് 2000 ആയി ഉയരും.

നംവബര്‍ 1 മുതല്‍ ക്ഷേമപെന്‍ഷന്‍ വര്‍ധനവ് നടപ്പാക്കുമെന്നും മുഖ്യമന്ത്രി പറഞ്ഞു. ഇതിനായി പ്രതിവര്‍ഷം 13000 കോടി രൂപയാണ് സര്‍ക്കാര്‍ നീക്കി വെയ്ക്കുന്നത്. ഇത് കൂടാതെ ഏറെക്കാലമായി സമരത്തിലുളള ആശാ വര്‍ക്കര്‍മാരുടെ ഓണറേറിയത്തിലും വര്‍ധനവ് പ്രഖ്യാപിച്ചിട്ടുണ്ട്. പ്രതിമാസം ആയിരം രൂപയുടെ വര്‍ധനവ് ആണ് ഉണ്ടാവുക. ആശമാരുടെ മുഴുവന്‍ കുടിശ്ശികയും നല്‍കും.

29/10/2025

പ്രളയ സാധ്യതാ മുന്നറിയിപ്പ്; സംസ്ഥാനത്ത് വിവിധ നദികളില്‍ യെല്ലോ അലര്‍ട്ട്

സംസ്ഥാനത്ത് വിവിധ നദികളില്‍ അപകടകരമായ രീതിയില്‍ ജലനിരപ്പ് ഉയരുന്നു. ഇതിനെ തുടർന്ന് പ്രളയ സാധ്യതാ മുന്നറിയിപ്പ് പുറപ്പെടുവിച്ചു. സംസ്ഥാന ജലസേചന വകുപ്പും (ഐ ഡി ആർ ബി) കേന്ദ്ര ജല കമ്മീഷനും (സി ഡബ്ല്യു സി) വിവിധ നദികളില്‍ യെല്ലോ അലര്‍ട്ടുകള്‍ പ്രഖ്യാപിച്ചു. ഈ നദികളുടെ തീരത്തുള്ളവര്‍ ജാഗ്രത പാലിക്കണം.

29/10/2025

കേരളത്തിലൂടെ ഓടുന്ന രണ്ട് പ്രധാന എക്‌സ്‌പ്രസ് ട്രെയിനുകള്‍ക്ക് ഇനി അധിക സ്റ്റോപ്പ്

കേരളത്തിലൂടെ ഓടുന്ന രണ്ട് പ്രധാന എക്‌സ്‌പ്രസ് ട്രെയിനുകള്‍ക്ക് പരീക്ഷണാടിസ്ഥാനത്തില്‍ അധിക സ്റ്റോപ്പുകള്‍. ഹംസഫർ എക്‌സ്‌പ്രസിനും രാജ്യറാണി എക്‌സ്‌പ്രസിനുമാണ് പുതിയ സ്റ്റോപ്പുകള്‍ അനുവദിച്ചിരിക്കുന്നത്.

ഹംസഫർ എക്‌സ്‌പ്രസ്

തിരുവനന്തപുരം നോർത്ത് - എസ്.എം.വി.ടി ബെംഗളൂരു-തിരുവനന്തപുരം നോർത്ത് റൂട്ടിലോടുന്ന ഹംസഫർ എക്‌സ്‌പ്രസിന് ഇനിമുതല്‍ കായംകുളം ജങ്ഷനില്‍ അധിക സ്റ്റോപ്പുണ്ടാകും. തിരുവനന്തപുരം നോർത്തില്‍ നിന്ന് പുറപ്പെടുന്ന ട്രെയിനിന് നവംബർ 1 മുതലും, ബെംഗളൂരുവില്‍ നിന്ന് പുറപ്പെടുന്ന ട്രെയിനിന് നവംബർ 2 മുതലുമാണ് പുതിയ സ്റ്റോപ്പ് പ്രാബല്യത്തില്‍ വരിക. കായംകുളം ജങ്ഷനില്‍ ട്രെയിനിന് രണ്ട് മിനിറ്റ് നേരമായിരിക്കും സ്റ്റോപ്പ് അനുവദിച്ചിരിക്കുന്നത്.

രാജ്യറാണി എക്‌സ്‌പ്രസ്

നിലമ്ബൂർ റോഡ് - തിരുവനന്തപുരം നോർത്ത് റൂട്ടിലോടുന്ന രാജ്യറാണി എക്‌സ്‌പ്രസിന് കരുനാഗപ്പള്ളിയില്‍ ഒരു അധിക സ്റ്റോപ്പ് അനുവദിച്ചു. ഈ സ്റ്റോപ്പ് ഒക്ടോബർ 30 മുതല്‍ നിലവില്‍ വരും. കരുനാഗപ്പള്ളിയില്‍ ട്രെയിൻ പുലർച്ചെ 3.16ന് എത്തി 3.17ന് പുറപ്പെടും. സ്റ്റോപ്പ് ദൈർഘ്യം ഒരു മിനിറ്റാണ്.

കരുനാഗപ്പള്ളിയിലെ അധിക സ്റ്റോപ്പിനെ തുടർന്ന്, രാജ്യറാണി എക്‌സ്‌പ്രസിന്റെ ചില പ്രധാന സ്റ്റേഷനുകളിലെ സമയക്രമത്തിലും മാറ്റം വരുത്തിയിട്ടുണ്ട്.

കൊല്ലത്തുനിന്ന് ട്രെയിൻ പുലർച്ചെ 3.42ന് എത്തി 3.45ന് പുറപ്പെടും.
വർക്കലയില്‍ നിന്ന് ട്രെയിൻ പുലർച്ചെ 4.06ന് എത്തി 4.07ന് പുറപ്പെടും.
തിരുവനന്തപുരം നോർത്തില്‍ നിന്ന് ട്രെയിൻ രാവിലെ 5.35ന് എത്തിച്ചേരും.
പുതിയ അധിക സ്റ്റോപ്പുകളും പുതുക്കിയ സമയക്രമവും യാത്രക്കാർ ശ്രദ്ധിക്കണമെന്ന് റെയില്‍വേ അധികൃതർ അറിയിച്ചു.

23/10/2025

സ്വര്‍ണ വിലയിൽ ഇടിവ്!
സ്വര്‍ണ വിലയില്‍ ഇന്ന് ഉച്ചയ്ക്ക് ശേഷവും മാറ്റം. രാവിലെ കുത്തനെ ഇടിഞ്ഞ സ്വര്‍ണം ഉച്ച കഴിഞ്ഞും കുറഞ്ഞു. പവന് 960 രൂപ കുറഞ്ഞ് 92,320 രൂപയായി. രാവിലെ 93,280 രൂപയായിരുന്നു. ഗ്രാമിന് 120 കുറഞ്ഞ് 11,540 രൂപയുമായി. രാവിലെ 11,660 രൂപയായിരുന്നു വില. ഇതോടെ ഇന്ന് മാത്രം പവന് 3,440 രൂപ കുറഞ്ഞു.

23/10/2025

കേരളത്തില്‍ മഴ കനക്കും, മുഴുവൻ ജില്ലകളിലും മുന്നറിയിപ്പ്, മലയോര മേഖലയിലുള്ളവര്‍ക്ക് ജാഗ്രത നിര്‍ദേശം

സംസ്ഥാനത്ത് വരും മണിക്കൂറുകളില്‍ മഴ കനക്കാൻ സാധ്യത. തുടർന്ന് എല്ലാ ജില്ലകളിലും കാലാവസ്ഥ കേന്ദ്രം മഴ മുന്നറിയിപ്പ് പുറപ്പെടുവിച്ചു. കാസർകോട്, കണ്ണൂർ, വയനാട്, കോഴിക്കോട് ജില്ലകളില്‍ ഓറഞ്ച് അലർട്ടും ബാക്കി ജില്ലകളില്‍ യെല്ലോ അലർട്ടും പ്രഖ്യാപിച്ചു. വടക്കൻ ജില്ലകളില്‍ നാളെയും അതിശക്തമായ മഴയ്ക്ക് സാധ്യതയുണ്ട്. നാളെ കാസർകോട്, കണ്ണൂർ, കോഴിക്കോട്, വയനാട്, മലപ്പുറം ജില്ലകളില്‍ ഓറഞ്ച് അലർട്ട് പ്രഖ്യാപിച്ചിട്ടുണ്ട്. 5 ജില്ലകളില്‍ യെല്ലോ അലർട്ടാണ്. തിരുവനന്തപുരം, ഇടുക്കി, എറണാകുളം, തൃശ്ശൂർ, പാലക്കാട് എന്നീ ജില്ലകളിലാണ് യെല്ലോ അലർട്ട് പ്രഖ്യാപിച്ചിരിക്കുന്നത്. ഇടിമിന്നലോടും കാറ്റോടും കൂടിയ ശക്തമായ മഴയ്ക്ക് സാധ്യതയുണ്ട്. മലയോര മേഖലയിലുള്ളവർ പ്രത്യേക ജാഗ്രത പാലിക്കണമെന്ന് നിർദേശമുണ്ട്. കേരള തീരത്ത് മത്സ്യബന്ധത്തിനുള്ള വിലക്ക് തുടരുകയാണ്.

23/10/2025

ക്ഷേമ പെൻഷൻ 27 മുതല്‍ വിതരണം ചെയ്യും!

ഒക്ടോബറിലെ സാമൂഹ്യസുരക്ഷ, ക്ഷേമനിധി പെൻഷനുകള്‍ 27 ന് വിതരണം തുടങ്ങും. ഇതിനായി 812 കോടി അനുവദിച്ചതായി ധനകാര്യമന്ത്രി കെ എൻ ബാലഗോപാല്‍ അറിയിച്ചു. 62 ലക്ഷത്തോളം പേർക്കാണ്‌ 1600 രൂപവീതം ലഭിക്കുന്നത്‌.

26.62 ലക്ഷം പേരുടെ ബാങ്ക്‌ അക്കൗണ്ടില്‍ തുക എത്തും. മറ്റുള്ളവർക്ക്‌ സഹകരണ ബാങ്കുകള്‍ വഴി വീട്ടിലെത്തി പെൻഷൻ കൈമാറും. 8.46 ലക്ഷം പേർക്ക്‌ ദേശീയ പെൻഷൻ പദ്ധതിയിലെ കേന്ദ്ര വിഹിതം കേന്ദ്ര സർക്കാരാണ്‌ നല്‍കേണ്ടത്‌. ഇതിനാവശ്യമായ 24. 21 കോടി രൂപയും സംസ്ഥാനം മുൻകൂർ അടിസ്ഥാനത്തില്‍ അനുവദിച്ചിട്ടുണ്ട്‌.

23/10/2025

കേരളത്തിലെ സര്‍ക്കാര്‍ ആശുപത്രിയില്‍ ആദ്യമായി ശ്വാസകോശം മാറ്റിവെച്ചു!

കോട്ടയം മെഡിക്കല്‍ കോളേജിന് പ്രശസ്തിയേറ്റി വീണ്ടും ഡോ. ടി.കെ. ജയകുമാറും ഹൃദ്രോഗ ശസ്ത്രക്രിയാ വിഭാഗവും. കേരളത്തിലെ സർക്കാർ ആശുപത്രിയില്‍ ആദ്യമായി ശ്വാസകോശം മാറ്റിവെച്ചു.

തിരുവനന്തപുരം സ്വദേശി മസ്തിഷ്കമരണം സംഭവിച്ച അനീഷില്‍നിന്നാണ് കോട്ടയം മെഡിക്കല്‍കോളേജിലെ രോഗിക്ക് ശ്വാസകോശം ലഭിച്ചത്. ബുധനാഴ്ച രാത്രി 11 മണിയോടെ ശസ്ത്രക്രിയ ആരംഭിച്ചു. രാത്രി വൈകിയും ശസ്ത്രക്രിയ തുടർന്നു.

ഹൃദയമാറ്റ ശസ്ത്രക്രിയയും ഇവിടെ തന്നെയാണ് നടക്കുന്നത്. ഹൃദ്രോഗ ശസ്ത്രക്രിയാ വിഭാഗത്തില്‍ ഒരേസമയം ശ്വാസകോശവും ഹൃദയവും മാറ്റിവയ്ക്കുന്ന ശസ്ത്രക്രിയകള്‍ നടക്കുന്നതും അത്യപൂർവം.

21/10/2025

ഇടുക്കിയില്‍ കടന്നല്‍ കുത്തേറ്റ് വിനോദ സഞ്ചാരികള്‍ക്ക് പരിക്ക്

വിനോദ സഞ്ചാര കേന്ദ്രമായ ഇടുക്കി പാണ്ടിപ്പാറ ടൂറിസ്റ്റ് പാറയില്‍ പരുന്ത് കടന്നല്‍ക്കൂട് ഇളക്കിയതിനെ തുടർന്നു കടന്നലുകളുടെ ആക്രമണം. സന്ദർശകർക്കും, സമീപപ്രദേശത്തുള്ളവർക്കും കടന്നലിന്റെ കുത്തേറ്റു. പരിക്കേറ്റവർ ഇടുക്കി മെഡിക്കല്‍ കോളജില്‍ ചികിത്സ തേടി. പരിക്ക് ഗുരുതരമല്ല.

രാവിലെ 10 മണിയോടെയാണ് പരുന്ത് കടന്നല്‍ക്കൂട് ഇളക്കിയത്. ഈ സമയത്ത് സന്ദർശകരായി കുറച്ച്‌ ആളുകള്‍ മാത്രമേ ഉണ്ടായിരുന്നുള്ളൂ. കടന്നലിന്റ ആക്രമണത്തില്‍ നിന്ന് സന്ദർശകർ ഓടി രക്ഷപ്പെടുകയായിരുന്നു.

21/10/2025

ജപ്പാന്റെ ആദ്യത്തെ വനിതാ പ്രധാനമന്ത്രിയായി സനേ തകായിച്ചി. ജപ്പാന്റെ ഇരുമ്ബ് വനിതയെന്ന് അറിയപ്പെടുന്ന 64കാരി ചൊവ്വാഴ്ചയാണ് പ്രധാനമന്ത്രി പദത്തിലേക്ക് ആവശ്യമായ നിര്‍ണായക വോട്ടെടുപ്പ് വിജയിച്ചത്.മുന്‍ ബ്രിട്ടീഷ് പ്രധാനമന്ത്രി മാര്‍ഗരറ്റ് താച്ചറുടെ കടുത്ത ആരാധികയായാണ് സനേ തകായിച്ചി സ്വയം വിശേഷിപ്പിക്കുന്നത്. ജപ്പാന്റെ പ്രധാനമന്ത്രി സ്ഥാനത്തേക്ക് മൂന്നാം ശ്രമത്തിലാണ് സനേ തകായിച്ചി എത്തുന്നത്. അഞ്ച് വര്‍ഷത്തിനുള്ളിലുണ്ടാവുന്ന നാലാമത്തെ പ്രധാനമന്ത്രിയാണ് സനേ തകായിച്ചി.