11/05/2026
കിൻഡർ ഹോസ്പിറ്റൽസ് 'താരാട്ടഴക് സീസൺ 5': ശരണ്യ സതീശൻ വിജയി.
കളമശേരി : കിൻഡർ ഹോസ്പിറ്റൽ കൊച്ചി മാതൃദിനത്തോട് അനുബന്ധിച്ചു സംഘടിപ്പിച്ച ഗർഭിണികൾക്കായുള്ള ഫാഷൻ ഷോ കോൺടെസ്റ്റ് “കിൻഡർ താരാട്ടഴക് സീസൺ 5”-ൽ കൊച്ചി സ്വദേശിനി ശരണ്യ സതീശൻ ജേതാവായി. മാതൃ ദിനത്തിൽ കൊച്ചിയിൽ നടന്ന വർണ്ണാഭമായ ചടങ്ങിൽ, ഷോസ്റ്റോപ്പർമാരായി പ്രശസ്ത സിനിമ താരം അമല പോൾ, ഭർത്താവ് ജഗത് ദേശായി, കുഞ്ഞ് ഇലൈ എന്നിവർ ആദ്യമായി ഒരുമിച്ച് റാംപ് വാക്ക് നടത്തിയത് കാണികൾക്ക് നവ്യാനുഭവമായി.
ഏഴാം മാസം ഗർഭിണിയായ ശരണ്യ സതീശൻ (എക്സിക്യൂട്ടീവ് അഡ്മിനിസ്ട്രേഷൻ, അമൃത ഹോസ്പിറ്റൽ) ഒന്നാം സമ്മാനമായ 2.5 ലക്ഷം രൂപയുടെ പുരസ്കാരം ഏറ്റുവാങ്ങി. കൊച്ചി നൂവാൽസിലെ അക്കാദമിക് സ്റ്റാഫും 9 മാസം ഗർഭിണിയുമായ ഐശ്വര്യ ജോൺസൺ ഒന്നാം റണ്ണറപ്പായി. ബാംഗ്ലൂർ സ്വദേശിനിയും കോഴഞ്ചേരി മുത്തൂറ്റ് ഹോസ്പിറ്റലിലെ കൺസൾട്ടന്റ് ഗൈനക്കോളജിസ്റ്റുമായ ഡോ. സിന്ധു ബി.എൻ (8 മാസം ഗർഭിണി) രണ്ടാം റണ്ണറപ്പ് പുരസ്കാരവും കരസ്ഥമാക്കി.
കിൻഡർ ഹോസ്പിറ്റലിന്റെ ബ്രാൻഡ് അംബാസഡറായ അമല പോൾ, തന്റെ ഗർഭകാലത്ത് താരാട്ടഴക് മൂന്നാം പതിപ്പിൽ ഷോസ്റ്റോപ്പറായി റാംപിലെത്തിയിരുന്നു.
ഗർഭകാലം ആഘോഷിക്കാം
എന്ന കിൻഡറിന്റെ ആശയം മുൻനിർത്തി സംഘടിപ്പിച്ച ഫാഷൻ ഷോ ഓഡിഷനുകളിലൂടെ തിരഞ്ഞെടുക്കപ്പെട്ട 78 ഗർഭിണികളാണ് റാംപിൽ ചുവടുവച്ചത്.
ചടങ്ങിൽ ഡോ. പ്രദീപ് കുമാർ ചെധൻ കുമാർ.എച്ച്. എൻ, ശ്രീഹരി ശ്രീകുമാർ ഡോ.എ. പി. രാധാകൃഷ്ണൻ, ഡോ.സ്മിത സുരേന്ദ്രൻ, ഡോ.മധുജ ഗോപി ശ്യാം, ഡോ. നൂർജഹാൻ, ഡോ. നസ്ന മജീദ്, ഡോ. റീമ ,ഡോ.സ്മിതാ പ്രതീഷ് , ഡോ. അഭിഷേക് രാധാകൃഷ്ണൻ, ഡോ. പ്രിയങ്ക, രഞ്ജിത്ത് കൃഷ്ണൻ, ആന്റോ ട്വിങ്കിൽ, എന്നിവർ പങ്കെടുത്തു.
കൂടുതൽ വാർത്തകൾക്ക്
follow Page Link👇
https://www.facebook.com/share/16hBzvphFo/
