All India Radio News Kohima

06/08/2026

Akashvani News Kohima 📻Evening English Bulletin 🗓️ August 6, 2026
▶️ https://youtu.be/yDSrLOg4SnQ .

:: THE HEADLINES ::• Union Cabinet approves GOBARdhan scheme to bo...

06/08/2026

Akashvani News Kohima 📻Evening Nagamese Bulletin 🗓️ August 6, 2026
▶️ https://youtu.be/dIqj78cmX_8 .

06/08/2026

Akashvani News Kohima, 6th August 2026: Nagaland para sobse pohila Tech & Gaming Expo, TXG 2026 tu August 28 aru 29, NBCC Convention Hall Kohima te rakhibole ase. Avsar tu Nagaland E-Sports Society para state sorkar logot melai kene, “Where Technology, Gaming & Culture Converge” niche jorkar kuribole ase. Dui din rakhia expo te competitive gaming tournaments te, Inter-College Championship aru Open MOBA tournament rakhi kene, nokat enam te ek lakh ek lakh toka aru dosera titles khan hubole ase. Etu te, technology exhibitions, career talks, skill workshops, interactive gaming zones aru cosplay competition melai kene rakhibole ase.

06/08/2026

Akashvani News Kohima, 6th August 2026: Chief Minister Neiphiu Rio para Khiamniungan community logot Biam laga avsar te greetings junai she. Ekta message X te, Shri Rio para harvest festival para khushi, shanti, aage barhai dibole aru sob ghar te dangur ashirvaad ani dibole ummeed junai she.

06/08/2026

Akashvani News Kohima, 6th August 2026: National To***co Control Programme (NTCP) laga Dimapur District Level Coordination Committee para aji ekta meeting tu district te to***co control kadam review kuribole rakhi she. Meeting te Additional Deputy Commissioner Dr. Diana Patton para chair kuri kene, to***co control kaam mazboot kuribole mahila aru civil society organizations laga dorgar kaam junai she, aru community para dangur hisab bhag loi kene, to***co-free society banai dibole koishe. District Nodal Officer, NTCP, Dr. Esther Chophy para enforcement mazboot banai kene, district administration para dangor modod dibole koishe.

06/08/2026

Akashvani News Kohima, 6th August 2026: Deputy Commissioner Mokokchung, Ajit Kumar Verma para ekta specialized sub-committee tu District Skill Committee niche banai kene, entrepreneurship, skill unnoti barhai kene, pura Mokokchung te sustainable livelihood hobita dibole ase. Sub-committee te, Additional Deputy Commissioner tu Convener hisab, aru administrative officials, educational leaders, aru community representatives khan tu members hisab hubole ase. Panel para district-specific skill gaps pehechan kuri kene, nuton livelihood hobita khan local economic potential logot juree kene banai dibole ase.

06/08/2026

Akashvani News Kohima, 6th August 2026: Union Minister of New & Renewable Energy Pralhad Joshi para aji koishe, PM Surya Ghar Muft Bijli Yojana para India te fifty lakh beneficiary households par kuri she. CII International Energy Conference aru Exhibition, New Delhi te kotha kuri, Minister para koishe, etia 19 lakh households para zero electricity bills pai ase. Shri Joshi para koishe, scheme karune 12 lakh opor households para surplus electricity bekai kene, 4 hundred, 21 crore toka kamai loi she.

06/08/2026

Akashvani News Kohima, 6th August 2026: Nagaland state cabinet tu aji Tribal Circuit, Doyang Resort Wokha te rakhi she. Ekta post X te, Deputy Chief Minister Yanthungo Patton para meeting te Nagaland laga unnoti aru welfare logot juria bishi mamla te charcha kuri she koishe.

06/08/2026

Akashvani News Kohima, 6th August 2026: Chief Electoral Officer, Nagaland, Bhagyashree Banayat para aji ekta meeting tu political parties laga representatives logot, State te electoral roll laga Special Intensive Revision (SIR) logot juria te rakhi she. Booth Level Agents laga dorgar khan junai kene, Chief Electoral Officer para political parties logot agents appoint kuribole, aru SIR kameyap para jari jabole onurodh kuri she. Meeting te BJP, Congress aru NPF laga representatives para jok loi she.

06/08/2026

Akashvani News Kohima, 6th August 2026: Lok Sabha tu aji karune adjourned kuri she, ketia opposition para kiseman issues te, NEET issue opor students laga virodh somoi police action melai kene hangama kuri she. Proceedings somoi, House para Viksit Bharat Shiksha Adhishthan Bill, 2025 te Joint Committee laga report present kuribole somoi tu Winter Session, 2026 laga antim saptah tak barhai dibole House para manzoor di she. Finance Minister Nirmala Sitharaman para Taxation & Other Laws (Amendment) Bill, 2026 tu consideration aru passing karune pesh kuri she. Bill tu charcha nakuri kene hala kota thakia somoi pass kuri kene, House tu adjourn kuri she.