Bodoland Radab

12/10/2025

आथिखालाव सोलिबाय थानाय फुजा-मेलायाव जौ-जुवा खेला होनायनि सायाव मिरु एबसुनि आफादगिरि दिपेन बर’नि बिबुंथि ।

12/10/2025

NFR आ खुवानि थासारिखौ नोजोर होनानै थाम दाननि थाखाय गोबां ट्रेनफोरखौ केनसेल खालामनायनि बाथ्रा फोसावदों ।

NORTHEAST FRONTIER RAILWAY (NFR) आ 1 दिसेम्बर 2025 निफ्राय 3 मार्च 2026 सिम थाम दान खुवानि थासारिनि थाखाय गोबां ट्रेनफोरखौ केनसेल खालामनायनि बाथ्रा फोसावदों। बेफोर ट्रेनफोरा जादों फारियै-

ट्रेन नं 15903 (डिब्रुगर-चन्डीगर) एक्सप्रेसआ 1 दिसेम्बर 2025 निफ्राय 27 फेब्रुवारि 2026 सिम केन्सेल खालामनाय जागोन आरो बेनि फैफिननाय सिबिथाय 15904 (चन्डीगर-डिब्रुगर) एक्सप्रेसआ 3 दिसेम्बर 2025 निफ्राय 1 मार्च 2026 सिम केन्सेल खालामनाय जागोन।

15620 (कामाख्या-गया) एक्सप्रेसखौ 1 दिसेम्बर 2025 निफ्राय 23 फेब्रुवारि 2026 सिम केनसेल खालामनाय जागोन आरो 15619 (गया-कामाख्या) एक्सप्रेसखौ 2 दिसेम्बर 2025 निफ्राय 24 फेब्रुवारि 2026 सिम केनसेल खालामनाय जागोन।

15621 (कामाख्या-आनन्द विहार टार्मिनेल) एक्सप्रेसखौ 4 दिसेम्बर 2025 निफ्राय 26 फेब्रुवारि 2026 सिम केन्सेल खालामनाय जागोन आरो बेनि फैफिननाय सिबिथाय 15622 (आनन्द विहार टार्मिनेल-कामाख्या) एक्सप्रेसखौ 5 दिसेम्बर 2025 निफ्राय 27 फेब्रुवारि 2026 सिम केनसेल खालामनाय जागोन।

12/10/2025

सोनाब बेंगलनि गंसे देहा फाहामसालियाव सासे मेडिकेल फरायसाखौ जिनाहारि खालामनायनि दायआव साथाम सुबुंखौ हमदों।

कलकातानिफ्राय 170 किल'मिटारसो गोजानाव थानाय दुर्गापुरनि शभापुरनि साखाथियाव गंसे प्राइभेट मेडिकेल कलेजनि नैथि बोसोरनि सासे MBBS फरायसाखौ जिनाहारि खालामनायनि दायआव सोनाब बेंगल पुलिसा साथाम सुबुंखौ हमदों आरो गुबुन सानैनि थाखाय नागिरनाया सोलिबाय थादों । जाथायनि बोलि जानांनाय फरायसाया गुबैयै उरिस्सानि जालेश्वरनि थागिबि होन्नानै मिथिनो मोन्नाय जादों ।

11/10/2025

KANOKA गामिनि रिजर्टआवBANQUET HALL बेखेवदों।

सनितपुर जिल्ला हग्राजुलि पासनैआव KANOKA The Village Resort आव गोदानै लुफुंजानाय BANQUET HALL बेखेवदों।

हाबाफारियाव सनितपुर जिल्ला एबसुनि आफादगिरि एनस मसाहारि आरो Kanoka Resort नि मावथि आरो जर'खा आलासि बिथांमोना मा बुंदों आबुंयै मिथिनानै लादो।

11/10/2025

अरांआव देहा-सावस्रि मावबादा खुंफुंदों।

आसाम सरकारनि 'सुश्रुषा सेतु' योजनानि सावस्रि फाहामथाय मावबादाखौ माजबात बिधान सभानि सिङाव खुंफुंनाय जादों। बे मावदायाव 18 बोसोर बैसो सिंनि सा 2,000 निख्रुइबो बांसिन लाइमोनफोरा बाहागो लादों।

बे हाबाफारिआव गाहाइ आलासि महरै रौता बियाबनि MCLA चरण बर'आ बाहागो लादों। गुबुन फारसेथिं BTC नि गोदान मावफुं सोद्रोमाफोरनो बिफान रान्नायनि सोमोन्दै चरण बर'आ माकासे बाथ्रा बुंथिदों। बिथाङा बुङोदि, BTC बर्डनि गासै बिबानफोरखौ जायखिजाया समावनो रानना होनाय जागोन।

11/10/2025

बाक्सानि राङापानियाव गिख्रंथाव जाब्रबथायाव जिउ गोमायो बिरफुं ब्रह्मआ।

बाक्सा जिल्लानि राङापानियाव गिख्रंथाव जाब्रबथाइ। जायगायावनो जिउ गोमायो बिरफुं ब्रह्म मुंनि सासे लाइमोननि।

बाक्सा जिल्ला सिमला पुलिस थानानि सिङाव थानाय राङापानि अदेबानि 127 नं राजा लामायाव मोनानि 8.30 रिंगायाव हरखाब जाब्रबथाइजों सासे लाइमोननि जिउ खहा जायो आरो गुबुन सासे लाइमोना गोब्राब जोखोम जायो।

सुलुंनिफ्राय मोन्थिना मोननाय बायदिब्ला जिउ गोमाजानाय लाइमोना खामारदैसा गामिनि गान्धिया (खान्थाल) ब्रह्मनि फिसाज्ला बिरफुं ब्रह्म आरो गोब्राब जोकोम जानाय लाइमोना राङापानि गामिनि निराज बसुमातारी ।

11/10/2025

IED बेरफ्रुनायाव नगाव जिल्लानि कुवारी आटि गामिनि थागिबि महेन्द्र लास्करआ मुंख्लं जायो।

10 अक्ट'बर खालि झारखान्डनि सोनाब सिंहभूमनि PS जराइकेलानि सिङाव एडलबेरा साखाथियाव मोनसे IED बेरफ्रुनायाव 60 BN CRPF नि HC/GD महेन्द्र लास्करआ मुंख्लं जायो। मिथिनो मोन्नाय बायदिब्ला मुंख्लं महेन्द्र लास्करआ आसाम नगाव जिल्लानि सिङाव थानाय कुवारी आटि गामिनि थागिबि नबिन लास्करनि फिसाज्ला ।

11/10/2025

तेसपुरआव INDIAN ARMY 4 CSR रेजिमेन्टनि NK रेन्कआव साख्रि मावबाय थानाय ब्रिन्दाबन बर'आ PRESSURE STROKE जों जिउ खहा।

11/10/2025

11/10/2025

⭕बलीवुदनि मुंदांखा फावखुंग्रि दीपिका पादुकणखौ गिबि खेबनि थाखाय MENTAL HEALTH AMBASSADOR महरै सायख’बाय।

⭕थांनाय 10 अक्ट'बरखालि मिरु सावस्रि आरो न’खर अनसायइ बिफाना गिबि खेबनि थाखाय फावखुंग्रि दीपिका पादुकणखौ गिबि खेबनि थाखाय MENTAL HEALTH AMBASSADOR महरै सायख’बाय होननानै फोसावदों।

11/10/2025

तामुलपुर जिल्लानि तेतेलिगुरि (थिंख्लिंगुरि) गामिनि INDIAN ARMY आव खामानि मावनाय ब्रिन्दाबन बर'आ दिउटि खालामबाय थानाय समावनो हरखाबै रुंसारि जालाङो।