11/09/2026
रिन्जय बर' आरो कास्टम बसुमतारिया ABSU निफ्राय होखार जानायनि जाहोन फोरमायथिदों UPPL आ
हरिसिंगा मदेल हास्पितालनि सिमेन्टनि बिदै लोंनायनि दायाव रिन्जय बर'आ ABSU निफ्राय होखार जानाय आरो कास्टम बसुमतारिआ बर' हारिनि Customary Law खौ सिफायनायनि दायाव ABSU निफ्राय होखार जानाय होन्ना उदालगुरि जिल्ला UPPL नि आफादगिरि रबिन्द्र बसुमतारीआ फोरमायथिदों।
मख'जाथावदि, बिपिएफ एबा बिटिसि खुंथाया गोरिब फरायसाफोर एबा बेरामिफोरनो होबोदों रां अनसुंथायखौ UPPL दोलोआ केस होनो नागिरदों होन्ना बिपिएफ लाइमोन गानखंनि आफादगिरि रिन्जय बर'आ बुंनायनि सायाव गोख्रों खेंफोरथि होदों उदालगुरि जिल्ला UPPL नि आफादगिरि रबिन्द्र बसुमतारीआ।
बिथाङा बुंदोंदि, रिन्जय बर'आ राजखान्थि मोजां मोननो थाखायनो जोबोर लाजि गैयि बाथ्रा बुंनानै समाजाव गोजोन्नाय सोमजिहोनो नाजादों। बिटिसि सरकारा गोरिब नख'रनि फरायसाफोर आरो बेरामिफोरनो मदद होनाया गनायथाव आरो बे मदद होनायखौ केस होनो नागिरदों होन्ना बुंनाया जेबो बिथा गैयि होन्ना बिथाङा बुंदों। नाथाय इउपिपिएल हान्जाया बिखान्थि बादियै गोरिबफोरनो रां अनसुंथाइ होनांगौ बिखौ जों खावलायदों होनना फोरमाथिदों बसुमतारी बिथाङा।
