24/11/2025
गोलाघाटकी *सरिता लिम्बू 'मिस गोर्खा असम'* विजेता
सादिया, तिनसुकिया | 24 नोभेम्बर 2025:
गोलाघाटको मेरापानीकी छात्रा तथा युवा नेतृ सरिता लिम्बू पहिलो संस्करणको मिस गोर्खा असम प्रतियोगिताको विजेता घोषित भएकी छन। गोर्खा युवा मञ्चद्वारा सादियाको शान्तिपुरमा आयोजित गोर्खा महोत्सव–2025 को प्रमुख आकर्षण बनेको यो सौन्दर्य र ट्यालेन्ट प्रतियोगितामा उनले विजयी हुँदै मिस गोर्खा असम मुकुट ताज, प्रमाणपत्र तथा उपाधि प्राप्त गरिन। गोर्खा महोत्सव शान्तिपुर मा आईतबार राति भएको कार्यक्रममा सरिता लिम्बु लाई विजेता घोसना गरिएको हो।
यसै प्रतियोगितामा तिनसुकियाकी स्वेता राई पहिलो रनर अप र चिराङकी नालिगेन लिम्बू दोस्रो रनर अप घोषित भए। मिस गोर्खा असमको विजेताले सरिता लिम्बु लाई रु. ३०,००० नगद पुरस्कार, आयोजकमार्फत एक प्रतिष्ठित प्रोडक्शन हाउससँग म्यूजिक भिडियो अनुबन्ध, उपाधि तथा सम्मान प्राप्त गरिन।
