15/07/2026
এক চৰম দুৰ্ভাগ্যজনক তথা উদ্বেগজনক খবৰ। একাংশ লোকৰ চৰম স্বাৰ্থপৰতাৰ বাবেই এতিয়া পানীত হাঁহ নচৰা অৱস্থা হৈছে হাজাৰ হাজাৰ কৃষকৰ। মাত্ৰ চাৰিৰ পৰা পাঁচঘৰ মানুহৰ মইমতালিৰ বাবেই এতিয়া জলমগ্ন হৈ পৰিছে ২ হাজাৰ বিঘাতকৈও অধিক কৃষি ভূমি।
এই জঘন্য ঘটনা সংঘটিত হৈছে বাহাদুৰপাৰা, অতিয়ামাৰী, ভাকুৱামাৰি আৰু যোগদই মুছলিম পাৰা অঞ্চলত। অঞ্চলটোৰ মাজেৰে বৈ যোৱা এটা প্ৰাকৃতিক নালা একাংশ লোকে বন্ধ কৰি দিয়াৰ ফলতেই এতিয়া সৃষ্টি হৈছে এই ভয়াৱহ পৰিস্থিতিৰবাহাদুৰপাৰা, অতিয়ামাৰী, ভাকুৱামাৰি আৰু যোগদই মুছলিম পাৰা অঞ্চলৰ প্ৰায় ২ হাজাৰ বিঘাতকৈও অধিক পলসুৱা কৃষি ভূমি এতিয়া কৃতিম বানৰ কৱলত। যাৰ ফলত হাহাকাৰ কৰিবলগীয়া হৈছে স্থানীয় শ শ খেতিয়কে।
স্থানীয় ৰাইজৰ অভিযোগ অনুসৰি, অঞ্চলটোৰ পানী নিষ্কাষণৰ একমাত্ৰ মাধ্যম স্বৰূপ নালাটো মাত্ৰ ৪ ৰ পৰা ৫ ঘৰ মানুহে নিজৰ স্বাৰ্থৰ বাবে সম্পূৰ্ণৰূপে বন্ধ কৰি দিছে। পানী ওলাই যোৱাৰ পথ বন্ধ হৈ পৰাৰ বাবে এতিয়া সমগ্ৰ অঞ্চলটোৰ পানী পথাৰতে আৱদ্ধ হৈ পৰিছে আৰু এক বৃহৎ কৃষি অঞ্চল জলমগ্ন হৈ পৰিছে।
