https://www.facebook.com/104607921845224/

Bahzar News, Diakkawn Bazar chung kawng phei. Nursery Veng, Diakkawn, Kolasib (2026)

Q: What is the address?

Diakkawn Bazar Chung Kawng Phei. Nursery Veng, Diakkawn

26/11/2025

APEX BANK BRANCH THAR HAWNG

- NIMIN, Dt. 25.11.2025 (Tuesday) chawhma dar 11 khan Vairengte-ah Mizoram Cooperative Apex Bank branch thar chu MCAB Ltd. Chairman Pu Lalnunsanga'n a hawng. MCAB branch 33-na a ni.

Hawnna inkhawm, MCAB Ltd Vice Chairman Pu Lalrinchhana kaihhruaiah hian hian thu sawiin Khuallian Pu Lalnunsanga chuan, Apex Bank hi mipuite rawngbawltu a nih bakah thalaite eizawnna siamsaktu lian tak a ni. Tunah Apex Bank branch 33-na kan hawng ta a, k*m 2028-ah chuan branch 50 neih hman kan tum a, hma kan la mek. Mizoram-a bank zingah mipuite tana luang chhuak tha ber kan ni a, Mizoram chhungah chiah hna kan thawk a, a thawktute pawh Mizo vek an ni a, kan bank sumdawnna hi Mizoram chhungah, Mizoram mipuite tan, Mizo nula leh tlangvalte thawhna a nih avangin Mizoram sum leh pai chelh tlattu kan ni. Chuti chung chuan Mizo mipuite hian Apex Bank duhsak nachang kan hre tawk lo a, sorkar pawhin a duhsakin a hmang tangkai tawk rih lo. State sorkarin Mizoram bank a duhsak palina vel kan ni phak chauh a; Mizoram sum leh pai siam tha tur leh ram leh hnam humhalhna turin Mizoram Cooperative Apex Bank hi a duhsak a, a hman tangkai a ngai a ni, a ti.

Pu Nunsanga chuan Vairengte-a Apex Bank Branch hawn thar chu sorkar department, Kohhran, VC leh NGO bakah mipuiten tangkai taka hmang turin a sawm a. Mizote tana din, thawktu leh enkawltute zawng zawng Mizo, Mizoram pawna sumdawng ve lo MC Apex Bank chu dawr a, hmang tangkai turin a sawm bawk.

MCAB Vairengte branch hian Pu Lalnunhlua In, Vairengte Bazar, Zalen Veng luahin, ATM Booth pawh dah nghal a ni a. Technical thil vangin ATM Booth erawh hawn theih a ni rih lo a ni.

MCAB Ltd hnuaiah hian Mizoram pumah Branch 33 awmin, thawktu nghet 190 awmin, a nghet lo 124 an awm mek bawk a ni.

31/10/2025

M.R.B.-IN KOLASIB POLICE HNENAH C.S.R. ATANGIN COMPUTER ETC. AN PE
31102025

Vawiin tlai dar 3:30 khan Mizoram Rural Bank (MRB) chuan Kolasib District Executive Force (DEF) (Kolasib Police) te hnenah Corporate Social Resposibility (CSR) Fund atangin Computer Full set (UPS leh Printer telin) 10, Nihliap (Umbrella) 10, leh Dawhkan leh thutthleng (Table & chairs) set 10 an pe a. Mizoram Rural Bank chairman Pi Sheryll L Vanchhawng chuan hengte hi Kolasib SP Office Conference Hall-ah Kolasib Police Station hrang hrangte hnenah a hlan.

Hmeichhe zinga MRB chairman ni thei hmasa ber Pi Sheryll-i chuan MRB-in ramri-a awm Police-te an ngaihpawimawh thu a sawi a. Nik*m lamah pawh Kolasib Police-te hi CSR Fund atangin generator 5 leh water pump 10 an lo pe tawh a ni.

MRB hi Mizoram bank zinga darhzau ber niin, Mizoram hmun hrang hrangah Barnch 105 an nei mek a. Tura-ah branch thar an hawng leh dawn mek a. An sum chevel (Total business) hi k*m khat chhungin cheng vaibelchhe 10,000 a tling deuhthaw tawh a ni.

28/10/2025

PC PARTY-IN MF TOTAL BANDH AN THLAWP
28102025

People's Conference Party, Mizoram chuan vawiin khan Press Release siamin, naktuk, October ni 29-a MNF Party-in FCAA duty leh tura Mizoram sorkar nawr nana Mizoram pum huap total bandh huaihawt an tum chu an THLAWP thu an sawi.

PC Party Vice President, Dampa by-election-a an party candidate ni bawk Pu K. Zahmingthanga chuan vawiina an Party-in by-election-a chungchang thlirhova thut khawm an neihah thu sawiin, FCAA 2023 sut leh a nih theih nana hmalakna apiang an thlawp thu a sawi a. Naktukah MNF Party-in total bandh huaihawt an tum pawh an thlawp thu a sawi bawk.

Pu K Zahmingthanga chuan FCAA chu kan ram tana hlauhawm tak, kan hnam leh sakhaw himna tichhe thei anih thu sawiin ZPM kaihhruai sorkarin Mizorama hman tura a pawm chu pawi a tih thu a sawi a. Bandh hlawhtlinna atana mahni remchan anga che chhuak turin party mi te a sawm a ni.

25/10/2025

*TOTAL BANDH NEIH TUR MIPUITE HNENA HRIATTIRNA LEH NGENNA*

29th.10.2025 (Nilai ni) zing dar 6:00 Am - 4:00 PM inkar hian Forest Conservation Amendment Act 2023 duh lohna leh he dan sut leh tur a nawr nan, Mizoram pumah Total Bandh neih tum a ni a, Kolasib ah pawh Total Bandh hi khauh taka kaltlang pui tum a ni.

He Dan hi kan ram leh kan hnam tan a him lo em em a, kan ram leilung pumpui deuh thaw Central Sorkarin thiam taka thuneihna min chhuhsak a tumna a ni. FCAA 2023 in Mizoram tana nghawng tha lo leh Thangthar zel te tan a pawi nasa tak thlen thei a anih vang in, Mizoram sorkar in FCAA 2023 alo pawm tawh hi a sut leh ngei se kan duh a, Sut leh a nih ngei theih nan Total Bandh kan neih tur hi, Kolasib Mipui zawng zawng ten ram leh hnam him na tur a nih tih hria a, total bandh hi min thlawp vek turin kan sawm in kan ngen a che u.

*Total bandh chu hetiang hian kenkawh a ni ang* :-

1. Sorkar Office zawng zawng khar vek tur a ni.
2. Zirna in, School, College zawng zawng khar vek tur a ni.
3. Sorkar motor zawng zawng a tlan tur a ni lo.
4. Sumdawnna hmun Bazar leh dawr khar vek tur a ni.
5. Bank zawng zawng khar vek tur a ni.
6. Corporation leh Government undertaking leh an Office-te khar vek tur a ni.
7. Private leh sumdawng motor leh lirthei dangte a tlan tur a ni lo.
8. Infiamna Sports lam chi reng reng phal a nilo
9. Mizoram pawn atangin lirthei eng chi mah luh phal a ni lo.
10. Duty tih loh chu tumah chhuahvah phal a ni lo.

*Bandh ni a ngaih hnathiam tur te* :-

1. Damdawiina thawk leh duty te.
2. Tui sem tute.
3. Electric line duty te.
4. Police (Security persons) in uniforms.
5. Army and paramilitary force on duty in uniforms.
6. Media persons
7. Bawnghnute sem.
8. MNF General Hqrs. MNF Kolasib East Block -in permit a pek te.

Sd/-
Secretary
MNF Kolasib East Block.

11/10/2025

PHILIPPINES LIRNGHING
11102025

Nimin khan Philippines ram chhim lam tuipui kamah 7.4 a nain lir a nghing a. Nizan thleng khan mi paruk an thih thu hriat a ni tawh a. 7.4 a naa a nghin hnu hian 6.9 a nain a nghing nawn leh a, Tsunami a thlen a hlauhawm thu puan a ni.

Hmanni lawk khan Philippines ram lailiah na takin lir a nghing a, mi 79 lai thiin, za chuangin hliam an tuar bawk a. nimin chawhma dar 9:43 khan lir hi rawn nghing lehin, an ram chhim lam Mindanao biala Manay khaw bul atanga nghing tanin, lei hnuai KM 43 atanga intan niin Philippine Institute of Volcanology and Seismology chuan an sawi a. Tuifawn metre 1 aia sang insiam thei a nih thu an sawi bawk a. United States National Tsunami Warning Center pawhin Indonesia leh Palau velah pawh tsunami thleng thei a ni an ti bawk a. Mahse vanneihthlak takin tsunami hlauhawm hi a thleng chhunzawm ta lo hlauh a ni.

Nizan dar 7 vel khan 6.9 a nain Manay khuaah bawk hian lir hi a nghing nawn leh a. Hei hi aftershock ni lovin, lirnghing hranpa niin an sawi.

Philippines ram hi Pacific Ring of Fire-a awm, lir nghin duhna ram a ni a. Ring of Fire huam chhungah hian Indonesia, New Zealand, Japan, USA, Canada, Russia, Guatemala, Peru leh Chile-te pawh an awm a ni.

**Mitthi hi 70 vel an awm tawh an ti.

10/10/2025

Sawi hlawh lo - MEMPHIS DEPAY
10102025

Brazil ram hi khawvela football thiam tamna ber ram a ni a. An World Cup team ang vela tha team hi tam tak an nei thei an ti! Chu ramah chuan football thiam an tam em em a, club tha leh hmingthang tak tak an awm a. Chuti chung chuan an footballer tha ber berte chuan Brazil ram chhuahsanin Europe khawmualpui an pan a, khawvel hriat nih tumin an bei thin.

Chutih lai chuan Dutch player huhang ngah zet mai Memphis Depay a awm. Ani chuan hmingthan tum footballer-ten an chhuahsan Brazil chu a pan a; Brazil chhuahsana ram tha lehzual beiseia an pan Europe atangin Brazil a pan ve thung! Tichuan, Brazil club lar tak - Corinthians tan a khel a, Europe-a a hmuh loh football mawina a hmu a, football hmangaihna tak tak boruak chu a tem ta zawk a ni!

Brazil footballer-te leh fan-te hriatthiam danin football a khel a, football-in a ken tel tharum, goal, goal celebration, lehlam pawl tihthinrim, fan-te nena hun hlimawm hman, buaina hrang hrang - engkim mai chu a hmu a. Mahse, football a hriatthiam dan leh Brazil rama football an khelh dan tura a ngaih thil hrang hrang chu a kham-khawp chuang lo. ‘Brazil-ah hian game mawi (jogo bonito) khelh tumin ka kal a, talent nei tha tak tak an tam. Football mawina leh a nawmna chu field chhungah chauh a tawp tur niin ka hre ve lo. Mahse, hetah pawh hian football hi a boring ve tial tial tih ka hmu,’ a ti a ni!

Depay hi footballer a ni satliah lo - Rapper a ni a, mite tana thil tha tih nuam a ti a, thian kawm nuam a ti a; football chhehvela parlam chi a ni. Sam sei nei lovin a lu a hreng a, a taksaah tattoo a chhu khat deuh vek a; k*m 31 chauh niin football-ah amah ngeiin hniak lian tak a hnutchhiah mek a ni.

PSV Eindhoven-ah naupang beiseiawm a ni a, Manchester United-ah a tluang lo a. France ramah Lyon tan khelin Spain-ah Barcelona tan a khel tawh bawk a, trophy pawh a chawi nual. Brazil a pan a, Corinthians tan a khel mek a ni.

Sawi vul chuk tham khawpin a ropui lo, mahse, zawi zawiin Dutch player ropuite a luahlan zel a, tunah chuan Netherlands ram tan goal 52 khungin, an ram tana goal khung hnem ber a ni ta daih mai!

Depay hian Corinthians tan game 53 khel tawhin, goal 15 a khung tawh a. Europe angin a hlawh tam lo a, a hlawh pawh instalment-in an pe, bonus chungchangah pawh an buai zeuh zeuh. Mahse, fan-te duh ber a ni a, chu chu a tan a hlu. Season liam ta tawp lam game 11-ah goal 7 a khung a, 18-na atangin 7-naah an kaisang a, state champion an ni daih. Relegate hlau tawh kha Copa Libertadores khel phakah a hlangkai. Fan-te tan chuan duh loh chi a ni lo!

Depay chuan Brazil chu ‘football hmun thianghlim’ a ti a. Latin American-te chuan nun hi nuam an ti a, an bula awm nuam a ti. Brazil-ah hian a inkhel ringawt lo a, Brazil funk artist MC Hariel nen studio album 'Falando com as Favelas' (Talking to the Favelas) an tichhuak.

Football thiam bawk, rapper ni bawk - Brazil thalaite tan chu aia ngaihsan tur an awm chuang lo!

24/08/2025

INDIA-A US PALAI TUR - SERGIO GOR

US President Donald Trump chuan India rama US ambassador turin Sergio Gor a ruat thar.

Tariff avanga India leh US inkar a that loh lai taka Trump-an ambassador a ruat thar hian ngaihven a hlawh hle a. Gor hi India rama US palai hna thawk tura ruat a nih bakah hian Trump hian South leh Central Asia enkawltu tur palai - special envoy atan a ruat bawk a ni.

Trump chuan Gor hi hun rei tak atanga a thian tha leh a thawhpui a nih thu leh a sorkar policy-te kalpui tura a mi rin a nih thu a sawi a. 'Gor hi thian tha, k*m tam tak chhun ka bula awm tawh a ni a. Ka President kalkawnga hnathawktu pawimawh, ka lehkhabu min publish-saktu, kan movement a hlawhtlin nana thawktu a ni,' a ti a. 'Khawvela mihring tamna ber rama US palai tura ka mi rin, America ropui tak siamna kawnga ka agenda tihlawhtling tura ka rin mihring a ni,' a ti.

Gor hi Trump hian India rama ambassador turin ruat mah se, Senate-in an pawmpui a ngai a, Senate-in an pawmpui hma chuan White House Presidential Personnel Office-a director hna a thawh mek chu a thawk chhunzawm dawn a. Gor hian India rama ambassador hna thawk tura President-in a ruat chu a nuna chawimawina sang ber a nih thu a sawi a ni.

Sergio Gor hi 1986 November ni 30-a piang niin, Soviet Union an nih lai, Uzbek biala Taskent-ah a piang a; a hming tak chu Segey Gorokovsky a ni a. A pem kual ve nasa hle.

1994 khan Malta-ah an chhungin an pem a, Malta ramah hian a Nu chu Israel mi niin a inziak a, hetah hian sumdawnna bul an tan a. Gor hi Malta rama Cospiua khuaah a seilian a. Catholic mipa school-ah a kal thin a. 1999 khan USA-ah an pem leh a. Los Angeles-ah awmin, Gor hian High School a zo va. Washington DC-ah pem lehin, George Washington University-ah a zir chhunzawm leh a. College a kal lai hian American conservative politics-ah tui chhovin, College Republicans hruaitu zingah a tel a, he University-ahhian Young America's Foundation dintu zingah a tel ta hial a ni.

A tirah chuan a hming pum - Gorokhovsky tiin College-ah pawh a inziak lut a, a hnuah Gor tiin a thlak a, hei hi politics khela Republican party hruaitu zinga a tel hnuah phei chuan mi zawng zawngin an hriatna a ni ta a ni.

Republican party-ah inhmang chho zelin, Republican National Committee member niin, a hnuah Republican party House member lar tak tak - Iowa Representative Steve King, Minnesota Representative Michele Bachmann leh Virginia Representative Randy Forbes-te thupuangtu hna a thawk a. Heng hna a thawh lai atang hian thusawi leh mi biang biak a thiam chu a larpui a; Washington-ah hmelhriat tha a neih belh nasa hle a ni.

2013-ah US Senator Rand Pual-a campaign committee zawmin, k*m sarih chhung zet Paul-a team-ah hian a tel a, spokesperson, Communications director leh deputy chief of staff-te a ni zui a. Hei vang hian Republican party hruaitu liante hmelhriat chho zelin, k*m 2020-ah chuan Trump-a huang chhungah a lut ta hial a. 2020 June thlaah Trump-a hnuaia Victory Finance Committee-ah Chief of Staff hna a thawk a, Trump-a hnaih bertu zingah a tel zui ta zel a. K*m 2021 October thlaah Trump-a publishing company - Winning Team Publishing dinin, a hotu a ni a. Donald Trump-a lehkhabu ziah leh ama chanchin mi dangin an ziah te tihchhuah hna chu an thawh ber a ni.

Trump-an a term hnih nana President a chuh lehnaah thapui thawhtu zingah a tel chho ta zel a. MAGA Inc-ah senior advisor a ni a, Right For America-ah an hotu ber a ni bawk a. Trump-a laka a rinawmna chuan dinhmun sang takah vawrhin, Presidential Personnel Office director a ni ta hial a; India rama US ambassador a ni leh dawn ta mek a ni.

Gor hian India rama Ambassador hna a thawh mai piah lamah hian Trump hian special envoy to South and Central Asia-ah a ruat nghal avangin Pakistan leh Afghanistan pawh a chang kawp dawn tihna a ni a. India hian US-in India leh Pakistan enkawltu mi pakhat a ruat hi a duh lo hle thin a. Gor hian India leh Pakistan buaina chungchang a khawih kawp tur hi India ram hruaitute ngaihdan a ni lo maithei.

Hetih lai hian South Asia analyst Michael Kugelman chuan, 'Gor hi ambassador to India bakah special envoy a nih bawk chuan India leh Pakistan enkawl kawp tur a nihna chen a awm dawn a. Chutih lai chuan US chuan helai bial hmun pawimawh pahnih enkawl tur Delhi khawpuia a dah hian India a dah pawimawhzia a lantir tihna pawh a ni ve thei tho,' a ti a. India ram atanga South leh Central Asia enkawl a tum avangin Trump hian India hi a ring hle tihna a ni thei bawk.

Gor leh Trump-a inkar hi a that em avangin India tan pawh malsawmna a ni thei a. Awlsam taka White House be pawp ngam tur ambassador neih hi India hian US nena an inkarah a hlawkpui viau thei bawk a. Trump-a senior adviser hlui Steve Bannon chuan, 'White House chief of staff Susie Wiles leh mi dang tlem te tih lohah chuan Gor hi chhun a duh hun huna President be ngam leh tlawhpawh ngam awmchhun niin ka hria. India ram Prime Minister Modi hi ni ila chuan Gor aia ambassador duhthlan tur hi ka nei lovang,' a ti a. 'India ram leh policy chungchangah hriatna a nei lem lo a, mahse, he mihring hi thil zir mi a ni a, chu mai piah lamah President be thei a ni satliah lo va, President-in a mi rin tak tak zinga mi a ni. President hian he pa hi a ring takzet a, tlang taka a biak thin mi tlem te zinga mi a ni,' a ti bawk.

Gor hi Trump-a team-ah a thlen san chak em avangin hawtu leh thiktu an awm nual a. Trump-a advisor hlui Elon Musk nen pawh staff lak leh rorel danah an inmil lo a, Musk hian mipui hriatah Gor hi 'rul' tih leh 'mi depde' ti-tein a sawi hial a ni.

Eng pawh ni se, India leh US inkarah neuh neuh a awm lai taka President Trump-an ambassador tura Gor a ruat hian Trump-a sorkarin India a ngaih thutakzia a lantir tih chu mi thiamte ngaihdan a ni a. India leh US hi k*m tin dollar tluklehdingawn 190 hu zeta insumdawn tawn reng an nih avangin inbe chhe thei an ni lo tih a chiang a. China rawn lian zel dang turin US hian India hi a mamawh em avangin US tan India pawimawhna hi a nep thei lo ve hrim hrim bawk a ni.

22/08/2025

TRUMP-A TARIFF-IN INDIA LEH CHINA INKAR A SIAM THA MEK

August 22, 2025: India rama China Ambassador Xu Feihong chuan US-in India laka tariff zaa 50 lak a tum chu na taka sawiselin, US hian tariff chu ram dang kar nan a hmang a ni a ti a. Ngawih reng hian min tiduhdahtute a tihuaisar mai mai a ni tiin, China chu India lamah nghet takin a ding dawn tih a sawi bawk.

Puan tawh angin US President Trump-a sorkar chuan India-in US-a thil a thawn luh zawng zawngah tariff zaah 25 chu lain, hei hi base tariff a ni a. Hei bakah hian US leh khawthlang ramten na taka an nawr chung pawha India hian Russia tuialhthei a lei chhunzawm zel avangin Trump-a hian a hrem nan tariff zaa 25 a lak belhchhah dawn thu puangin, tun thla ni 27 atang hian he tariff lak belhna hi US chuan India bungruaah a la tawh dawn a ni.

Tunlai khawvel politics inlûmlet but but mekah ram inthenawm leh innghirnghona neuh neuh nei reng India leh China pawh an inbe tha chho mek zel a. China ram foreign minister Wang Yi chuan India ram rawn zinin, India foreign minister S Jaishankar pawhin kar hmasa khan China ram tlawhin, Shanghai Cooperation Organisation (SCO) meeting a han tel a ni.

India rama rawn kal Chinese foreign minister Wang Yi hian India ram Prime Minister Narendra Modi pawh hmuin, k*min k*m tawp lama SCO leader summit, Tianjin-a neih tura tel turin China President Xi Jinping-an a sawm thute pawh Modi hi a hrilh a ni.

US President Trump-an tariff hmanga ram hrang hrang a vau kual meknaah US thian tha ti-a an sawi thin India pawh a zuah lo va. Hei hian Trump-a tum loh deuhin India leh China inkar a rawn siam tha chho mek niin a lang a. Khawvela mihring tamna ber ram pahnih India leh China hian k*m 2020 atanga an neih tawh loh thlawhna direct service pawh neih leh tumin hma an la mek a ni.

Hei mai hi a ni lo va, India leh China hian ramria buaina an neih thin pawh siam tha zelin, ram pahnih inkar hi a fel chho deuh duak duak mek a ni.

Ni hnih chama India ram rawn zin Wang Yi hi China President Jinping chuan India leh China inkara buaina hrang hrang, a theih chen chena sawi fel turin a rawn tir ni ngeiin a lang a. Himalaya tlang dung hmun hrang hrang, ram pahnihte inrina laia sipai an dahte pawh nasa taka tihtlem ni se, zing zawkin ram pahnih hruaitute chu level hrang hrangah inbe thin se tihte an rel a. Hei hian India leh China inkarah sumdawnna lama thawh dunna kawng leh inzin pawh tawn tam zel tura hmalakna te pawh a siam chho zel dawn a ni.

India leh China hian sumdawnna kawng hrang hrang - Lipulekh Pass, Shipki La Pass leh Nathu La Pass-te chu hawn thar leh an rel a. Insumdawn tawnna lian zawk neih a nih hmaa hma la turin expert group-te siamin inbiakna neih ni se an ti a. Hei hi China-in a duh reng thin a, India hian a remti lo thin zawk a. President Trump-a tariff vang a ni tih sawi theih ni chiah lo mah se, India ram hruaitute hian sumdawnna kawnga thawh dunna zau zawk neih an remti ve ta a ni.

India ram media-te chuan India ramin China atanga an lak luh thil hrang hranga harsatna an neihte chu China hian lo en fel an tiam niin an sawi a. Chinese Foreign Ministry thupuangtu Mao Ning chuan India ram media-te thuchhuah hi a hriatthiam vak loh thu sawiin, 'China chuan khawvel pum huap thlira hma a laknaah ram dangte nena an indawrna chu an dawr ramte mil zela hmalak hi kan kalphung a ni a. Inbiakna tha zawk nei a thawhhona chak tak neih zel kan duh a ni,' a ti.

Hetih lai hian China ambassador to India Feihong chuan India ram thilsiamte China ramah tam zawk thawn luh a nih theih dan tur an ngaihtuah tih a sawi bakah China pawhin India rama sumdawnna kalpui an duh thu a sawi a. 'China market-ah India bungrua tam zawk a luh kan duh a, India hi IT, software leh biomedicine lamah a chungnung hle a, chutih lai chuan China pawh electroning thil sima chhuah lamah te, construction hmanrua leh energy lamah te kan thang nasa em em a ni.

'Keini ram lian pahnihte hi market-ah kan inzawm a kan thawh dun chuan pakhat leh pakhat belh hi pahnih aiin a tam zawk thei dawn a ni,' a ti ve thung.

Sawi tawh angin India leh China-te hina thlawhna direct service nei leh turin inremna an nei fel tawh a, luipui tui chungchanga data in-share tawn te pawh tha zawka kalpui ni se an ti a. Khualzin, sumdawng leh journalist-te tan Visa khuahkhirhna awm thinte pawh hlih then an remti bawk a ni.

Prime Minister Modi chuan Chinese foreign minister Wang Yi nena an inbiak hnuah, 'India leh China inkarah inzawmna nghet, sawi lawk hleihtheih loha danglam thut thut thin ni lo, a tha zawnga thil kalpui zel a nih chuan Asia leh khawvel pum hmasawnna a thleng ngei ang,' tiin X-ah a post a ni.

India ram National Security Advisor Ajit Doval pawhin India leh China chuan boruak thar hnuaiah, remna leh muanna nen hma an la mek tih a sawi a. 'K*m tlem te liam taa kan inkara buaina chhuak kha tunah chuan kan rilruah a awm tawh lo,' a ti bawk.

Doval-a thusawi hi nem nghetin China ram Foreign mnister thuchhuahah chuan, Wang hian Doval-a hnenah hian China leh India inkara inremna nghet leh hmasawnna hrisel a awm zel theih dan tur chu heng ram pahnihte ngaihtuah lian ber a ni tih a hrilh thu tarlan a ni bawk.

Sawi tawh angin Trump-a tariff war vangin khawvel ram zawng zawng an buai a. A bik takin US-a thil thawn luh ngah ramte an buai zual a. Chung zingah chuan India leh China hi a buai ber pawl an ni bawk a. Trump-a tariff vanga an tawrhna tur tihziaawm nan ram hrang hrangte chuan sumdawnna kawngah lamtang siam ve chu an tihmakmawh a nih avangin mawng hung hman lo lekin hma an la a. India ram hruaitute - a bik takin Prime Minister leh Foreign Minister phei chu India ramah an awm hman meuh lo a ni.

Hetiang hi China pawh an ni tho va. He Trump-a tariff war vang hian muangchang angreng taka inbiakna nei a, remna kawng zawh tuma hma la mek India leh China hi an hmanhmawh ta sawt a. Chu chu tuna heng ram pahnihte inkawmngeih chhoh takna chhan chu a ni tih a lang reng a.

US chu India hmelma lian leh a elpui China dona kawnga thawhpui tlak a nih avanga India-in a biak that thin ni mah se, US hian tariff chungchangah India hi a duhsak tehchiam lo tih a lan tak avangin India ram hruaitute chuan ngaihtuahna dang an pu ve ta a. India leh China chu official-te an intlawhpawh ta sek mai a. Chu chuan rah tha chhuah zelin, China chuan Tibet rama India sakhaw biak zinte kal a phalsak a; India pawhin China mite tan tourist visa a pechhuak ve leh nghal bawk a ni.

US President Trump hian India bungraw lakah tariff sang a la dawn tih a puang a ni satliah lo va, Pakistan be thain, Pakistan sipai lal Asim Munir pawh US-ah an lo dah VIP em em bawk a. Modi-an ka thianpa a tih Trump hian India economy thang chak lutuk hi tihmuan dan a zawng pawh a nih theih thu India ram mi thiam mai ni lo ram danga awm India thisen kai mi thiamte chuan an sawi a ni.

US leh India inkar a chhiat tak avang hian India chuan loh theih lohvin China a biak that a ngai chho a. Pakistan hnena ralthuam petu a nih avanga a huat thin China biak that a ngai ta hian kawng dangah pawh rah tha a chhuah dawn niin a lang a. India leh China ber an inbiak thiam zel avangin US-in an ngaimawh em em BRICS hmalakna pawh tunhma zawng aiin a chak chho mek zel bawk a ni.

11/07/2025

PHAISEN LEH BUHCHANG INKAR LEI SIAM THAT NGAI
11072025

Zukbual, Phaisen atanga Buhchangphai/Bilkhawthlir panna lei (iron bridge) chu a zâ pakhat a auh/tliah avangin 2 wheeler lo chu he bridge-ah hian a tlang theih rih loh niin MPWD Bilkhawthlir Division-te chuan an sawi a. MPWD hotute chuan hemi siam that nan hian kar thar Thawhlehni thleng hun hman a ngaih hmel a. LMV chin kal tlang theihin (temporary) siam an tum mek a ni. MMV leh a aia liante tan zawh ngam/chi a ni rih lo ang. (Source: SP, Kolasib)

10/07/2025

CADC GOVERNOR CHUNGCHANG SAWIFIAHNA.
10072025
(Chhiar chhuah ngei ngei chi)

July 10, 2025: Vawiin 10th July, 2025 (Thursday) Dar 1:00 pm hian BJP Mizoram Pradesh chuan Aizawl Press Club ah chanchinbute kawmna hun neiin, Chakma Autonomous District Council (CADC) chungchang leh Home Minister Pu K. Sapdanga press statement chungchang sawifiahna hun neih a ni.

Sixth Schedule to the Constitution of India hnuaia hian hmarchhak State a Tribal te mahni a inrelbawlna tur Autonomous Council 10 a din a, Mizoram bik ah chuan Autonomous District Council 3 awm in- Mara, Lai leh Chakma Autonomous District Council te an ni. India Constitution chuan Mizoram Governor hnena 20 BB (Sixth Schedule) hnuaia ADC te chunga Discretionary power pe in, Mizoram Governor post lo chelh tawhte chuan he thuneihna hmang hian vawi tam tak ADC te chungah hian thutlukna an lo siam tawh ṭhin ani.

Chakma Autonomous District Council (CADC) bik hi vanduaithlak takin political instability hi a thleng reng a. K*m 2013- 2018 inkar khan CEM panga (5) an inthlak hman a, k*m 2018- 2023 inkar khan CEM panga (5) an nei leh a. 2023 atanga k*min June 2025 inkarah CEM vawi 2 an inthlak leh hman ani. CADC ah hian sawrkar ngelnghet adin theiloh avangin mipui in harsatna an tawk nasa em em a, CADC staff hlawh ringawt pawh tunah hian thla 5 dawn an pek kim theihloh an nei mek ani.

Hetiang Politics nghetlo a awm reng avang leh sawrkar hnalak diklo tam tak a awm avangin- CADC area a Civil Society Organisation lian ber pathum 1. Central Young Chakma Association (CYCA) 2. Central Mizoram Chakma Students Union (CMCSU) leh 3. Central Chakma Mahila Samiti (CMS) te chuan 12th June, 2025 khan Mizoram Governor General V.K. Singh chu hmuin- CADC a Sawrkar suspend tur leh sawrkar hnalak diklo leh financial mismanagement chungchang chhui turin One Man Inquiry Commission din turin an ngen a, heng mite vek hian a tuk 13th June, 2025 a Mizoram Chief Minister Pu Lalduhoma chu hmu lehin CM hnenah pawh hian ngenna an siam leh bawk ani.

Governor hian 7th July 2025 khan ngun taka CADC mipui te ngenna a ngaituah hnuin Mizoram Governor chuan CADC chu Indian Constitution in thuneihna a pek angin Governor Rule ah thlaruk (6 Months) atan a dah ta ani. Hemi thlaruk chhung hian CADC Sorkarna ah an thil tih diklohte a awm chuan lo en a, Lawngtlai DC enkawlna hnuai a siamthat hna thawk turin thu a pe ta ani.

Mizoram Governor thuthlukna hi CADC mipui tam zawk chuan ṭha an tih em em laiin 8th July 8, 2025 khan Mizoram sawrkar a Home Minister hna thawk mek Pu K. Sapdanga leh a hote chuan Press Conference neiin - Mizoram Governor thuthlukna chu Democracy palzut na hial a puhin- a thutlukna siam tawh sut leh tura an ngen ta mai hi- keini BJP Mizoram Pradesh chuan hriatthiam har kan ti hle a, hetiang a State khat a Constitutional lu ber kan Governor chu national media te hma a diklo taka an puhchhe ta mai hi pawi kan ti hle ani.

December, 2024- BJP in CADC a Sawrkarna kan siam dawn khan Chief Minister leh DC&MA Minister te chuan Governor hnena- CADC chu dissolve an duh thu te thlenin, Governor rule a dah turin anlo ngen taw a. K*m khat pawh aka ral hma a, CADC a ZPM an sawrkar tir duh avanga an thu an thlak leh ta mai hi mak kan tiin, ZPM hian Corruption a inhnamhnawih te humhim a, rorelna khawl a dah luih tlat an tum ta mai hi an Party slogan nen a in hmeh lo hle ah kan ngai bawk ani.

Mizoram a hian Governor ah mi hrang hrang an lo ṭhu tawh a, ADC bika hian Constitution in thuneihna a pek angin an thuneihna an lo hmang tawh ṭhin ani. ADC chungchanga Governor thuthlukna, State Cabinet Ministers lo ni tawh ten Press Conference meuh ko va Governor thuthlukna an sawisel kan la hre ngailo. BJP Mizoram chuan Governor thuthlukna hi a zahawm kan ti a, CADC area a Civil Society Organisation te duhdan ang thlap a a kalpui hi mipui zahna dik taka kan ngai a ni. BJP Mizoram Pradesh chuan corruption kan do zia lantir nan Governor hian CADC mipuite ngenna angin Inquiry Commission din se, sawrkar kalta a mi corrupt leh thil diklo ti zawng zawngte chhuitir a, a mawhphurtu te chu dan anga hrem ngei ni se tih kan duh ani.
-------------------
Issued By IT & Media Department BJP Mizoram Headquarters Aizawl Mizoram.

10/07/2025

Love Island USA star-te an lâr turu!
10072025

Love Island USA chu reality TV show hmuhnawm leh lar tak a ni a. Thalai tam tak chuan kan en hlawm awm e. He show-ah hian mimal, Islanders-te chu villa nuam leh changkang takah dah khawm an ni a. An chet dan hrang hrang chu entute hmuhnawm tih theih dan tur bera pho chhuakin, tunlai khawvela hmangaihna huanga nula leh tlangvalte inchhai dan thar hmanga an nun dan drama hmuhnawm tak chu tihchhuah thin a ni a. Chan chawp a nihna a awm rualin a tak tak a nih avangin khawvel mipuiten an en nasa hle a ni.

Heng thalaite hi hnam hrang hrang an ni a, an inelnaah hian a thiam berin dollar nuai khat (India pawisaa cheng nuai 85 aia tam) an hlawh thin a, chu bakah an lar zui nghal em em thin.

He show-a tel Leah Kateb te, Kaitlynn Anderson leh Ace Green-te chu social media lamah lar namen lohvin an lar chhunzawm a. media personality lar ber ber zinga mi an ni chho tawh a. Thenkhat phei chuan Instagram lamah in follow ngei ang.

Leah Kateb hi Love Island USA Season 6-naa contestant zinga mi kha a ni a. Love Island star zingah tun thlengin Instagram lama follower ngah ber a ni mek a. Tunah hian follower maktaduai 4.4 a ei mek a. He show-a contestant dangten an phak lo vai vai khawp mai. He show-a a telnaah hian pakhatna pawh a ni lo, first runner-up - pahnihna a ni a. Lar chhunzawm lamah erawh pakhatna a ni chiang rih hle.

Kaitlynn Anderson hi Season 2-a tel niin, ni khatnaah a tel a, ni 5-naah a tla zui a! Mahse, a lar chhunzawm tho! Villa-a ‘ringleader’ an tih Ace Green pawh hi a tunlai a, a energy a tha a, a lar chho chak khawp mai.

An zinga lar ber rih Kateb hi Los Angeles-a 1999 August ni 11-a piang, Iran mi Ashfin leh Mina-te fanu niin, a hmel thain a pian a nalh a, sapho ngo dan aiin a ngo dan a nalh zawk ti ila kan sawi sual lo ang. Love Island-ah hian contestant dang Miguel Harichi nen an inkawp a, contest zawh hnuah pawh an khawsa dun zui nghe nghe. Love Island-a a tel hma chuan Instagram-ah follower 12k chiah a nei a, an zawh chiah chuan maktaduai 4 chuangin an follow nghal a; TikTok lamah pawh a lar a, social media influencer dik tak a ni tawh a. Tunah hian fashion brand lar tak tak nen an thawkho a, an promotional content-ah a tel fo a; intinalh leh in-show velin sum a hlawh tawk tawk mek a ni.

Bahzar News

26/11/2025

31/10/2025

28/10/2025

25/10/2025

11/10/2025

10/10/2025

24/08/2025

22/08/2025

11/07/2025

10/07/2025

10/07/2025

Address

Telephone

Website

Alerts

Contact The Business

Shortcuts

Share

Category