15/03/2025
WORLD CONSUMER RIGHT'S DAY 2025 KOLASIBAH HMAN A NI
Vawiin chawhma dar 11:00 khan Kolasibah District Food, Civil Supply & Consumer Affairs Department leh Kolasib District Consumers' Union (KODCU) te buatsaihin World's Consumer Rights Day 2025, Kolasib Project Veng YMA Hall-ah hman a ni a. He hun hi Kolasib Deputy Pu Robert C. Lalhmangaiha chu khuallian niin hun a hmanpui a ni.
Kolasiba World's Consumer Rights Day ah hian Khuallian Kolasib DC Pu Robert C. Lalhmangaiha chuan Consumers-te’n an dikna leh an chanvo an hriat a pawimawh thu sawiin, FCS&CA Department-ah hun engemaw chen chu amah ngei pawh Deputy Director a nih tawh thu sawiin State Consumer Dispute Redressal Forum leh District Consumer Dispute Redressal Forum kan neihte ah thubuai an chin fel theih tawk chinah hma nasa takin lak a nih thin thu a sawi lang.
Kolasib DC chuan 'Consumers-te hamthatna leh humhalhna kawngah hian Sawrkarin tha a thlah thei lo a, Consumers Union-te pawhin tha an thlah thei lo tih kan hriat a ngai' a ti a. Nitinin thil lei leh hralh a awm reng a, chuvangin mipui zawng zawng hi Consumer kan ni vek tih sawiin, 'Hengah hian kan dikna leh kan chanvo kan hriat chian a ngai' a ti a. 'Kan dikna chanvo kan hriat loh avang hian harsatna kan tawk fo a. Mipuite’n an dikna leh an chanvo an hriat theih nan Consumers Affairs Department leh Consumers Union-te’n Awareness kan uar a tul' a ti bawk. Kolasib DC chuan Consumer-te dikna chanvo humhalh turin Sawrkar hnuaiah dan leh hrai awmte mipuite’n ngaihvena tangkai taka hmang thiam turin fuihna thu a sawi a, thil lei leh hralh kawngah mipuite ‘bukna leh tehna dik’ ngai pawimawh tlat turin a chah bawk a ni.
He hunah hian k*min a World Consumer Rights Day 2025 thupui 'A Just Transition to Sustainable Lifestyles’ tih chu Dr C. Lalmuankima, Vice President KODCU chuan a sawifiah bakah Consumers Rights chungchang Pu F. Lalhmunsiama, Fin. Secretary, KODCU ziah chu chhiarchhuah a ni a. Kolasib District Consumers' Union (KODCU) atangin thusawi ngaihthlak a ni bawk.
