Kolasib TIMES

02/03/2026

Mizo Dan siamṭhat (Amendment 2026) chungchang leh thu nàwi dang ~ Julie Lalrinzami

Ni 24.02.2026 khan Mizo Inneih leh Rokhawm dan siam ṭhatna tur Bill chu pass a ni a. Law Minister ni bawk, kan Chief Minister Zahawm tak chuan a rawn sawi hawng (present) a. A rawn sawi dan ṭawngkam hman avang khan Mizo mipuite kan phu deuh luih niin a lang a.

The Mizo Marriage, Divorce and Inheritance of Property Act, 2014 chu k*m 2014, Mizoram Gazette ah 16.02.2015 khan tih chhuah niin, he dan hi ka hman lai mèk a ni a. A famkim lohna leh a ṭhat lohna lai tam tak sawi tur awm mahsela, dan mumal “codified law” kan neih hma hun te nena tehkhin phei chuan țha kan tiin, kan zavai in kan hmang ṭangkai hle a ni tih chu phat rual a ni lo.

Tuna 2026 Amendment (siam ṭhat) a kan buaina lian ber pakhat, Mizo mipui min han ti nghing deuh lawih ni a lang ta ber chu, he dàn Section 2 lai hi niin a lang a. Section 2 hi a ziak ang ang leh Mizo ṭawnga leh hian ti hian han dah dawn ta ila.

“Section 2 (The Mizo Marriage, Divorce and Inheritance of Property Act, 2014) - This Act applies to any person who belongs to any Mizo tribe. It also applies to marriages where male members of the parties belongs to any Mizo tribe” tih a ni a. Chumi awmzia chu, “Inneih, inṭhen leh Rokhawma dan hi Mizo (tribe) te tan a ni ang a, inneih chungchangah a mipa Mizo (tribe) a nih chuan hman a ni bawk ang” tih a ni.

Dam siam ṭhat (Amendment 2026) ah chuan, “This Act applies to all marriages where both the parties belong to Mizo tribe or where the male member to the marriage belongs to any Mizo tribe” tih a ni a. Chumi awm zia chu, “He dan hian Mizo leh Mizo inneihna reng reng chu a huam ang a, inneih pawlhah erawh chuan a mipa zawk Mizo (tribe) a nihin hman a ni ang” tihna a ni.

Dan hman mèk leh Dan siam ṭhat hi uluk takin han en kawp ila. A danglam hluai lo a, tuna mi tam zawk te min ti phu zawk tu hi, k*m 2014 dan ah hian a awmsa vek tawh a ni. Chumi awmzia chu Mizo nu leh pa kara piang chu Mizo a ni reng dawn a. Hnamdang pasal a va neih avang khan a Mizo nihna “identity” kha a hloh ta a ni tih inziak a awm hran lo a. Tin, ka “identity” hi chuti ngawtin tumahin min laksak ngawt thei lo!

Mizo te “patriarchal society” kan nihna angin, hman lai aṭangin Pa te hnam kan chhawm a. Pasal ka neih avang kha ka hnam a bo lo a, ka “identity” ka hloh lo a, ka fate leh ka thlah kal zel te erawh chuan ka hnam an chhawm tawh lo a, ka pasal hnam an chhawm tawh thung a. Sailo ka ni lo a, ka ni ngai lo a, thla 9 ka pum chhùnga ka pai, ka rila rah pali te erawh Sailo an ni ta thung ang hian!

Chuti a nih si chuan, Danin Mizo a tih te hi tu te nge ni ta ang. Section 3 (m), The Mizo Marriage, Divorce and Inheritance of Property Act, 2014 ah chuan, “Mizo means and applies to individuals who are Mizo by birth, by adoption of minor child and persons who have been accepted as Mizo by the Society and Community at large” tih a ni a.

Dan siamṭhat (Amendment 2026) ah erawh chuan, “Mizo means any individual who are Mizos by birth or whose father belongs to any Mizo tribe and includes a legally adopted child” tih a ni a.

Chumi a lo danglam ta chu, 2014 Act ah, “Society leh Community in Mizo anga kan lo pawm” tih lai khi, Dan siam ṭhatah chuan a paih ta a. Mizo nu leh pa kara piang leh, a pa Mizo a nih chuan Mizo a ni tiin a rawn sawi a, tin, dan ang taka Mizo nu leh pa in an ‘legally adopted’ te Mizo a pawm an ni bawk.

Inneihna (marriage) chungchangah phei chuan, he kan Mizo dan bakah hian, Court a inneih ti a kan sawi mai, Special Marriage Act, 1954 hnuaia inneihna hi hman theih reng a ni a. Tin, Mizo ni lo hnamdang nupui pasala nei te, a bìkin Mizo hmeichhia hnam dang nei te phei chuan he dan hnuaiah hian an in register deuh vek zawk a ni.

Hetih lai hian India rama rorelna sàng ber, Supreme Court chuan “seilenna hmun” hi a dah lal hle a. Mizo khawtlanga seilian chu Mizo a la ni reng ang a, amaherawh chu, hnam dang “community” a seilian a nih erawh chuan, an fate chuan Mizo (tribe) nihna an hloh thung ang tih a ni. (Arjun K*mar v. Union of India & Ors. on 14th Feb 2006; Rameshbhai Dabhai Naika v. State of Gujarat & Ors. on 18th Jan 2012). Hemi chungchang ah pawh he Court sàng ber thutlùkna hi chhiar phawt hma chuan mawlmang taka puak chhuah phawng phawng loh a fuh awm e!

Kan Mizo Inneihna, inṭhenna leh rokhawm dan hman lai leh a siamțhat te hi, Mizo Hmeichhiate tan chuan lawm em em tur a ni, chutih rual erawh chuan rilru han thlepna tur erawh a la tam. Siam ṭhat rau rau chuan hei ai hian han țha lehzual sela tih a awl khawp mai! Sawi pawh kan sawi tam ve tawh narawh e! Tun ṭumah erawh kha lam kha ka sawi lan tum ber a ni lo a. Tuna kan buai deuh hluaina, Mizo hmeichhia tam tak kan han alh deuh phatna leh, Mizo Mipa tam tak ten intithei taka k*t kan lo ben hluah hluahna ber point erawh kha chu a Dan bu ah tak hian fiah taka ziak a awm hran lo e tih a ni a.

Mizo hmeichhia hnam dang pasal nei te hi, an inti Mizo em em mai a. An fate Mizo ṭawng thiam tir in, chhúang takin Mizo mipuite hmuh theih turin an rawn pho chhuak a. Tu khaw hriat hlawh lo tur Mizo te nun zia, kan ṭawng leh kan nunphung te khawvel hmuhin an pho chhuak te hi tam takin an sawisel ṭhin na a, a van ṭha em! Mizo hmeichhiate hi kan hnamah kan chiang em em a, kan duhthusam “kan dream” ah chuan Mizo mipa ngei pasal a neih hi a nih deuh vek ka ring!

Chutih lai kara, “hnam phatsan tu” ti a țawngkam chhe tinrènga kan han cheksawlh ṭhin hi chu an lainatawm hi ka lo ti ṭhin! He Mizoram chhùnga keini Mizo hmeichhiate aia Zu leh Ruihhlo thlang zawk, Mizo hmeichhia awm nèm ten thlamuanna leh thlavàng hauhtu kan mamawh ngawih ngawih laia, dim baksak lo a k*t thlak bur bur ṭhin te! Mizoram chhùnga Ruihhlo hlùar lutuk mai te, Mizo mipa, ruihhlo kaihhnawiha an thi nasa lutuk mai te, Jail tin maia Mizo mipa an phu suau suau mai te, kan Jail neih len ber Central Jail mipa lam awmna a tawt em em reng mai ringawt te hi khel tham asin!

17/02/2026

17/02/2026

Alo hmu leh a awmna chin hria chuan mobile number tarlanah hian in lo hrilh dawn nia

16/02/2026

15/02/2026

12/02/2026

Kolasib tan, kan District tan, Zoram tan i hnatlang vek ang u

31/12/2025

K*m 2025 chu a lo liam dawn ta reng mai. He k*mah hian -

1. K*m za chuang Aizawl Sipai lammual, sipaiten an luah tawh chu, kan inremna angin an chhuahsan a, mipuite ta a lo ni ta.

2. Mizoram chanchina HealthCare System tha ber Universal Healthcare Scheme kan tlangzarh a. Mipuiten pawisa tam tak seng lovin damdawiin kan lutin kan chhuahsan thei ta. Mi retheite tan a hlu zual ngei mai.

3. Mizoramin Four Lane Highway kan neih hmasak ber tur, k*m tam tak compensate harsatnain a tibuai chu - Pathian zarah kan ching fela, k*minah a laih hna an tan.

4. Mizoram chanchina chuang reng tawh turin Sairang thlengin rel a lo lut a. A rang lama Thenzawl thlen pheitir kan tum.

5. Loneituten an thlai thar an hralh that avanga lawmthu an sawina thawm kan hre mawlh mawlh mai. Kuhva phei chu Mizoram history-a kan hralhna that ber k*m a ni.

6. Pawisa a vang tia mi thenkhatin an sawi laiin, Bazar tura Guwahati lama kan liam thlak hnemzia kan sawi nasa thung a. Online market hmanga sumdawngten an bungrua an hralh nasa hle bawk. In sakna bungraw zuartute, lirthei zuartute leh mobile phone zuartute an inhralh tha hle nia sawi a ni.

7. Mizoram chu fully literate (ziak leh chhiar thiam vekna) state-ah kan inhlangkai a, India rama a hmasa ber kan ni.

8. CMS India Study report chuan NITI Aayog leh Transparency International data te atangin India rama eirukna laka fihlim ber pahnihnaah min puang.

9. Nik*m chhung khan Khualzin hipluh lama hmarchhaka hmasawn ber kan ni a, k*minah an pung nasa hle. Tun Christmas laia khualzin tamzia sawitu an tam hle a ni.

10. SDG Index-ah kan district pathumte chu hmarchhak bial top ten-ah an lang. Hnahthial district chu pakhatna a ni.

11. NITI Aayog-in Mizoram chu Ginger Capital of India-ah a puang.

12. Mizorama a hmasa ber turin khawpui changkang (Modern Plan City) atan Thenzawl Peace City Master Plan chu IPE Global ten an thawk tan.

13. Mizoram ta liau liau, lei ngai lova kan hman tur 10 MW Thenzawl Solar Plant kan hawng a, 5 MW Sumsuih Solar Plant hna kan tan a, rang taka zawh kan tum ang.

A dang pawh sawi tur a la tam hle mai. K*m 2025 hi Mizoram tan k*m tha a niin ka hria a, ka lawm a ni. Pathian hnenah lawmthu awm rawh se.

30/12/2025

KAWNG KHAR DAWN

Mizoram sawrkar Tourism Department in k*m tina tih tawh tura an rel angin naktuk tlai hian 'Sakawrhmuituai Sunset View' huaihawt a ni dawn a, hemi avangin hian Sakawrhmuituai kawng (Aizawl to Kawnpui via Sihphir) chu chhun 12 atanga tlai 6 pm thleng block a ni dawn.

Tourism Department buatsaih ‘Sakawrhmuituai sunset view’ neih turah Mipui pungkhawm tam tura beisei a nih avangin Health & Family Welfare Department atangin medical duty leh police atangin security duty awm tura ruahman a ni. Traffic chungchangah pawh SP, Traffic leh SP, Kolasib te nen tangkawpa ruahmanna mumal tak siam a ni.

Sakawrhmuituai Sunset programme pual hian security ah volunteer 130 vel an duty dawn a, traffic duty ah mi 70 vel leh, chetsualna thlen thulha che chhuak thei tur response team atan mi 20 vel ruat a training pek an ni.

29/12/2025

Methamphetamine leh Detonator hmanga inbumna kaihhnawh-ah CID anga insawi City Police pali man

ZALEN December 29, 2025 : Aizawl SP Zosangliana, IPS chuan vawiin khan chanchianthar thendarhtute a kawm a, he hunah hian tun hnaia Methamphetamine leh Detonator hmanga inbumna kaihnawiha CIP lem chang Police pali te man an nih dan chungchang a sawifiah a. Heng Police pali an man te hi City Police atana lak an nih thu a sawi.

Aizawl Superintendent of Police chuan 16.12.2025 tlai dar 5:45 ah OC, Aizawl Police Station in Special Narcotics Police Station hnen atanga FIR dawn bawhzuiin Case No.559/25 Dt. 16.12.2025 u/s 61(2)/308(2)/319(2)/62/3(5) BNS register a ni a. FIR-a a lan dan chuan Ni 15.12.2025 zan hian New Capital Complex thlanmual road ah dan phal loh thil Methamphetamine hralh/lei a awm dawn ni a thu an dawn angin Special Narcotics Police Station staff te chu New Capital Complex thlanmual road lamah hian operation neiin an kal nghal a. New Capital Complex thlanmual road an thlen chuan, mi pathum (police mi leh sa vek) chu kawngsirah an lo awm a, hengmi te hi man nghal an ni a. Heng mite man an nih hnu hian an zinga pakhat phone call dawn in Khatla lamah Methamphetamine chu in hlan tura a rawn hrilh angin Khatla lamah an kal leh nghal a, Khatla ah hian Methamphetamine hralh tur lo kengtu hmeichhe pakhat leh Methamphetamine hralh tur a ken pawh chu mansak nghal a ni.

Methamphetamine an mansak pawh hi Methamphetamine tak tak ni lovin a lem a ni tih hriatchhuah a ni nghal bawk a ni. A hnuaia mi hi an mi man te chu an ni:

i) Lalrinngheti (35) d/o Zosangliana of Venghlui, Aizawl, mastermind of the operation and possessor of fake Methamphetamine.

ii) Constable No. 325 RL Remlalnghaka (28) s/o Lalnuntluanga of Zemabawk North, 5th IR Bn., attached to ERSS, Aizawl DEF.

iii) Constable No. 135 Vanlalringa (32) s/o Lalchawimawia of Bungkawn Veng, Aizawl, Aizawl DEF, attached to Security Unit.

iv) Constable No. 57 Andrew Lalremruata (29) s/o Zothankhuma of Chanmari Veng, Aizawl, Aizawl DEF, PSO to CO, 1st MAP.

Police mi leh sa pathum te hi a hnuaia office order tarlan hmanga an hna atanga suspend nghal an ni:

i) Constable No. 325 RL Remlalnghaka, 5th IR Bn., attached to ERSS, Aizawl DEF vide Office Order No.5IR/R-PF/C-325/25/1983 Dt.22.12.2025.

ii) Constable No. 135 Vanlalringa, Aizawl DEF, attached to the Security Unit vide Office Order No.E/RO/PF/C-135/2025/1094 Dt.19.12.2025.

iii) Constable No. 57 Andrew Lalremruata, Aizawl DEF, PSO to CO, 1st MAP vide Office Order No. E/RO/PF/C-57/2025/1093 Dt.19.12.2025.

He thil chhui zuina atanga a lan dan chuan heng an mi man te hi inthurual in dan phal loh damdawi lei duh tur an zawng a. An damdawi lei dan tur leh an inhlan na hun leh hmun tur te an ruat fel hnu ah police mi leh sa te hi CID police officer anga insawiin an hmun ruat ah hian damdawi lei tum tute chu man in an damdawi leina tur pawisa chu tharum hmangin an chhuhsak ta thin a, heng an pawisa chhuhsak hi a hnu ah an in sem leh thin a ni. Anmahni inpuanna atanga a land an chuan hetiang thil ti hian a hma in vawi ruk ai tlem lo chu an lo hlawhtling tawh nghe nghe a ni. Kan mi man te an inpuanna atanga a lan dan in police mi leh sa tho Constable No.348 Alex Lalnunfela (26) s/o C. Lalsangzuala of New Capital Complex, Aizawl, 5th IR Bn. attached to AIG (Ops), PHQ pawh an thil tihna ah hian a lo tel ve thin tih hriat a ni a, ani pawh hi man nghal a ni. Mi man te hi thu zawhfiah an nih hnu ah judicial remand in Jail lamah thawn vek an ni.

He case chhuizuina leh mi mante inpuanna atangin civil mi dangte pawh in hnamhnawih an lo awm a, thu zawhfiah an nih hnu ah judicial remand in Jail lama thawn an ni tawh bawk a, chung mite chu:

i) Lalchhanhimi (40) w/o C. Rolawmkima (L) of Kulikawn, Aizawl.

ii) Lalnunpuii (41) d/o VL Hruaia of Venglai, Kolasib.

iii) Lalrinchhani (38) d/o Lalfakzuala (L) of Electric Veng, Lunglei.

iv) Lalmalsawmi (41) d/o BN Bordoloi of Armed Veng South, Aizawl.

19.12.2025 khan OC, Aizawl Police Station in Aizawl Police Station hnen atanga Enquiry Report a dawn bawhzuiin Case No.561/25 Dt. 19.12.2025 u/s 61(2)/308(2)/319(2)/62/3(5) BNS register a ni a. Enquiry Report-a a lan dan chuan Aizawl Police Station-ah Z. Lalchhuansanga s/o Ngunawrha of Sangau, Lawngtlai District hnen atangin ziaka complaint dawn a ni a. He complaint-a a in ziah dan chuan Z. Lalchhuansanga leh a thiante pahnih Romalsawma leh Vanhleia te chu Dt. 17.11.2025 zan khan Sangau Atangin Aizawl ah HC Lalrinkimi (Phone No.7005422462) ITI Veng, Aizawl hnen atanga Detonator lei turin an kal a, HC Lalrinkimi te inah hian an thlen chilh nghal a ni.

18.11.2025 zanah Z. Lalchhuansanga leh a thiante pahnih bakah HC Lalrinkimi leh a thiannu Lalngaihzuali te chu lirthei (Sumo) hmangin detonator lei tur chuan an kal a, Falkland Venga Dawnfawh zawrhna bulah an ding zawk a, chuta tang chuan detonator in leina hmun atana an ruat Ramthar Veng Chite Kai lam panin an kal leh a. A hmun an thlen chuan Lalrinchhani chu detonator lo kengin Taxi in a lo thleng chawpchilh ve nghal a. HC Lalrinkimi chuan detonator va endik turin rucksack-a Rs. 5,00,000 ak chungin taxi lam a va pan a, Lalrinchhani chuan detonator sample chu endik turin a lo phawrh a, a bak chu parcel bawm lehkhapuan vara tuam chhungah a awm bawk a, hetih lai tak hian mipa pali hmai tuam CID officer ni a inchhalte chu lo thlengin Taxi chu an rawn hual nghal a, Rs. 5,00,000 leh detonator te chu an chhuhsak nghal a. He thil thlen danah hian Z. Lalchhuansanga hian police lem te leh Lalrinchhani hian an bum niin a hria a, a pawisa Rs. 5,00,000 hmu let leh tur hian police tanpuina a dil a ni.

He thil thleng hi chhui zui niin, mi thenkhat chu hetiang inbumna thila inhnamhnawih avangin Aizawl Police Station Case No. 559/25 Dt. 16.12.2025 u/s 61(2)/308(2)/319(2)/62/3(5) BNS kaihhnawih man lo ni tawh a, CID lemchang Methamphatamine kaihhnawiha man Police leh mi dang pahnih chu man leh an ni.

i) Constable RL Remlalnghaka (28) s/o Lalnuntluanga of Khanpui P/A: Zemabawk North, Aizawl

ii) Constable Alex Lalnunfela (26) s/o C. Lalsangzuala of New Capital Complex, Aizawl

iii) Constable Andrew Lalremruata (29) s/o Zothankhuma of Chanmari Veng, Aizawl

iv) Krosshlupuii (37) d/o Kawlnithanga of Hunthar, Aizawl

v) Lalrinchhani (38) d/o Lalfakzuala of Electric Veng, Lunglei.

Heng an mi mante hi thu zawhfiah an nih hnuah judicial custody-a awm turin Jail lamah thawn vek an ni.

Heng case a inhnamhnawih police mi leh sa te hi criminal case an awrh mai bakah hian na taka hrem an nih theih nan Departmental Proceedings kalpui in uluk taka chhui zui an ni bawk ang.

Thubuai pakhat, Kulikawn Police Station Case No.137/25 Dt. 17.12.2025 u/s 308(2)/319(2)/240/61(2)/3(5) BNS-a ziahluh-ah 01.12.2025 khan James Zoliana of Kanhmun, Present Add: Samtlang, chuan SP, Aizawl ah FIR register tur a ngenna leh tanpui dilna a thehluta. A lehkhaa a ziah lan dan chuan Dt. 20.11.2025 chhun dar 11:30 vel khan a hmelhriat Anthony-a chu Ram leina tur pawisa kentir in an khaw pa Micky-a nen Falkland ah an in hmu a. An pahnih hian World Bank Road, Trinity Hospital an thlen phei hma deuh in car pakhat Maruti Suzuki Fronx Regn. No MZ-01AE-1459 a mipa pakhat leh hmeichhe pahnih chuang te nen in hmu in, an in hmuh hnu lawk chuan Bullet Bike Trinity Hospital lam atanga lo phei chu an piah deuh ah ding in he bike a chuang mipa pahnih Police Uniform ha te chuan lo pan in an zawn lai a ni tiin an dap nghal a, he ta an pawisa ken Rs.17,40,000/- te chu an chhuh lui ta a ni.

Hemi thil thleng chungchang hi Kulikawn Police Station chuan a chhui zui a, Kulikawn Police Station ah FIR a thehlut a, FIR-a a lan dan chuan Dt. 19.11.2025 khan complainant James Zoliana leh a thurualpui hnamdang mi pahnih Abdula leh Debua tia a hriat te nen Damdawi (Methamphemamine) lei tur in Aizawl ah an rawn kal a, Hotel Spice Corner, Falkland ah thleng in Damdawi lei dan tur leh inpek dan tur an rel ho a. Dt. 20.11.2025 ah Damdawi lei tur in Anthony-a chu an tir a. Damdawi lei tur a an indawr lai in Bike a rawn kal mi pahnih Police ni a rin (pakhat zawk chuan Jacket uk a ha) te chuan kan mi zawn lai in ni tiin a kalpui pa Micky-a chu an zawn lai anih thu an sawi a. Anthony-a erawh chu an haw tir a. A hnu ah car a rawn chuang mi 3 leh Micky-a leh Bike a rawn kal mi 2 an vaiin mi Paruk te chuan he pawisa Rs.17,40,000/- hi an in sem ta a ni.

James Zoliana hian heng hnam dang mi pahnih te hi Rs.50,000/- hlawh in a rawn hruai thu a sawi bawk a, James Zoliana hian thu diklo SP, Aizawl hnenah a thehlut avangin man a ni.

He case a in hnamhnawih mi panga pawh hriat an ni tawh a, a hnuaia mi te hi an ni:

i) Lalthlamuani d/o Lalfaka of Electric Veng, Aizawl

ii) Lalmalsawmkimi d/o Nuchhungi of Armed Veng South, Aizawl

iii) Lalhmunmawia h/o Lalrinsangi of ITI Vengthar, Aizawl

iv) Lalremruata s/o Ramengmawia of CHaltlang, Aizawl

v) Micky Lalmuanpuia s/o Vanlalsawma (L) of Edenthar, Aizawl.

A chunga tarlan he case a in hnamhnawih te hian Court atangin interim bail an lo neih hman avangin man an la ni lova, man theih an nih veleh man nghal an ni ang. Tin, mi pakhat Excise & Narcotics mi leh sa ni a chhal Hriatpuia ti a hriat hi a nihna dik tak la hriatchian theih a la nih loh thu police lam chuan an sawi a, an bawhzui mek a ni.
Source : Zalen

24/12/2025

ROAD BLOCK AWMDAWNLO

Dt.24-26/12/2025 (Nilaini-zirtawpni) thlengin, Serkhan leh Zanlawn Inkara kawng siamhna thawh mek chu Kristiante hunpui, Krismas vuak vet anih angin kawng siamhna thawh ani dawn lova, ni 24-26/12/2025 chhung hian kawng block a awm dawn lo tih kan in hriattir e.

Chanchinthar, kawng siam chungchangah a awm anih chuan a rang lamin kan inhriattir leh thuai dawn nia.

Krismas leh K*mthar hunpui, hlim leh tluang taka in hman theihnan duhsakna kan hlan a che u.

Sd/-
Secretary
Zanlawn VC