Saindhava Books

18/08/2026

കൊല്ലം ജില്ലാ സഹകരണ ബാങ്ക് റിട്ട. സീനിയർ മാനേജർ ഷാജി പാമ്പുറം രചിച്ച " മൗനം പൂത്തപ്പോൾ" എന്ന കവിതാ സമാഹാരത്തിന്റെ പ്രകാശനം സാംസ്കാരിക - വിനോദസഞ്ചാര വകുപ്പ് മന്ത്രി പി.സി. വിഷ്ണുനാഥ് ആദ്യ കോപ്പി കെ.ജി.അജിത് കുമാറിന് നല്കി നിർവഹിച്ചു.
പാരിപ്പള്ളി സംസ്കാര പ്രസിഡന്റ്, ജി.രാജീവ്, സെക്രട്ടറി ഡി രഞ്ചൻ ജില്ലാ പഞ്ചായത്ത് അംഗം കെ.എസ്.ബിനു എന്നിവർ സമീപം.
അവതാരിക: ഡോ.ആർ.എസ്.രാജീവ്.
സൈന്ധവ ബുക്സ് ആണ് പ്രസാധകർ.

18/08/2026

റ്റി. രഘുനാഥൻ നായർ രചിച്ച
" ഓർമ്മയിൽ തെളിയുന്ന കാലം" എന്ന പുസ്തകത്തിന്റെ പ്രകാശനം ഗോപിനാഥൻ ആദ്യ കോപ്പി പ്രൊഫ.ജി. മോഹൻ ദാസിനു നല്കി നിർവ്വഹിച്ചു.കെ.ജി അജിത് കുമാർ അദ്ധ്യക്ഷനായിരുന്നു.
സി.പി.ഐ (എം) മുൻ കൊല്ലം ജില്ലാ സെക്രട്ടറി കെ.രാജഗോപാൽ, കെ.പ്രകാശ് ബാബു എക്സ് എം.എൽ.എ, ഡോ.ആർ.എസ്. രാജീവ്, ഡോ.കെ.കെ.തോമസ്,
ഡി.വേണുഗോപാൽ, ആർ.ശരത്ചന്ദൻ എന്നിവർ പങ്കെടുത്തു.
പ്രമുഖ എഴുത്തുകാരൻ ഡോ.ആർ.എസ് രാജീവാണ് പുസ്തകത്തിന് അവതാരിക എഴുതിയിരിക്കുന്നത്.

സൈന്ധവ ബുക്സ്
വില: 250/-

16/08/2026

കേരള പോലീസിൽ സബ്ബ് ഇൻസ്പെക്ടർ ആയി പ്രവേശിച്ച് ഡിവൈ.എസ് പിയായി വിരമിച്ച
റ്റി. രഘുനാഥൻ നായർ മികച്ച ട്രാക്ക് റിക്കോർഡുള്ള അന്വേഷണ ഉദ്യോഗസ്ഥനാണ്. പോലീസിലെ സൗമ്യമുഖങ്ങളിൽ ഒരാളാണ് അദ്ദേഹം. നിയമത്തിൽ ബിരുദം നേടി ഏഴെട്ടു വർഷം അഭിഭാഷകനായി കൊല്ലത്തും പുനലൂരിലും പ്രവർത്തിച്ചു. ഒപ്പം രാഷ്ട്രിയ പ്രവർത്തനവും.
സി പി ഐ (എം) കരവാളൂർ ലോക്കൽ കമ്മിറ്റി സെക്രട്ടറിയും പുനലൂർ ഏര്യ കമ്മിറ്റി അംഗവുമായിരുന്നു. മാത്ര സർവ്വീസ് സഹകരണ സംഘത്തിന്റെ പ്രസിഡന്റുമായിരുന്നു.
ജോലി കിട്ടിയതോടെ പാർട്ടി പ്രവർത്തനം അവസാനിപ്പിച്ചു.
വിരമിച്ച ശേഷം സാമൂഹിക പ്രവർത്തകനായും ചാരിറ്റി പ്രവർത്തകനായും സജീവമായി കൊല്ലം നഗരത്തിലുണ്ട്.
കേരള പോലീസ് ഓഫീസേഴ്സ് അസോസിയേഷൻ ജില്ലാ സെക്രട്ടറിയായി പ്രവർത്തിച്ചിട്ടുള്ള റ്റി. രഘുനാഥൻ നായർ സത്കർമ്മയുടെ സ്ഥാപക പ്രസിഡന്റാണ്. കേരള പോലീസ് പെൻഷനേഴ്സ് വെൽഫെയർ അസോസിയേഷൻ കൊല്ലം ജില്ലാ പ്രസിഡന്റും സംസ്ഥാന
വൈസ് - പ്രസിഡന്റുമാണ്.

സൈന്ധവ ബുക്സ് പ്രസിദ്ധീകരിച്ച
"ഓർമ്മയിൽ തെളിയുന്ന കാലം" അദ്ദേഹത്തിന്റെ പ്രഥമ കൃതിയാണ്. യാത്രയും അനുഭവവും അന്വേഷണവുമാണ് ഇതിന്റെ ഉളളടക്കം.

പുസ്തകത്തിന്റെ പ്രകാശനം ചിങ്ങം ഒന്നിന് ( ഓഗസ്‌റ്റ് 17 തിങ്കൾ ) മുൻ പോലീസ് ഐ.ജി. എസ്.ഗോപിനാഥ് നിർവ്വഹിക്കും. പ്രൊഫ.ജി.മോഹൻദാസ് ആദ്യ കോപ്പി സ്വീകരിക്കും.
ഇതിനകം പത്തു രാജ്യങ്ങൾ സന്ദർശിച്ചിട്ടുള്ള അദ്ദേഹം പുതിയ യാത്ര തുടങ്ങുകയാണ്.

തപാൽ വകുപ്പ് ഉദ്യോഗസ്ഥയായിരുന്ന
രാജ്യശ്രീയാണ് അദ്ദേഹത്തിന്റെ ഭാര്യ. മക്കൾ: മാളവിക, അരവിന്ദ്.

15/08/2026

റ്റി. രഘുനാഥൻ നായർ
(റിട്ട. ഡിവൈ.എസ്. പി.)
എഴുതിയ പുസ്തകത്തിന്റെ പ്രകാശനം.

15/08/2026

സൈന്ധവ ബുക്സ് പ്രസിദ്ധീകരിച്ച ഷാജി പാമ്പുറത്തിന്റെ രണ്ടാമത്തെ കവിതാ സമാഹാരമായ
"മൗനം പൂത്തപ്പോൾ" നാളെ സാംസ്കാരിക വകുപ്പ് മന്ത്രി പി.സി. വിഷ്ണുനാഥ് പ്രകാശനം ചെയ്യുകയാണ്. വിദ്യാഭ്യാസ കാലത്ത് നോട്ട് ബുക്കിൽ കവിതകൾ എഴുതിയെങ്കിലും
ബാങ്കിലെ കണക്കുകൾക്കിടയിൽ എഴുത്ത് ശ്രദ്ധിക്കാൻ കഴിഞ്ഞില്ല.
വിരമിച്ച ശേഷം കോവിഡ് കാലത്ത് ലഭിച്ച സമയം എഴുതാൻ വീണ്ടും പ്രചോദനം ലഭിച്ചു. എഴുത്തിന് പിന്തുണയുമായി ഭാര്യ അനിതാ ഭായി ഒപ്പം കൂടിയതാണ് ആത്മവിശ്വാസം വളർത്തിയത്. അങ്ങനെ ആദ്യ പുസ്തകം പ്രസിദ്ധീകരിച്ചു. അത് തുടർന്നുള്ള എഴുത്തിന് പ്രചോദനമായി.
കവിതാ സമാഹാരങ്ങൾ കൂടാതെ മരുഭൂമിയിലെ മലർവാടികൾ, ലണ്ടൻ വിശേഷങ്ങൾ, യൂറോപ്പിലൂടെ എന്റെ സഞ്ചാരം എന്നി മൂന്ന് യാത്രാ വിവരണ കൃതികളുടെ കർത്താവു കൂടിയാണ് ഷാജി പാമ്പുറം.
കൊല്ലം ജില്ലാ സഹകരണ ബാങ്കിൽ നിന്ന് സീനിയർ മാനേജർ ആയി വിരമിച്ചശേഷം മുഴുവൻ സമയവും എഴുത്തിനായി മാറ്റി വച്ചിരിക്കുകയാ
ണ്.
ബി.എസ്.എൻ എൽ നിന്ന് വിരമിച്ച ഡപ്യൂട്ടി ജനറൽ മാനേജർ ടി.എസ് അനിത കുമാരിയാണ് ഭാര്യ. ഡോ അങ്കിത എസ്, ദേവിക ഷാജി എന്നിവർ മക്കൾ.
പ്രകാശനത്തിന്റെ സംഘാടകർ : സംസ്കാര, പാരിപ്പള്ളി

14/08/2026

ശ്രീരാജ് വി.ജിയുടെ "ക്വാഗ് മെയർ ഓഫ് തോട്സ് " എന്ന ഇംഗ്ലീഷ് നോവലിന്റെ പ്രകാശനം കവി ശ്രീകുമാർ മുഖത്തല ആദ്യ കോപ്പി പത്രപ്രവർത്തകൻ എൻ വി രവിന്ദ്രനാഥൻ നായർക്കു നല്കി നിർവ്വഹിച്ചു. കെ.ജി.അജിത് കുമാർ അധ്യക്ഷത വഹിച്ചു.
അജോയ് ചന്ദ്രൻ യോഗം ഉത്ഘാടനം ചെയ്തു.
പ്രൊഫ. എൻ.പി.രാജേന്ദ്രൻ, സ്റ്റേറ്റ് ഓഡിറ്റ് വകുപ്പ്‌ ഉദ്യോഗസ്ഥരായ വിക്രം സിംഗ് സി, ജി.സിന്ധു,രഞ്ചിത് കുമാർ. ജി, പി.പ്രദീപ് കുമാർ, പ്രീത എസ് എസ്, ശശി ജോഷ് എ, മനു കെ നായർ, സുഭാഷ് ചന്ദ്രൻ. എസ്,വൈ. കിരൺകുമാർ, സുബി.
എസ് എന്നിവർ സംസാരിച്ചു.
സ്റ്റേറ്റ് ഓഡിറ്റ് വകുപ്പ് അസിസ്റ്റന്റ് ഓഡിറ്റ് ഓഫീസർ ആണ് ശ്രീരാജ് വി.ജി.

14/08/2026

14/08/2026

ചെറിയ പ്രായത്തിൽ തന്നെ എഴുതാനുള്ള ആഗ്രഹം ശ്രീരാജ് വി ജി ക്ക് ഉണ്ടായിരുന്നു.
കഥയും കവിതയും എഴുതുകയും ചിലതൊക്കെ ആനുകാലികങ്ങളിൽ പ്രസിദ്ധീകരിക്കുകയും ചെയ്തു.
കൊല്ലം എസ് എൻ കോളേജ്, ടി.കെ.എം കോളേജ് എന്നിവിടങ്ങളിൽ പഠിച്ച് ഫിസിക്സിൽ ബിരുദം. അഞ്ചൽ സെന്റ് ജോൺസ് കോളേജിൽ നിന്ന് പബ്ലിക് അഡ്മിനിസ്ട്രേഷനിൽ എം.എ.
ആദ്യം ലാന്റ് റവന്യുവിലും പിന്നീട് സ്റ്റേറ്റ് ഓഡിറ്റ് വകുപ്പിലും ജോലി ലഭിച്ചു.
ഇപ്പോൾ അസി. ഓഡിറ്റ് ഓഫീസർ ആയി കൊല്ലത്ത് പ്രവർത്തിക്കുന്നു.
Quagmire of Thoughts അദ്ദേഹത്തിന്റെ പ്രഥമ നോവലാണ്. എഴുതാൻ മലയാളത്തെക്കാളും നന്നായി വഴങ്ങുന്നത് ഇംഗ്ലീഷ് ആയതിനാലാണ് ആദ്യ നോവൽ ഇംഗ്ലീഷിൽ പ്രസിദ്ധീകരിക്കുന്നത്.
വിരമിച്ച അദ്ധ്യാപകരായ വി.ഗോപിനാഥൻ നായരുടെയും വസന്ത അമ്മയുടെയും മകനാണ് ശ്രീരാജ്.അദ്ധ്യാപികയായ രാഗി ഭാര്യയും അഭിനവ്, അക്ഷയ് മക്കളുമാണ്.

13/08/2026

പുസ്തകം പ്രകാശനം ചെയ്തു..........
കൊല്ലം: കെ.കെ.പിള്ള തലവൂർ രചിച്ച ശാപജന്മങ്ങൾ എന്ന നോവൽ പ്രകാശനം ചെയ്തു. സംസ്ഥാന ലൈബ്രറി കൗൺസിൽ നിർവ്വാഹകസമിതിയംഗം ഡോ. പി.കെ ഗോപൻ ആദ്യ കോപ്പി കേരളകർഷക സംഘം ജില്ലാ സെക്രട്ടറി അഡ്വ. ബിജു കെ മാത്യുവിന് നല്കിയാണ് പ്രകാശനം നിർവ്വഹിച്ചത്.
ഹോർട്ടികോർപ്പ് മുൻചെയർമാൻ അഡ്വ. വേണുഗോപാൽ അദ്ധ്യക്ഷത വഹിച്ചു. പ്രശസ്ത സാഹിത്യകാരനും ഭാഷാ ഇൻസ്റ്റിറ്റ്യൂട്ട് മുൻ ഉപാദ്ധ്യക്ഷനുമായ ഡോ. വിളക്കുടി രാജേന്ദ്രൻ പുസ്തകം പരിചയപ്പെടുത്തി. ജില്ലാ ലൈബ്രറി കൗൺസിൽ പ്രസിഡൻ്റ് കെ.ബി മുരളീകൃഷ്ണൻ പ്രൊഫ.പി. കൃഷ്ണൻകുട്ടി,കെ.ജി.അജിത് കുമാർ,ഡോ. അജിത്പ്രസാദ് , ടി രാജേഷ് , ആർ വിജയകുമാർ എന്നിവർ സംസാരിച്ചുസൈന്ധവ ബുക്സ് ആണ് പ്രസാധകർ.