22/08/2026
കുണ്ടറയിൽ ഓണക്കിറ്റ്, ഓണക്കോടി വിതരണം നടത്തി
കുണ്ടറ: ഹ്യൂമൻ സേവാ ചാരിറ്റബിൾ ട്രസ്റ്റിന്റെയും കേരള കോൺഗ്രസ് കുണ്ടറ നിയോജക മണ്ഡലം കമ്മിറ്റിയുടെയും നേതൃത്വത്തിൽ ഓണക്കിറ്റ്, ഓണക്കോടി വിതരണം നടത്തി. കുണ്ടറയിൽ നടന്ന ചടങ്ങ് കേരള കോൺഗ്രസ് സംസ്ഥാന ജനറൽ സെക്രട്ടറി കുളത്തൂർ രവി ഉദ്ഘാടനം ചെയ്തു.
നന്ദകുമാർ സോമരാജൻ മുഖ്യപ്രഭാഷണം നടത്തി. ബോർഡ് മെമ്പർ ഡി. സത്യരാജൻ അധ്യക്ഷത വഹിച്ചു. നാഗേശ്വരൻ എസ് സ്വാഗതവും,അശോകൻ പി നന്ദിയും രേഖപ്പെടുത്തി.
ഡോ. രഞ്ജിത്ത് ഭാസ്‌കർ എം.ബി.ബി.എസ്., ആനന്ദ ഹോസ്പിറ്റൽ എഴുകോൺ ചീഫ് മെഡിക്കൽ ഓഫീസർ, കാവ്യാ സുകുമാരൻ നായർ എന്നിവർ ആശംസകൾ അർപ്പിച്ചു.
ഓണക്കാലത്ത് അർഹരായ കുടുംബങ്ങൾക്ക് സഹായവും കരുതലും എത്തിക്കുന്നതിന്റെ ഭാഗമായി സംഘടിപ്പിച്ച പരിപാടിയിൽ നിരവധി കുടുംബങ്ങൾക്ക് ഓണക്കിറ്റുകളും ഓണക്കോടികളും വിതരണം ചെയ്തു. സാമൂഹിക പ്രതിബദ്ധതയോടെ അർഹരായവരിലേക്ക് സഹായം എത്തിക്കുന്ന ഇത്തരം പ്രവർത്തനങ്ങൾ തുടരുമെന്ന് സംഘാടകർ അറിയിച്ചു.
