axisnews

11/07/2026

19/06/2026

ശാസ്താംകോട്ട മൈനാഗപ്പള്ളിയിൽ എക്സൈസ് സംഘം നടത്തിയ രാത്രികാല വാഹനപരിശോധനയിൽ വൻ ലഹരിവേട്ട. 130.762 ഗ്രാം സിന്തറ്റിക് മയക്കുമരുന്നായ എം.ഡി.എം.എയുമായി നിരവധി ക്രിമിനൽ കേസുകളിൽ പ്രതിയായ യുവാവിനെ ശാസ്താംകോട്ട എക്സൈസ് സംഘം അറസ്റ്റ് ചെയ്തു. കാർത്തികപ്പള്ളി വില്ലേജിൽ ശ്രീമന്ദിരം വീട്ടിൽ അതുൽ ദേവാണ് (29) പിടിയിലായത്. ഇയാൾ സഞ്ചരിച്ചിരുന്ന ഇരുചക്രവാഹനവും ഉദ്യോഗസ്ഥർ കസ്റ്റഡിയിലെടുത്തിട്ടുണ്ട്. കൊല്ലം മൈനാഗപ്പള്ളി തോപ്പിൽമുക്ക്-പേരൂർ ജംഗ്ഷനിൽ വച്ചാണ് പ്രതി പിടിയിലായത്. ശാസ്താംകോട്ട എക്സൈസ് റേഞ്ച് ഇൻസ്‌പെക്ടർ എസ് ഷഫീക്കിന്റെ നേതൃത്വത്തിലുള്ള സംഘമാണ് വാഹന പരിശോധന നടത്തിയത്. വിപണിയിൽ വൻ വിലവരുന്ന മയക്കുമരുന്നാണ് ഉദ്യോഗസ്ഥർ പിടിച്ചെടുത്തത്.

​റെയ്ഡിൽ അസിസ്റ്റന്റ് എക്സൈസ് ഇൻസ്പെക്ടർ (ഗ്രേഡ്) സജു കുമാർ ടി, പ്രിവന്റീവ് ഓഫീസർ (ഗ്രേഡ്) വിജു സി എ, സിവിൽ എക്സൈസ് ഓഫീസർമാരായ പ്രേംരാജ് ആർ, നിഷാദ് എസ്, സുജിത് കുമാർ എം എസ്, അതുൽ കൃഷ്ണൻ, ഡ്രൈവർ വിനീഷ് വി ജി എന്നിവരും പങ്കെടുത്തു.

15/06/2026

കെഎസ്ആർടിസി പ്രിയദർശിനി ബസിൽ കയറിയ മന്ത്രി ബിന്ദു കൃഷ്ണയുടെ തലയിൽ ചൂട് പായസം വീണു. കെ എസ് ആർ ടി സി പ്രിയദർശിനി ബസിന്റെ ഫ്ലാഗ് ഓഫ് ചടങ്ങിനിടയായിരുന്നു സംഭവം. കൊട്ടാരക്കരയിലേക്ക് സർവ്വീസ് നടത്തുന്ന ബസിൽ മന്ത്രി ആദ്യ യാത്ര ചെയ്യുന്നതിനിടെ ആയിരുന്നു കോൺഗ്രസ് നേതാക്കളുടെ കയ്യിൽ നിന്ന് ബിന്ദു കൃഷ്ണയുടെ തലയിലും ദേഹത്തും പായസം വീണത്.

24/05/2026

കൊല്ലം മൺറോതുരുത്തിൽ ഹൗസ് ബോട്ട് മുങ്ങി അപകടം. പ്രദേശത്ത് ശക്തമായ മഴയും കാറ്റും ഉണ്ടായതിനെ തുടർന്ന് ബോട്ട് ഭാഗികമായി മുങ്ങുകയായിരുന്നു. ബോട്ട് മുങ്ങുന്നത് കണ്ട് സമീപത്തുണ്ടായിരുന്ന വള്ളക്കാരും നാട്ടുകാരും ചേർന്ന് ഉടൻ തന്നെ രക്ഷാപ്രവർത്തനം നടത്തി. യാത്രക്കാർ എല്ലാവരും സുരക്ഷിതരാണെന്ന് പൊലീസ് അറിയിച്ചു.

15/05/2026

എസ്എസ്എൽസി പരീക്ഷാ ഫലം പ്രസിദ്ധീകരിച്ചു. 99.07 % വിജയം. പൊതുവിദ്യാഭ്യാസ വകുപ്പ് പ്രിൻസിപ്പൽ സെക്രട്ടറിയാണ് ഫലം പ്രഖ്യാപിച്ചത്. വകുപ്പ് മന്ത്രിയല്ല പരീക്ഷഫലം പ്രഖ്യാപിച്ചതെന്ന പ്രത്യേകത ഇത്തവണയുണ്ട്. 410456 പേർ പരീക്ഷ എഴുതി. 30514 എല്ലാ വിഷയത്തിലും എ പ്ലസ് നേടി. സർക്കാരിന്റെ ഔദ്യോഗിക വെബ്സൈറ്റുകളിലൂടെ ഫലം ലഭ്യമാകും. മെയ് ആദ്യമാണ് സാധാരണ റിസൾട്ട് പ്രഖ്യാപിക്കുക. ഇത്തവണ ഉദ്യോഗസ്ഥരുടെ തെരഞ്ഞെടുപ്പ് ഡ്യൂട്ടിയും ഈസ്റ്ററും വിഷുവും കാരണം മൂല്യനിർണയം പൂർത്തിയാകാൻ ചെറിയ കാലതാമസം എടുത്തിരുന്നു. ജൂൺ ആദ്യ ആഴ്ച പ്ലസ് വൺ പ്രവേശന നടപടികൾ ആരംഭിക്കാനാണ് ശ്രമം . കഴിഞ്ഞവർഷം 99.5 ശതമാനമായിരുന്നു വിജയം. സർക്കാരിന്റെ ഏകീകൃത സേവന പ്ലാറ്റ്ഫോമായ ‘നമ്മുടെ കേരളം’, ‘സഫലം (Saphalam)’ എന്ന ആപ്ലിക്കേഷനുകളിലൂടെയും 9188619958 എന്ന വാട്‌സ്ആപ്പ് നമ്പറിലേക്ക് ‘RESULT’ എന്ന് ടൈപ്പ് ചെയ്ത് മെസ്സേജ് അയച്ച് രജിസ്റ്റർ നമ്പറും ജനനതീയതിയും നൽകിയും വിശദമായ ഫലം പിഡിഎഫായി ലഭ്യമാകാൻ സൗകര്യമുണ്ട്.

06/05/2026

തിരുവനന്തപുരം സെൻട്രൽ റെയിൽവേ സ്റ്റേഷനിൽ എസ്‌കലേറ്റർ പിന്നിലേക്ക് റൊട്ടേറ്റ് ചെയ്ത് യാത്രക്കാർ നിലത്തു വീണു. തുടർന്ന് എസ്‌കലേറ്റർ പ്രവർത്തനം താത്കാലികമായി നിർത്തി വച്ചു. ഓവർലോഡ് ആകാം അപകടത്തിന് കാരണമെന്നാണ് റെയിൽവേയുടെ പ്രാഥമിക വിലയിരുത്തൽ. രാവിലെ എറണാകുളത്തുനിന്നും വഞ്ചിനാട് എക്സ്പ്രസിൽ അഞ്ചാം പ്ലാറ്റ്ഫോമിൽ വന്നിറങ്ങിയ ധന്യ, അമ്പിളി എന്നിവരെ റെയിൽവേ എയ്ഡ് പോസ്റ്റിൽ പ്രാഥമിക ചികിത്സ നൽകിയ ശേഷം വി​ദ​ഗ്ധ ചികിത്സയ്ക്കായി ജനറൽ ആശുപത്രിയിലേക്ക് മാറ്റി. ഇവരുടെ കൈയ്ക്കും കാലിനുമാണ് പരിക്കേറ്റത്. വീഴ്ചയിൽ മറ്റ് യാത്രക്കാർക്കും പരിക്കേറ്റതായാണ് വിവരം. ദിവസേന ആയിര കണക്കിന് ആളുകൾ യാത്ര ചെയ്യുന്ന റെയിൽവേ സ്റ്റേഷനാണ് തിരുവനന്തപുരം സെൻട്രൽ.