https://www.facebook.com/1156223571230640/

KL-44 Kothamangalam, kothamangalam, Kotamangalam (2025)

07/11/2025

കേരളത്തിലെ ഏറ്റവും മികച്ച ബ്ലോക്ക് പഞ്ചായത്ത് പ്രസിഡണ്ടിനുള്ള സംസ്ഥാന
തല സ്മൃതി അവാർഡ് പി.എ.എം.ബഷീറിന്

2025ലെ മികച്ച ബ്ലോക്ക് പഞ്ചായത്ത്
പ്രസിഡൻ്റിനുള്ള "കേരള പഞ്ചായത്ത്
വാർത്ത ചാനൽ പുരസ്കാരമായ
സ്മൃതി" പുരസ്കാരത്തിന്
കോതമംഗലം ബ്ലോക്ക് പഞ്ചായത്ത് പ്രസിഡൻ്റ് പി.എ.എം.ബഷീർ അർഹനായി.

പുരസ്കാരം തിരുവനന്തപുരത്തെ
വൈ.എം.സി.എ.ഹാളിൽനടന്ന ചടങ്ങിൽ സംസ്ഥാന സാംസ്കാരിക വകുപ്പ്മന്ത്രി
സജി ചെറിയാനിൽനിന്നും ബഷീർഏറ്റുവാങ്ങി.

2020 2025 കാലയളവിൽ സംസ്ഥാനത്ത്
മികച്ച വികസന പ്രവർത്തനം നടത്തിയ
ത്രിതലപഞ്ചായത്ത് ജനപ്രതിനിധികളെയാണ് പുരസ്കാരത്തിന് പരിഗണിച്ചത്.

അതിൽ വികസന ജനക്ഷേമ പ്രവർത്തനത്തിൽ ഏറ്റവും മുന്നിലെത്തിയ ബ്ലോക്ക് പഞ്ചായത്ത് കോതമംഗലം ബ്ലോക്കാണെന്ന് അവാർഡ് ജൂറി
പെർഫോമൻസ് ഡാറ്റകൾവച്ച് വിലയിരുത്തി.

കോതമംഗലം ബ്ലോക്ക് പഞ്ചായത്ത്
കഴിഞ്ഞ രണ്ട് വർഷവും സംസ്ഥാനത്ത്
സർക്കാരിൻ്റെ പദ്ധതി നിർവഹണത്തിൽ
ഒന്നാംസ്ഥാനം നേടിയിരുന്നു.

2020 -2025 കാലഘട്ടം കോതമംഗലം
ബ്ലോക്ക് പഞ്ചായത്ത് വ്യത്യസ്തങ്ങളായ
ഒട്ടേറെ ജനപ്രിയ പദ്ധതികൾ
ഏറ്റെടുത്ത് ജനശ്രദ്ധയും നേടിയിരുന്നു .

മറ്റ് ബ്ലോക്ക് പഞ്ചായത്തുകൾ ഏറ്റെടുക്കാത്ത നൂതനവും വ്യത്യസ്തവുമായ പദ്ധതികൾ ഏറ്റെടുത്ത് സമയബന്ധിതമായും സുതാര്യമായും പൂർത്തീകരിച്ചു. ഇതിനായി ബ്ലോക്ക് പഞ്ചായത്ത് ഭരണസമിതിയേയും,ഉദ്യോഗസ്ഥരെയും ചേർത്ത് നിറുത്തി കക്ഷിരാഷ്ട്രീയത്തിന് അതീതമായ പ്രവർത്തനം കാഴ്ചവെച്ചതിനുള്ള അംഗീകാരമാണ് പി.എ.എം.ബഷീറിന് ലഭിച്ചത്.

ഇത്ശരിക്കും അർഹതക്കുള്ള അംഗീകാരമാണ് .
അവാർഡിനർഹനായി കോതമംഗലം ബ്ലോക്കിൻ്റെ അഭിമാന വികസന നയകനായി മാറിയ പ്രസിഡൻ്റ് പി.എ.എം. ബഷീറിനെ വൈസ് പ്രസിഡൻ്റ് ഡയാന നോബി, ബ്ലോക്ക് പഞ്ചായത്ത് വികസന കാര്യ സ്റ്റാൻ്റിംഗ് കമ്മിറ്റി ചെയർമാൻ അഡ്വ.ജോമി തെക്കേക്കര,ക്ഷേമ കാര്യ സ്റ്റാൻ്റിങ്ങ് കമ്മറ്റി ചെയർമാൻ ജെയിംസ് കോറമ്പേൽ,ബ്ലോക്ക് അംഗങ്ങളായ നിസാ മോൾ ഇസ്മായിൽ,സാലിഐപ്പ് എന്നിവർ
വാർത്താകുറിപ്പിൽ അഭിനന്ദനമറിയിച്ചു.

07/11/2025

3 കോടി രൂപ ചിലവഴിച്ച് കുറ്റിലഞ്ഞി - സൊസൈറ്റിപ്പടി- പാഴോർമോളം കോട്ടച്ചിറ റോഡ് ആധുനിക നിലവാരത്തിൽ നവീകരിക്കുന്നു. 3 കോടി രൂപ ചിലവഴിച്ച് കുറ്റിലഞ്ഞി - സൊസൈറ്റിപ്പടി-കനാൽപ്പാലം- മേതലപ്പടി പാഴോർമോളം കോട്ടച്ചിറ റോഡ് ആധുനിക നിലവാരത്തിലേക്ക് നവീകരിക്കും.

നിർമ്മാണോദ്ഘാടനം ആന്റണി ജോൺ
എം എൽ എ നിർവഹിച്ചു.കോതമംഗലം നിയോജകമണ്ഡലത്തിലെ ഗ്രാമപ്രദേശങ്ങളെ കോതമംഗലം, പെരുമ്പാവൂർ നഗരങ്ങളുമായി ബന്ധിപ്പിക്കുന്ന ഒരു പ്രധാന ജില്ലാ റോഡാണിത്.

ഈ റോഡിനായി 20mm ചിപ്പിംഗ് കാർപെറ്റ് വർക്കുകൾ ഉപയോഗിച്ചുള്ള നിരവധി
പാച്ച് വർക്കുകൾ നൽകിയിട്ടുണ്ട്. ബിഎം ബിസി നിലവാരത്തിലാണ് റോഡുകൾ ടാർ ചെയ്ത് നവീകരിക്കുന്നത്.സൊസൈറ്റിപ്പടി മുതൽ കോട്ടച്ചിറ വരെയുള്ള നിർദ്ദിഷ്ട റോഡ്
3 കിലോമീറ്റർ ആണ്. നിലവിലുള്ള റോഡിന്റെ വീതി ch:0/000 മുതൽ ch:2/000 വരെ 3.8 മീറ്ററും ch:2,000 മുതൽ ch:3/000 വരെ 3 മീറ്ററുമാണ്.

ഈ ഭാഗത്തിലൂടെയുള്ള വാഹന ഗതാഗതം സുഗമമാക്കുന്നതിന് Ch : 0/000 മുതൽ 2/000 വരെ 5.5 മീറ്ററും,Ch : 2/000 മുതൽ 3/000 വരെ 4 മീറ്റർ വീതിയുമാക്കിയാണ് പ്രസ്തുത റോഡ് നവീകരിക്കുന്നത്. ഇരുവശത്തും GSB, WMM എന്നിവ ഉപയോഗിച്ച് 0.85 മീറ്ററും 0.5 മീറ്ററും വീതിയിൽ ഷോൾസർ ഭാഗം വീതി കൂട്ടി നൽകുക എന്നതാണ് . ഇതിനു പുറമെ
5 cm കനത്തിന് BM-ഉം .3 cm കനത്തിൽ
BC-യും ഉൾപ്പെടുത്തിയിട്ടുണ്ട്.മഴവെള്ളം പുറത്തേക്ക് ഒഴുകുന്ന സ്ഥലങ്ങളിലേക്ക് ശരിയായ രീതിയിൽ ഒഴുക്കിവിടുന്നതിനായി ഡ്രെയിനേജ് സൗകര്യവും ഒരുക്കിയിട്ടുണ്ട്.

കലുങ്ക് നിർമ്മാണം,സൈഡ് പ്രൊട്ടക്ഷൻ വർക്കുകൾ, DR റിട്ടെയ്ലിംഗ് വാൾ, കോൺക്രീറ്റ് വർക്കുകൾ എന്നിവയും, റോഡ് സേഫ്റ്റിയുടെ ഭാഗമായി സൈൻ ബോർഡുകൾ, ഡെലിനേറ്ററുകൾ, OHM, റോഡ് മാർക്കിംഗ് എന്നിവ ഉൾപ്പെടുത്തിയിട്ടുണ്ട്.

ടി.എം.അബ്ദുൽ അസീസ്,
റഷീദ സലീം, സൽമ ലത്തീഫ്, അസിസ്റ്റന്റ്
എഞ്ചിനീയർ ആൻഡ്രു ഫെർണാൻസ് ടോം
എന്നിവർ ഉൽഘാടന ചടങ്ങിൽ സംസാരിച്ചു.

07/11/2025

ആറുമാസം പ്രായമുള്ള കുഞ്ഞിനെ കൊലപ്പെടുത്തിയ കേസിൽ അമ്മൂമ്മ അറസ്റ്റിൽ. കറുകുറ്റി കരിപ്പാല ഭാഗത്ത് പയ്യപ്പിള്ളി വീട്ടിൽ റോസി (63)യെയാണ് അങ്കമാലി പോലീസ് അറസ്റ്റ് ചെയ്തത്.

കറുകുറ്റി കോരമന ഭാഗത്ത് താമസിക്കുന്ന ദമ്പതികളുടെ ആറുമാസം പ്രായമായ
ഡൽന മറിയം സാറയെയാണ്
അമ്മൂമ്മ കൊലപ്പെടുത്തിയത്.

അഞ്ചാം തീയതി രാവിലെ 9 മണിയോടെയാണ് സംഭവം.കുട്ടിയെ റോസിയുടെ അടുത്ത് കിടത്തിയശേഷം റോസിക്ക് കഞ്ഞിയെടുക്കാൻ കുഞ്ഞിൻ്റെഅമ്മ അടുക്കളയിലേക്ക്
പോയ സമയത്ത് റോസി കത്തികൊണ്ട്
കുട്ടിയെ കൊലപ്പെടുത്തുകയായിരുന്നു.

കുട്ടിയുടെ കഴുത്തിലേറ്റ ആഴത്തിലുള്ള മുറിവാണ് മരണ കാരണം. കൊലപാതകം നടത്താനുള്ള കത്തി പ്രതി കരുതി വച്ചിരുന്നു. കുട്ടിയെ കൊലപ്പെടുത്താനുള്ള കാരണത്തെക്കുറിച്ച് പോലീസ് വിശദമായ അന്വേഷണം നടത്തിവരുന്നു.

ഡിവൈഎസ്പി റ്റി. ആർ. രാജേഷ്, ഇൻസ്പെക്ടർ എ. രമേഷ് ,എസ് ഐമാരായ കെ.പ്രദീപ്കുമാർ, ബിജീഷ് എന്നിവർ ഉൾപ്പെടുന്നസംഘമാണ് കേസന്വേഷിക്കുന്നത്.

06/11/2025

കേരള നിയമസഭ സ്പീക്കർ അഡ്വ.എ.എൻ. ഷംസീറിൻ്റെസഹോദരി ആമിനഅന്തരിച്ചു

06/11/2025

ചെറുവട്ടൂർ ഹൈക്കോർട്ട് കവലയിൽ
CPI(M) സംസ്ഥാന കമ്മിറ്റിയംഗം അഡ്വ.കെ.എസ്.അരുൺകുമാർ പ്രസംഗിക്കുന്നതിൻ്റെ തൽസമയം

06/11/2025

ചെറുവട്ടൂർ ഹൈക്കോർട്ട് കവലയിൽ നടന്ന രാഷ്ട്രീയ നയ വിശദീകരണ യോഗത്തിൽ സി.പി.ഐ. (എം) നേതാവ് അഡ്വ.
കെ.എസ് അരുൺ കുമാർ പ്രസംഗിക്കുന്നു

06/11/2025

വഴി ചോദിക്കാനെന്ന ഭാവത്തിൽ വൃദ്ധയുടെ അടുത്തെത്തി മാല പൊട്ടിച്ച് കടന്നു കളഞ്ഞ മോഷ്ടാവ് പിടിയിൽ. ചേരാനല്ലൂർ പള്ളിക്ക് സമീപം വാടകയ്ക്ക് താമസിക്കുന്ന ഉമേഷ് (44) നെയാണ് കാലടി പോലീസ് പിടികൂടിയത്. ചൊവ്വര തെറ്റാലി സ്വദേശിനിയുടെ മാലയാണ് കവർന്നത്.പ്രസന്നപുരം അമ്പലക്കുളങ്ങര അമ്പലത്തിന് സമീപം നടന്നു പോവുകയായിരുന്ന വൃദ്ധയുടെ അടുത്ത് ബൈക്കിലെത്തി വഴി ചോദിക്കാനെന്ന രീതിയിൽ നിർത്തിയ ശേഷം ഒന്നേമുക്കാൽ പവനോളം തൂക്കം വരുന്ന മാല പൊട്ടിച്ചെടുക്കുകയായിരുന്നു.

ശാസ്ത്രീയ അന്വേഷണത്തിലാണ് പ്രതിയെ കസ്റ്റഡിയിലെടുത്തത്. മോഷ്ടിച്ച മാല ചേരാനല്ലൂർ കച്ചേരിപ്പടി ജംഗ്ഷൻ ഭാഗത്തുള്ള ഫൈനാൻസ് സ്ഥാപനത്തിൽ പണയം വച്ചിരിക്കുകയായിരുന്നു.ഇത് കണ്ടെടുത്തു. ഇരുചക്രവാഹനവും പ്രതി ധരിച്ച ഹെൽമെറ്റും, റെയിൻ കോട്ടും മാസ്ക്കും പോലീസ് കസ്റ്റഡിയിലെടുത്തു. വരാപ്പുഴ, ചേരാനല്ലൂർ, ബിനാനി പുരം, നോർത്ത് പറവൂർ, ആലുവ സ്റ്റേഷനുകളിലായി പത്തോളം കേസുകളുണ്ട്.ഇൻസ്‌പെക്ടർ അനിൽകുമാർ റ്റി മേപ്പിള്ളി, എസ് ഐ മാരായ ജോസി എം ജോൺസൺ, ശ്യാം, സുധീർ, റെജിമോൻ, ഉണ്ണി എ എസ് ഐ പ്രസാദ് സി പി ഓ മാരായ എൽദോസ്, ധനേഷ് എന്നിവരാണ് അന്വേഷണ സംഘത്തിൽ ഉണ്ടായിരുന്നത്.

04/11/2025

നെല്ലിക്കുഴി യുഗദീപ്തി ഗ്രന്ഥശാലസംഘടിപ്പിക്കുന്ന
വയലാർ അനുസ്മരണ ഗാനസന്ധ്യ ഇന്ന്

04/11/2025

ഇന്ന് നവംബർ 4 ന് വൈകിട്ട് നെല്ലിക്കുഴിയിൽ

02/11/2025

ദുരൂഹമായ സാഹചര്യത്തിൽ മാസങ്ങളായി ഉപേക്ഷിക്കപ്പെട്ട നിലയിൽ ഒരു കാർ.

ചെറുവട്ടൂർ ഗവ.മോഡൽ ഹയർ സെക്കൻഡറി ഹൈടെക്ക് സ്കൂളിൻ്റെ തൊട്ടുചേർന്ന്, ഉൽഘാടന മാമാങ്കം നടത്തിയിട്ടും, ഇതുവരെ ഗേറ്റ് പിടിപ്പിക്കാത്, ജില്ലാ പഞ്ചായത്ത്
നിർമ്മിതിയായ,പുതിയ ഹൈടെക് കവാടത്തിന്
50മീറ്റർ മാത്രം അകലത്തിലാണ്, വളരെ
ദുരൂഹതമുറ്റിയ മാരുതി 800മോഡൽ
കാറ് ഉടമ ആരെന്നറിയാതെകിടക്കുന്നത്.

1500ലേറെ കുട്ടികൾ പഠിക്കുന്ന വലിയ വിദ്യാലയമാണിത്.മഹാവിപത്തായ
മാരകമായ മയക്കുമരുന്നിൻ്റെ പുത്തൻ വിപണന തന്ത്രത്തിൻ്റെ ഭാഗമായി ലഹരി
റാക്കറ്റ് കൊണ്ടുവന്ന് ഇട്ടിരിക്കുന്നതാണോ
എന്ന അതിശക്തമായ സംശയം
രക്ഷിതാക്കളും നാട്ടുകാരും പങ്കുവയ്ക്കുന്നു.

എന്നിട്ടും അധികൃതർ നിഷ്ക്രിയത്വത്തിലൂടെ
വളരെ ദുരൂഹമായ കാറിന് സുരക്ഷിതമായി
കിടക്കാൻ ഇടമൊരുക്കികൊടുത്ത നിലയിലാണ്.

02/11/2025

അങ്കണവാടി പ്രവേശനോത്സവം നടത്തി.
കേരളപ്പിറവി ദിനത്തിൽ പല്ലാരിമംഗലം ഗ്രാമപഞ്ചായത്ത് പന്ത്രണ്ടാം വാർഡ് അങ്കണവാടിയിൽ പ്രവേശനോത്സവം നടന്നു.

പഞ്ചായത്ത് വൈസ്പ്രസിഡൻ്റ് ഒ ഇ അബ്ബാസ് ഉദ്ഘാടനം ചെയ്തു.ആശാവർക്കർ മേരിഏലിയാസ് ചടങ്ങിൽ അദ്ധ്യക്ഷയായി.

അങ്കണവാടി വർക്കർ കെ പി നിസാമോൾ, ഹെൽപ്പർ കെ പി സുനിത, സിഡിഎസ് മെമ്പർ ഷാജിത സാദിഖ് സുലൈഖ മുഹിയുദ്ധീൻ എന്നിവർ പ്രസംഗിച്ചു. നവാഗതരായകുട്ടികൾക്ക് സമ്മാനങ്ങളും മധുരപലഹാരവുംനൽകി വൈസ് പ്രസിഡൻ്റ് ഒ ഇ അബ്ബാസ് സ്വീകരിച്ചു.

02/11/2025

കൊമ്പൻപാറ കുടിവെള്ള പദ്ധതിയും നവീകരിച്ച കാപ്പ് ചിറയും നാടിന് സമർപ്പിച്ചു.
കോതമംഗലം : എറണാകുളം ജില്ലാ പഞ്ചായത്ത് 50 ലക്ഷം രൂപ മുടക്കി നെല്ലിക്കുഴി പഞ്ചായത്തിലെ പതിനൊന്നാം വാർഡിൽ നിർമ്മാണം പൂർത്തീകരിച്ച കൊമ്പൻപാറ കുടിവെള്ള പദ്ധതിയും, 15 ലക്ഷം രൂപ ചിലവഴിച്ച് നവീകരിച്ച കാപ്പ് ച്ചിറയും നാടിന് സമർപ്പിച്ചു. പദ്ധതിയുടെ ഉദ്ഘാടനം ആൻറണി ജോൺ എം എൽ എ നിർവഹിച്ചു.

ഗ്രാമപഞ്ചായത്ത് പ്രസിഡൻറ് പി.എം.മജീദ് അധ്യക്ഷനായി.ജില്ലാ പഞ്ചായത്ത് അംഗം
റഷീദ സലിം സ്വാഗതവും വാർഡ് മെമ്പർ
ഷാഹിദ ഷംസുദ്ദീൻ നന്ദിയും പറഞ്ഞു.
പഞ്ചായത്ത് ആരോഗ്യ വിദ്യാഭ്യാസ
സ്റ്റാൻഡിങ് കമ്മിറ്റി ചെയർമാൻ
എൻ.ബി. ജമാൽ ,സി.ഇ. നാസർ,എം ബി ഇബ്രാഹിം, റമീസ് പി എസ്, ഷംസുദ്ദീൻ,
ഷാജി പറമ്പിൽ തുടങ്ങിയവർ സംസാരിച്ചു

KL-44 Kothamangalam

07/11/2025

07/11/2025

07/11/2025

06/11/2025

06/11/2025

06/11/2025

06/11/2025

04/11/2025

04/11/2025

02/11/2025

02/11/2025

02/11/2025

Address

Telephone

Website

Alerts

Shortcuts

Share

Category