11/06/2026
തണൽ സാംസ്കാരിക കേന്ദ്രം വിദ്യാർത്ഥികളെ ആദരിച്ചു
മുല്ലപ്പറമ്പ്: പറപ്പൂർ മുല്ലപ്പറമ്പ് തണൽ സാംസ്കാരിക കേന്ദ്രത്തിന്റെ നേതൃത്വത്തിൽ പ്ലസ് ടു, എൽ.എസ്.എസ് പരീക്ഷകളിൽ ഉന്നത വിജയം നേടിയ വിദ്യാർത്ഥികളെ മെമെന്റോ നൽകി ആദരിച്ചു.
പ്ലസ് ടു പരീക്ഷയിൽ മികച്ച വിജയം നേടിയ ഷബീബ് അഹമ്മദ്, മുഹമ്മദ് അദ്നാൻ എന്നിവരെയും എൽ.എസ്.എസ് വിജയിയായ മുഹമ്മദ് അൽഹാൻ നെയും ചടങ്ങിൽ അനുമോദിച്ചു.
വിദ്യാർത്ഥികളുടെ നേട്ടങ്ങൾ അഭിനന്ദനാർഹമാണെന്നും ഭാവിയിലും കൂടുതൽ ഉയരങ്ങൾ കീഴടക്കാൻ ഈ അംഗീകാരം പ്രചോദനമാകട്ടെയെന്നും ചടങ്ങിൽ പങ്കെടുത്തവർ ആശംസിച്ചു.
ചടങ്ങിൽ ക്ലബ് അംഗങ്ങളായ ജംഷീർ പി, സജീവ്, സജീഷ്, റാഫി, സക്കീർ, അൻസാർ, ദിൽഷാദ് എന്നിവർ പങ്കെടുത്തു.
