14/06/2026
കുളക്കട ഗ്രാമപഞ്ചായത്തിലെ പഞ്ചായത്ത് ഉടമസ്ഥതയിലുള്ള മാവടി ചിറ ഗ്രാമ പഞ്ചായത്ത് പ്രസിഡൻ്റ് ശ്രീമതി.പി. പ്രിയ, വൈസ് പ്രസിഡൻ്റ് ശ്രീ അജികുമാർ. എസ്, വാർഡ് മെമ്പർ ശ്രീ. ജയകുമാർ കെ.എസ്, പഞ്ചായത്ത് സെക്രട്ടറി ശ്രീ ജോസ് പ്രകാശ് തുടങ്ങിയവർ സന്ദർശിച്ചു. കുളത്തിൻ്റെ സമീപത്തുള്ള റോഡ് സംരക്ഷണ ഭിത്തി കനത്ത മഴയിൽ ഇടിഞ്ഞ് പോയ സ്ഥലത്ത് യാത്രക്കാർക്ക് ബുദ്ധിമുട്ട് ഉണ്ടാകാതിരിക്കുന്നതിനായി അടിയന്തിരമായി ഗ്രിൽ സ്ഥാപിക്കുന്നതിന് നിർദേശം നൽകിയതായി പ്രസിഡൻ്റ് അറിയിച്ചു. മാവടി ചിറയുടെ സംരക്ഷണ ഭിത്തി നിർമ്മാണം 4.5 ലക്ഷം രൂപ വകയിരുത്തി 2024-25 പദ്ധതിയിൽ പൂർത്തീകരിച്ചിരുന്നു. രണ്ടാം ഘട്ടമായി വകയിരുത്തിയ 4 ലക്ഷം രൂപയുടെ പ്രോജക്ട് ടെണ്ടർ നടപടി പൂർത്തിയായി കരാർ വച്ചിട്ടുള്ളതുമാണ്. ടി പ്രവൃത്തിയും അടിയന്തിരമായി പൂർത്തീകരിക്കുന്നതിന് കരാറുകാരന് നിർദേശം നൽകി.
