https://share.google/UC7VtUoITOiTnkC74

Pala Flash News, Ramapuram, Kottayam (2026)

08/08/2026

08-08-2026 PALA FLASH NEWSPAPER

05/08/2026

പാലാ ജനറൽ ആശുപത്രിയിൽ 'ചികിത്സാപരമായ' ഒരു കവർച്ചാ ശ്രമം!

പാലാ:ആതുരസേവന രംഗത്ത് പുതിയൊരു ചരിത്രമെഴുതി പാലാ ജനറൽ ആശുപത്രി! രോഗികൾക്ക് മരുന്നും പരിചരണവും നൽകി ഭേദമാക്കുന്ന പതിവ് രീതികളെയെല്ലാം കാറ്റിൽപ്പറത്തി, ആശുപത്രിയിൽ കിടന്ന രോഗി തന്നെ നേരിട്ട് ക്യാഷ് കൗണ്ടറിൽ 'റൗണ്ട്സിനു' ഇറങ്ങിയതായി റിപ്പോർട്ട്. സംഭവം കേട്ട് ആശുപത്രി ജീവനക്കാരും പോലീസും ഒരുപോലെ തലയിൽ കൈവെച്ചിരിക്കുകയാണ്.
സംഭവം ഇങ്ങനെ:
ആശുപത്രിയിലെ ക്യാഷ് കൗണ്ടർ പൂട്ടിക്കിടന്ന സമയത്താണ് ഈ അവിശ്വസനീയമായ 'ഓപ്പറേഷൻ' നടക്കുന്നത്. കള്ളൻ നേരെ ക്യാഷ് ഡ്രോയറിലേക്ക് കൈനീട്ടി. എന്നാൽ കള്ളന്റെ ദൗർഭാഗ്യം എന്നല്ലാതെ എന്ത് പറയാൻ? അന്ന് ക്യാഷ് കൗണ്ടറിൽ നിന്നും പണം മുഴുവൻ കൃത്യമായി ബാങ്കിലേക്ക് മാറ്റിയതോ അതോ കളക്ഷൻ അത്രയേ ഉണ്ടായിരുന്നുള്ളൂവോ എന്നറിയില്ല, കൗണ്ടറിൽ നിന്ന് ഒന്നും തന്നെ നഷ്ടപ്പെട്ടിട്ടില്ല എന്ന് പ്രാഥമിക അന്വേഷണത്തിൽ വ്യക്തമായി. മോഷ്ടിക്കാൻ കയറിയിട്ട് ചില്ലിക്കാശ് കിട്ടാത്ത കള്ളന്റെ അവസ്ഥയാണ് ഇപ്പോൾ സോഷ്യൽ മീഡിയയിലെ പ്രധാന ചർച്ചാ വിഷയം!
'സ്വന്തം വീട്ടിലെപ്പോലെ' പെരുമാറിയ രോഗി:
സംഭവത്തിന്റെ ഏറ്റവും രസകരമായ ഭാഗം മറ്റൊന്നാണ്. പുറത്തുനിന്നാരോ വന്ന് കവർച്ച നടത്തി മുങ്ങി എന്ന് കരുതിയവർക്ക് തെറ്റി. ആശുപത്രിയിൽ കിടന്ന് ചികിത്സയിൽ കഴിയുന്ന ഒരു രോഗി തന്നെയാണ് ഈ സാഹസിക മോഷണത്തിന് പിന്നിലെന്നാണ് പുറത്തുവരുന്ന ശക്തമായ സൂചനകൾ!
കിടപ്പിൽ നിന്ന് എഴുന്നേൽക്കാൻ വയ്യാത്തവരായിരിക്കും രോഗികൾ എന്ന് കരുതിയ ഡോക്ടർമാരും നഴ്സുമാരും ഇപ്പോൾ കള്ളന്റെ ഈ 'ആരോഗ്യപ്രകടനങ്ങൾ' കണ്ടു അമ്പരപ്പിലാണ്. മരുന്നിന്റെ ഡോസ് കൂടിയതാണോ, അതോ ആശുപത്രിയിലെ ബോറടി മാറ്റാൻ രാത്രിയിൽ നടത്തിയ കായിക പരിശീലനമാണോ ഇതെന്ന് വ്യക്തമല്ല. കിടന്നുകിടന്ന് മടുക്കുമ്പോൾ ചെറിയൊരു നടത്തമൊക്കെ ആകാം, പക്ഷെ അത് നേരെ ക്യാഷ് കൗണ്ടറിലേക്കായിപ്പോയതാണ് ഒരേയൊരു പ്രശ്നം!
പോലീസിന്റെയും ജനങ്ങളുടെയും പ്രതികരണം:

"രോഗിയാണെന്ന് കരുതി കിടക്കയിൽ വെറുതെ കിടത്തി, പുള്ളിക്ക് കായികക്ഷമത കൂടുതലാണെന്ന് ഞങ്ങൾ അറിഞ്ഞില്ല," എന്നാണ് ആശുപത്രി ജീവനക്കാർ അനൗദ്യോഗികമായി പ്രതികരിച്ചത്.
എന്തായാലും ചികിത്സയ്ക്ക് വന്നയാൾ ആശുപത്രിയുടെ അക്കൗണ്ട് കൂടി നോക്കിനടത്താൻ ശ്രമിച്ചല്ലോ" എന്നാണ് നാട്ടുകാർ ഇതിനെക്കുറിച്ച് തമാശയായി ചോദിക്കുന്നത്.
പോലീസ് ഇപ്പോൾ ഈ 'ആശുപത്രി രോഗി-കള്ളനെ'ക്കുറിച്ചുള്ള കൂടുതൽ അന്വേഷണത്തിലാണ്. ചികിത്സ കഴിഞ്ഞ് ഡിസ്ചാർജ് ആകുന്നതിന് മുൻപ് ഇയാൾ വേറെയെന്തൊക്കെ സർപ്രൈസുകൾ ആണ് ഒപ്പിച്ചു വെച്ചിട്ടുള്ളത് എന്നാണ് ഇപ്പോൾ ആശുപത്രി ജീവനക്കാരുടെ പ്രധാന ഭയം!

05/08/2026

പാലായും പ്രളയവും: വാർഷിക ദുരിതാശ്വാസത്തിൽ നിന്ന് ശാശ്വതമായ മുന്നൊരുക്കത്തിലേക്ക് മാറണം : ദിയ ബിനു പുളിക്കകണ്ടം
മുൻ നഗരസഭാധ്യക്ഷ

പാലാ : പ്രളയം പാലായ്ക്ക് പുതിയ അനുഭവമല്ല. ഏത് പ്രദേശങ്ങളാണ് വെള്ളപ്പൊക്കത്തിൽ മുങ്ങുന്നതെന്നും ആരൊക്കെയാണ് ഏറ്റവും കൂടുതൽ ദുരിതമനുഭവിക്കുന്നതെന്നും എല്ലാവർക്കും അറിയാം. എന്നിട്ടും ഓരോ വർഷവും നമ്മുടെ പ്രതികരണം ദുരന്തമുണ്ടായ ശേഷമുള്ള താൽക്കാലിക നടപടികളിൽ മാത്രം ഒതുങ്ങുകയാണ്.

മഴ ശക്തമാകുമ്പോൾ സ്കൂളുകളിലും മറ്റ് പൊതുസ്ഥാപനങ്ങളിലുമായി ദുരിതാശ്വാസ ക്യാമ്പുകൾ തുറക്കുന്നു. എന്നാൽ ഇവയിൽ പലതിനും മതിയായ ശുചിമുറി സൗകര്യങ്ങളോ സ്വകാര്യതയോ മറ്റ് അടിസ്ഥാന സൗകര്യങ്ങളോ ഇല്ല. സ്ത്രീകൾ, കുട്ടികൾ, വയോജനങ്ങൾ, ഭിന്നശേഷിക്കാർ എന്നിവരാണ് ഏറ്റവും കൂടുതൽ ദുരിതമനുഭവിക്കുന്നത്. ദുരിതാശ്വാസം അനിവാര്യമാണെങ്കിലും അത് മാത്രമാകരുത് നമ്മുടെ പ്രളയനിവാരണ നയം.

കാലങ്ങളായി പാലാ പ്രളയത്തിന്റെ കെടുതികൾ അനുഭവിച്ചുവരികയാണ്. ഏതാണ്ട് എല്ലാ വർഷവും വീടുകൾ വെള്ളത്തിനടിയിലാകുന്നു; വീട്ടുപകരണങ്ങൾ നശിക്കുന്നു; ദുര്‍ഗന്ധവും ആരോഗ്യപ്രശ്നങ്ങളും ഉണ്ടാകുന്നു; അറ്റകുറ്റപ്പണികൾക്കായി വലിയ സാമ്പത്തിക ബാധ്യത ഏറ്റെടുക്കേണ്ടിവരുന്നു. ഇതിനോടൊപ്പം കുടുംബങ്ങൾ നേരിടുന്ന മാനസിക സംഘർഷവും ചെറുതല്ല.
വലിയ പ്രളയമുണ്ടാകുമ്പോൾ പാലാ ഏതാണ്ട് ഒരു ദ്വീപായി മാറുന്നു. പടിഞ്ഞാറ് കോട്ടാരമറ്റം–പുലിയന്നൂർ റോഡ്, തെക്ക് 12-ാം മൈൽ, കിഴക്ക് മൂന്നാനി , വടക്ക് മുണ്ടുപാലം എന്നീ പ്രധാന പ്രവേശനപാതകൾ വെള്ളത്തിനടിയിലാകുന്നതോടെ ഗതാഗതം പൂർണമായും തടസ്സപ്പെടുന്നു. ഇത് സാധാരണ ജനങ്ങളുടെയും അടിയന്തര സേവനങ്ങളുടെയും പ്രവർത്തനത്തെ സാരമായി ബാധിക്കുന്നു.

ഈ അവസ്ഥയ്ക്ക് വാർഷിക താൽക്കാലിക പരിഹാരങ്ങളല്ല, ദീർഘകാല ആസൂത്രണമാണ് വേണ്ടത്.
പ്രളയസാധ്യത കൂടുതലുള്ള പ്രദേശങ്ങളിൽ സ്ഥിരം പ്രളയ അഭയകേന്ദ്രങ്ങൾ സ്ഥാപിക്കണം. ശുചിമുറികൾ, ശുദ്ധജലം, വൈദ്യുതി, അടുക്കള, പ്രാഥമിക ചികിത്സാ സൗകര്യങ്ങൾ, സ്ത്രീകൾക്കും കുട്ടികൾക്കും പ്രത്യേക താമസസൗകര്യം എന്നിവയുള്ള ഈ കേന്ദ്രങ്ങൾ ദുരന്തസമയത്ത് സുരക്ഷയും അന്തസ്സും ഉറപ്പാക്കും. ഓരോ വർഷവും താൽക്കാലിക ക്യാമ്പുകൾ ഒരുക്കേണ്ട സാഹചര്യം ഗണ്യമായി കുറയ്ക്കാനും ഇത് സഹായിക്കും.
അതോടൊപ്പം പ്രളയത്തിൽ മുങ്ങുന്ന റോഡുകളുടെ പ്രശ്നത്തിനും സ്ഥിരപരിഹാരം കാണണം. ഏത് റോഡുകളാണ് വെള്ളത്തിനടിയിലാകുന്നതെന്ന് നമുക്കെല്ലാവർക്കും അറിയാം. സാങ്കേതികമായി സാധ്യമായിടത്ത് ഏകദേശം മൂന്ന് മുതൽ നാല് കിലോമീറ്റർ വരെ വരുന്ന താഴ്ന്ന ഭാഗങ്ങൾ മൂന്ന് മുതൽ നാല് അടി വരെ ഉയർത്തിയാൽ മിക്ക പ്രളയസാഹചര്യങ്ങളിലും ഗതാഗതം നിലനിർത്താൻ കഴിയും. വർഷംതോറും ജനങ്ങൾക്കും വ്യാപാര സ്ഥാപനങ്ങൾക്കും സംഭവിക്കുന്ന നഷ്ടങ്ങളുമായി താരതമ്യം ചെയ്യുമ്പോൾ ഇതിന്റെ ചെലവ് വളരെ ന്യായീകരിക്കാവുന്നതാണ്.

അടിയന്തരമായി ബന്ധപ്പെട്ട എല്ലാ വകുപ്പുകളും ചേർന്ന് പ്രളയഭീഷണി നേരിടുന്ന സ്ഥലങ്ങൾ ശാസ്ത്രീയമായി തിരിച്ചറിയുകയും ആവശ്യമായ എസ്റ്റിമേറ്റുകൾ തയ്യാറാക്കി മുൻഗണനാക്രമത്തിൽ സർക്കാരിന് സമർപ്പിക്കുകയും വേണം. ഇത് പാലായ്ക്കായുള്ള സമഗ്രമായ പ്രളയനിവാരണ പദ്ധതിയുടെ ആദ്യപടിയായിരിക്കും.

പ്രകൃതിദുരന്തങ്ങൾ പൂർണമായി ഒഴിവാക്കാൻ കഴിയില്ല. എന്നാൽ മുൻകൂട്ടിയുള്ള ആസൂത്രണവും സമയബന്ധിതമായ നിക്ഷേപവും ഉണ്ടെങ്കിൽ അതിന്റെ ആഘാതം ഗണ്യമായി കുറയ്ക്കാൻ സാധിക്കും. ദുരിതാശ്വാസ പ്രവർത്തനങ്ങളിൽ മാത്രം ഒതുങ്ങാതെ, ദുരന്തത്തെ അതിജീവിക്കാൻ ശേഷിയുള്ള ഒരു പാലായെ സൃഷ്ടിക്കുകയെന്ന താണ് നമ്മുടെ ലക്ഷ്യമാക്കേണ്ടത്.

ഇപ്പോൾ തന്നെ നമ്മുടെ ജനപ്രതിനിധികളും തദ്ദേശസ്വയംഭരണ സ്ഥാപനങ്ങളും ബന്ധപ്പെട്ട വകുപ്പുകളും ഒരുമിച്ച് പ്രവർത്തിച്ച് പാലായ്ക്കായി സമഗ്രമായ പ്രളയനിവാരണ പദ്ധതി തയ്യാറാക്കേണ്ട സമയമാണിത്. ഇനിയെങ്കിലും ഓരോ മഴക്കാലവും ഒരേ ദുരിതകഥ ആവർത്തിക്കാതെ, മുൻകരുതലിന്റെയും ശാശ്വത പരിഹാരങ്ങളുടെയും പുതിയ അധ്യായത്തിന് തുടക്കമാകട്ടെ.

പാലാ മണ്ഡലത്തിലെ പ്രളയബാധിത പ്രദേശങ്ങൾ സംബന്ധിച്ച് പൊതുമരാമത്ത്, ജലസേചനം, റവന്യൂ, ദുരന്തനിവാരണ, തദ്ദേശസ്വയംഭരണ വകുപ്പുകളെ ഏകോപിപ്പിച്ച് സമഗ്രമായ പ്രളയനിവാരണ പദ്ധതി തയ്യാറാക്കുന്നതിനും ,
അങ്ങനെ രൂപം കൊടുത്ത സമഗ്ര റിപ്പോർട്ട് , മുഖ്യമന്ത്രി അടക്കമുള്ള സംസ്ഥാനത്തെ ഉന്നത ഭരണാധികാരികൾക്ക് മുന്നിൽ സമർപ്പിക്കുന്നതിനും വേണ്ടിയുള്ള നടപടികൾക്ക് ബഹുമാനപ്പെട്ട എം.എൽ.എ. അടിയന്തരമായി നേതൃത്വം നൽകണമെന്ന് വിനീതമായി അഭ്യർഥിക്കുന്നു.”

05/08/2026

മഴക്കെടുതി: വീടും സ്ഥലവും നഷ്ടമായവർക്ക് 12 ലക്ഷം; വെള്ളം കയറിയ വീടുകൾക്ക് 10,000 രൂപ: മുഖ്യമന്ത്രി

തിരുവനന്തപുരം: സംസ്ഥാനത്തെ മഴക്കെടുതിയില്‍ വിവിധ മേഖലകളിൽ ധനസഹായം പ്രഖ്യാപിച്ച് മുഖ്യമന്ത്രി വി ഡി സതീശന്‍. മരിച്ചവരുടെ കുടുംബത്തിന് 8 ലക്ഷം രൂപ സഹായം നല്‍കുമെന്ന് അദ്ദേഹം വ്യക്തമാക്കി. വെള്ളം കയറിയ വീടുകളിലുള്ളവർക്ക് അടിയന്തരമായി 10,000 രൂപ നല്‍കുമെന്ന് മുഖ്യമന്ത്രി അറിയിച്ചു. പൂർണമായും കേടുപാടുകള്‍ സംഭവിച്ച വീടുകള്‍ക്ക് 6 ലക്ഷം രൂപയും വീടും സ്ഥലവും നഷ്ടമായവര്‍ക്ക് 12 ലക്ഷം രൂപയും നല്‍കുമെന്നും അദ്ദേഹം പറഞ്ഞു. 1882 ഹെക്ടര്‍ ഭൂമിയില്‍ കൃഷിനാശം സംഭവിച്ചെന്നും അതിനായി 6.44 കോടിരൂപ സര്‍ക്കാര്‍ അനുവദിക്കുമെന്നും മുഖ്യമന്ത്രി വാർത്താസമ്മേളനത്തില്‍ പറഞ്ഞു.
രക്ഷാപ്രവര്‍ത്തനത്തിനിടെ മരിച്ച ആര്‍ രാജേഷിന് സംസ്ഥാനത്തിന്റെ ആദരം നല്‍കുമെന്നും രാജേഷിന്റെ പൂര്‍ത്തിയാകാത്ത
ഭവനനിര്‍മ്മാണം സര്‍ക്കാര്‍ പൂര്‍ത്തിയാക്കി നല്‍കുമെന്നും മുഖ്യമന്ത്രി പറഞ്ഞു. സംസ്ഥാനത്ത് 462 ക്യാമ്പുകളാണ് നിലവില്‍ പ്രവര്‍ത്തിക്കുന്നത്. ആലപ്പുഴ, കോട്ടയം, പത്തനംതിട്ട ജില്ലകളിലാണ് പ്രധാന ക്യാമ്പുകള്‍. മഴക്കെടുതിയില്‍ സംസ്ഥാനത്ത് 26 മരണങ്ങള്‍ റിപ്പോര്‍ട്ട് ചെയ്‌തെന്നും 11 പേര്‍ അപകടത്തില്‍പ്പെട്ടെന്നും 4 പേരെയാണ് കാണതായതെന്നും മുഖ്യമന്ത്രി വ്യക്തമാക്കി.

സംസ്ഥാനത്ത് കാലവര്‍ഷ കെടുതിയില്‍ 67.44 കോടി രൂപയുടെ നാശനഷ്ടം ഉണ്ടായെന്നാണ് സര്‍ക്കാരിന്റെ പ്രാഥമിക റിപ്പോര്‍ട്ടില്‍ പറയുന്നത്. വെള്ളക്കെട്ടില്‍ കഴിയുന്ന ദുരിത ബാധിതര്‍ക്ക് വീട് വാസയോഗ്യമാകുന്നത് വരെ വാടക നല്‍കുമെന്നും ദുരിതബാധിതരുടെ ഒരു കുടുംബത്തിലെ രണ്ട് പേര്‍ക്ക് 300 രൂപ വീതം ദിവസവും നല്‍കുമെന്നും അദ്ദേഹം അറിയിച്ചു.
തീരപ്രദേശത്ത് കടല്‍ ഭിത്തിയും ജിയോ ബാഗും ഉറപ്പാക്കും. മത്സ്യത്തൊഴിലാളികളുടെ പരാതി പരിഹരിച്ച് പുനര്‍ഗേഹം പദ്ധതി മെച്ചപ്പെടുത്തുമെന്നും മുഖ്യമന്ത്രി പറഞ്ഞു. ഇന്ത്യയ്ക്ക് മാതൃകയാകുന്ന വിധം അത്യാധുനിക കാലാവസ്ഥാ പ്രവചനം ഉറപ്പാക്കും. നദികളിലെ മാലിന്യങ്ങള്‍ നീക്കം ചെയ്യാന്‍ പുതിയ പദ്ധതി നടപ്പിലാക്കും. ഇതിനായി ജലസേചന വകുപ്പിന് നിര്‍ദേശം നല്‍കുമെന്നും മുഖ്യമന്ത്രി അറിയിച്ചു. കൂടാതെ വേമ്പനാട്ട് കായലിലെ മണ്ണും ചെളിയും നീക്കാന്‍ ഡ്രഡ്ജിങ് നടത്തുമെന്നും അദ്ദേഹം വ്യക്തമാക്കി. തോട്ടപ്പള്ളിയിലെ പ്രശ്‌നങ്ങള്‍ പരിഹിക്കുമെന്നും മുഖ്യമന്ത്രി ഉറപ്പ് നല്‍കി. കേരളത്തിലേക്ക് ഡാം മാനേജ്‌മെന്റ് സിസ്റ്റം കൊണ്ടുവരുമെന്നും അത്യാധുനികമായി കാര്യങ്ങള്‍ നടപ്പിലാക്കുമെന്നും മുഖ്യമന്ത്രി വി ഡി സതീശന്‍ പറഞ്ഞു.
മുതലപ്പൊഴി പ്രതിസന്ധിയിലും മുഖ്യമന്ത്രി പ്രതികരിച്ചു. മുതലപ്പൊഴിയില്‍ ദീര്‍ഘകാല നടപടിയുണ്ടാകുമെന്നും അടിയന്തരമായി തീരുമാനം എടുക്കുമെന്നും അദ്ദേഹം വ്യക്തമാക്കി. പുനർജനി കേസിലെ ക്ലീന്‍ ചിറ്റില്‍ മുഖ്യമന്ത്രിയുടെ മറുപടി ഇങ്ങനെ, 'പുനര്‍ജനി മാതൃകാ പദ്ധതിയാണ്. പദ്ധതിയില്‍ അഭിമാനമുണ്ട്. പുനർജനിയിൽ എല്ലാ അന്വേഷണവും നടത്തിയത് പിണറായി സർക്കാരാണ്. അന്വേഷണ റിപ്പോർട്ടുകൾ നൽകിയതും എൽഡിഎഫ് സർക്കാരാണ്. ഞാൻ ആവശ്യപ്പെട്ടിട്ടാണ് മുൻ സർക്കാർ അന്വേഷണം നടത്തിയത്.'
അതേസമയം, ഹെലികോപ്റ്റര്‍ യാത്രയില്‍ കഴിഞ്ഞ ദിവസം പറഞ്ഞതില്‍ നിന്നും വിരുദ്ധ നിലപാടുമായാണ് മുഖ്യമന്ത്രി ഇന്ന് രംഗത്തെത്തിയത്. കൊച്ചിയില്‍ പോയത് കൊണ്ടാണ് നിക്ഷേപകരെ കണ്ടതെന്നാണ് അദ്ദേഹം ഇന്ന് പറഞ്ഞത് എന്നാല്‍ കൊച്ചിയില്‍ പോയത് നിക്ഷേപകരെ കാണാന്‍ വേണ്ടിയാണ് എന്നാണ് അദ്ദേഹം കഴിഞ്ഞ ദിവസം പറഞ്ഞത്. നിക്ഷേപകർ ആരെന്ന് വ്യക്തമാക്കാത്തതില്‍, ചില കൂടിക്കാഴ്ചകൾ രഹസ്യമാണെന്നും എന്നാൽ മാധ്യങ്ങൾ അത് വിവാദമാക്കാൻ ശ്രമിക്കുകയാണെന്നുമായിരുന്നു മുഖ്യമന്ത്രിയുടെ മറുപടി.

02/08/2026

വെള്ളപ്പൊക്ക ദുരന്തത്തിൽ ജീവൻ പണയം വച്ച് രക്ഷാപ്രവർത്തനത്തിന് നേതൃത്വം; കൗൺസിലർ ടോണി തൈപ്പറമ്പിലിന് കൈയടി

പാലാ നഗരസഭയിലെ വാർഡിൽ വെളുപ്പിന് മൂന്നുമണിയോടെ വെള്ളം കയറിത്തുടങ്ങിയെന്ന അടിയന്തര അറിയിപ്പ് ലഭിച്ചതോടെ കൗൺസിലർ ടോണി തൈപ്പറമ്പിൽ ഉടൻ തന്നെ രക്ഷാപ്രവർത്തനത്തിനിറങ്ങി. സ്വന്തം ഭക്ഷണവും ആരോഗ്യവും പോലും അവഗണിച്ച്, അരക്കെട്ടോളം വെള്ളത്തിലൂടെ ജനങ്ങളെ സുരക്ഷിത സ്ഥാനങ്ങളിലേക്ക് എത്തിക്കാനുള്ള പ്രവർത്തനങ്ങളിൽ അദ്ദേഹം സജീവമായി പങ്കാളിയായി.

രാത്രിയിലും വാർഡിലെ ജനങ്ങളുടെ വിളികൾക്ക് ഉടൻ പ്രതികരിച്ച് സ്ഥലത്ത് തന്നെ തുടർന്ന ടോണി തൈപ്പറമ്പിലിനൊപ്പം നിരവധി സന്നദ്ധ പ്രവർത്തകരും ടീം എമർജൻസി, ഫയർ ആൻഡ് റെസ്ക്യൂ വിഭാഗം, പാലാ നഗരസഭ ജീവനക്കാർ, വിവിധ രാഷ്ട്രീയ പാർട്ടികളുടെയും യുവജന സംഘടനകളുടെയും പ്രവർത്തകർ, സുഹൃത്തുക്കൾ എന്നിവരും രക്ഷാദൗത്യത്തിൽ പങ്കാളികളായി.

അറുപതോളം കുടുംബങ്ങളെ സുരക്ഷിതമായി കരയിലെത്തിക്കാനും, എത്തിച്ചേരാൻ പ്രയാസമുള്ള പ്രദേശങ്ങളിലേക്ക് ഭക്ഷണവും അവശ്യസാധനങ്ങളും എത്തിക്കാനും സംഘത്തിന് സാധിച്ചു. കൂടാതെ, അമ്പതോളം അന്തേവാസികൾ താമസിക്കുന്ന സ്ഥാപനത്തിലെ താമസക്കാരെ സുരക്ഷിത സ്ഥാനത്തേക്ക് മാറ്റുകയും സെമിനാരിയിലെ വൈദികരെ സുരക്ഷിതമായി മാറ്റുന്നതിനുള്ള പ്രവർത്തനങ്ങൾക്കും നേതൃത്വം നൽകുകയും ചെയ്തു.

ദുരിതബാധിതർക്കൊപ്പം നിന്ന് കൈകോർത്ത ടോണി തൈപ്പറമ്പിലിന്റെ സേവനത്തിന് നാട്ടുകാരിൽ നിന്ന് വലിയ അഭിനന്ദനമാണ് ലഭിക്കുന്നത്. സോഷ്യൽ മീഡിയയിലൂടെയും നേരിട്ടും അദ്ദേഹത്തെ അഭിനന്ദിച്ച് നിരവധി പേർ രംഗത്തെത്തുന്നുണ്ട്. വെളുത്ത ഷർട്ടിട്ട് ഫോട്ടോയ്ക്ക് മാത്രം നിൽക്കുന്ന രാഷ്ട്രീയപ്രവർത്തകനല്ല, പ്രതിസന്ധി ഘട്ടത്തിൽ ജനങ്ങൾക്കൊപ്പം കട്ടക്കുനിൽക്കുന്ന ജനപ്രതിനിധിയെന്ന നിലയിലാണ് പലരും അദ്ദേഹത്തെ വിശേഷിപ്പിക്കുന്നത്.

🌹 അഭിനന്ദനങ്ങൾ ടോണി തൈപ്പറമ്പിൽ!

ജനങ്ങളുടെ സുരക്ഷയ്ക്കും ജീവൻ രക്ഷിക്കാനും കഠിനമായ സാഹചര്യത്തിൽ അർപ്പണബോധത്തോടെ പ്രവർത്തിച്ച താങ്കൾക്ക് പാലാ ഫ്ലാഷ് ന്യൂസിന്റെ ഹൃദയം നിറഞ്ഞ അഭിനന്ദനങ്ങൾ. ഇത്തരത്തിലുള്ള ജനസേവന പ്രവർത്തനങ്ങൾ കൂടുതൽ ജനപ്രതിനിധികൾക്ക് മാതൃകയാകട്ടെയെന്ന് ആശംസിക്കുന്നു.

30/07/2026

30-07-2026 PALA FLASH NEWSPAPER

29/07/2026

_*Take a break…!*_
_*Refresh your life..!!!*_
🪻🪻🪻🪻🪻🪻
ദൈനംദിന ജീവിതത്തിലെ *ടെൻഷൻ, സ്ട്രെസ്, ജോലിത്തിരക്ക്* എന്നിവയിൽ നിന്ന് ഒരു *ഇടവേള എടുക്കൂ* . നിങ്ങളുടെ ആരോഗ്യം സമഗ്രമായി പരിപാലിക്കാൻ
*La Mente Health & Wellness Centre, Edappady, Pala* നിങ്ങളെ സ്വാഗതം ചെയ്യുന്നു.

_*ഞങ്ങളുടെ പ്രധാന സേവനങ്ങൾ:-*_

🌿 *ആയുർവേദ മസാജ് & വെൽനസ് തെറാപ്പികൾ*
🌿 *ശിരോധാര, കിഴി, പിഴിച്ചിൽ, സ്റ്റീം ബാത്ത്*
🌿 *ഡിറ്റോക്സ് & റിലാക്സേഷൻ തെറാപ്പികൾ*
🌿 *സ്കിൻ ഗ്ലോ ട്രീറ്റ്മെന്റ്സ്*

_മറ്റ് സേവനങ്ങൾ_
👩‍⚕️ ഗൈനക്കോളജി
🩺 ഡെർമറ്റോളജി കൺസൾട്ടേഷൻ
🧠 സൈക്യാട്രി സേവനങ്ങൾ
💙 സൈക്കോളജിക്കൽ കൗൺസലിംഗ്
🥗 ഡയറ്റ് & ന്യൂട്രീഷൻ ഗൈഡൻസ്

ഓരോ വ്യക്തിയുടെയും ആവശ്യങ്ങൾ മനസ്സിലാക്കി വിദഗ്ധരുടെ നേതൃത്വത്തിൽ വ്യക്തിഗത ചികിത്സയും പരിചരണവും.

✨ Premium Facilities | Affordable Rates | Privacy Assured

📍 La Mente Health & Wellness Centre
Edappady, Pala

📞 Booking & Enquiries:
*+9190378 87849*
https://wa.me/919037887848?text=Hello%20La%20Mente
പ്രത്യേക കർക്കിടക ഓഫർ!
കർക്കിടക മാസത്തിൽ ബുക്ക് ചെയ്യുന്ന എല്ലാ ആയുർവേദ ചികിത്സകൾക്കും 30% വരെ ഡിസ്കൗണ്ട്

23/07/2026

CJPയെ വീണ്ടും ചർച്ചയ്ക്ക് വിളിച്ച് ജിതേന്ദ്ര സിങ്; നദ്ദയുടെ വസതിയിലോ ഓഫീസിലോ വെച്ച് കാണാമെന്ന് മന്ത്രി

ഡല്‍ഹി: നീറ്റ് പരീക്ഷാ പേപ്പര്‍ ചോര്‍ച്ചയില്‍ പ്രതിഷേധിക്കുന്ന കോക്രോച്ച് ജനതാ പാര്‍ട്ടി (സിജെപി)യെ വീണ്ടും ചര്‍ച്ചയ്ക്ക് ക്ഷണിച്ച് കേന്ദ്ര മന്ത്രി ജിതേന്ദ്ര സിങ്. ജെ പി നദ്ദയുടെ വസതിയിലോ ഓഫീസിലോ ചര്‍ച്ച നടത്താമെന്ന് ജിതേന്ദ്ര സിങ് പറഞ്ഞു. സമരക്കാര്‍ക്ക് ഏത് സമയത്ത് വേണമെങ്കിലും ചര്‍ച്ച ചെയ്യാന്‍ വരാമെന്ന് ജിതേന്ദ്ര സിങ് വ്യക്തമാക്കി.
'24 മണിക്കൂറിനിടെ നാല് തവണയെങ്കിലും സമരക്കാരെ ചര്‍ച്ചയ്ക്ക് ക്ഷണിച്ചു. സമരക്കാര്‍ക്ക് ആവശ്യമുള്ളപ്പോള്‍ ഏത് സമയത്ത് വേണമെങ്കിലും എത്ര നേരം വേണമെങ്കിലും സമരം നടത്താം. പ്രക്ഷോഭം നടന്ന വിഷയത്തെ കുറിച്ച് ചര്‍ച്ച ചെയ്യാന്‍ ഞങ്ങള്‍ തയ്യാറാണ്. മറ്റ് അനുബന്ധ വിഷയങ്ങളും ചര്‍ച്ച ചെയ്യാം. ജെ പി നദ്ദയുടെ വസതിയില്‍ വെച്ച് തുറന്ന മനസോടെ ചര്‍ച്ച ചെയ്യാം. ഞാനും അദ്ദേഹത്തിന്റെ കൂടെയുണ്ടാകും', ജിതേന്ദ്ര സിങ് പറഞ്ഞു. ജെ പി നദ്ദയും ഇക്കാര്യം വ്യക്തമാക്കി രംഗത്ത് വന്നു. തങ്ങള്‍ ചര്‍ച്ച ചെയ്യാന്‍ തയ്യാറാണെന്ന് നദ്ദയും വ്യക്തമാക്കി.
കേന്ദ്ര വിദ്യാഭ്യാസ മന്ത്രി ധര്‍മേന്ദ്ര പ്രധാന്റെ രാജി ആവശ്യപ്പെട്ടും ഡല്‍ഹിയില്‍ സിജെപി പ്രതിഷേധത്തിനെതിരായ പൊലീസ് അതിക്രമത്തിനുമെതിരെ ഇന്നും രാജ്യത്തുടനീളം നിരവധി പ്രക്ഷോഭങ്ങള്‍ നടന്നു. അതേസമയം ഇന്നാദ്യമായി നീറ്റ് പരീക്ഷാ പേപ്പറില്‍ പ്രധാനമന്ത്രി നരേന്ദ്ര മോദി പ്രതികരണം നടത്തി. കുറ്റക്കാര്‍ക്കെതിരെ വേഗത്തിലുള്ള കര്‍ശനമായ നടപടി സ്വീകരിക്കുന്നതിനായി ഫാസ്റ്റ് ട്രാക്ക് കോടതി സജീകരിക്കുമെന്നാണ് പ്രധാനമന്ത്രിയുടെ പ്രതികരണം.

വിഷയത്തില്‍ അടിയന്തിര നടപടി സ്വീകരിക്കാന്‍ ബന്ധപ്പെട്ട അധികാരികള്‍ക്ക് നിര്‍ദേശം നല്‍കിയതായും അദ്ദേഹം പറഞ്ഞു. വിദ്യാര്‍ത്ഥികളുടെ താല്‍പ്പര്യങ്ങള്‍ സംരക്ഷിക്കുന്നതിനുള്ള സര്‍ക്കാര്‍ നടപടിക്രമങ്ങളുടെ തുടര്‍ച്ചയാണിതെന്നും നമ്മുടെ യുവജനങ്ങളുടെ ഭാവിയെ ദോഷകരമാക്കാന്‍ ശ്രമിക്കുന്നവരെ വെറുതെ വിടില്ലെന്നും അദ്ദേഹം പ്രതികരിച്ചു. സമൂഹമാധ്യമങ്ങളിലൂടെയായിരുന്നു അദ്ദേഹത്തിന്റെ പ്രതികരണം.
പിന്നാലെ പ്രധാനമന്ത്രിക്ക് മറുപടിയുമായി ലോക്‌സഭാ പ്രതിപക്ഷ നേതാവ് രാഹുല്‍ഗാന്ധി രംഗത്ത് വന്നു. യുവാക്കളുടെ ഭാവി നശിപ്പിച്ചത് പ്രധാനമന്ത്രിയാണെന്നായിരുന്നു അദ്ദേഹത്തിന്റെ പ്രതികരണം. വിദ്യാഭ്യാസ സമ്പ്രദായത്തിന്റെ നാശത്തിന് പ്രോത്സാഹനം നല്‍കിയ ആളാണ് പ്രധാനമന്ത്രിയെന്നും ഉത്തരവാദികളായ എല്ലാവരെയും സംരക്ഷിക്കുകയും ചെയ്തെന്നും അദ്ദേഹം ആരോപിച്ചു. വിദ്യാര്‍ത്ഥികളുടെ ആവശ്യങ്ങള്‍ വ്യക്തമാണെന്നും അദ്ദേഹം പറഞ്ഞു. കേന്ദ്ര വിദ്യാഭ്യാസ മന്ത്രി ധര്‍മേന്ദ്ര പ്രധാന്‍ രാജി വെക്കുക, വിദ്യാര്‍ത്ഥികളോട് ക്ഷമ ചോദിക്കുക, അവരെ ആക്രമിച്ചവര്‍ക്കെതിരെ നടപടിയെടുക്കുക എന്നിവയാണ് മോദി ചെയ്യേണ്ടതെന്നും രാഹുല്‍ ഗാന്ധി ചൂണ്ടിക്കാട്ടി.

23/07/2026

ശബരിമല സ്വര്‍ണക്കൊള്ള കേസ്; മുൻ ദേവസ്വം ബോർഡ് പ്രസിഡൻ്റ് പി എസ് പ്രശാന്തും അജികുമാറും റിമാന്‍ഡില്‍

കൊല്ലം: ശബരിമല സ്വര്‍ണക്കൊള്ള കേസില്‍ അറസ്റ്റിലായ മുന്‍ തിരുവിതാംകൂര്‍ ദേവസ്വം ബോര്‍ഡ് പ്രസിഡന്റ് പി എസ് പ്രശാന്ത്, മുന്‍ അംഗം എ അജികുമാര്‍ എന്നിവര്‍ റിമാന്‍ഡില്‍. കൊല്ലം വിജിലന്‍സ് കോടതിയാണ് ഇരുവരെയും 13 ദിവസത്തേക്ക് റിമാന്‍ഡ് ചെയ്തത്. ഇവരെ പൂജപ്പുര സ്‌പെഷ്യല്‍ ജയിലിലേക്ക് കൊണ്ട് പോകും. കോടതിയില്‍ ഇരുവരും ആരോഗ്യ പ്രശ്‌നങ്ങള്‍ ചൂണ്ടിക്കാണിച്ച സാഹചര്യത്തില്‍ വേണ്ട ചികിത്സ നല്‍കാന്‍ കോടതി നിര്‍ദേശിച്ചിട്ടുണ്ട്.

വീട്ടിലെത്തിയാണ് എസ്ഐടി സംഘം പ്രശാന്തിനെ കസ്റ്റഡിയില്‍ എടുത്തത്. ദ്വാരപാലക പാളികള്‍ സ്വര്‍ണം പൂശാന്‍ കൊണ്ടുപോയതുമായി ബന്ധപ്പെട്ട കേസിലാണ് നടപടി. മൂന്നംഗസംഘമാണ് പ്രശാന്തിനെ കസ്റ്റഡിയില്‍ എടുത്തത്. രാവിലെ വീട്ടിലെത്തിയ സംഘം പ്രശാന്തിനോട് അന്വേഷണത്തോട് സഹകരിക്കണമെന്നും കൂടെവരണമെന്നും ആവശ്യപ്പെടുകയായിരുന്നു. ഭക്ഷണം കഴിച്ചിട്ട് വന്നാല്‍ മതിയെന്ന് പറഞ്ഞെങ്കിലും വേണ്ടെന്നായിരുന്നു പ്രശാന്തിന്റെ മറുപടി.
ഹൈക്കോടതിയില്‍ സമര്‍പ്പിച്ച റിപ്പോര്‍ട്ടില്‍ പി എസ് പ്രശാന്ത് ഉള്‍പ്പെടെ ഏഴ് പേരുടെ പങ്ക് സംബന്ധിച്ച് തെളിവുകള്‍ ലഭിച്ചതായി എസ്ഐടി അറിയിച്ചിരുന്നു. 2025-ല്‍ ദ്വാരപാലക വിഗ്രഹങ്ങള്‍ വീണ്ടും ചെന്നൈയിലേക്ക് കൊണ്ടുപോയത് 2019-ല്‍ നടന്നതായി പറയുന്ന സ്വര്‍ണ അപഹരണം മറച്ചുവെക്കാനുള്ള ഗൂഢാലോചനയുടെ ഭാഗമായിരുന്നുവെന്നാണ് ആരോപണം. ഈ നടപടിക്ക് ആവശ്യമായ ഭരണാനുമതികള്‍ നല്‍കുന്നതിലും ഫയല്‍ നടപടികളിലുമുണ്ടായ അന്നത്തെ ദേവസ്വം ബോര്‍ഡ് നേതൃത്വത്തിന്റെ പങ്ക് അന്വേഷണത്തില്‍ കണ്ടെത്തിയെന്നാണ് എസ്ഐടിയുടെ നിലപാട്. ഇതിന്റെ അടിസ്ഥാനത്തിലാണ് ഹൈക്കോടതി പി എസ് പ്രശാന്തിനും മുന്‍ ദേവസ്വം ബോര്‍ഡ് അംഗം എ അജികുമാറിനുമെതിരെ പുതിയ ക്രിമിനല്‍ കേസ് രജിസ്റ്റര്‍ ചെയ്യാന്‍ എസ്ഐടിക്ക് അനുമതി നല്‍കിയത്.
അതേസമയം താന്‍ യാതൊരു ഗൂഢാലോചനയിലും പങ്കെടുത്തിട്ടില്ലെന്നാണ് പി എസ് പ്രശാന്തിന്റെ വാദം. കേസിലെ മുഖ്യപ്രതി ഉണ്ണികൃഷ്ണന്‍ പോറ്റിയെ വളരെ കുറച്ച് തവണ മാത്രമാണ് കണ്ടതും ഫോണില്‍ സംസാരിച്ചതും. താന്‍ ദേവസ്വം ബോര്‍ഡ് പ്രസിഡന്റായിരുന്ന കാലത്ത് കേസ് മറച്ചുവെക്കാന്‍ ശ്രമിച്ചിട്ടില്ല. നിയമപരമായി കേസ് നേരിടുമെന്നും പി എസ് പ്രശാന്ത് പറഞ്ഞിരുന്നു.

ഏത് നിമിഷവും തന്റെ അറസ്റ്റ് ഉണ്ടാകുമെന്നും പിന്നില്‍ രാഷ്ട്രീയ സമ്മര്‍ദ്ദമാണെന്നുമാണ് പി എസ് പ്രശാന്ത് അറസ്റ്റിന് തൊട്ടുമുമ്പ് ഫേസ്ബുക്കിലൂടെ പ്രതികരിച്ചത്. 2025ല്‍ തങ്ങള്‍ ചെയ്ത തെറ്റ് എന്താണെന്നും 2019ലെ ശബരിമല സ്വര്‍ണക്കൊള്ള കേസ് പുറത്തുവരാന്‍ നിമിത്തമായ ബോര്‍ഡിനെ പ്രതിപട്ടികയില്‍ നിര്‍ത്തുകയാണെന്നും പി എസ് പ്രശാന്ത് ആരോപിച്ചു. 2025ല്‍ ദ്വാരപാലക ശില്‍പ്പങ്ങള്‍ കൊണ്ട് പോയതില്‍ എന്തെങ്കിലും നഷ്ടമോ കുറവോ, നടപടി ക്രമങ്ങളില്‍ വീഴ്ച്ചയോ ഉണ്ടായിട്ടില്ല. കേസില്‍ പ്രതിയാക്കണമെന്ന വാശിയോടെ കാര്യങ്ങള്‍ വളച്ചൊടിക്കുന്നവര്‍ക്ക് തങ്ങള്‍ അനുഭവിക്കുന്ന മാനസിക സംഘര്‍ഷം മനസ്സിലാകണമെങ്കില്‍ അത് സ്വന്തം ജീവിതത്തില്‍ വന്നുചേരണമെന്നും അത്തരമൊരു സ്ഥിതി ആര്‍ക്കും ഉണ്ടാകാതിരിക്കട്ടെയെന്നും പ്രശാന്ത് വൈകാരികമായി പ്രതികരിച്ചിരുന്നു.

19/07/2026

പൊതിച്ചോര്‍ വിവാദം; ഡിവൈഎഫ്‌ഐയുടെ മേല്‍ കുതിര കയറരുതെന്ന് മുഹമ്മദ് റിയാസ്; അന്നം മുടക്കരുതെന്ന് എം സ്വരാജ്ല

തിരുവനന്തപുരം: സര്‍ക്കാര്‍ ആശുപത്രികളില്‍ ബാനര്‍ കെട്ടിയുള്ള ഭക്ഷണ വിതരണം അനുവദിക്കില്ലെന്ന ആരോഗ്യമന്ത്രി കെ മുരളീധരന്റെ പ്രതികരണത്തില്‍ വ്യാപക വിമര്‍ശനം. ആരോഗ്യമന്ത്രിക്കെതിരെ വിമര്‍ശനവുമായി ഇടത് നേതാക്കള്‍ രംഗത്തെത്തി. സിപിഐഎം നേതാവും എംഎല്‍എയുമായ പി എ മുഹമ്മദ് റിയാസ്, സിപിഐഎം നേതാവ് എം സ്വരാജ്, ജോണ്‍ ബ്രിട്ടാസ് എംപി, ഡിവൈഎഫ്‌ഐ സംസ്ഥാന സെക്രട്ടറി വി കെ സനോജ്, എസ്എഫ്‌ഐ സംസ്ഥാന സെക്രട്ടറി പി എസ് സഞ്ജീവ് അടക്കമുള്ളവരും രംഗത്തെത്തി.
പൊതിച്ചോര്‍ വിതരണവുമായി ബന്ധപ്പെട്ട് മന്ത്രി ചര്‍ച്ച നടത്തിയാണ് അഭിപ്രായം പറയേണ്ടതെന്ന് മുഹമ്മദ് റിയാസ് പറഞ്ഞു. പൊതിച്ചോര്‍ വിതരണവുമായി ബന്ധപ്പെട്ട് ഒരു പരാതിയും ഇതുവരെ ആരും പറഞ്ഞിട്ടില്ല. പരാതി വന്നാല്‍ അല്ലേ മന്ത്രി ഇടപെടേണ്ടതെന്നും റിയാസ് ചോദിച്ചു. സാമന്ത രാജാവിനെ പോലെ മന്ത്രി പെരുമാറരുത്. ഡിവൈഎഫ്‌ഐയുടെ മേല്‍ കുതിര കയറാനും വരരുത്. കേരളത്തിലെ പകര്‍ച്ചവ്യാധി തടയാന്‍ ആണ് മന്ത്രി ശ്രമിക്കേണ്ടത്. ചൂരല്‍മലയില്‍ ചില സംഘടനകളുടെ ഭക്ഷണ വിതരണം ഉദ്യോഗസ്ഥര്‍ തടഞ്ഞപ്പോള്‍ സര്‍ക്കാര്‍ ഇടപെട്ടിരുന്നു. പകരം സംവിധാനം ആലോചിക്കാതെയാണ് ഇത്തരം നിലപാടെന്നും മുഹമ്മദ് റിയാസ് കുറ്റപ്പെടുത്തി.

പല സന്നദ്ധ സംഘടനകളും ആശുപത്രികളില്‍ പല സേവനങ്ങളും ചെയ്യുന്നുണ്ടെന്നും ആരോഗ്യമന്ത്രി അതൊന്നും ശ്രദ്ധിച്ചിട്ടില്ലെന്നും എം സ്വരാജും പറഞ്ഞു. ദയവായി അന്നം മുടക്കരുത് എന്ന അഭ്യര്‍ത്ഥന മാത്രമാണ് ആരോഗ്യമന്ത്രിയോടുള്ളത്. അന്നം മുടക്കിയ സര്‍ക്കാര്‍ എന്നൊരു പേരുദോഷം ഉണ്ടാക്കരുത്. എപ്പോഴും കൊടിയും തോരണങ്ങളും കെട്ടിയല്ല പൊതിച്ചോര്‍ കൊടുക്കുന്നത്. ചില പ്രത്യേക ദിവസങ്ങളില്‍ ബാനര്‍ വെയ്ക്കാറുണ്ട്. ആഘോഷ ദിവസങ്ങളില്‍ മാത്രമാണതെന്നും സ്വരാജ് പറഞ്ഞു. മുരളീധരനോട് സഹതാപമെന്നായിരുന്നു ജോണ്‍ ബ്രിട്ടാസ് എംപി പറഞ്ഞത്. ഹണിമൂണ്‍ പീരിയഡ് എന്നാണ് ഇതുവരെ കെ മുരളീധരന്‍ പറഞ്ഞത്.
മുരളീധരന്റെ കെട്ട് പോയോ എന്നാണ് സംശയമെന്നും ബ്രിട്ടാസ് പരിഹസിച്ചു.
പൊതിച്ചോര്‍ വിതരണത്തില്‍ ഒരുതരത്തിലും രാഷ്ട്രീയം കലര്‍ത്തിയിട്ടില്ലെന്ന് ഡിവൈഎഫ്‌ഐ സംസ്ഥാന സെക്രട്ടറി വി കെ സനോജ് പറഞ്ഞു. പൊതിച്ചോറ് വാങ്ങുന്നവര്‍ക്കും തരുന്നവര്‍ക്കും രാഷ്ട്രീയമില്ല. കൊവിഡിലും പ്രളയത്തിലും ഡിവൈഎഫ്‌ഐ പൊതിച്ചോര്‍ മുടക്കിയില്ല. ഒരു പ്രതിസന്ധിയിലും പൊതിച്ചോര്‍ വിതരണം ഡിവൈഎഫ്‌ഐ മുടക്കില്ലെന്നും സനോജ് പറഞ്ഞു. മുരളീധരന്റെ പിതാവിന്റെ പേരില്‍ പുതിയ മെഡിക്കല്‍ കോളേജ് തുടങ്ങുന്നത് രാഷ്ട്രീയമല്ലേയെന്നും സനോജ് ചോദിച്ചു. ഡിവൈഎഫ്‌ഐയുടെ ആംബുലന്‍സില്‍ കൊണ്ടുവരുന്ന രോഗിയെ കെ മുരളീധരന്‍ ആശുപത്രിയിലേക്ക് കയറ്റില്ലേ?. ഇന്നലെയും ഇന്നും നാളെയും ഭക്ഷണം വിതരണം ചെയ്യും. ഡിവൈഎഫ്‌ഐയുടെ കൊടി ഉപയോഗിക്കുകയും ചെയ്യും.

ഒരു മന്ത്രിക്കും തടയാനാവില്ലെന്നും സനോജ് പറഞ്ഞു. വിശപ്പില്‍ രാഷ്ട്രീയം കലര്‍ത്തിയത് മുരളീധരനാണ്. ഓരോ ദിവസവും ആയിരം പേര്‍ രക്തം ദാനം ചെയ്യുന്ന സംഘടനയാണ് ഡിവൈഎഫ്‌ഐ. ഉമ്മന്‍ചാണ്ടി ഭരിക്കുമ്പോഴും ഏറ്റവും കൂടുതല്‍ രക്തം ദാനം ചെയ്തതിന് അവാര്‍ഡ് ലഭിച്ചത് ഡിവൈഎഫ്‌ഐക്കാണ്. ഡിവൈഎഫ്‌ഐയെ എന്തിനാണ് മുരളീധരന്‍ ഭയപ്പെടുന്നതെന്നും സനോജ് ചോദിച്ചു. എന്തിനാണ് ഭക്ഷണത്തില്‍ മന്ത്രി മണ്ണ് വാരി ഇടുന്നത്? ഡിവൈഎഫ്‌ഐയുടെ പൊതിച്ചോറ് ഒരിടത്തും മുടങ്ങില്ല. വയനാട് ദുരന്തത്തില്‍ യൂത്ത് കോണ്‍ഗ്രസ് പ്രഖ്യാപിച്ച വീട് എവിടെ? യൂത്ത് കോണ്‍ഗ്രസിനും മന്ത്രി മുരളീധരനും കുശുമ്പും അസൂയയുമാണ്. തങ്ങളെക്കൊണ്ട് ചെയ്യാന്‍ കഴിയാത്തത് മറ്റാരും ചെയ്യേണ്ട എന്ന ചിന്തയെന്നും സനോജ് കുറ്റപ്പെടുത്തി.
'ഡാഡിയന്‍ ഷിപ്പ്' ഉള്ളതുകൊണ്ടാണ് കെ മുരളീധരന്‍ ഇതുവരെ എത്തിയതെന്നായിരുന്നു പി എസ് സഞ്ജീവിന്റെ വിമര്‍ശനം. മന്ത്രി രാഷ്ട്രീയ വൈരാഗ്യം കാണിക്കുകയാണ്. കെ മുരളീധരന്റെ ചെലവില്‍ അല്ല പൊതിച്ചോറ്. സാധാരണക്കാരുടെ വീടുകളില്‍ നിന്നാണ് പൊതിച്ചോറ്. ഈ സ്‌നേഹ പൊതിയാണോ തടയാന്‍ ശ്രമിക്കുന്നതെന്നും സഞ്ജീവ് ചോദിച്ചു.

Pala Flash News

08/08/2026

05/08/2026

05/08/2026

05/08/2026

02/08/2026

30/07/2026

29/07/2026

23/07/2026

23/07/2026

19/07/2026

Address

Website

Alerts

Shortcuts

Share

Category

Listing takedown request