09/08/2026
DC യുടെ Shows ന്റെ എണ്ണം കൂടാൻ പോകുന്നു, കൂടുതൽ നല്ല സ്ക്രീനിലേയ്ക്ക് എത്തുന്നു, റിലീസ് ദിവസം 4K Laser + Dolby Atmos സ്ക്രീനുകൾ കാര്യമായി ഇല്ലാതിരുന്ന സിനിമയ്ക്ക് വൈകാതെ PXL സ്ക്രീനിൽ അടക്കം ഷോസ് ലഭിക്കും. ഇതിനു മുൻപ് Blast എന്ന സിനിമയ്ക്കാണ് ഇങ്ങനെ ഉണ്ടായത്. മികച്ച സിനിമ എന്ന് ഒരിക്കലും പറയാൻ പറ്റില്ല.. പക്ഷെ "മികച്ച" സിനിമാറ്റിക് ഏക്സ്പീരിയൻസ് നൽകുന്ന പടമാണ് DC. Adrenaline Rush ഉണ്ടാക്കുന്ന സീനുകൾ, ഒരുതരം യൂഫോറിയ നൽകുന്ന മൊമെന്റ്സ് എല്ലാമായി നമ്മൾ മുടക്കുന്ന കാശിനും സമയത്തിനും മുതലാണ്.... Period!
🔰Film - DC (2026)
🔰Genre - Action Drama
🔰Language - Tamil
🔰2026 In Cinemas #201
അരുൺ മാതേശ്വരൻ ആണ് സംവിധായകൻ.. പുള്ളിയുടെ ആദ്യ സിനിമയായ Rocky അതിഗംഭീര സിനിമയാണ്. പുള്ളിയുടെ ഷോട്ട് ഡിവിഷൻസ്, ക്യാമറ ആംഗിൾ, സ്റ്റേജിങ് എല്ലാം വൻ വെറൈറ്റി ആണ്. Western Influence നന്നായി ഉണ്ടെങ്കിൽ പോലും അദ്ദേഹം കഥാപാത്രങ്ങൾക്ക് കൊടുക്കുന്ന ഡെപ്ത് മനോഹരമാണ്. അധികം സംസാരിക്കാതെ, എന്നാൽ ഇമോഷൻസ് എല്ലാം പ്രേക്ഷകരുമായി നന്നായി കൺവെ ചെയ്യുന്ന കഥാപാത്രങ്ങൾ ആണ് അരുൺ സിനിമകളിൽ കാണുന്നത്. കൂടാതെ Tarantino, കമൽ ഹാസൻ സ്റ്റൈൽ വയലൻസും പുള്ളിയുടെ സിഗ്നേച്ചർ ആണ്.
DC കുറച്ചൂടെ Commercial ആംഗിൾ പിടിച്ച പടമാണ്. അതുകൊണ്ട് അരുൺന്റെ മികച്ച പടം എന്ന് പറയാൻ പറ്റില്ല. ആ സ്ഥാനം Rocky കൊണ്ട് പോകും, പക്ഷെ DC നൽകുന്ന യൂഫോറിയ പറഞ്ഞറിയിക്കാൻ പറ്റില്ല. അത് നിങ്ങൾ തിയേറ്ററിൽ തന്നെ എക്സ്പീരിയൻസ് ചെയ്യണം. തിയേറ്റർ കത്തുക എന്ന ഉദ്ദേശത്തിൽ തന്നെ എടുത്ത സീനുകളുണ്ട്. സെക്കൻഡ് ഹാഫിൽ ഒന്നിന് പിറകെ ഒന്നായി അതെല്ലാം വരുമ്പോൾ.. എന്റെ സാറേ.. കണ്ടറിയണം!!
ലോകേഷ് അവതരിപ്പിച്ച Devdas, Wamiqa യുടെ Chandra, ഇതാണ് DC.. മോഡേൺ Devdas കഥയിൽ പാറോ കൂടി വേണമല്ലോ, സഞ്ജന കൃഷ്ണമൂർത്തിയാണ് ആ വേഷം ചെയ്തിരിക്കുന്നത്. എന്നാൽ Sarat Chandra Chattopadhyay യുടെ നോവൽ പോലെ ഒരു ട്രാജഡി അല്ല ഈ ദേവദാസും ചന്ദ്രയും... Redemption നു വേണ്ടിയുള്ള രണ്ടു പേരുടെ യാത്രയാണ് സിനിമ. അതിൽ നടക്കുന്ന കാര്യങ്ങളിൽ കൂടെയാണ് നമ്മളും ഇവരുടെ കൂടെ സഞ്ചരിക്കുന്നത്. ആ യാത്രയ്ക്ക് രക്തത്തിന്റെ നിറമാണ് എന്ന് മാത്രം...
പടത്തെ ഒരു ഗംഭീര തിയേറ്റർ എക്സ്പീരിയൻസ് ആക്കുന്നത് Anirudh ആണ്. കിടിലൻ വർക്ക് ആണ് പടത്തിൽ.. DC യുടെ സൗണ്ട് ട്രാക്ക് അത്തരത്തിൽ ഒന്നാണ്.. അതിന്റെ കൂടെയാണ് ഗംഭീരമായ സീനുകൾ ഒന്നിന് പിറകെ ഒന്നായി എത്തുന്നത്. ചില സീനുകൾക്ക് അനി കൊടുത്തിരിക്കുന്ന എലെവേഷൻ!! എജ്ജാതി!!
കിടിലൻ കഥാപാത്രങ്ങൾ ആണ് മറ്റൊരു ബലം. പ്രധാനപ്പെട്ട 3 കഥാപാത്രങ്ങളെ കൂടാതെ, വില്ലനായി എത്തുന്ന കൃഷ് ദയാൽ.. കിടു പെർഫോമൻസ് ആയിരുന്നു. അവിനാഷ് രഘുദേവന്റെ കിറ്റി എന്ന ക്യാറക്ടർ അടിപൊളിയാണ്. വളരെ Layered ആയ ഒരു ക്യാറക്ടർ.. അതുപോലെ നായകന്റെ കൂട്ടുകാർ, തലൈവാസൽ വിജയ് തുടങ്ങി പടത്തിലെ എല്ലാവരും തന്നെ കൊള്ളാം.
ടെക്നിക്കലി അരുൺ മാതേശ്വരൻ പടങ്ങൾ എല്ലായ്പ്പോഴും സൗണ്ട് ആയിരിക്കും. പുള്ളി തിരഞ്ഞെടുത്ത കളറിങ്, ഫ്രെയിംസ്, Mukesh G യുടെ Cinematography, പ്രസന്നയുടെ എഡിറ്റിങ് തുടങ്ങി എല്ലാം കൊള്ളാം, ദേവദാസ് - പാർവതി സീനുകളിൽ ഒരു മണിരത്നം ടച്ച് ആണ് ഡയലോഗുകൾക്ക് തോന്നിയത്. എന്നാൽ പിന്നീട് വെട്രിമാരൻ ടച്ച് ആയി.. 😂 തമിഴ് തെറികൾ നന്നായി അറിയുന്നവർക്ക് കലങ്ങും..
ആക്ഷൻ സീനുകൾ നൽകുന്ന ഇമ്പാക്ട് വളരെ വലുതാണ്. വളരെ സ്റ്റൈലിഷ് ആയി വയലൻസ് നിറഞ്ഞ ഈ സീനുകൾ കയ്യടിയോടെയല്ലാതെ സ്വീകരിക്കാൻ പറ്റില്ല. അതിന്റെ സ്റ്റേജിങ്, പ്ളേസ്മെന്റ് അത്തരത്തിൽ ആണ്.. അതിൽ മാസ്റ്റർ ആണ് അരുൺ മാതേശ്വരൻ.. കയ്യടി വീഴുന്ന സീനുകൾ ഒന്നിലും രണ്ടിലും മൂന്നിലും ആയി ഒതുങ്ങില്ല എന്നതാണ് ഈ സിനിമയുടെ വിജയം.
മൊത്തത്തിൽ, തിയേറ്ററിൽ മാത്രം കാണേണ്ട സിനിമ. വളരെയധികം വയലൻസ് ഉള്ളതിനാലും Matured Theme ആയതിനാലും കുട്ടികളുമായി പോകരുത്. നമ്മുടെ നാട്ടിലെ തിയേറ്ററിൽ A സർട്ടിഫിക്കറ്റ് ഉള്ള വയലൻസ് നിറഞ്ഞ സിനിമകൾ കാണാൻ കുട്ടികളുമായി എത്തിയാൽ.. Unfortunately ഭൂരിഭാഗം തിയേറ്റർ ഉടമകളും തടയാറില്ല. കുട്ടികൾ കാണേണ്ട പടമല്ല ഇതെന്ന് Parents മനസിലാക്കുക. അവരുമായി പോകാതിരിക്കുക.
