https://www.facebook.com/1494921987391570/

Kerala News, Kozhikode (2026)

19/03/2026

നാളെ ചെറിയ പെരുന്നാൾ

14/03/2026

അലുവ അതുൽ കൊലക്കേസ്; നാല് പ്രതികൾ പിടിയിൽ

14-03-26

ഗുണ്ടാനേതാവ് അലുവ അതുലിനെ വെട്ടിക്കൊലപ്പെടുത്തിയ കേസിൽ നാല് പ്രതികൾ പിടിയിൽ. കുറ്റകൃത്യത്തിൽ നേരിട്ട് പങ്കുള്ള രണ്ടുപേരും, കൂട്ടുപ്രതികളായ രണ്ടുപേരുമാണ് പൊലീസിൻ്റെ പിടിയിലായത്. കേസിൻ്റെ അന്വേഷണം ജില്ലാ അതിർത്തികളിൽ ശക്തമാക്കുമെന്നും ജില്ലയ്ക്ക് പുറത്തേക്കും അന്വേഷണം വ്യാപിപ്പിക്കുമെന്നും സിറ്റി പോലീസ്കമ്മീഷണർ ഹേമലത അറിയിച്ചു.

ഇന്ന് ഉച്ചയോടെയാണ് ജിം സന്തോഷ് വധക്കേസ് പ്രതി അലുവ അതുലിനെ അക്രമികൾ വെട്ടിക്കൊലപ്പെടുത്തിയത്. ജാമ്യത്തിലിറങ്ങി സ്റ്റേഷനിൽ എത്തിയശേഷം മടങ്ങി പോകുമ്പോഴായിരുന്നു ആക്രമണമുണ്ടായത്.

അതുൽ സഞ്ചരിച്ച കാറിനെ ദേശീയപാത നിര്‍മാണത്തിനായി നിര്‍മിച്ച താഴ്ചയിലേക്ക് വീഴ്ത്തിയ ശേഷം ആക്രമിക്കുകയായിരുന്നു. പൊലീസ് സ്റ്റേഷനിൽ നിന്ന് രണ്ട് കിലോമീറ്റർ അകലെ എത്തിയപ്പോഴാണ് അതുലിനെ വെട്ടിക്കൊന്നത്. തലയ്‌ക്കേറ്റ ആഴത്തിലുള്ള വെട്ടാണ് മരണകാരണമെന്നാണ് പ്രാഥമിക നിഗമനം.

14/03/2026

കേരളത്തെ ഞെട്ടിച്ച അലുവ അതുൽ കൊലപാതകക്കേസിൽ 4 പ്രതികൾ പിടിയിൽ, 2 പ്രതികൾ കുറ്റകൃത്യത്തിൽ നേരിട്ട് പങ്കുള്ളവർ, മറ്റ് രണ്ടുപേർ കൂട്ടുപ്രതികളെന്ന് സിറ്റി പൊലീസ് കമ്മീഷണർ ഹേമലത

14/03/2026

കുപ്പികളിലും കാനുകളിലും ഇന്ധനം നല്‍കിയാല്‍ കര്‍ശന നടപടി, പമ്പുകളില്‍ നിയന്ത്രണം; നിർദേശവുമായി കേന്ദ്ര പെട്രോളിയം മന്ത്രാലയം

14-03-26

രാജ്യത്തെ ജനങ്ങൾക്ക് നിർദേശവുമായി കേന്ദ്ര പെട്രോളിയം മന്ത്രാലയം. ഇന്ധന ലഭ്യതയെക്കുറിച്ച് പൊതുജനങ്ങൾ ആശങ്കപ്പെടേണ്ട സാഹചര്യമില്ല. രാജ്യത്തെ റീട്ടെയിൽ ഔട്ട്‌ലെറ്റുകളിൽ പെട്രോളും ഡീസലും ആവശ്യത്തിന് ലഭ്യമാണ്.

സുരക്ഷിതമല്ലാത്ത പാത്രങ്ങളിലും മറ്റും ഇന്ധനം വാങ്ങി സൂക്ഷിക്കരുത്. ഇത്തരത്തിലുള്ള ഇന്ധന സംഭരണം ഗുരുതരമായ സുരക്ഷാ പ്രശ്നങ്ങൾക്ക് കാരണമാകും. ഇന്ധനം വിതരണം ചെയ്യുമ്പോൾ സുരക്ഷാ മാനദണ്ഡങ്ങൾ കർശനമായി പാലിക്കാൻ പമ്പുകൾക്ക് നിർദ്ദേശം നൽകി. സുരക്ഷാ നിയമങ്ങൾ ലംഘിക്കുന്നവർക്കെതിരെ കർശന നടപടി സ്വീകരിക്കും.

പെട്രോളും ഡീസലും കണ്ടെയ്‌നറുകളില്‍ വാങ്ങി കൊണ്ടുപോകുകയോ സൂക്ഷിക്കുകയോ ചെയ്യരുതെന്നും പമ്പില്‍ ഉള്ളവര്‍ അങ്ങനെ നല്‍കരുതെന്നും നിർദേശം നൽകി. പശ്ചിമേഷ്യയില്‍ നടക്കുന്ന യുദ്ധത്തോടനുബഡിച്ചു രാജ്യത്തു ഗ്യാസ് പെട്രോള്‍ ഡീസല്‍ ലഭ്യത കുറയുന്ന സാഹചര്യത്തില്‍ എല്ലാവരും കണ്ടെയ്‌നറുകളിലും പത്രങ്ങളിലും പെട്രോളും ഡീസലും വാങ്ങി സൂക്ഷിക്കുന്ന പശ്ചാത്തലത്തിലാണ് മന്ത്രാലയത്തിന്റെ അറിയിപ്പ്.

https://www.facebook.com/share/18RjurTbSB/

12/03/2026

നഴ്സുമാരുടെ സമരം നാലാം ദിവസത്തിലേക്ക്; സ്വകാര്യ ആശുപത്രികളുടെ പ്രവർത്തനം പ്രതിസന്ധിയിൽ

12-03-26

ശമ്പള വർധന ആവശ്യപ്പെട്ടുള്ള സ്വകാര്യ ആശുപത്രികളിലെ നഴ്സുമാരുടെ സമരം നാലാം ദിവസത്തിലേക്ക്. സമരം ശക്തമായതോടെ സ്വകാര്യ ആശുപത്രികളുടെ പ്രവർത്തനം മുഴുവനായും പ്രതിസന്ധിയിലായി. പല ആശുപത്രികളിലും അടിയന്തര ചികിത്സ വിഭാഗങ്ങൾ മാത്രമാണ് പ്രവർത്തിക്കുന്നത്. മിക്ക ആശുപത്രികളിലും ശസ്ത്രക്രിയകൾ മാറ്റിവെച്ചു. വാർഡിലുള്ള രോഗികളെയും ഡിസ്ചാർജ് ചെയ്തു

11/03/2026

മൊണാലിസയ്ക്ക് പ്രണയസാഫല്യം: രണ്ട് സ്വതന്ത്ര വ്യക്തികൾ വിവാഹിതരാകുന്നുവെന്ന് എം വി ഗോവിന്ദൻ, ഇതാണ് യഥാർത്ഥ കേരള സ്റ്റോറിയെന്ന് മന്ത്രി

, 11-03-26

തിരുവനന്തപുരം പൂവാർ അരുമാനൂർ ശ്രീ നയിനാർ ദേവ ക്ഷേത്രത്തിൽ വെച്ചായിരുന്നു മൊണാലിസയുടെയും സുഹൃത്ത് ഫർമാന്റെയും വിവാഹം.

തിരുവനന്തപുരം: പ്രയാഗ് രാജിലെ കുംഭമേളയിലെ വൈറൽ പെൺകുട്ടി മൊണാലിസയുടെ വിവാഹത്തിൽ പ്രതികരണവുമായി മന്ത്രി വി ശിവൻകുട്ടിയും സിപിഎം സംസ്ഥാന സെക്രട്ടറി എം വി ഗോവിന്ദനും. രണ്ട് സ്വതന്ത്ര വ്യക്തികൾ എന്ന നിലയിൽ വിവാഹിതരാകുന്നുവെന്ന് എം വി .

10/03/2026

കോഴിക്കോട് നഗരത്തിന്റെ മനോഹരമായ കാഴ്ചകൾ തുറന്ന ആകാശത്തിൻ കീഴിൽ ആസ്വദിക്കാനുള്ള പുതിയ ഓപ്പൺ ഡബിൾ ഡക്കർ സർവീസിന്റെ ഫ്ലാഗ് ഓഫ്
ബഹു. പൊതുമരാമത്ത് ടൂറിസം വകുപ്പ് മന്ത്രി ശ്രീ.പി.എ മുഹമ്മദ് റിയാസ് നിർവ്വഹിച്ചു

10/03/2026

ഗണേഷ് കുമാർ രാജിവെക്കണം, കോൺഗ്രസിന്റെ പ്രതിഷേധം തുടരും; രമേശ് ചെന്നിത്തല

10-03-26

ഗണേഷ് കുമാർ രാജിവെക്കണമെന്ന് രമേശ് ചെന്നിത്തല. വിവാദം അവസാനിക്കുന്നില്ല എന്ന് അദ്ദേഹം പറഞ്ഞു. മുഖ്യമന്ത്രിയുടെ നിലപാട് അധാർമികമാണെന്നും അദ്ദേഹം കൂട്ടിച്ചേർത്തു. മന്ത്രിക്കെതിരെ എത്രയും ഗൗരവപരമായ ആരോപണങ്ങൾ ഉയർന്നിട്ടും മുഖ്യമന്ത്രി ഒരു നടപടി എടുത്തില്ലെന്നും ചെന്നിത്തല വിമർശിച്ചു.

സമവായമായി എന്ന് പറഞ്ഞ് അവസാനിപ്പിക്കാൻ കഴിയുമോ?. ധാർമികതയുടെ പ്രശ്നമല്ലേ? മുഖ്യമന്ത്രി ഒളിച്ചുകളി അവസാനിപ്പിക്കണം. അധാർമികമായ കാര്യം. ഒരുപാട് നിയമപ്രശ്നങ്ങൾ ഉൾക്കൊള്ളുന്നത്.ഫോണിൽ സംസാരിച്ചു തീർത്തു എന്ന് പറഞ്ഞാൽ തീരുന്ന കാര്യമല്ല. കോൺഗ്രസിന്റെ പ്രതിഷേധം തുടരും.ഇടതുപക്ഷമുന്നണിയും സർക്കാരും മറുപടി പറയണമെന്നും ചെന്നിത്തല ആവശ്യപ്പെട്ടു.

09/03/2026

Reselling

09/03/2026

ഒന്നല്ല ഒരായിരം പ്രണയങ്ങളുണ്ട്, തന്‍റെ ശത്രുക്കള്‍ വീട്ടിൽ തന്നെ

09-02-26

രാഹുല്‍ മാങ്കൂട്ടത്തിലിന്റെ അത്ര അധഃപതനം തനിക്കില്ലെന്നും ആരോപണങ്ങള്‍ ശരിയാണെങ്കിലും തെറ്റാണെങ്കിലും തള്ളിക്കളയുന്നുവെന്നും മന്ത്രി

തനിക്കെതിരെ ഉയരുന്ന വിവാദങ്ങള്‍ തെരഞ്ഞെടുപ്പിന്റെ ഭാഗമാണെന്ന് ഗതാഗതമന്ത്രി കെ ബി ഗണേഷ് കുമാര്‍. പത്തനാപുരം നിയമസഭാ മണ്ഡലത്തില്‍ ഇത്തരം കഥകള്‍ക്ക് പ്രാധാന്യമില്ലെന്നും ആരോപണത്തിന് പിന്നില്‍ കോണ്‍ഗ്രസാണെന്നും മന്ത്രി പ്രതികരിച്ചു.

ഗണേഷ് കുമാറിന് പ്രണയമുണ്ടോ എന്നത് മാധവിക്കുട്ടിയോട് പ്രണയമുണ്ടോ എന്ന് ചോദിക്കുന്നത് പോലെയാണ്. ഗണേഷ് കുമാറിന് ഒന്നല്ല ഒരായിരം പ്രണയങ്ങളുണ്ടെന്നും തനിക്ക് എപ്പോഴും വീട്ടില്‍ തന്നെയാണ് ശത്രുക്കളെന്നും അദ്ദേഹം പറഞ്ഞു. തനിക്കെതിരെ ഉയര്‍ന്ന മറ്റ് ആരോപണങ്ങളും മന്ത്രി തള്ളിയിട്ടുണ്ട്. ഒരാളുടെ വ്യക്തിപരമായ കാര്യവും രാഷ്ട്രീയവും തമ്മില്‍ എന്ത് ബന്ധമെന്നും അദ്ദേഹം ചോദിച്ചു.

09/03/2026

ഓടിക്കൊണ്ടിരുന്ന സ്കൂട്ടറിന്റെ ടയർ പൊട്ടി അപകടം, പയ്യോളിയിൽ വിദ്യാർത്ഥിക്ക് മരണം

09-03-26

ഓടിക്കൊണ്ടിരുന്ന സ്കൂട്ടറിന്റെ ടയർ പൊട്ടിയുണ്ടായ അപകടത്തിൽ പയ്യോളിയിൽ വിദ്യാർത്ഥി മരിച്ചു. പയ്യോളി ഇരുമ്പടത്തുചാലിൽ ഓത്തുപുരയിൽ ഹനീഫയുടെ മകൻ മുഹമ്മദ് ബിലാൽ (16) ആണ് മരിച്ചത്. സ്കൂട്ടറിലുണ്ടായിരുന്ന മറ്റ് മൂന്ന് സുഹൃത്തുക്കൾക്ക് പരിക്കേറ്റു.

ഞായറാഴ്ച രാവിലെ ആറരയോടെ പയ്യോളി-പേരാമ്പ്ര റോഡിൽ തച്ചൻകുന്ന് പറമ്പിൽ ഭഗവതി ക്ഷേത്രത്തിന് സമീപമുള്ള ഇറക്കത്തിലായിരുന്നു അപകടം.

സുഹൃത്തുക്കളായ നാലുപേരും ചേർന്ന് സ്കൂട്ടറിൽ തുറയൂരിലെ പള്ളിയിലേക്ക് പോകുമ്പോഴാണ് അപകടമുണ്ടായത്. ഇറക്കത്തിൽ വെച്ച് സ്കൂട്ടറിന്റെ ടയർ പെടുന്നനെ പൊട്ടുകയും നിയന്ത്രണം വിട്ട് മറിയുകയുമായിരുന്നു. റോഡിലേക്ക് തെറിച്ചുവീണ ബിലാലിന് ഗുരുതരമായി പരിക്കേറ്റു. ഉടൻ തന്നെ സമീപത്തെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. സ്കൂട്ടറിൽ സഞ്ചരിച്ചിരുന്ന ആദിൽ, അദ്‌നാൻ, യാസിൻ എന്നിവർക്ക് അപകടത്തിൽ പരിക്കേറ്റു. ഇവരെ കോഴിക്കോട്ടെ സ്വകാര്യ ആശുപത്രിയിൽ പ്രവേശിപ്പിച്ചു.

07/03/2026

പെരുമ്പളം പാലം നാടിന് സമർപ്പിച്ച് മുഖ്യമന്ത്രി.

07-03-26

സംസ്ഥാനത്തെ കായലിന് കുറുകെയുള്ള ഏറ്റവും വലിയ പാലമായ പെരുമ്പളം പാലം നാടിന് സമർപ്പിച്ച് മുഖ്യമന്ത്രി പിണറായി വിജയൻ. നാട്ടുകാരുടെ ചിരകാല അഭിലാഷത്തിൻ്റെ പൂർത്തീകരണമാണ് ഇതെന്ന് മുഖ്യമന്ത്രി പറഞ്ഞു. 2016ന് മുമ്പ് വലിയ തോതിലുള്ള തിക്താനുഭവങ്ങൾ കേരളം നേരിട്ടു. എൻ്റെ നാട് ഇങ്ങനെയായിപ്പോയല്ലോ എന്ന് കേരളം സ്വയം ശപിച്ച് കഴിഞ്ഞ ഒരു കാലമുണ്ടായിരുന്നു. ആ ശാപ അന്തരീക്ഷവും കടുത്ത നിരാശയും മാറി.

ഇടത് സർക്കാർ ജനങ്ങൾക്ക് പ്രത്യാശ നൽകി. വാചകം കൊണ്ടല്ല പ്രത്യാശ വന്നതെന്നും നടക്കില്ല എന്ന് കരുതിയതെല്ലാം നടപ്പാകുന്ന നില വന്നുവെന്നും മുഖ്യമന്ത്രി പറഞ്ഞു. പൊതുമരാമത്ത് വകുപ്പ് മന്ത്രി പി.എ. മുഹമ്മദ് റിയാസ് മന്ത്രി പി. പ്രസാദ്, എ.എം. ആരിഫ് തുടങ്ങിയ ജനപ്രതിനിധികളും പരിപാടിയിൽ പങ്കെടുത്തു.

കേരളത്തിൽ ദേശീയപാത യാഥാർഥ്യമാകുമെന്ന് ദേശീയ പാതാ അതോറിറ്റി പോലും കരുതിയതല്ല. ഏതാനം ദിവസങ്ങൾക്കുള്ളിൽ പ്രധാനമന്ത്രി ദേശീയപാതയുടെ പൂർത്തിയായ ഭാഗം നാടിന് സമർപ്പിക്കും. ഗെയ്ൽ പൈപ്പ് ലൈൻ പദ്ധതിയും നടക്കുമെന്ന് ആരും കരുതിയതല്ല. ഉപേക്ഷിച്ച പദ്ധതിയായിരുന്നു എടമൺ കൊച്ചി പവർ ഹൈവേ, അതും യാഥാർഥ്യമായി. എതിർത്തവർ നാട് വിട്ടതുകൊണ്ടല്ല ഇതെല്ലാം നടന്നത്. സർക്കാർ ബാധ്യത നിറവേറ്റിയത് കൊണ്ടാണ്. യാത്രക്കാരുടെയും ജീവനക്കാരുടെയും സുരക്ഷ പരിഗണിച്ചാണ് തീരുമാനം.

Kerala News

19/03/2026

14/03/2026

14/03/2026

14/03/2026

12/03/2026

11/03/2026

10/03/2026

10/03/2026

09/03/2026

09/03/2026

09/03/2026

07/03/2026

Address

Telephone

Website

Alerts

Contact The Business

Shortcuts

Share

Category