07/09/2026
ഡല്ഹി സത്യനികേതനില് ഹോസ്റ്റല് കെട്ടിടം തകര്ന്നു വീണുണ്ടായ അപകടത്തില് മരണം ആറായി.കെട്ടിടാവശിഷ്ടങ്ങള്ക്കിടയില് കുടുങ്ങിയവർക്കായുള്ള തെരച്ചിൽ തുടരുകയാണ്.ചികിത്സയിലുള്ള ഏഴ് പേരെ ഇനിയും തിരിച്ചറിയാനായില്ല.മുപ്പതില് അധികം വിദ്യാര്ത്ഥികള് അവശിഷ്ടങ്ങള്ക്കിടയില് കുടുങ്ങി കിടക്കുന്നുണ്ടെന്നാണ് സൂചന. കെട്ടിടാവശിഷ്ടങ്ങള്ക്കിടയില് നിന്ന് രക്ഷപ്പെടുത്തിയ വിദ്യാര്ത്ഥികള് സമീപത്തെ ആശുപത്രികളില് ചികിത്സയില് തുടരുകയാണ്. മൂന്ന് വിദ്യാര്ത്ഥികളുടെ നില ഗുരുതരമാണെന്നാണ് വിവരം.
ഇന്നലെ ഉച്ചയ്ക്ക് ഒന്നരയോടെയാണ് തെക്കന് ദൽഹിയിലെ സത്യനികേതനില് അഞ്ച് നില ഹോസ്റ്റല് കെട്ടിടം തകര്ന്ന് വീണത്.ദൽഹി സര്വകലാശാലയുടെ സൗത്ത് ക്യാമ്പസിന് സമീപം പിജി ഹോസ്റ്റലായി പ്രവര്ത്തിച്ചിരുന്ന ഡെയ്സ് ഹോസ്റ്റല് എന്ന കെട്ടിടമാണ് നിലം പൊത്തിയത്. ആണ്കുട്ടികളായിരുന്നു ഇവിടെ താമസിച്ചിരുന്നത്.ബേസ്മെന്റില് അറ്റകുറ്റപ്പണികള് നടന്നു വരുന്നതിനിടയാണ് അപകടം സംഭവിച്ചതെന്ന് പൊലീസ് വ്യക്തമാക്കി.സംഭവത്തില് കെട്ടിട ഉടമയ്ക്കെതിരെ കേസ് എടുത്ത പൊലീസ് അന്വേഷണം ആരംഭിച്ചു.
