Ananta Rabha

03/12/2025

, ""সুপ্ৰভাত""

জীৱনৰ প্ৰতিটো মূহুৰ্ত্তৰ অসহ্যকৰ
বেদনাদায়ক স্মৃতিৰে বাৰু,
সপোনবোৰ মহতিয়াই নিয়া
ফাগুনৰ বাউলী বতাহত,
তাৰেই ঠিকনা বিচাৰি অপেক্ষাৰতত
মই,,,,,,,,
সেই অবুজন মনৰ আকাংক্ষাত।
অচিনাকী পথৰ অমিয়া সুৰে,
লাহে লাহে আহি
কাণে কাণে ক'লে ,
যদি নোৱাৰা তেন্তে নাহিবা,
আধা লিখা কবিতাত-- তুমি,,-
শেষ হ'বলে নাহিবা!
পাৰা যদি নতুন কবিতা হৈ
দেখা দিবা,
অস্ত যোৱা বেলিৰ সলনি
সজল পুৱাক হৈ আহিবা।
এতিয়া ও যেন হৃদয়তে আছে,
সেই আধৰুৱা সপোন বোৰৰ দস্তাবেজ।
যেন ,,,,,,,,,,, , !
তুমি আহি মোক সাৱটি ল'বা,
অন্ধকাৰাচ্ছন্ন হৃদয়ৰ কোঠাত
এচেৰেঙা ৰ'দালি হৈ পোহৰ বিলাবলৈ !
আৰু খেলিমেলি মোৰ প্ৰতিটো নিশা
আটোম্‌-টোকাৰিকৈ সামৰি ল'বা।।
মাজে মাজে,,,,,,, ,,,,,
সপোনবোৰৰ বাট বিচাৰি
একাঁ বেঁকা পথৰ মাজত
নিজকে হেৰুৱাই পেলাওঁ!
ৰুদ্ধ হ'ব ধৰা আশাবোৰ সামৰি
পুুনৰ উভতনি পথৰ যাত্ৰী হৈ পৰো ।
সজল পুৱাৰ এচেৰেঙা ৰ'দৰ জিলিঙনি
যেন বিক্ষত হৃদয়ৰ এমুঠি সুখৰ বাতৰি।
দুবৰিবনৰ দলিচাখনত
মুকুতাৰ দৰে নিয়ৰৰ কণা,
যেন শেঁতা পৰা ওঁঠত
এটি মিচিকীয়া হাঁহি
ৰঙ তুলিকাৰে অঁকা।
আঘোনৰ আবেলিৰ সেই হেঙুলীয়া বেলি
চটিয়াই যায় একাঁজলি আশাৰ ৰেঙনি।
কাহিনীৰ দৰে নিমিষতে যেন
বিশাল পৃথিৱীৰ
ঢুকি নোপোৱা সপোনবোৰ ধৰিম--
কেতিয়াবা বীৰ হৈ!
আৰু কেতিয়াবা খলনায়ক হৈ!

30/11/2025

সুপ্ৰভাত,

এৰি অহা সময়বোৰ ঘুৰাই পামনে ?
দুখবোৰ খুলিবনোৱাৰাকৈ সাফৰ মাৰি থৈ
এৰি অহা দিনবোৰ সুখী কৰি ল’বলৈ মন ৷
একাবেকা পথ হলেও ,পাৰ হৈ আহিছো
বৃদ্ধকালত কি কৰো এতিয়া::::
উলঙ্গ চিন্তাই জুমুৰি দি ধৰে প্ৰতিটো ক্ষণ৷
সময়বোৰ পুনৰ ঘুৰাই পামনে ?
তোমাৰ বাৰু মনলৈ আহেনে??
সেই শূন্যতাৰ কথা----
কাৰ আছে বাৰু সময়
শুনিবলৈ ,উপচি পৰা জীৱনবেথা ৷
হিয়াখন হেঁচি ধৰা দুইখন হাতৰে
দুৰণিলৈ চোৱা পলক নেপেলোৱাকৈ
শান্ত মনটোক বাহ বাহ দি
এতিয়া নিজকে প্ৰস্তুত কৰা জীয়াই থাকিবলৈ ৷

26/11/2025

ৰাষ্ট্ৰীয় সংবিধান দিৱসৰ পৱিত্ৰ দিনটোত সমগ্ৰ দেশবাসীক আন্তৰিক শুভেচ্ছা জনাইছোঁ।
এই পৱিত্ৰ দিনটোত স্বাধীনতা সংগ্ৰামীসকল, সংবিধান প্ৰণয়ন সমিতিৰ গৌৰৱময় সদস্যসকল তথা ভাৰতৰ গণতান্ত্ৰিক পৰম্পৰা সংহতি অক্ষুন্ন ৰাখিবলৈ জীৱন উৎসৰ্গা কৰা সকলো বীৰপুৰুষৰ প্ৰতি গভীৰ কৃতজ্ঞতা জ্ঞাপন কৰিছোঁ।

25/11/2025

Shout out to my newest followers! Excited to have you onboard! Tulsi Gogoi, Manoj Daimary, Nirmali Patgiri, Labanya Raja, Tulumoni Gogoi, Nandini Kashyap

25/11/2025

Shout out to my newest followers! Excited to have you onboard! Tulsi Gogoi, Manoj Daimary, Nirmali Patgiri, Labanya Raja, Tulumoni Gogoi, Nandini Kashyap, Rabha Gitanjali, Madan Daimari, Babul Ali, Sangita Rabha, Ramen Boro, Mithun Rabha, Runu R, Adv Aghanu Ram Rabha

25/11/2025

****সুপ্ৰভাত *****

শৰতৰ নিয়ৰ সৰা পদুলিত দুবৰি গচকি,
শেৱালীৰ কোমল দলিচা পাৰি
কিয় বুকুৰ মাজত নুপুৰ বজাইছা আহি ?
কোন তুমি মনহৰিনী?

শৰতৰ সন্ধ্যাৰ জোনাকীৰ জিলমিল পোহৰৰ মাজত ,
বতাহৰ কোমল আভাৰ স্পৰ্শত
লৈ আহিছোঁ তোমালৈ বুলি এমুঠি প্ৰেমৰ জোনাক ।।

সন্ধ্যাৰ জোনাকে বাৰু কৰিব নে আলোকিত ?
সপোনৰ পথাৰ খনত মৰমৰ বীজ সিচি
পলসুৱা মাটিৰ সাৰুৱা পথাৰ খনত
মৰমৰ বীজ পালে লহ পহ কৈ বাঢ়ি আহিব জীৱন ।।
উমাল দুবাহুত লোৱা আঁকোৱালি ,
সপোন পথাৰত বীজ সিচি
লহ পহাই বাঢ়ি অহা সেউজীয়া জীৱনৰ মাজত ,
বিশ্বাসৰ হাত খনি দিয়া তেনে আগবঢ়াই।।

শেৱালীৰ সুভাষৰ লহৰট ,
নামি আহা সন্ধ্যা ,বুকুৰ মাজলৈ ,
প্ৰেমৰ জোনাকী সন্ধ্যা হৈ ,
জোনাক থাকিব সাক্ষী চিৰ যুগমীয়া হৈ।।

24/11/2025

সুপ্ৰভাত,,,

জীয়াই আছোঁ বহু আশাৰে,,
স্মৃতিত আছে মোৰ
এগছি প্ৰজ্বলিত বন্তি, মধ্যাহ্ন দীপ্তি ।
জীয়াই আছোঁ মাথো
শত শত শ্বহীদৰ শুভাশীষ লৈ
সিহঁতৰ,আশা পূৰাবলৈ ।
অন্তৰ আত্মাই কান্দিছে
বাৰে বাৰে,সংগ্ৰামী,দেশ প্ৰেমী
বন্ধু হতঁৰ বাবে ।
সু-দূৰৰ পৰা সিহঁতে চিঞৰি চিঞৰি কয় ?
আমাক উদ্ধাৰ কৰা
সোণৰ অসমৰ ভেটি নিৰ্মাণ কৰা ।
জীয়াই আছোঁ প্ৰতিঘৰ শ্বহীদৰ
শোক নাশিবলৈ অসম মাতৃৰ
অশ্ৰু কণা মচিবলৈ ।
জীয়াই আছোঁ সিহঁতৰ বাবে
লাগিলে দিবলৈ প্ৰাণ
নকৰোঁ কদাপি ভয়
শ্বহীদৰ বাবে ।

23/11/2025

সুপ্ৰভাত
"আকৌ যদি যাব লাগে শৰাইঘাটলৈ
লুইত পাৰৰ ডেকা বন্ধু নাথাকিবা ৰৈ"

বীৰত্ব আৰু স্বদেশ প্ৰেমৰ অমৰ প্ৰতীক মহাবীৰ লাচিত বৰফুকনদেৱলৈ তেখেতৰ জন্ম-জয়ন্তীৰ এই শুভ ক্ষণত শত কৌটি প্ৰণাম যাচিছোঁ।

বীৰজনাৰ বীৰত্বৰ মহাগাঁথাৰে চিৰ-মহীয়ান হৈ থাকক পবিত্ৰ অসমী আই তথা ভাৰতভূমিত।

23/11/2025

সুপ্ৰভাত,,

আহিবাচোন সেই বাটেৰে
প্ৰবল চাকনৈয়া ভেদি
অভেদ্য বাধাকো নেওচি
চিৰন্তন সত্যক অৱধি
ওফৰাই পেলাম আমি দুয়োজনে মিলি
তীক্ততাৰে ভৰা বহু কাহিনী।
বাৰে বাৰে সামৰি লওঁ‌ অ'
অহৰ্নিশে তিয়াই যোৱা
মৃতপ্ৰায় মনৰ সজীৱতাক
দগ্ধ আদৰবোৰক ;
ভোকত ভোক উজাই
ওভটনিৰ বৃথা চেষ্টাক।
অৱজ্ঞাৰ প্ৰাপ্তিখিনিৰে
তলসৰা শেৱালি বুটলি
কিছু মিঠা হাঁ‌হিৰে
সঁ‌হাৰিৰ কিছু জীয়া কাহিনীক।
জানা অভিনয়েৰে মিছাক
সঁ‌চা কৰিব নোৱাৰি কেতিয়াও
মৌন হৈ ৰৈইও
তীব্ৰ যন্ত্ৰণাবোৰক
নিঃশেষ কৰিব নোৱাৰি ।
তথাপিও কাহিনী যে আহে জীৱনলৈ
ৰ'দে পোৰা আশাৰে
কিছু নতুনত্বৰ সোৱাদেৰে
আৰু আহত হৃদয়ত গঁ‌জা
নতুনত্বৰ প্ৰাণ বীজত
পুনৰ প্ৰতিষ্ঠা কৰে
নিসংগতাই পোখাই
কক্ষপথ বিচলিত হৈ
অনাকাংক্ষিত বিদ্ৰোহৰ ক'লা ছাঁ‌ই ।
তথাপিও আগুৱাও
সেই বাটেৰে
যিটো বাটত নাথাকে
আনন্দৰ প্ৰাচুৰ্য আৰু
শিল্পময় ভৱিষ্যৎ ।
তথাপিও যদি কাহানিবা মই কক্ষচ্যুত হওঁ‌
আৰু ঠিকনা হেৰুৱাও
কৈ থলো তোমাক আজি
পুনৰ যাম সেই বাটেৰে
প্ৰতুৰ্ণ বেগে
গৈ গৈ আকৌ এদিন মই তোমাৰ সেই
হেৰুৱা বাটৰ আট বিচাৰি উলিয়াম
আৰু বাজি উঠাম এটি
নতুন গীতৰ সুৰ
তোমাৰ মোৰ সেই আহত সময়ৰ।

22/11/2025

অসমৰ জাতীয় জীৱনলৈ অনবদ্য অৱদান আগবঢাই যোৱা লোক-সংস্কৃতিৰ সাধক, গীতিকাৰ তথা সমন্বয়ৰ বাৰ্তাবাহাক হেমাংগ বিশ্বাসক পুণ্যতিথিত গভীৰ শ্ৰদ্ধাৰে সুঁৱৰিছোঁ। এইগৰাকী মহীৰূহে অসমীয়া আৰু বাংলা দুয়োটা ভাষাতে সাহিত্য সৃষ্টিৰে দুয়োটা ভাষাক সমৃদ্ধ কৰি থৈ গৈছে।

স্বৰ্গীয় ভূপেন হাজৰিকা সৈতে তেখেতৰ যুটিয়ে অসমৰ ইমূৰৰ পৰা সিমূৰলৈ বিশেষ সমাদৰ লাভ কৰিছিল। তেখেতৰ সমন্বয়ৰ বাণী আৰু সাংস্কৃতিক কৰ্মৰাজিয়ে যুগে যুগে আমাক ঐক্যবদ্ধ হৈ সম্প্ৰীতিৰে সমাজ গঢ়াৰ প্ৰেৰণা যোগাই যাব।

22/11/2025