27/07/2025
മുഖത്തല ബ്ലോക്ക് ക്ഷീര സംഗമം ഉദ്ഘാടന സമ്മേളനം.
കുണ്ടറ 27.7.2025: നല്ലില ക്ഷീര സഹകരണ സംഘത്തിന്റെ നേതൃത്വത്തിൽ നടന്ന മുഖത്തല ബ്ലോക്ക് ക്ഷീര സംഗമം 2025-26 പൊതുസമ്മേളനം ക്ഷീര വികസന മൃഗസംരക്ഷണ വകുപ്പ് മന്ത്രി ജെ. ചിഞ്ചുറാണി ഉദ്ഘാടനം ചെയ്തു.
ചടങ്ങിൽ കുണ്ടറ എം.എൽ.എ. പി.സി. വിഷ്ണുനാഥ് അധ്യക്ഷത വഹിച്ചു. നല്ലില ക്ഷീര സംഘം പ്രസിഡന്റ് മനുകുമാർ റ്റി സ്വാഗതം ആശംസിച്ചു.
മുഖത്തല ബ്ലോക്ക് പഞ്ചായത്ത് പ്രസിഡന്റ് ബി. യശോദ , കെ.സി.എം.എംഫ് ഡയറക്ടർ ബോർഡ് അംഗം കെ.ആർ. മോഹനൻപിള്ള , നെടുമ്പന ഗ്രാമപഞ്ചായത്ത് പ്രസിഡന്റ് എസ്. ഗിരിജകുമാരി , മയ്യനാട് ഗ്രാമപഞ്ചായത്ത് പ്രസിഡന്റ ജെ. ഷാഹിദ, ഇളമ്പള്ളുർ പഞ്ചായത്ത് പ്രസിഡന്റ് എസ്.ഡി. അഭിലാഷ്, ജില്ലാ പഞ്ചായത്ത് മെമ്പർമാരായ സെൽവി, പ്രിജി ശശിധരൻ, നെടുമ്പന ഗ്രാമപഞ്ചായത്ത് വൈസ് പ്രസിഡന്റ് സുധാകരൻ നായർ, മുഖത്തല ബ്ലോക്ക് പഞ്ചായത്ത് ആരോഗ്യ വിദ്യാഭ്യാസ സ്റ്റാൻഡിങ് കമ്മിറ്റി ചെയർപേഴ്സൺ ജിഷ അനിൽ, ബ്ലോക്ക് പഞ്ചായത്ത് മെമ്പർമാരായ ഫൈസൽ കുളപ്പാടം, ഫാറൂഖ് നിസാർ, കെ. സതീശൻ, കെ ഷീല , നെടുമ്പന ഗ്രാമപഞ്ചായത്ത് വികസന കാര്യ സ്റ്റാൻഡിങ് കമ്മിറ്റി ചെയർപേഴ്സൺ അജിത ബി എസ് , നെടുമ്പന ഗ്രാമപഞ്ചായത്ത് മെമ്പർമാരായ ഷീല മനോഹരൻ, ഹാഷിം എ എന്നിവർ ചടങ്ങിൽ പങ്കെടുത്തു.
മുഖത്തല ക്ഷീര വികസന ഓഫീസർ ചടങ്ങിന് കൃതജ്ഞത പറഞ്ഞു. ക്ഷീര സംഗമത്തോടനുബന്ധിച്ച് കന്നുകാലി പ്രദർശനം , ക്ഷീരകർഷക സെമിനാർ , ഗോരക്ഷാ ക്യാമ്പ് , ഡയറി എക്സിബിഷൻ എന്നിവ സംഘടിപ്പിച്ചു. ബ്ലോക്കിലെ മികച്ച ക്ഷീര സംഘങ്ങളെയും കർഷകരെയും ചടങ്ങിൽ ആദരിച്ചു.
Follow us on
Kundara MEDIA
Facebook | Youtube | Instagram | Website |
വാർത്തകളും പരസ്യങ്ങളും നൽകാൻ വാട്സാപ്പ് മെസ്സേജ് ചെയ്യുക. 062388 95080
#കുണ്ടറവാർത്ത
