Saqib Ahmad Ashrafi

21/09/2026

20/09/2026

الحمد لله آج مورخہ 7 ربیع الثانی 1448ھ مطابق 20 ستمبر 2026ء بروز اتوار ایک اور طالب علم عزیزم حافظ رفاقت احمد کھٹانہ ولد عبدالرحیم کھٹانہ ساکن ڈورس وانی لولاب کپواڑہ نے دارالعلوم ہادئ عالم ڈورس لولاب میں ایک ہی نشست میں مکمل قرآن کریم سنایا اللہ تعالیٰ حافظ رفاقت صاحب کی اس محنت، لگن اور خدمتِ قرآن کو اپنی بارگاہ میں شرفِ قبولیت عطا فرمائے، ان کے علم و عمل میں برکت نصیب فرمائے اور انہیں دینِ اسلام کا مخلص خادم بنائے۔
آمین یا رب العالمین۔

20/09/2026

الحمد لله آج مورخہ 7 ربیع الثانی 1448ھ مطابق 20 ستمبر 2026ء بروز اتوار ایک اور طالب علم عزیزم حافظ رفاقت احمد کھٹانہ ولد عبدالرحیم کھٹانہ ساکن ڈورس وانی لولاب کپواڑہ نے دارالعلوم ہادئ عالم ڈورس لولاب میں ایک ہی نشست میں مکمل قرآن کریم سنایا اللہ تعالیٰ حافظ رفاقت صاحب کی اس محنت، لگن اور خدمتِ قرآن کو اپنی بارگاہ میں شرفِ قبولیت عطا فرمائے، ان کے علم و عمل میں برکت نصیب فرمائے اور انہیں دینِ اسلام کا مخلص خادم بنائے۔
آمین یا رب العالمین۔

08/09/2026

08/09/2026

Saqib Ahmad Ashrafi

04/07/2026

*"بچے ہمارے پاس قوم کی امانت ہیں" — مگر امانت دار کہاں ہیں؟*
*ایک تحریر جو ہر ناظم کو رلا دے، ہر ذمہ دار کو تڑپا دے*
━━━━━━━━━━━━━━━

"بچے ہمارے پاس قوم کی امانت ہیں"...
یہ جملہ ناظم صاحب کی زبان پر تسبیح کے دانوں کی طرح جاری رہتا ہے۔
جب کوئی استاد چھٹی مانگے تو یہی جملہ۔
جب مدرس کا تبادلہ کرنا ہو تو یہی جملہ۔
جب چندہ مانگنا ہو تو یہی جملہ۔
جب کسی کی شکایت آئے تو بھی یہی جملہ۔

مگر ٹھہریے... ذرا دل تھام کر سوچیے۔
━━━━━━━━━━━━━━━

رات کے 2 بجے ہیں۔
مدرسے کا چھوٹا یتیم بچہ بخار میں تڑپ رہا ہے۔
مدرس دوائی لینے بھاگتا ہے۔
واپس آتا ہے تو دیکھتا ہے بچہ "امی امی" پکار رہا ہے۔
مدرس اس کا سر گود میں رکھ کر ساری رات جاگتا ہے۔

صبح فجر کے بعد ناظم صاحب تشریف لاتے ہیں۔
آتے ہی پہلا سوال: "کل شام آپ کلاس سے 5 منٹ پہلے کیوں نکلے تھے؟ بچے قوم کی امانت ہیں!"

فرشتے آسمان پر یہ منظر دیکھ کر رو پڑے ہوں گے۔
جس نے ساری رات امانت کی رکھوالی کی، اسے ڈانٹ پڑ رہی ہے۔
اور جس نے امانت کے نام پر صرف تقریر کی، وہ منصف بنا بیٹھا ہے۔
━━━━━━━━━━━━━━━

*مدرس کی تنخواہ صرف کاغذ کا ٹکڑا نہیں... یہ کسی کی زندگی ہے*

ناظم صاحب، تمہیں کیا خبر؟
مدرس معاشی اعتبار سے بہت کمزور ہوتا ہے، مالی اعتبار سے ٹوٹا ہوا ہوتا ہے۔
اس کے گھر کے اندر بہت ساری پریشانیاں ہوتی ہیں۔

اس کی بیوی بیمار ہے۔
اس کے بچے بیمار ہیں۔
اس کی ماں باپ ضعیف ہیں، بستر پر پڑے ہیں۔
اور اس کا کوئی دوسرا ذریعہ معاش نہیں ہوتا۔

بوڑھے والدین کو دوائی کی ضرورت پڑتی ہے۔
وہ کلینڈر کی طرف دیکھتے ہیں اور دل میں کہتے ہیں:
"پہلی دوسری تاریخ کو بیٹے کی تنخواہ آئے گی... تب دوائی لے لوں گی"۔

بچوں کو معلوم ہوتا ہے:
"ابو کی تنخواہ آئے گی تو ہم اسکول کی فیس جمع کریں گے... کتاب خریدیں گے... عید کے کپڑے لیں گے"۔

بیوی کو خبر ہوتی ہے:
"پہلی دوسری تاریخ کو میرے شوہر مدرسے سے تنخواہ لے کر گھر آئیں گے... اور میں گھر کا راشن خریدوں گی... بچوں کے لیے دودھ لاؤں گی"۔

ناظم صاحب! جب تم ایک مدرس کی تنخواہ روکتے ہو، تو تم صرف ایک آدمی کا حق نہیں مارتے۔
تم ایک بوڑھی ماں کی دوائی روک دیتے ہو۔
تم ایک بچے کی کتاب روک دیتے ہو۔
تم ایک بیوی کی آس توڑ دیتے ہو۔
تم ایک پورے گھر کا چولہا بجھا دیتے ہو۔

کیا قیامت کے دن یہ بوڑھی ماں تمہارا گریبان نہیں پکڑے گی؟
کیا وہ بیمار بچہ اللہ کے سامنے تمہیں بددعا نہیں دے گا؟
━━━━━━━━━━━━━━━

*ناظم صاحب، ذرا تنہائی میں اپنے گریبان میں جھانکو:*

*تم کہتے ہو: "بچے امانت ہیں"*
تو بتاؤ، گزشتہ مہینے تم نے کتنی راتیں مدرسے میں گزاریں؟
کتنی بار فجر میں بچوں کے ساتھ صف میں کھڑے ہوئے؟
کتنی بار خود جا کر بچوں کے حالات پوچھے؟
کتنی بار کسی بیمار بچے کا ماتھا چوم کر پوچھا: "بیٹا، دوائی کھائی؟"

*تم حساب لیتے ہو مدرس سے:* "وقت پر کیوں نہیں آئے؟"
مگر اللہ تم سے حساب لے گا: "میرے قرآن کے بچے تیرے حوالے تھے، تو نے سال میں کتنے دن ان کو دیے؟"

یاد رکھو، قیامت کے دن سب سے پہلا سوال ناظم سے ہوگا۔ مدرس سے نہیں۔
کیونکہ نبی ﷺ نے فرمایا: *"کُلُّکُم رَاعٍ وَکُلُّکُم مَسؤُولٌ عَن رَّعِیَّتِہِ"*
"تم میں سے ہر ایک نگران ہے، اور ہر ایک سے اس کی رعایا کے بارے میں پوچھا جائے گا"۔

مدرس کی رعایا 30 بچے ہیں۔
تمہاری رعایا 300 بچے + 20 مدرس + 20 مدرسوں کے گھر والے + وقف کا مال + قوم کا اعتماد ہے۔
بتاؤ، زیادہ وزن کس کے کندھے پر ہے؟
━━━━━━━━━━━━━━━

*اے ناظم! اے منتظم! اے ذمہ دار!*

جب تم "امانت امانت" کا نعرہ لگاتے ہو تو مدینے کی وہ گلیاں گواہی دیتی ہیں جہاں عمرؓ رات کو دودھ بیچنے والی کے دروازے پر پہرہ دیتے تھے۔

تمہارا دفتر AC میں ہے، اور بچے کا کمرہ گرمی میں۔
تمہاری گاڑی مدرسے کے گیٹ پر 2 منٹ رکتی ہے، اور مدرس سائیکل پر 40 منٹ دھوپ کھاتا ہے۔
پھر بھی تم کہتے ہو "بچے امانت ہیں"۔

خدا کی قسم! یہ جملہ تمہارے خلاف قیامت میں گواہی دے گا۔
اللہ کہے گا: "تو جانتا تھا کہ یہ امانت ہیں، پھر تو نے غفلت کیوں کی؟ تو نے مدرس کو ڈانٹا، خود کتنا وقت دیا؟"
━━━━━━━━━━━━━━━

*اے ناظم بھائی!*
اگر یہ تحریر پڑھ کر تمہاری آنکھ میں آنسو آ گیا ہے، تو سمجھ لو ابھی دل زندہ ہے۔
اگر سینے میں درد اٹھا ہے، تو سمجھ لو ضمیر جاگ گیا ہے۔

اٹھو... ابھی وضو کرو۔
مدرسے جا کر سب سے پہلے ان مدرسین کے قدموں میں بیٹھ جاؤ جن کو تم نے "امانت" کے نام پر دکھ دیا۔
ان سے معافی مانگو۔ کہو: "میں خطا کار ہوں، مجھ سے غلطی ہو گئی۔ میں نے زبان سے امانت کا درس دیا، عمل سے خیانت کی"۔

پھر بچوں کے پاس جاؤ۔
کسی یتیم کے سر پر ہاتھ پھیرو۔
کسی بیمار کے لیے خود دوائی لاؤ۔
فجر میں پہلی صف میں کھڑے ہو جاؤ۔
اور آج ہی ہر مدرس کی رکی ہوئی تنخواہ اس کے ہاتھ میں رکھ دو۔

کیونکہ یاد رکھو:
*مدرس تنخواہ لیتا ہے، مگر ناظم "دعائیں" لیتا ہے۔ اور اگر دعائیں بددعا بن گئیں تو؟*

نبی ﷺ نے فرمایا: *اتَّقِ دَعْوَةَ الْمَظْلُومِ، فَإِنَّهُ لَيْسَ بَيْنَهَا وَبَيْنَ اللَّهِ حِجَابٌ*
"مظلوم کی بددعا سے بچو، کیونکہ اس کے اور اللہ کے درمیان کوئی پردہ نہیں ہوتا"۔

حضرت علیؓ کا قول ہے: *"ظلم کا بدلہ ظالم کی اولاد تک چلتا ہے"*۔ اپنے بچوں پر رحم کرو۔

آج سے عہد کرو: "آئندہ جب میری زبان سے نکلے گا 'بچے امانت ہیں'، تو اس سے پہلے میرا عمل گواہی دے گا کہ میں نے 18 گھنٹے مدرسے کو دیے ہیں"۔

ورنہ قبر میں یہ جملہ سانپ بن کر لپٹ جائے گا۔
━━━━━━━━━━━━━━━

*یا اللہ! ہمارے ناظمین کو سچا امانت دار بنا دے۔*
*ان کے دل نرم کر دے۔*
*ان کو رلا دے، تڑپا دے، اور پھر سنوار دے۔*
*آمین یا رب العالمین*
━━━━━━━━━━━━━━━

_یہ پیغام ہر اس ناظم تک پہنچا دو جس کی آنکھیں خشک ہیں۔_
_شاید کوئی ایک تڑپ جائے، اور ایک مدرسہ بچ جائے۔ ایک مدرس کا گھر بچ جائے۔_

*از قلم: ایک گمنام مدرس کا نوحہ*