LTN News, Office : laturneta news channel near k21 gym balaji nagar nanded Road latur (permanent closed this office few days ), Latur (2026)

Q: What is the address?

Office : Laturneta News Channel Near K21 Gym Balaji Nagar Nanded Road Latur (permanent Closed This Office Few Days )

31/05/2026

लातूर-धाराशिव-बीड विधानपरिषद: युवक काँग्रेसचे राष्ट्रीय सचिव महेश देशमुख यांना काँग्रेसची उमेदवारी जाहीर!

लातूर/धाराशिव (विशेष प्रतिनिधी) : राजकीय वर्तुळातून एक मोठी बातमी समोर येत आहे. युवक काँग्रेसचे राष्ट्रीय सचिव आणि धाराशिव जिल्हा परिषदेचे धडाडीचे सदस्य श्री. महेशजी देशमुख यांना काँग्रेस पक्षाकडून धाराशिव-लातूर-बीड स्थानिक स्वराज्य संस्था विधानपरिषद मतदारसंघाची अधिकृत उमेदवारी जाहीर झाली आहे. या घोषणेनंतर संपूर्ण मतदारसंघात काँग्रेस कार्यकर्त्यांमध्ये उत्साहाचे वातावरण निर्माण झाले असून, त्यांच्यावर अभिनंदनाचा वर्षाव होत आहे.

तरुण आणि अभ्यासू नेतृत्वाला संधी: श्री. महेश देशमुख यांनी युवक काँग्रेसच्या माध्यमातून राष्ट्रीय पातळीवर आपल्या कामाचा ठसा उमटवला आहे. तसेच धाराशिव जिल्हा परिषद सदस्य म्हणून काम करताना त्यांनी स्थानिक प्रश्न अत्यंत प्रभावीपणे सोडवले आहेत. त्यांची हीच अष्टपैलू कामगिरी, पक्षसंघटनेवरील पकड आणि सर्वसामान्यांशी असलेली नाळ लक्षात घेऊन काँग्रेस पक्षाने त्यांच्या खांद्यावर ही मोठी जबाबदारी सोपवली आहे.

मतदारसंघात उत्साहाचे वातावरण: लातूर, धाराशिव आणि बीड या तीनही जिल्ह्यांच्या राजकीय दृष्टीने अत्यंत महत्त्वाच्या असलेल्या या विधानपरिषद जागेसाठी महेश देशमुख यांच्या रूपाने एक तरुण, अभ्यासू आणि आक्रमक चेहरा रिंगणात उतरल्यामुळे ही निवडणूक अत्यंत चुरशीची होणार असल्याचे बोलले जात आहे. उमेदवारी जाहीर झाल्याबद्दल धाराशिव, लातूर आणि बीड जिल्ह्यातील काँग्रेस पक्षाचे पदाधिकारी, कार्यकर्ते आणि हितचिंतकांनी श्री. महेशजी देशमुख यांचे पुष्पगुच्छ देऊन आणि सोशल मीडियाच्या माध्यमातून खूप खूप अभिनंदन केले असून, त्यांच्या विजयाचा विश्वास व्यक्त केला आहे.
LTN News LTN News Amit V. Deshmukh DIO,latur, ज़िल्हा माहिती कार्यालय, लातूर Collector & District Magistrate, Latur Latur Police Department Latur City Municipal Corporation LCMCOfficial Ajeet Patil Kavhekar Abhay Salunke Abhimanyu Pawar Sanjay Bansode Latur News Latur Latur Netaji Jadhav

31/05/2026

लातूर : वारकरी मंडळाच्या वतीने प्रभाग क्र. ३ मधील नूतन नगरसेवक व मान्यवरांचा भव्य सत्कार!

लातूर (प्रतिनिधी) : लातूर शहरातील प्रभाग क्रमांक ३ मधील विविध क्षेत्रांतील नवनियुक्त पदाधिकारी, नगरसेवक आणि प्रतिष्ठित मान्यवरांचा भव्य सत्कार सोहळा नुकताच संपन्न झाला. 'हरिभक्त सोपान महाराज मस्के सांप्रदायिक वारकरी मंडळ' आणि 'नगर पंढरपूर' यांच्या संयुक्त विद्यमाने या विशेष कार्यक्रमाचे आयोजन करण्यात आले होते.

याप्रसंगी प्रभाग क्रमांक ३ मधील संत गोरोबा सोसायटीचे चेअरमन श्री. सतीश कांबळे, काँग्रेस पक्षाचे शहर जिल्हाध्यक्ष श्री. शिवाजी जवळेकर, काँग्रेस पक्षाकडून नवनिर्वाचित झालेले नगरसेवक श्री. विकास कांबळे, माजी नगरसेवक श्री. सुनील बसपुरे, माजी नगरसेवक श्री. अल्लाबक्ष शेख तसेच मंडळाचे सचिव व कायदेविषयक सल्लागार ॲड. अंगद गायकवाड यांचा शाल व पुष्पहार देऊन मंडळाचे सचिव श्री. श्रावण मस्के यांच्या हस्ते भावपूर्ण सत्कार करण्यात आला.

सामाजिक ऐक्य आणि समाजहिताचा निर्धार
सत्काराला उत्तर देताना उपस्थित मान्यवरांनी वारकरी संप्रदायाच्या महान परंपरेचे जतन, सामाजिक ऐक्य आणि समाजहितासाठी मस्के सांप्रदायिक वारकरी मंडळाने केलेल्या कार्याचे भरभरून कौतुक केले. आगामी काळात सामाजिक, धार्मिक व सांस्कृतिक क्षेत्रात सर्वांनी एकत्रितपणे कार्य करून समाजाच्या सर्वांगीण विकासासाठी आणि प्रभागाच्या प्रगतीसाठी कटिबद्ध राहण्याचा निर्धार मान्यवरांनी यावेळी व्यक्त केला.

नागरिकांची मोठी उपस्थिती: या सोहळ्याला श्री. देविदास गायकवाड, श्री. विनायक कसबे, श्री. लिंबराज मगर, श्री. शिवाजी वाघमारे, श्री. प्रकाश पाटोळे, श्री. विलास कांबळे, श्री. रमेश कांबळे, श्री. बब्रुवान उदारे, श्री. श्याम वाघमारे यांच्यासह संत गोरोबा सोसायटीचे सर्व संचालक मंडळ, अखंड हरिनाम सप्ताहाचे सर्व समिती प्रमुख, वारकरी बांधव आणि परिसरातील नागरिक मोठ्या संख्येने उपस्थित होते. कार्यक्रमाचे अत्यंत नेटके आणि उत्साही वातावरणात आयोजन हरिभक्त सोपान महाराज श्रावण मस्के सांप्रदायिक वारकरी मंडळ आणि नगर पंढरपूर यांच्या वतीने करण्यात आले होते.
LTN News

30/05/2026

अपघात स्थळावरून अपघात झालेले वाहन गायब; MIDC पोलिसांना कल्पनाच नाही.

LTN News Amit V. Deshmukh Latur Police Department

30/05/2026

पुण्यनगरी वृत्तपत्रासाठी चालणाऱ्या MH23 BH3971 या वाहनाने मोटरसायकलला दिलेल्या भीषण धडकेत हरंगुळ रेल्वे स्टेशनजवळ दोघेजण गंभीर जमखी.

दोघांचीही परिस्थिती अस्थिर; अतिदक्षता विभागात उपचार सुरू.
LTN News Amit V. Deshmukh DIO,latur, ज़िल्हा माहिती कार्यालय, लातूर Collector & District Magistrate, Latur Latur Police Department Latur City Municipal Corporation LCMCOfficial Ajeet Patil Kavhekar Abhay Salunke Abhimanyu Pawar Sanjay Bansode Latur News Latur LTN News Latur Netaji Jadhav Vikrant Gojamgunde

30/05/2026

Accident | पुण्यनगरी वृत्तपत्रासाठी चालणाऱ्या MH23 BH3971 या वाहनाने मोटरसायकलला दिलेल्या भीषण धडकेत हरंगुळ रेल्वे स्टेशनजवळ दोघेजण गंभीर जमखी.

दोघांचीही परिस्थिती अस्थिर अति दक्षता विभागात उपचार सुरू.
LTN News Amit V. Deshmukh DIO,latur, ज़िल्हा माहिती कार्यालय, लातूर Collector & District Magistrate, Latur Latur Police Department Latur City Municipal Corporation LCMCOfficial Ajeet Patil Kavhekar Abhay Salunke Abhimanyu Pawar Sanjay Bansode Latur News Latur LTN News Latur Netaji Jadhav Vikrant Gojamgunde

29/05/2026

आचारसंहितेमुळे १ जून रोजीचा जिल्हास्तरीय लोकशाही दिन स्थगित

लातूर, 29 मे लातूर जिल्ह्यात दर महिन्याच्या पहिल्या सोमवारी आयोजित करण्यात येणारा जिल्हास्तरीय लोकशाही दिन स्थगित करण्यात आला आहे. सद्यस्थितीत महाराष्ट्र विधान परिषदेच्या उस्मानाबाद-लातूर-बीड स्थानिक प्राधिकारी मतदारसंघाच्या द्विवार्षिक निवडणूक-२०२६ ची आदर्श आचारसंहिता लागू आहे. या आचारसंहितेच्या अंमलबजावणीमुळे आगामी सोमवार, १ जून २०२६ रोजी जिल्हास्तरीय लोकशाही दिन आयोजित केला जाणार नाही, अशी माहिती लातूरचे प्रभारी उपजिल्हाधिकारी (सामान्य) गणेश पवार यांनी दिली आहे.
LTN News LTN News

29/05/2026

जात प्रमाणपत्र मिळण्यात अडचणी आल्यास हेल्पलाईन क्रमांकावर संपर्क साधण्याचे आवाहन

लातूर, दि. २९ : महाराष्ट्र शासन अनुसूचित जाती, अनुसूचित जमाती, विमुक्त जाती, भटक्या जमाती, इतर मागासवर्ग व विशेष मागासप्रवर्ग (जातीचे प्रमाणपत्र देण्याचे व त्याच्या पडताळणीचे विनियमन) अधिनियम, २००० आणि विविध शासन निर्णयामधील तरतुदींनुसार पात्र व्यक्तींना जात प्रमाणपत्र निर्गमित करण्याची तरतूद आहे. या अनुषंगाने लातूर जिल्ह्यात लातूर, औसा-रेणापूर, निलंगा, अहमदपूर आणि उदगीर अशा पाच उपविभागीय अधिकारी कार्यालयांतर्गत जात प्रमाणपत्र देण्याची कार्यवाही करण्यात येते.

नागरिकांनी जात प्रमाणपत्र मिळण्यासाठी ऑनलाईन पद्धतीने अर्ज सादर करावेत, असे आवाहन जिल्हा प्रशासनामार्फत करण्यात आले आहे. तसेच जात प्रमाणपत्र ऑनलाईन पोर्टलवरून काढताना काही अडचणी किंवा समस्या येत असल्यास, अथवा कोणतीही फसवणूक होत असल्यास नागरिकांनी त्याबाबतची तक्रार प्रशासनाच्या ०२३८२-२२०२०० या दूरध्वनी क्रमांकावर करावी, असे लातूर जिल्हाधिकारी कार्यालयामार्फत प्रसिद्ध पत्रकाद्वारे कळविण्यात आले आहे.
LTN News LTN News

29/05/2026

लातूर जिल्ह्यात शस्त्रबंदी व जमावबंदी आदेश जारी

लातूर, दि. 29 कायदा व सुव्यवस्था, सार्वजनिक शांतता व सुरक्षितता अबाधित राखण्यासाठी अपर जिल्हादंडाधिकारी केशव नेटके यांनी महाराष्ट्र पोलीस अधिनियम 1951 च्या कलम 37 (1) व (3) नुसार संपूर्ण लातूर जिल्ह्याच्या हद्दीत शस्त्रबंदी व जमावबंदी आदेश जारी केले आहेत. हा आदेश संपूर्ण लातूर जिल्ह्याच्या हद्दीत 20 मे, 2026 रोजीच्या 00.01 वाजेपासून ते 3 जून, 2026 रोजीच्या 24.00 वाजेपर्यंत (दोन्ही दिवस धरुन) लागू राहील.

शस्त्रबंदी व जमावबंदी काळात या आदेशान्वये शस्त्रे, सोटे, तलवारी, भाले, दंडे, बंदुका, सुरे, काठ्या, लाठ्या किंवा शारीरिक इजा करण्यासाठी वापरता येईल, अशी कोणतीही वस्तू सोबत घेऊन फिरता येणार नाही. कोणताही दाहक पदार्थ किंवा स्फोटक पदार्थ बाळगता येणार नाही, दगड किंवा इतर क्षेपणास्त्रे, सोडावयाची किंवा फेकावयाची उपकरणे बाळगणे किंवा जमा करणे किंवा तयार करण्यास मनाई राहील. व्यक्तीचे प्रेत, आकृत्या किंवा प्रतिमा यांचे प्रदर्शन करता येणार नाही. तसेच जाहीरपणे घोषणा करणे, गाणे म्हणजे वाद्य वाजविण्यास मनाई राहील. ज्यामुळे सभ्यता अगर नितीमत्ता यास धोका पोहोचेल अशा किंवा राज्याची सुरक्षितता धोक्यात येईल किंवा ज्यामध्ये उलथवून टाकण्याची प्रवृत्ती दिसून येत असेल अशी आवेशपूर्ण भाषणे, हावभाव करणे, सोंग आणणे, चित्रे, चिन्हे फलक किंवा इतर कोणत्याही जिन्नस किंवा वस्तू तयार करणे, त्यांचे प्रदर्शन किंवा प्रसार करणे यास मनाई करण्यात आली आहे.

जिल्ह्यात सार्वजनिक शांतता व सुव्यवस्था राहण्यासाठी कोणत्याही रस्त्यांवर किंवा कोणत्याही एका ठिकाणी पाच किंवा अधिक व्यक्तींना एकत्र जमण्यास, मिरवणूक काढण्यास मनाई करण्यात आली आहे. हा आदेश अंत्ययात्रा, विवाह, कामावरील पोलीस किंवा इतर शासकीय अधिकारी, कर्मचारी यांना लागू राहणार नाही. तसेच शस्त्रबंदी व जमावबंदी काळात सभा, धार्मिक मिरवणूक, मोर्चा, उपोषण यांना परवानगी देण्याचे सर्व अधिकार हे पोलीस अधीक्षक, पोलीस उपअधीक्षक व संबंधित पोलीस निरिक्षक, पोलीस उपनिरीक्षक यांना राहतील. त्यांनी परवानगी देण्यापूर्वी उपविभागीय दंडाधिकारी यांच्याशी सल्लामसलत करून परवानगी द्यावी, असे अधिसूचनेत नमूद करण्यात आले आहे.

LTN News

29/05/2026

लातूरमध्ये एमआयडीसी पोलिसांची मोठी कारवाई: गावठी पिस्तूल विक्रीसाठी आलेला तरुण अटकेत, दोन फरार साथीदारांचा शोध सुरू

लातूर( प्रतिनिधी): आगामी सण-उत्सवांच्या पार्श्वभूमीवर लातूर जिल्ह्यात कायदा व सुव्यवस्था अबाधित राखण्यासाठी पोलीस दलाने कंबर कसली आहे. यादरम्यान, लातूरच्या एमआयडीसी पोलिसांनी अत्यंत धाडसी आणि कौशल्याने सापळा रचून गावठी पिस्तूल विक्रीसाठी निघालेल्या एका आरोपीला रंगेहात अटक केली आहे. त्याच्याकडून अवैध शस्त्र जप्त करण्यात आले असून या प्रकरणातील त्याचे इतर दोन साथीदार फरार झाले आहेत.

बकरी ईदच्या पार्श्वभूमीवर 'कॉम्बिंग ऑपरेशन' दरम्यान कारवाई: आगामी बकरी ईद सणाच्या अनुषंगाने एमआयडीसी पोलीस स्टेशनचे डी.बी. पथक आणि पोलीस अधिकारी परिसरात कॉम्बिंग ऑपरेशन राबवत होते. यादरम्यान पोलीस उपनिरीक्षक (PSI) श्रीकांत मोरे यांना गुप्त बातमीदारामार्फत खात्रीशीर माहिती मिळाली की, दोघे जण एका स्कुटीवरून (क्रमांक: MH-24-CE-4643) नवीन रेणापूर नाका ते रेल्वे स्टेशनकडे जाणाऱ्या सर्व्हिस रोडने गावठी पिस्तूल विक्रीसाठी घेऊन येत आहेत. माहिती मिळताच पोलिसांनी वेळ न घालवता एका हॉटेल परिसरात सापळा रचला. संशयित दुचाकी येताच पोलिसांनी शिताफीने ती अडवली. पोलिसांना पाहताच संशयितांची पळापळ झाली, मात्र पोलिसांनी तत्परता दाखवत एका आरोपीला जागीच ताब्यात घेतले.

आरोपीवर गुन्हा दाखल, दोघे जण फरार
पकडण्यात आलेल्या आरोपीची अंगझडती घेतली असता, त्याच्याकडे एक गावठी पिस्तूल मिळून आले. या शस्त्राबाबत त्याच्याकडे कोणताही वैध परवाना नव्हता.
अटक केलेला आरोपी: गोविंद रंगनाथ डुरे (वय २८ वर्षे, रा. टाकळी, ता. जि. लातूर)
फरार आरोपी (साथीदार):
१) सिद्धू माने (रा. आर्वी, ता. जि. लातूर)
२) विकास हिंगे (रा. हरगुंळ बु., ता. जि. लातूर)
या तिघांविरुद्ध एमआयडीसी पोलीस स्टेशन येथे गु.र.न. २९१/२०२६ नुसार भारतीय हत्यार अधिनियम (कलम ३/२५, ५/२५) सह भारतीय न्याय संहिता (BNS) कलम ३(५) अन्वये गुन्हा दाखल करण्यात आला आहे. फरार आरोपींचा शोध पोलीस युद्धपातळीवर घेत आहेत.
तपासाचे मुख्य चक्र: हे गावठी पिस्तूल नेमके कोठून आणले होते? ते कोणाला विकले जाणार होते? आणि यामागे एखादी मोठी टोळी (रॅकेट) सक्रिय आहे का? याचा कसून तपास पोलीस करत आहेत.

या अधिकाऱ्यांच्या मार्गदर्शनाखाली झाली कारवाई
ही धडक कारवाई लातूरचे पोलीस अधीक्षक श्री. अमोल तांबे, अपर पोलीस अधीक्षक श्री. मंगेश चव्हाण, उपविभागीय पोलीस अधिकारी श्री. समीरसिंह साळवे यांच्या मार्गदर्शनाखाली एमआयडीसी पोलीस स्टेशनचे पोलीस निरीक्षक श्री. समाधान चवरे यांच्या नेतृत्वाखाली पार पडली.
या कारवाईत फिर्यादी पोउपनि श्रीकांत मोरे, डी.बी. पथकाचे पोलीस अंमलदार बळवंत भोसले, राजाभाऊ म्हस्के आणि सचिन गिरी यांनी मोलाची कामगिरी बजावली. गुन्ह्याचा पुढील तपास सहाय्यक पोलीस निरीक्षक (API) ज्ञानेश्वर सानप करीत आहेत.

लातूर पोलीस दलाचे नागरिकांना आवाहन: "जिल्ह्यात शांतता आणि सलोखा राखण्यासाठी पोलीस दल कटिबद्ध आहे. नागरिकांना आपल्या परिसरात कोणत्याही संशयास्पद हालचाली, अवैध शस्त्रास्त्रे किंवा समाजविघातक घटकांची माहिती मिळाल्यास त्यांनी तात्काळ पोलिसांशी संपर्क साधावा, माहिती देणाऱ्याचे नाव गुप्त ठेवले जाईल."
LTN News LTN News

LTN News

31/05/2026

31/05/2026

30/05/2026

30/05/2026

30/05/2026

29/05/2026

29/05/2026

29/05/2026

29/05/2026

Address

Telephone

Website

Alerts

Contact The Business

Shortcuts

Share

Category