LTN News

29/09/2025

राज्यातील बारावीच्या विद्यार्थ्यांना दिलासा; अतिवृष्टी, पूरपरिस्थितीमुळे परीक्षा अर्ज भरण्यास २० ऑक्टोबरपर्यंत मुदतवाढ.

उपमुख्यमंत्री एकनाथ शिंदे यांचे शिक्षणमंत्र्यांना निर्देश

मुंबई, दि. २९: राज्यात होत असलेली अतिवृष्टी आणि त्यामुळे निर्माण झालेल्या पूरपरिस्थितीमुळे बारावीच्या विद्यार्थ्यांना परिक्षा अर्ज भरण्यास अडचण येत असल्याने त्याला दि. २० ऑक्टोबरपर्यंत मुदतवाढ देण्याचा निर्णय राज्य परीक्षा मंडळाने घेतला आहे. यासंदर्भात उपमुख्यमंत्री एकनाथ शिंदे यांनी शिक्षण मंत्री दादाजी भुसे यांना दूरध्वनी करून मुदतवाढ देण्याबाबत निर्देश दिले होते.

राज्यातील इयत्ता बारावीच्या विद्यार्थी-विद्यार्थीनींना परीक्षा अर्ज भरण्याची उद्या दि. ३० सप्टेंबर २०२५ रोजी शेवटची मुदत आहे. मात्र मराठवाडा, नाशिक, सोलापूर, अहिल्यानगर आणि राज्यात होत असलेली अतिवृष्टिमुळे पूर परिस्थिती निर्माण झाली आहे. त्यामुळे विद्यार्थ्यांना मुदतीत परीक्षेसाठी अर्ज भरणे शक्य नसल्याने अनेक विद्यार्थ्यांनी, पालकांनी उपमुख्यमंत्री श्री. शिंदे यांना संपर्क करून अर्ज भरण्यास मुदतवाढ देण्याबाबत विनंती केली होती.

त्यानुसार उपमुख्यमंत्री श्री. शिंदे यांनी शिक्षण मंत्री श्री. भुसे यांना बारावीच्या विद्यार्थ्यांना दिलासा देण्याबाबत निर्णय घेण्यास सांगितले.
शिक्षण मंत्र्यांनी लगेचच राज्य परीक्षा मंडळाचे अध्यक्ष शरद गोसावी यांच्याशी संपर्क केला आणि अर्ज भरण्यास मुदतवाढ देण्याचे निर्देशही दिले. त्यानुसार शिक्षण विभागामार्फत २० ऑक्टोबर पर्यंत अर्ज भरण्यासाठी मुदतवाढीचा निर्णय घेण्यात आला. यासंदर्भात शिक्षण विभागामार्फत परिपत्रक जारी करण्याची प्रक्रिया करण्यात आली. त्याचबरोबर बाह्य पद्धतीने परीक्षा देणाऱ्या विद्यार्थ्यांसाठी देखील अर्ज भरण्याची मुदत १५ ऑक्टोबर पर्यंत वाढविण्यात आली आहे तसेच नवीन परीक्षा केंद्रासाठी अर्ज स्वीकारण्याची मुदत १० ऑक्टोबर पर्यंत वाढविण्यात आली आहे.

29/09/2025

मनपा पावती न तपासता पावसात नुकसान झालेल्या घरांना सरसकट न्याय द्या- विकास कांबळे

LTN News Amit V. Deshmukh DIO,latur, ज़िल्हा माहिती कार्यालय, लातूर Collector & District Magistrate, Latur Latur Police Department Latur City Municipal Corporation LCMCOfficial Latur News Ajeet Patil Kavhekar Latur LTN News Latur

29/09/2025

पॅसेंजर घेण्याच्या किरकोळ कारणावरून ऑटो चालकात भांडण; बळी मात्र पॅसेंजरचा; डोक्याला जबर मार लागल्याने अमेर सय्यदचा जागीच गेला जीव

LTN News Amit V. Deshmukh DIO,latur, ज़िल्हा माहिती कार्यालय, लातूर Collector & District Magistrate, Latur Latur Police Department Latur City Municipal Corporation LCMCOfficial Ajeet Patil Kavhekar Latur News Latur LTN News Latur

29/09/2025

पञकार परिषद...
विलास सहकारी साखर कारखाना लि अधिमंडळाची 23 वी वार्षिक सर्वसाधारण सभा 2024-25

LTN News Amit V. Deshmukh DIO,latur, ज़िल्हा माहिती कार्यालय, लातूर Collector & District Magistrate, Latur Latur Police Department Latur City Municipal Corporation LCMCOfficial Ajeet Patil Kavhekar Latur News Latur LTN News Latur Abhay Salunke Vikas Kamble

29/09/2025

Breaking News | लातूरात पॅसेंजर घेण्यावरून ऑटो चालकात वाद; बळी मात्र पॅसेंजर चा

मयताचे नाव अमेर सय्यद राहणार सायगाव, जिल्हा बीड
LTN News Amit V. Deshmukh DIO,latur, ज़िल्हा माहिती कार्यालय, लातूर Collector & District Magistrate, Latur Latur Police Department Latur City Municipal Corporation LCMCOfficial Ajeet Patil Kavhekar Latur News Latur LTN News

28/09/2025

लातूर विभागीय शालेय तायक्वांदो स्पर्धेला उत्स्फूर्त प्रतिसाद तर संभाजीनगर येथे 13 ऑक्टोबर पासून राज्य स्पर्धा; विविध वयोगटात व वजनी गटात 68 खेळाडू करणार लातूर विभागाचे नेतृत्व.
https://ltnnews.in/?p=5638

अत्यंत महत्त्वाचे : सर्वात जलद असलेल्या LTN NEWS चॅनल चे सर्व अपडेटसाठी तात्काळ खालील सर्व लिंक ओपन करून सबस्क्राईब आणि फाॅलो करा. (आता वाॅट्सॲप लिमिटेड मेसेज मुळे वैयक्तिक न्यूज अपडेट देणे शक्य नाही.)
Web News : www.ltnnews.in
Youtube : https://youtube.com/?si=GpXQ1jzJK2oprvie
Facebook : https://www.facebook.com/share/1EtRWZqUUz/
Whatsup : https://whatsapp.com/channel/0029Va5lx6VDuMRhnUH3mu0i
Instragrame : https://www.instagram.com/ltnnewslive?igsh=MTM0cHpyNWNkcDJzbA==
Telegram : https://t.me/ltnnewsnetwork

विविध वयोगटात व वजनी गटात 68 खेळाडू करणार लातूर विभागाचे नेतृत्व. लातूर प्रतिनिधी: क्रीडा व युवक सेवा संचनालय महार.....

28/09/2025

लातूर जिल्ह्यातील विविध ठिकाणी दि 27 व 28 सप्टेंबर रोजीचा गुढ आवाज म्हणजे पृथ्वीच्या पोटातून बाहेर पडणारा गॅस; भूकंपाची नोंद नाही.

लातूर जिल्ह्यातील काही भागातून गेल्या काही दिवसांपासून भूगर्भातून आवाज ऐकू येत असल्याच्या घटना निदर्शनास आल्या आहेत.

1. दि. 27.09.2025 रोजी सायं. 7.37 वा. लातूर तालुक्यातील दगडवाडी (रामपूर मळा) येथे जमिनीतून आवाज ऐकण्यास आला असून गेल्या तीन दिवसांपासून अशा प्रकारचे आवाज येत असल्याचे स्थानिकांकडून कळविण्यात आले आहे. दि. 28.09.2025 रोजी पहाटे 4.30 वा. सुद्धा जमिनीतून मोठा आवाज आल्याची माहिती मिळाली आहे.

2. दि. 24.09.2025 पासून मौजे सलगरा, तालुका लातूर येथे भूगर्भातून आवाज ऐकण्यात येत असून शेवटची घटना दि. 28.09.2025 रोजी दुपारी 1.00 वा. घडली आहे.

3. दि. 28.09.2025 रोजी सायं. 5.25 वा. मौजे राणी अंकुलगा, तालुका शिरूर अनंतपाळ येथे भूकंपसदृश्य मोठा आवाज ऐकण्यात आल्याची नोंद झाली आहे.

वैज्ञानिक चौकशी - या संदर्भात राष्ट्रीय भूकंप मापन केंद्र, भूगर्भशास्त्र विभाग, भारत सरकार, नवी दिल्ली यांचेकडे चौकशी केली असता वरील कोणत्याही घटनेत भूकंपाची नोंद नसल्याचे स्पष्ट करण्यात आले आहे.

संभाव्य कारण - सद्यस्थितीत जिल्ह्यात झालेल्या अतिवृष्टीमुळे जमिनीत वॉटर फ्लक्स होणे व पोकळ जागेतून गॅस बाहेर पडणे या नैसर्गिक कारणांमुळे अशा प्रकारचा आवाज निर्माण झाल्याचा अंदाज व्यक्त करण्यात येत आहे.

नागरिकांना आवाहन
- नागरिकांनी अफवांवर विश्वास ठेवू नये.
- अशा घटनांबाबत घाबरून न जाता सतर्क राहावे.
- कोणत्याही नवीन घटनांची माहिती त्वरित स्थानिक प्रशासनाला द्यावी.

जिल्हा प्रशासन या घटनांवर बारकाईने लक्ष ठेवून आहे.
LTN News Amit V. Deshmukh DIO,latur, ज़िल्हा माहिती कार्यालय, लातूर Collector & District Magistrate, Latur Latur Police Department Latur City Municipal Corporation LCMCOfficial Ajeet Patil Kavhekar Latur News Latur LTN News

28/09/2025

पूरस्थिती अतिवृष्टी बचाव कार्य संदर्भात अहवाल (अद्ययावत)

पर्जन्यमान-
दिनांक 27 सप्टेंबर 2025 रोजी जिल्ह्यात सरासरी 77.42 मिमी इतक्या पावसाची नोंद झाली आहे दिनांक 28 सप्टेंबर 2025 रोजी जिल्ह्यात सरासरी 19.5 मिमी इतक्या पावसाची नोंद झाली आहे. दि. 1 जूनपासून आतापर्यंतचा पाऊस अपेक्षित पर्जन्यमानाच्या (693.9 मिमी) तुलनेत 915.9 मिमी म्हणजेच 132.0% इतका पाऊस झालेला आहे. लातूर जिल्ह्याची वार्षिक सरासरी (जून ते सप्टेंबर) 706.00 मिमीच्या तुलनेत आजतागायत 915.9 मिमी म्हणजेच 129.7% इतक्या पावसाची नोंद झाली आहे.

शोध व बचाव कार्य-

1. अहमदपूर -
मौ. चीलखा बॅरेज 3 मजूर अडकले स्थानिक शोध-बचाव पथकाने सर्वांची सुखरूप सुटका करण्यात आली.

2. लातूर-
मौ. निवळी येथे एक व्यक्ती पुरात अडकला होता होमगार्ड, आपदा मित्र व पोलिस यांनी त्याची सुखरूप सुटका केली

3. उदगीर-
मौ. हाळी हंडरगुळी 1 महिला पुराच्या पाण्यात अडकली होती. उदगीर स्थानिक शोध-बचाव पथकामार्फत महिलेची सुटका करण्यात आली.

4. रेणापूर-
मौ. पोहरेगाव येथे मांजरा नदीच्या पुरात 3 मजूर अडकले होते स्थानिक प्रशासनाने त्यांची सुटका केली.

*स्थलांतर-*
1. चाकूर - शहर घरांमध्ये पाणी शिरले 57 नागरिकांचे स्थलांतरण; निवारा व जेवण व्यवस्था.
2. जळकोट - बेळसांगवी गावाला तिरु नदीच्या पुराचा वेढा स्थानिक पाच बचाव पथकामार्फत 400 नागरिकांना यशवंत महाविद्यालय, वाढवणा कॅम्पमध्ये ठेवण्यात आले आहे. त्यांची भोजन व्यवस्था व वैद्यकीय व्यवस्था त्या ठिकाणी केलेली आहे.
4. शिरूर अनंतपाळ - येथे 125 नागरिकांचे सुरक्षित ठिकाणी स्थलांतर करण्यात आले.
5. लातूर - मौ. वासनगाव येथे रामगिरी नगर येथे घरामध्ये पाणी गेलेल्या कुटुंबांतील 40 व्यक्तींना लाल बहादूर शास्त्री विद्यालय येथे स्थलांतरित करून त्यांच्या राहण्याची आणि जेवणाची व्यवस्था करण्यात आली.
6. अहमदपूर - 66 नागरिकांचे सुरक्षित ठिकाणी स्थलांतर करण्यात आले.

दिनांक 27 सप्टेंबर 2025 रोजी एकंदरीत आठ (8) व्यक्तींची रेस्क्यू करण्यात आले. व एकूण 688 नागरिक सुरक्षित ठिकाणी स्थलांतरण करण्यात आले आहेत.

• ऑगस्ट 2025 मध्ये झालेल्या अतिवृष्टीमुळे झालेल्या शेतीपिकांच्या नुकसानीच्या मदत 3,80,511 शेतकऱ्यांना 244 कोटी इतक्या रकमेची मंजूर मदत वाटपाची कार्यवाही सुरू.
• नैसर्गिक आपत्तीमुळे मयत 6 व्यक्तींच्या वारसांना रुपये 24 लक्ष मदतीचे वाटप करण्यात आले.
• पुरामुळे व वीज पडून मयत झालेल्या 162 जनावरांच्या पशुपालकांना मदतीचे वाटप करण्यात आले.
• सप्टेंबर 2025 मध्ये झालेल्या शेती पिकांच्या नुकसानांचे पंचनामे सुरू

एकंदरीत सारांश दिनांक 01 जून पासून 28 सप्टेंबर 2025 पर्यंत-
• एकंदरीत आतापर्यंत 62 नागरिकांचा स्थानिक पथकांमार्फत बचाव करण्यात आला.
• जवळपास 1142 व्यक्ती यांचे सुरक्षित ठिकाणी स्थलांतरण करून तात्पुरते कॅम्पमध्ये त्यांना ठेवण्यात आले.
• आतापर्यंत जवळपास 49 जनावरांची देखील पुराच्या पाण्यातून सुटका करण्यात आली.
• मांजरा नदीच्या पुरातून 25 माकडांचे रेस्क्यू करण्यात आले.

सद्यस्थिती-
• 27 सप्टेंबर दुपारीपासून पाऊस थांबलेला.
• बहुतांश रस्ते व पूल पुन्हा वाहतुकीसाठी खुले.
• लातूर शहर महानगरपालिका व सर्व नगर परिषद/नगरपंचायत कार्यालयामध्ये आपत्ती व्यवस्थापन कक्ष स्थापन करण्यात आला असून मनपा क्षेत्रात 355 इतके व 4 न.प/ 5 न.पं. क्षेत्रात एकुण 94 कर्मचारी कार्यरत आहेत.
• स्थानिक 7 पथके त्यात 90 सदस्यांचा समावेश सर्व शोध व बचाव साहित्यासह सज्ज.
• पूर परिस्थिती पूर्णपणे नियंत्रणात व परिस्थिती सर्वसामान्य.

LTN News

28/09/2025

रामगिरी नगरात पाणीच पाणी; जवळपास 160 घरांचा वाली कोण लातूर महानगरपालिका कि वासनगाव ग्रामपंचायत?

LTN News Amit V. Deshmukh DIO,latur, ज़िल्हा माहिती कार्यालय, लातूर Collector & District Magistrate, Latur Latur Police Department Latur City Municipal Corporation LCMCOfficial Ajeet Patil Kavhekar Latur News Latur LTN News

27/09/2025

जिल्हाधिकारी वर्षा ठाकूर-घुगे यांनी पेठ व चांडेश्वर येथे पूर परिस्थितीची पाहणी केली.
LTN News

26/09/2025

लातूर जिल्ह्यात पाऊसाने जोर वाढवला सतर्क रहा; सावध रहा !
LTN News Collector & District Magistrate, Latur

26/09/2025

लातूर जिल्ह्यासह नांदेडात निकडीची इशारा | High Alert ⚠️

दोन्ही जिल्ह्यात शाळांना उद्या 27 सप्टेंबर रोजी सुट्टी जाहीर....

लातूर, दि. 26 : हवामान खात्याने लातूर जिल्ह्यासाठी उद्या, 27 सप्टेंबर 2025 रोजी पावसाचा रेड अलर्ट जारी केला आहे. त्यामुळे विद्यार्थ्यांच्या सुरक्षिततेसाठी जिल्हाधिकारी तथा जिल्हा दंडाधिकारी वर्षा ठाकूर-घुगे यांनी लातूर जिल्ह्यातील सर्व अंगणवाडी, सरकारी व खाजगी प्राथमिक व माध्यमिक शाळा, जिल्हा परिषद शाळा, नगरपालिका शाळा, अनुदानित व विना अनुदानिक शाळा, सर्व आश्रमशाळा, सर्व महाविद्यालय, खाजगी शिकवणी तसेच आयुक्त व्यवसाय व प्रशिक्षण केंद्र यांच्या आस्थापनेवरील शैक्षणिक संस्थांना दि. 27 सप्टेंबर, 2025 रोजी सुट्टी जाहीर केली आहे.
LTN News