News Loknayak

31/10/2025

30/10/2025

निटूर मोडवरील विद्युत खांब गेल्या वर्षभरापासून बंद — ग्रामपंचायतीच्या विकासावर प्रश्नचिन्ह!

“कर आम्ही भरतो... पण अंधारात चालायचं मात्र आम्हालाच!” — संतप्त नागरिकांचा सवाल

निलंगा तालुक्यातील निटूर मोड येथे बसविण्यात आलेला विद्युत खांब गेल्या एक वर्षापासून बंद अवस्थेत आहे. या भागातून दररोज मोठ्या प्रमाणात वाहने, शाळकरी विद्यार्थी, शेतकरी तसेच महिला प्रवास करत असतात. मात्र रात्रीच्या वेळी पूर्ण परिसर अंधारात बुडाल्याने नागरिकांना मोठ्या अडचणींना सामोरे जावे लागत आहे.

या भागातील स्थानिक नागरिकांनी वारंवार ग्रामपंचायतीकडे तक्रारी केल्या, तरीही आजतागायत कोणतीही ठोस कारवाई करण्यात आलेली नाही. परिणामी नागरिकांमध्ये संतापाची लाट उसळली आहे.

28/10/2025

* *निटूर ग्रामपंचायतीच्या साडेचार लाखांच्या फर्निचरचे पैसे गेले कुठे ? — उपसरपंच म्हणतात “एक रुपयाचंही फर्निचर घेतलं नाही ?

निलंगा तालुक्यातील निटूर ग्रामपंचायतीत साडेचार लाख रुपयांच्या फर्निचर खरेदीचा मोठा गोंधळ उघडकीस आला आहे. ग्रामपंचायतीच्या विकासकामांच्या नावाखाली बोगस दाखले तयार करून आर्थिक अनियमितता केल्याचा गंभीर आरोप ग्रामस्थांकडून होत आहे.

ग्रामपंचायतच्या ऑनलाईन प्रणालीतून फर्निचर खरेदीसाठी साडेचार लाख रुपयांची उचल करण्यात आल्याचे दाखवण्यात आले, परंतु प्रत्यक्षात गावात एकही फर्निचरचा तुकडा आढळून आलेला नाही. या प्रकरणावर उपसरपंच शिवराज सोमवंशी यांनी प्रतिक्रिया देताना सांगितले की,

> “आम्ही एक रुपयाचंही फर्निचर घेतलेलं नाही, खुर्चीही आणलेली नाही. मग हे पैसे ऑनलाईन प्रणालीतून कसे उचलले गेले, हे आम्हालाही समजत नाही.”

यावरून ग्रामस्थांमध्ये मोठी चर्चा रंगली असून ग्रामपंचायतीच्या कारभारावर प्रश्नचिन्ह निर्माण झाले आहे.

रस्त्याचा फोटो अपलोड करून लपवली फसवणूक!

फर्निचर खरेदीसंदर्भात ज्या ठिकाणी फर्निचरचे फोटो अपलोड करायचे होते, त्या ठिकाणी रस्त्याचा फोटो अपलोड करण्यात आला आहे. या फसवणुकीकडे गावातील सजग तरुणांनी लक्ष वेधले आणि संपूर्ण प्रकरण उघडकीस आणले. यानंतर सरपंच पती अनिल सोमवंशी यांची चांगलीच तारांबळ उडाली असल्याची माहिती ग्रामस्थांनी दिली आहे.

“बोगस कामे दाखवून पैसे उचलले” — सदस्य कृष्णा शिंदे यांचा आरोप

ग्रामपंचायत सदस्य कृष्णा शिंदे यांनी या संपूर्ण प्रकरणावर गंभीर आरोप करत सांगितले की,

> “ग्रामपंचायतीत अनेक कामे बोगस दाखवली जात आहेत. प्रत्यक्ष काम न करता पैसे उचलण्याचे प्रकार सुरू आहेत. हे फर्निचर प्रकरण त्याचाच एक भाग आहे.”

गावकऱ्यांनी प्रशासनाला निवेदन देऊन संपूर्ण आर्थिक व्यवहारांची चौकशी करून दोषींवर कठोर कारवाई करण्याची मागणी केली आहे.

प्रशासनाचे मौन — ग्रामस्थांचा संताप

या प्रकरणानंतरही अद्याप प्रशासनाकडून कोणतीही ठोस कारवाई झालेली नाही. त्यामुळे ग्रामस्थांचा संताप उफाळून आला असून, “निटूर ग्रामपंचायतीचा भोंगळ कारभार तात्काळ थांबवावा, अन्यथा जनआंदोलन छेडले जाईल,” असा इशारा नागरिकांनी दिला आहे.

आता या गंभीर गैरव्यवहारावर पंचायत समिती व जिल्हा प्रशासन काय कारवाई करते, याकडे सर्वांचे लक्ष लागले आहे.

27/10/2025

निटूर गावात नाल्या गायब...! कोणी चोरल्या का?

निलंगा प्रतिनिधी :
निटूर गावातील नाल्या आणि रस्ते जणू गायबच झालेत! — असा विनोदी पण तिखट सवाल महाराष्ट्र नवनिर्माण सेनेचे निलंगा तालुका उपाध्यक्ष संतोष जाधव यांनी उपस्थित केला आहे. त्यांनी ग्रामपंचायतीला दिलेल्या आगळ्यावेगळ्या निवेदनात “गावातील चोरीला गेलेल्या नाल्या तातडीने शोधून काढा” अशी मागणी केली आहे.

गावातील नाल्यांमध्ये महिनोन्‌महिने साचलेल्या कचऱ्यामुळे पाणी रस्त्यांवरून वाहत असून, नागरिकांना त्या घाण पाण्यातूनच रोजचा प्रवास करावा लागत आहे. दुर्गंधीमुळे वातावरण असह्य झाले असून, ग्रामस्थ त्रस्त आहेत.

वारंवार तक्रारी करूनही ग्रामपंचायतीकडून काहीच हालचाल न झाल्याने मनसेने विनोदी अंदाजात पण तीव्र इशारा दिला आहे. “नाल्या सापडल्या नाहीत तर मनसे जिल्हाध्यक्ष डॉ. नरसिंग भिकाणे यांच्या नेतृत्वात आंदोलन होईल,” असा इशारा संतोष जाधव यांनी दिला आहे.

गावात या निवेदनाची जोरदार चर्चा रंगली असून, नागरिकांमध्येही ‘गावात नाली गेली कुठं?’ हा प्रश्न चर्चेचा मुख्य विषय ठरला आहे.

23/10/2025

निटूर जिल्हा परिषद गटातून भाजपचे प्रबळ इच्छुक — रोहित पाटील!

निलंगा तालुक्यातील निटूर जिल्हा परिषद गटात भारतीय जनता पक्षाकडून रोहित पाटील हे उमेदवार म्हणून जोरदार चर्चेत आहेत.
गेल्या पंधरा वर्षांपासून गावाच्या विकासाचा ध्यास घेत त्यांनी आपले कार्य अखंडपणे सुरू ठेवले आहे.
गावात एकहाती सत्ता राखत, लोकसंग्रह आणि विकासकार्यात त्यांनी एक आदर्श निर्माण केला आहे.

संभाजीराव पाटील आणि अरविंद पाटील यांचे अत्यंत विश्वासू सहकारी म्हणून ओळखले जाणारे रोहित पाटील यांनी पंचक्रोशीत आपल्या कामाच्या पद्धतीने वेगळी ओळख निर्माण केली आहे.
गेल्या काही वर्षांत त्यांनी आपल्या गावाला पंचक्रोशीत सर्वात सुंदर गाव बनवले असून, ग्रामविकास, स्वच्छता, पाणीपुरवठा, शैक्षणिक सुविधा आणि सामाजिक ऐक्य यात त्यांनी उत्तुंग कामगिरी केली आहे.

निर्व्यसनी, प्रामाणिक आणि लोकाभिमुख नेतृत्व म्हणून रोहित पाटील यांना ओळखले जाते.
गोरगरीबांच्या अडचणी, शेतकऱ्यांच्या समस्या, सर्वसामान्यांच्या गरजा यासाठी ते नेहमीच पुढाकार घेतात.
कोणतंही काम त्यांच्या कडे आलं, ते कोणत्या पक्षाचं आहे याचा विचार न करता त्यांनी ते काम पूर्ण करून दिलं — अशी त्यांची ओळख जनतेत घट्ट झाली आहे.

खासदार ओमराजे निंबाळकर यांच्या कार्यशैलीचा आदर्श घेत, रोहित पाटील प्रत्येकाचा फोन — अगदी अर्ध्या रात्रीही — उचलतात आणि मदतीला तत्परतेने धावून जातात.
यामुळे लोकांमध्ये त्यांच्याविषयी आत्मीयता आणि विश्वास निर्माण झाला आहे.

शिवाय, माजी आमदार शिवाजीराव पाटील कव्हेकर यांचे ते भाचे तसेच भाजपचे युवा जिल्हाध्यक्ष अजित पाटील कव्हेकर यांचे ते आतेभाऊ आहेत.
राजकीय घराण्याचा वारसा, नेतृत्वगुण आणि संघटन कौशल्य या तिन्हींचा संगम त्यांच्या व्यक्तिमत्त्वात दिसून येतो.
निटूर जिल्हा परिषद गटातील प्रत्येक गावात त्यांना मानणारा आणि साथ देणारा एक मोठा वर्ग आहे.

स्थानिक कार्यकर्ते, पदाधिकारी, आणि ग्रामस्थ यांचा एकमुखी आग्रह “निटूर गटातून भारतीय जनता पक्षाकडून उमेदवारी रोहित पाटील यांनाच मिळावी!”

अशा वातावरणामुळे आगामी निवडणुकीत भाजपच्या विजयाचा झेंडा निटूर गटात फडकवण्याची शक्यता अधिक वाढली असल्याचे राजकीय वर्तुळात चर्चिले जात आहे.

23/10/2025

डीसीपी अकॅडमी निलंगा — शिक्षणक्रांतीचा झंझावात!

23/10/2025

*भाजपचा निष्ठावंत कार्यकर्ता मसलग्याचे रमेश पाटील*!

निटूर गटातून जिल्हा परिषदेसाठी जनतेचा प्रबळ आवाज**

प्रतिनिधी / निलंगा
निलंगा तालुक्यातील मसलगा हे गाव गेल्या काही वर्षांत राजकीय, सामाजिक आणि विकासाच्या दृष्टीने विशेष लक्ष वेधून घेत आहे. या परिवर्तनामागे ज्या काही नावे पुढे आली, त्यापैकी एक ठळक नाव म्हणजे रमेश पाटील (मसलगा) — भारतीय जनता पक्षाचा निष्ठावंत कार्यकर्ता, प्रामाणिक नेते आणि जनतेचा माणूस.

भाजपची विचारधारा तळागाळापर्यंत पोहोचवण्यासाठी रमेश पाटील यांनी अनेक वर्षांपासून अहोरात्र मेहनत घेतली आहे. माजी मंत्री तथा आमदार संभाजी पाटील निलंगेकर यांचे ते विश्वासू सहकारी असून, पक्ष संघटन बळकट करण्यामध्ये त्यांचा मोलाचा वाटा राहिला आहे. कार्यकर्त्यांशी आपुलकीचा संवाद, प्रामाणिक भूमिका आणि संघटनशीलतेमुळे त्यांनी सर्वसामान्यांमध्ये आपली वेगळी ओळख निर्माण केली आहे.

अरविंद पाटील निलंगेकर यांच्याशी त्यांचा घट्ट आणि विश्वासाचा संबंध आहे. त्यांच्या मार्गदर्शनाखाली रमेश पाटील यांनी मसलगा गावाच्या विकासाला नवे आयाम दिले. गावातील मूलभूत सुविधा, तरुणांसाठी संधी, आणि समाजातील सर्व घटकांना समान न्याय देण्याच्या त्यांच्या प्रयत्नांची सर्वत्र चर्चा आहे.

रमेश पाटील हे स्वभावाने अत्यंत नम्र, संयमी आणि सर्वांना आपलेसे करणारे नेते आहेत. गावकऱ्यांच्या, शेतकऱ्यांच्या आणि गरिबांच्या अडचणी समजून घेऊन त्या सोडविण्याचा त्यांचा सातत्याने प्रयत्न राहतो. अधिकारी वर्गात त्यांचा उत्तम जनसंपर्क असून, समस्यांचे निराकरण शांततेत आणि योजनाबद्ध पद्धतीने करण्याची त्यांची कार्यपद्धती जनतेला भावते.

आगामी जिल्हा परिषद निवडणुकीत निटूर गटातून कार्यकर्त्यांच्या आणि जनतेच्या इच्छेने ते उमेदवारीच्या तयारीत आहेत. “जनतेचा विश्वास आणि पक्षाची निष्ठा” हे सूत्र बाळगून रमेश पाटील यांचा प्रचार सुरू झाल्याची चर्चा सध्या तालुक्यात रंगली आहे.

मसलगा गावाच्या राजकारणात त्यांनी निर्माण केलेली वेगळी ओळख, पक्षासाठीची निष्ठा आणि प्रामाणिक कामगिरी पाहता, निटूर गटातील सामान्य जनतेचा विश्वास त्यांच्याकडे झुकत असल्याचे चित्र स्पष्ट दिसत आहे.

गावोगावी, चौकाचौकात आज एकच चर्चा —
👉 “रमेश पाटील म्हणजे पक्षनिष्ठा, जनसेवा आणि विकास यांचं प्रतीक!”

भाजपच्या विजयाच्या मोहिमेत त्यांचे योगदान उल्लेखनीय राहिले आहे, आणि म्हणूनच अनेक कार्यकर्ते, युवक व नागरिक यांच्यात विश्वासाने उच्चारले जाते —
“या वेळेस निटूर गटातून जिल्हा परिषदेवर झेंडा फडकवणारे नाव असेल — रमेश पाटील!”

---
*रमेश शिंदे न्यूज लोकनायक*

23/10/2025

🔴 निटूर जिल्हा परिषद गटात पुन्हा चर्चा रंगली — सलग २५ वर्षे सरपंच राहिलेले सुरेंद्र धुमाळ पुन्हा आघाडीवर!

निटूर / प्रतिनिधी :
दिवाळीच्या सुट्ट्यांमध्ये सगळीकडे चौकाचौकात, गावोगावी एकच चर्चा रंगत आहे — “या वेळी पुन्हा सुरेंद्र धुमाळ यांनाच संधी मिळाली पाहिजे!”
जनतेशी जिव्हाळ्याचा संपर्क, प्रत्येक कार्यकर्त्याशी आपुलकी आणि ग्रामविकासाची धडपड — यामुळे मुगाव गावचे माजी सरपंच सुरेंद्र धुमाळ हे पुन्हा एकदा निटूर जिल्हा परिषद गटातील काँग्रेसचे प्रबळ इच्छुक म्हणून चर्चेत आले आहेत.

🎯 पंचवीस वर्षांचा अनुभव, जनतेचा विश्वास

मुगाव गावचे सलग २५ वर्ष सरपंच राहून धुमाळ यांनी ग्रामविकासात आदर्श निर्माण केला आहे. रस्ते, पाणीपुरवठा, शाळा, आरोग्य या सर्व क्षेत्रांमध्ये त्यांनी नवा अध्याय लिहिला.

❤️ समाजकार्याची खरी ओळख

निराधार समितीवर सदस्य म्हणून त्यांनी अपंग, विधवा, तसेच श्रावणबाळ योजनेतील लाभार्थ्यांना शासनाच्या योजनांचा लाभ मिळवून दिला. त्यामुळे त्यांच्या कार्याचा ठसा आजही प्रत्येक कुटुंबात दिसतो.

📚 शिक्षण आणि तरुणाईचा विश्वास

महाराष्ट्र विद्यालय निटूर येथे मुख्याध्यापक म्हणून त्यांनी शैक्षणिक गुणवत्ता वाढवली. त्यांच्या मार्गदर्शनाखाली शिकलेले अनेक विद्यार्थी आज अधिकारी व कर्मचारी बनले आहेत. त्यामुळे तरुण पिढीला आजही “धुमाळ सरांसारखे नेतृत्व गावात असावे” असे वाटते.

🔵 काँग्रेसप्रती अखंड निष्ठा

संपूर्ण परिसरात भारतीय जनता पक्षाचे वर्चस्व असताना सुद्धा निटूर गट काँग्रेससाठी अबाधित ठेवण्याचे श्रेय काँग्रेस कार्यकर्त्याचा पक्षाशी असलेला जिव्हाळा आणि सर्व सामान्य जनतेशी असलेली नाळ यामुळेच हा निटूर काँग्रेस पक्ष अबाधित ठेवू शकला त्यामुळे
केवळ पक्षनिष्ठ नव्हेत, तर खऱ्या अर्थाने कार्यकर्त्यांचे आणि जनतेचे नेते आहेत. सलग २५ वर्षे काँग्रेससाठी अहोरात्र काम करून त्यांनी “एकनिष्ठतेचे आदर्श उदाहरण” निर्माण केले आहे.