28/04/2025
*Electric Veng YMA chanchinbu TUITU Editorial lo chhiar rawh le*đđđđ
*Mizona leh dân nen Râltlân dawnsawn*
Kan ášhenawm ram Burma, Manipur leh Bangladesh buainain nghawng lian tak a neih chu râltlânte hi an ni. Silai leh thihna kar aášanga sahimna zawngin kil tin aášangin Mizoramah an rawn tlân chhia a, kan lo dawngsawng a. Hei hi khawvel nihphung a ni a, ram buaiin a nghawng avânga ram tinin an dawnsawn ang kan tawng ve tihna a ni a, thil danglam tehchiam a awm lo.
Tuna Mizorama rawn Râltlânte hi hmun danga râltlânte ang lo takin danglamna bikna an nei a, chu chu kan thisen zawmpui an nihna hi a ni. Ei tur, silh leh fen leh an chenna thlengin ngaihtuahin kan dawngsawng a. *Ram danga Zofate hian Mizoram hi an ngaisang a, an Jerusalem a ni tih hi an pawm ášhin. Kan lo kuah khawm pawh hi Mizo rilru leh Pathian thu aášang pawhin a dikin a ášha hle a ni.*
Râltlân chungchangah hian, hnawk tihna awm ve reng ta hi zep tur a awm lo. *Khawi lai kilah emaw suahsual rawngbawl an lo awm ve leh zauh ášhin a, hei hi a ášha lo hle a, rilru a tina ášhin. An zavaia hmer tel vek erawh a rem lo.* Kan ram inrelbawlna dân leh hraite an zawm a ášul a. *Dân zawm lo an awm chuan, a awm nghetsate angin dânin ro a rel ve mai tur a ni a, hmangaihna rilru avanga ášan kher a ášul lo.*
Pawi khawihna a awma, râltlân nihtir tum hrim hrimna hi a ášha lo hle. Kan ášhalai zingah ruihhlo avânga suahsual rawngbawl an tamzia hi hre tel reng ila a ášha awm e. Râltlân zingah sual rawngbawl an awm a nih pawhin kan unaute zingah sual rawngbawl an awm ve a ni tih hi pawm a, helaia awm sate ang thoin siam ášhat an ngai tih hi pawm mai a ášhain a rinawm. *An ei tur, an chenna, an damloha an inenkawlna zawng zawng an thawh chhuah ve a ngai a, dân zah tak siin, dân hnuaiah rim taka hna an thawh a, anni pawhin heng rilru pu chunga thil an kalpui thiam a ášul hle.*
Mizoram buai lai khan, mi tam tak chu Burma a khaw hrang hrangahte, Shillong lamah leh state dang dangah an kal a, awm hlen ta te pawh an awm ášeuh mai a. *Khatih lai khan, ram danga kan unaute khan duat takin an lo dawngsawng ášhin.*
Tunah hian silai kenga buai hlir maiin min hual tih hriat a ášul. Hmanni lawka state ášhenawm nena ramri buaiah ni se, kan ei tur lakluhna kawngpui dang a, min hrek dangchar hial duhtute pawh an awm a nih kha. *Khatih lai khan, hmun danga kan unaute hian min ášanpui ve nghal a ni tihte pawh kan hriat a ášha.* Tun anga ralmuang taka kan awm reng loh hun a awm thei a, kan unau ram danga mite nen hian inzawmna ášha kan siam a ngai tulh tulh tihte thlir a pawimawh hle. Kohhran, Khawltlangah neitu an nih thiam a, mikhual rilru pu reng lo a, chhiat ni ášhatni thlenga an chet chhuah ve te pawh a ášhain a rinawm.
Dân a awm a, zah tlang ila. Raltlân ID etc siamsak kan duh loh chuan, *dik lo taka a siamsaktu Mizorama cheng nghet, khua leh tuite ngei pawh kan dem tel tur a ni ang.* Dân leh hraiin a hual vel kan nihna hria a, dân zah thiam nihte pawh kan zirho zel a ášha hle.
Copy--
