Falam Peng Kahdohnak Ah Paletwa Khumi Miphun CNA Ralkap Pakhat Nih Ram Le Miphun Caah Nunnak A Pek
The Chinland Post | 2025 December 23- Chin ramkulh, Falam peng chung rallam sialmi ralhrang ralkap he kahdohnak ah Paletwa in Khumi miphun Chin National Army( CNA) ralkap Salai David Thang nih ram le miphun caah nunnak a pek tiah theih asi.
Nunnam a liam mi CNA ralkap Salai David Thang cu Kalay-Falam kar kahdohnak ah December 20 chun suimilam 2:00 pm ah a ngeihchun a nunnak a pek hi asi tiah theih asi.
Falam peng chung hmunhma pakhat ah kahdohnak fah a chuah lio ah, David Thang cu a nunnak a liam i a ruak cu CNA Headquarters tiang an phur i vui a si cang," tiah khumiland News sin in theih a si.
23/12/2025
Haimual Khua Ah Ralhrang Nih Vanlawng In Bom A Thlak
The Chinland Post | 2025 December 23- Chin ramkulh, Falam peng, Haimual khua ah ralhrang ralhrang jet fighter nih December 23 zing 2:30 hrawng ah voi 2 bom a thlak tiah theih asi.
Haimual khua cu Thantlang peng, Thinghual khua le Falam peng, Thipcang khua kar lak ah a ummi khua asi.
Mah bom thlaknak ruangah ah minung thi le hliam an um hraw lo i, inn a rawk mi an um pah tiah Zalen media nih an langhter.
23/12/2025
India–Myanmar Ramri Thluam Lampi Thluan Ah Ralhtang Ralkap Tuah Timh Mi Thimnak Dohkalhnak Langhternak Cathanh An Chuah_KPSSC
The Chinland Post | 2025 December 23- Kalay–Tedim–Rih (India–Myanmar ramri chawlehnak) lampi thluan ah, "Na vote in phungning tein mithahnak nawl pe hlah," tiin ralkap ralkap nih tuah an timh mi dotla lo thimnak an dohkalhnak Poster pawl cu December 21 ah khan an taar khawh kong, Kalay Township People's Strike Steering Committee – KPSSC nih cathanhnak an langhter.
Ralhrang ralkap nih an humhak mi hmunram pawl ah ralhrang ralkap nih meithal he tualchung mi hna hramhram in vote an thlakter ko hna lai ti cu a fiang mi a si ko i dohthlennak hriamtlai phu hna nih an laak cianak a luat mi hmunram chung ah a um mi mizapi nih ralhrang ralkap tuah timh mi dotla lo thimnak hi dohkalh ding in KPSSC nih forhfialnak zong an tuah. Cu pin ah ralhrang ralkap nih a luat cianak hmunram pawl zong ah thimnak an tuah khawh nakhnga biatak tein rallam an sial cuahmah, tiah Kalay Township People's Strike Steering Committee – KPSSC nih an langhter hi a si.
Kalay–Tedim–Rih (India–Myanmar ramri chawlehnak) lampi thluan ah Zomi Federal Union (ZFU) le ṭangṭi phu hna he i bawm in SSPC ralkap nih tuah an timh mi dotla lo thimnak an dohkalhnak Poster pawl an taar khawh hi a si i bawmchantu phu vialte cung ah an i lawmh kong zong Kalay Township People's Strike Steering Committee – KPSSC nih an langhter chih.
Chinram khualipi, Hakha le Tedim khuapi ah a ralai mi December 28 ah khin SSPC nih a voi khatnak thimnak tuah an i tim i a voi hnihnak thimnak cu Thantlang, Tonzaang le Falam khuapi ah tuah an i timh kong, SSPC hruainak tang i a um mi Union Election Commission (UEC) nih an thanh.
Cucaah Thantlang, Tonzaang le Falam khuapi ah SSPC ralkap nih a voi hnihnak thimnak an tuah khawh nakding caah atu hi hmun 2 in rallam an sial cuahmah i Chin hriamtlai phukomh nih pehzulh in an kham hna ca ah nifatin tein kaphnih kar kahdohnak a faak, tiah ral lei thawng laaknak hrampi sin in theih a si.
23/12/2025
ZZLMS Unau 5 Nih Ralkal Mithar Sawmnak An Tuah, Mino Hna Nih Khualtlawn Tik Ah Hngalhpinak Catlap Laak Hmasa Ding
The Chinland Post | 2025 December 23-
Chinland Council(CC) chungtel a si mi CDF-Zotung, CDF-Zophei, CDF-Lautu, CDF-Mara le Senthang Revolution Force-SRF (ZZLMS) unau 5 nih ram le miphun caah rianṭuan ding in mithar sawmnak an tuah kong, December 20 ah cathanh an chuah.
"Atu lio cu mizapi nih an duh mi le an herh tuk mi a dik mi Federal Democracy ramkomh a chuah khawh nakding caah ral kan tuk cuahmah lio a si bantuk in ZZLMS mino a si mi paoh ram le miphun caah rianṭuan ding in kan in sawm hna. Cun, pauchuak dohthlennak caan chung ah hin ZZLMS hmunram chung i a um mi mino (K*m 15 in k*m 35) kar paoh ZZLMS hmunram chung in a herh mi thil a um i khualtlawn ding nan si ahcun hngalhpinak catlap laak hmasa ding in kan in nawl fawn hna," tiah ZZLMS unau 5 nih an langhter.
Cun ralhrang ralkap nawlngeihnak ṭha lo a hram in bongh ding le mahte khuakhan lairelnak nawl a um mi Chinram kan sersiam khawh nakding caah Chinmi mizapi nih lungrual tein nan kan telpi naklai zong kan in nawl ko hna, tiah CC chungtel a si mi CDF-Zotung, CDF-Zophei, CDF-Lautu, CDF-Mara le Senthang Revolution Force-SRF (ZZLMS) unau 5 nih an thanh mi ah an langhter chih.
22/12/2025
Falam Peng, Kahdohnak Ah Chin Mipi Ralkap Minung Pathum Nih Nunnak An Pek
The Chinland Post | 2025 December 21-
Chinram, Falam khuapi laak dingah Taingen le Waibula in rallam a rak sialmi ralhrang ralkap hna le Chin hriamtlai phukomh hna kahnak December 20 ah CDF-Zotung ralkap Salai Siazaka le Salai Aung Lin Oo,CDF-Zotung nih an pasaltha 2 nih ram le miphun ca i an I pekchanhnak cung ah upatnak sangbik an pek kong le upataakmi chungkhar cingla vialte an ngaihchiatnak an hrawmpi kong, nihin December 21 ni ah cathanh an chuah hi asi.
Cun CDF-Lautu in Salai Bawi Hrin Thang zong nih ram le miphun ca ah nunnak an pek tiah theih a si.
Falam peng kahdohnak hi Waibula lei in a rak kaimi ralhrang ralkap le Chin hriamtlai phukomh hna karlak kahnak ah Sumhrang khua pawngkam ah a chuak i atu bantuk in Salai Siazaka le Salai Aung Lin Oo le Salai Bawi Hrin Thang hna nih ram le miphun ca ah an nunnak an pek hi a si.
Kahdohnak ahhin ralhrang ralkap nih cunglei ral tuknak Y12, Jet Fighter le Drone pin ah hriam ngan zong biatak tein an hman tiah theih a si.
Mindat Peng Ah A Bu In Christmas Le K*mThar Tuah Lo Ding_CDF-Mindat
The Chinland Post | 2025 December 21- Mindat peng chung ah ralhrang ralkap nih vanlawng in bomb an thlak lengmang ruang ah a bu in Christmas le K*m Thar tuah an kham i nawl a ngai lo mi cu phunglam ning in dantatnak pek an timh hna kong, Mindat peng mipi ukhruaitu phu nih December 19 ah thawng an thanh tiah khumiland news sin in theih a si.
"Ralhrang ralkap nih vanlawng in bomb an thlak lengmang ruang ah Christmas le K*m Thar ah a bubu in nan um lai lo i caan nan hmang lai lo. Mindat peng mipi ukhruaitu phu nih nawl kan chuah mi nan zulh lo a si ahcun phunglam ning tein dantatnak pek nan si lai."tiah Mindat peng mipi ukhruaitu phu nih an thanh mi ah an langhter.
Ralhrang ralkap nih Mindat peng ah hin vanlawng in bomb an thlak lengmang ruang ah tualchung mi thi le hliamtuar an um pin ah Biakinn le innlo zong tam ngai a rawk ngai cang.
Mindat peng hi CDF-Mindat le Chin Brotherhood(CB) ṭangṭi phu nih 2024 December 22 ni ah an rak laak mi Mindat peng ah mipi ukhruainak rian an kalpi cuahmah nain ralhrang nih atu le tu in bomb a thlak tiah theih a si.
22/12/2025
Senthang Ram Chungah Mino Ihawikomhnak A Bu In Tuah Rih Lo Ding: Senthang Central Council
The Chinland Post | 2025 December 21- Mipi uknak hramhram in a kan chuttu Min Aung Hlaing a hruai mi State Security and Peace Commission nih a mah luatnak caah thimnak a kal pi cuah mah lio a si. Cu thimnak tlam a tlin khawhnak ding caah hramhram in rian a tuan i vanral in siseh leiral in siseh a phun phun in mipi umnak Siizung, Sianginn le mino hawikomhnak hmun poh ah van in bom a thlak leng mang caah Hngakchia, mizaw le mipi tamtuk an nunnak a liam cang.
Cucaah 2025 December 21 ni thawkin khuakip nih k*mfatin tuah tawn mi Mino hawikomhnak – bawlung puai siseh, mino he aa pehtlai mi a dangdang fellowship vialte a tuin thawng kan thanh than hlan tiang zei hmanh tuah lo dingin thawng kan in thanh hna. Nawl a buar mi cu Senthang Central Council nih phungphai ningin tuanvo lak a si lai tiah thawngthanhnak an tuah.
18/12/2025
CB Telh In Khuapau Dohthlennak Tangti Ralkap Phu An Dirh
The Chinland Post | 2025 December 16-Khuapau dohthlennak Spring Revolution Alliance- SRA cu Chin hriamtlai phu 6 fonhmi Chin Brotherhood (CB) telh in dothlennak phu 19 fonhmi a si tiah December 15 ni ah thawng an thanh.
Ralkap phu pasarih nih May 2025 ah khuapau dohthlennak Spring Revolutionary Alliance dirh ding in biaruahnak an thawk tiah an chim, cun phu 14 nih November zarh khatnak ah biaruahnak an ngei. November 21 ah ralkap hawikomhnak dirh dingin nithum chung conference an thawk hnu ah phu 19 an dirh tiah cathanh nih a chim. Ralkap 19 hna cu Ralkap 96 PDF, Burma ary (BA), Burma Luatnak Democracy Front (BLDF), Burma Mipi Luatnak Ralkap (BPLA), Chin Brotherhood (CB), Danu Mipi Luatnak Ralkap (DPLF), Force For Federal Democracy (FFD), Generation Z Army (GZA), Danu People Liberation Force (DPLF), Force For Federal Democracy (FFD), Generation Z Army (GZA), Karenni National Defense Force (KNDF), Kalay ramkulh runvennak ralkap (KRF), Magway mipi runvennak ralkap (MAGGWAY PDF), Mon ramkulh dothlennak ralkap (MSRF), National Liberation Army (NLA), Mipi Luatnak Ralkap (PLA), Pa-O Miphun Ralvennak Ralkap-Kham Kong/Pa-O Miphun Ralvennak Ralkap (Kham Dom) (PNDF-KK)/(PPDF-KD), Sagaing Mipi Ralvennak Ralkap (SAGAING PDF), Kaung Thar Hriamtlai (SAF), Yaw Ralkap (YA), le Yaw Ralvennak Ralkap (YDF) hna an i tel. Allied forces 19 nih an tuahmi dothlennak biakamnak 4 zong a tanglei bantuk in thawngthanhnak an tuah cang.
Chan vialte chung mipi nih an halmi le dothlennak nih aa tinhmi, uknak donghter le federal democracy phunglam chuah tibantuk hna cu, Ralkap uknak nih nifatin a tuahmi ral sualnak le nuhrin covo buarnak in rang tein luat khawhnak ding caah, nawlpeknak lam ser khawhnak ding caah, dothlennak chan lio i ralkap le ralkap uknak hna kha donghter ding. Khuapau dohthlennak Spring Revolution cu uknak a karh i pehtlaihnak a derthawm lio caan a si, cun a fekmi le hmual a ngeimi hawikomhnak a chuah lio caan a si.
18/12/2025
Farkawn ah Mithatnak Kong Ah VDP Minung 7 Biahalnak An Tuah Hna
The Chinland Post | 2025 December 16- India ram, Mizoram State, Champhai District Farkawn khuami Pu C Lalramenga k*m 49, Chhim veng (Theirekawn), mi cu December 14 zinglei suimilaam 5 hrawng ah an umnak inn ah a nunnak a liam.
A thihning ah thil dikfello a um tiah ruah a si caah nihin ah a ruak cu Farkawn siu-inn ah Postmortem a si hnu ah zanlei ah vui a si. Pu C Lalramenga hi nizaan ah Chinram lei ah a kal, hihi Farkawn VDP nih lunghrinh in a kir lei ah an bawh, nizaan zantlai ah zu fun zeimawzat he an tlaih i, Village Defence Party (VDP) nih bia an hal hnu an an umnak inn ah motor in an va chiah i, nithaizing suimilaam 5 hrawng ah a nunnak a liam. A chungle nih thil dikthliar lo a um ti anbruah caah FIR an tuah.
Farkawn ah Police duty hna hlei ah Dungtlang le Champhai in Police tam ngai Farkawn ah an kal. Pu C Lalramenga ruak cu Farkawn sii-inn ah Postmortem tuah a si. Palek nih hi nunnak liam kong ah Farkawn VDP minung 7 bia an hal hna hnu ah Champhai lei ah biahalnak ngeih dingin an kalpi hna. C Lalramenga hi a liamcia caan ah rithai ruang ah khuatlang hruaitu nih an chimhhrin cangmi a si, tiah Maipawl nih a langhter.
18/12/2025
A Voi Hnihnak Chinland Council Tonpumhnak Tlamtling Tein An Lim
The Chinland Post | 2025 December 17- A voi hnihnak Chinland Council tonpumhnak cu December 4-6 tiang, ni 3 chung an tuah i tlamtling tein an lim. Pu Zing Cung cu Chairman ah thim ṭhan a si kong, Chinland Council nih an langhter.
Chinland Council nih a voi (2)nak Conference cu 2025, December 4 in 6 tiang an tuah i tlamtling tein an lim kong le a voi (2)nak Chinland Council hruaitu ding i thim ṭhannak zong tlamtling tein an tuah khawh kong, theih a si.
A voi (2)nak Conference ah cun Chinland Council phu kip in palai pawl le ramchung ramleng in khuallian pawl tiin an dihlak fonh minung 201 an i tel kho. Cu pin ah Chinland Council nih a voi (1)nak i k*m 2 chung an rianṭuan ning langhternak, ramkhel kong le ral kong i an cawlcangh ning ceihmainak zong an tuah. Chinland Council i a voi (2)nak caah hruaitu i thimnak zong tlamtling tein an tuah khawh kong, Chinland Council nih an langhter.
A voi hnihnak Chinland Council tonpumhnak ah cun Counci chungtel phu kip in palai pawl, ramchung ramleng in khual pawl tiin minung 201 an i tel kho, tiah theih a si. A term hnihnak Chinland Council hruaitu hna cu:- Pu Zing Cung (Chairman), Salai Men Nyo (Vice Chairman 1) , Salai Bawi Kung (Vice Chairman 2), Salai Kep Chin Thang (Secretary), Salai Htet Ni (Joint Secretary 1), Pu Ṭial Ling (Joint Secretary 2) hna an si.
18/12/2025
Chin Holh Pawl Telh In Tlangcungmi Holh 20 Hlei Hmankho Ding In Eimi AI Cu Mipi Sin Theih Ternak An Tuah
The Chinland Post | 2025 December 17- Myanmar ram chung Chin holh telh in holh phun 20 in holh lehnak le adangdang rian a tuan dingmi eimiAI cu 2025 k*m December 20 ni Myanmar ram zanlei 6:00 Grand Launch ah thok a si lai tiah eimi AI a sertu Chin miphun chung in IT sertu Ko Michael Suantak sin in theih a si.
“EimiAI mipi hmai ah langhternak cu Google Meet hmangin tuah a si lai. I tel khawhnak link cu https://meet.google.com/gwr-jfph-jgt a si. eimiAI cu AI sawhsawh a si lo. A ttha ngaimi datasets he ningcang tein cawnpiakmi le na nunphung, holh le thiamnak herhmi a hngalhthiam khomi a thiammi thiamnak ecosystem a si.
"December 20 ah tuah dingmi Grand Launch he cun, Triple-20 milestone cu zeidah a si lai. Holh phun 20, service gems 20, eimiAI ambassador 20 an um lai," tiah Ko Michael Suantak nih Chin World Media sin ah a chim.
Eimi AI hmangding holh ahcun Falam, Tedim, Simte, Matu, Kayah Li, Thado/Thadou-Kuki, Paucinhau, Hakha, Karen S’gaw, Vaiphei, Rawang, Mizo, Wanchok, Paite, Sizang, Kachin, Hmar, Arkanese, Rohingya, Shan, Pa’O pawl le tlangcungmi holh le vawlei pumpi hmangmi a hrawh khomi holh cu eimi AL nih a kham khawh tiah Ko Michael Suantak sin in theih a si.
“Holh phun 20 in thawk kan rak i tim, asinain holh phun 21 in thawk dingin nawl an kan pek. Riantuannak dang zong holh phun 20 lawng a si, riantuannak cung ah aa hngat. "A tawinak in 60 hrawng an um," tiah Ko Michael Suantak nih eimiAI dirhmun kong a peh.
Riantuannak mansung 20 ah fimcawnnak, ngandamnak, upadi le thiamnak lei thiamnak aa tel, cun eimiAI palai hna nih eimiAI he digital thlennak an hruai tiah theih khawh a si.
Fimcawnnak lei kong he pehtlai in, Ko Michael Suantak nih, “Sianginn subject kong he pehtlai in, KG in Grade-12 tiang local curricula zong eimiAI he cawnpiak ding in timhtuahnak kan ngei. Biahalnak ca zong a ser khawh, camipuai tuah lo, na lehnak ca pawl kha zohter khawh a si, cun ruahnak cheuhnak zong hmuh khawh a si. Zeitindah hman ding a si,ti zong theih khawh a si lai.
Grand Launch ah tuah dingmi eimiAI cu Chin IT lei thiamsang a simi Ko Michael Suantak nih thla 12 chung a ser i Gemini he hmunkhat ah hman ding device 10 tiang hman khawh a si. Hman khawhmi eimiAI account pakhat ah register tuahnak le hmannak caah thlakhat ah $20 (Kawlram ting 1hrawng) a dih lai ti a si. Ref: Chinworld
Be the first to know and let us send you an email when The Chinland Post posts news and promotions. Your email address will not be used for any other purpose, and you can unsubscribe at any time.
The Chinland Post is media publication of Fidi Foundation.
Founded in 2007 by some Chin youth journalists in Rangoon, Fidi Foundation aims to promote and protect our Chin literature, culture and rights to information among Chins, to aware political, social, economic and environmental issues and conduct training on capacity awareness building. Since then, the group had been collecting Chin youths’ Emails who are interested in promoting Chin dialects and culture within inside and outside the country and created ‘Google Group’ as a platform which means to share information on scholarship opportunities, job opportunities and discuss any Chin related issues via social network.
After three years of founding, the Group published poetry book in November 2009 entitled “Fidi Biazai” written by 43 writers living inside and outside the country depend on participated common interest through individual participated fund from our Google Group. With finance received from selling the books, the Group published monthly news journal called the Chinland Post and this publication was stopped in its fourth issues when the authority found that it was illegal publishing.
Even though The Chinland Post news journal stopped its publication, the group had presenting information and awareness issues via its website (thechinlandpost.info). After the new democratic government appeared, the publishing has started again under Fidi Foundation as Media Project in January, 2013 with six full staff and eight volunteers. The weekly Chinland Post is now held its permission of publication with Reg. 05009 granted by Ministry of Information, Myanmar.
Fidi Foundation has currently two department; Media Department which run the Chinland Post and Youth Capacity Center which focus on capacity building and research in Chin State.
Vision
– To promote the participation of Youth and Woman in State Building through strengthening their capacity in understanding of mass media, human rights, politics, development and other sectors.
– To be a leading Chin Independent Media Organization and create strong media institution in Chin dialect for the Chins.
Mission Statement
– To conduct training on Journalism, Democracy, Human Rights, Indigenous Rights, Research Methodology for youth, women and other interested people in contribution on freedom of expression as a means of restoring democratic society and promoting human rights in Chin State..
– To conduct career counseling among youth, a primary survey about Chin affairs and publish the fact-finding in the means of giving social awareness in politics, development, and other related issues.
– To provide important and reliable news, investigative stories, and articles with high quality based on balance, fairness, accurateness, and timing to our readers.
– Through writing such important information, Fidi Group and The Chinland Post strongly believe that transparency, account-abilities among stakeholders and government progress, and rule of law in Chin State promote.
Values of The Chinland Post
• It practices media ethnics in line with professional media protocol.
• It practices mutual respect without discrimination of all forms.
• It believes and practices freedom of expression and media freedom.
• It practices transparency and responsibilities among its administrative mechanism.
• It accepts and practices gender equality and equity.
