https://www.facebook.com/962537203611853/

I&PR LADC, lawngtlai, Lawngtlai (2026)

27/03/2026

PR. NO. 95/2025-2026

*12th LADC BUDGET SESSION VAWIIN AH TAN A NI*

*Lawngtlai, the 27th March, 2026* : Vawiin hian 12th Lai Autonomous District Council (LADC) Budget Session, 2026 chu zing dar 10:30 khan Session Hall, Lawngtlai-ah tan a ni.

Session tannaah hian Member boral ta te—Pu A. Thangruma, Ex-MDC leh Pu Pushpa Ranjan Chakma, Ex-MDC te sunna hun hman a ni a. Hemi hnu hian Question Hour hman niin, Pu V. Zirsanga, Pu C. Ngunlianchunga leh Pu T. Zakunga te Starred Question-te sawi ho a ni.

LADC hmasawnna tura pawimawh tak, LADC Budget 2026-2027 chu Chief Executive Member (CEM) chuan House hmaah a chhawp chhuak a. Budget thar hi a pumpuiin Cheng Nuai 28,028.63 a ni. Hemi rual hian k*m kal lai 2025-2026 atana Supplementary Demand for Grants leh k*m thar 2026-2027 atana Schedule of Demand for Grants te pharh a ni bawk.

*A: Budget tlangpui*
Kumin Budget-ah hian nik*m lam aiin sum hmuh tur a tam zawk a, a bik takin Council mahni sum lak luh (Local Revenue) lamah hmasawnna hmuh a ni:
1. Local Revenue Collection: Kumin hian Cheng Nuai 510.00 hmuh beisei a ni a. Nik*m (2025-2026) Budget Estimate-a Cheng Nuai 421.00 aiin Cheng Nuai 89.00-in a pung a ni.
2. Grants-in-Aid (GIA): Mizoram Sorkar atanga GIA dawn tur hi Cheng Nuai 27,336.13 a ni a, nik*m aiin Cheng Nuai 1,584.56-in a tam zawk a ni.
3. Village Council Remuneration: Cheng Nuai 182.50 ruahman a ni bawk.
*GRAND TOTAL: Cheng Nuai 28,028.63*

*B: Sum dawn tur tlangpui (GIA Hnuai):*
Sum dawn tur tlangpui hi hetiang hian hman tura ruahman a ni:
1. Salary & Wages: Cheng Nuai 21,691.58
2. Pension & Other Retirement Benefits: Cheng Nuai 4,044.55
3. NPS Matching Share: Cheng Nuai 300.00
4. Other Expenditure (Non-Salary): Cheng Nuai 1,300.00
*TOTAL GIA: Cheng Nuai 27,336.13*

Budget Speech-ah hian 3rd Mizoram Finance Commission (MFC) a la din loh avanga harsatna awmte tarlan a ni a. Hmasawnna hna thawk thei tur leh budget indaihlohna hnawh khat turin sorkar laipui leh state sorkar lamah ruahman tam sak turin an beisei thu CEM chuan a sawi.

Vawiin Session-a hian Official Bill—'The LADC (Marriage and Divorce) (First Amendment) Bill, 2026' chu Chief Executive Member-in House-ah a introduce a ni. Chhun chawlh hnu dar 2:00 atang khan LADC Deputy Chairman thlanna (Election) neih chhunzawm a ni bawk a, LADC Deputy Chairman atan Pu C. Lalneihkhuma-MDC 25-Vathuampui Constituency chu uncontest a thlan a ni.

He Budget Session hi LADC Rules, 2010 tlawhchhana neih a ni a, hmasawnna hna hrang hrang leh District chhunga dan pawimawh tak tak te ngaihtuah ho a ni dawn a ni.

*Written & Published by: I & PR Department, LADC, Lawngtlai*

27/03/2026

*📚 LADC BOARD OF SCHOOL EDUCATION*
Official Textbook Price List (2026-2027)

Attention Parents, Teachers, and Students! The official textbook prices for the upcoming academic session are out. Ensure you are paying the correct government-approved rates.

*📍 PRIMARY SCHOOL (I - V)*
1. Mizo/Hmar (Kumtluang): ₹75.00
2. English (Rhythm/Marigold): ₹75.00
3. Maths (Joyful/Math Magic): ₹75.00
4. EVS (Hawi vel ila): ₹75.00
5. Hindi (Jyotirmay 5): ₹70.00

*📍 MIDDLE SCHOOL (VI - VIII)*
1. Mizo (Kumtluang): ₹75.00
2. English (Honey Comb/Dew): ₹75.00
3. Science/Maths: ₹75.00
4. Social Studies: ₹75.00
5. Hindi (Jyotirmay): ₹75.00
6. Alt. English (Gul Mohar): ₹649.00 – ₹674.00

📢 NOTE: ✅ LAICA Textbooks are provided FREE OF COST to all affiliated elementary schools.

✅ Purchase only from LADBSE Office.
✅ Most core textbooks are priced at a standard ₹75.00.

📍 I&PR, Lawngtlai, Mizoram

20/03/2026

PUBLIC NOTICE: *PRESCRIBED TEXTBOOKS FOR 2026-2027

The Lai Autonomous District Council (LADC) Board of School Education has officially published the list of prescribed textbooks for Primary and Middle Schools for the upcoming 2026-2027 academic session.

In addition to the SCERT prescribed textbooks, the LAICA shall be mandatory in all LADC-affiliated schools.

PRIMARY SCHOOL (MIZO MEDIUM)
Pre-Class: Tawng (Zirtirh Bu), Namber (Nambar Bu).
* Class I: Mizo (Kumtluang-1 Revise & Update), English (Rhythm), Mathematics (Joyful Mathematics - 1 Mizo).
* Class II: Mizo (Kumtluang - 2 Revise & Update), English (Rhythm), Mathematics (Joyful Mathematics - 2 Mizo).
* Class III: Mizo (Kumtluang - 3 Revise & Update), English (Starlight Strings), Mathematics (Maths Fest - III Mizo), Min hual veltu (Kan Chenna Khawvel).
* Class IV: Mizo (Kumtluang - 4), English (Merigold - 4), Mathematics (Math Magic - 4 Mizo Version), Min hual veltu (Hawi vel ila - 4).

PRIMARY SCHOOL (ENGLISH MEDIUM)
* Pre-Class: Tawng (Zirtirh Bu), Namber (Nambar Bu).
* Class I: Mizo (Kumtluang - I Revise & Update), English (Rhythm), Mathematics (Joyful Mathematics - I English).
* Class II: Mizo (Kumtluang - 2 Revise & Update), English (Rhythm), Mathematics (Joyful Mathematics - 2 English).
* Class III: Mizo (Kumtluang-3 Revise & Update), English (Starlight Strings), Mathematics (Maths Fest - III English), The World Around Us (Our Wondrous World), Hindi (Hindi Sarita - 3).
* Class IV: Mizo (Kumtluang - 4), English (Merigold - 4), Mathematics (Math Magic - 4 English Version), The World Around Us (Looking around - 4), Hindi (Jyotirmay - 4).

MIDDLE SCHOOL (CLASSES V - VIII)
* Class V: Mizo (Kumtluang - 5), English (Merigold - 5), Mathematics (Math Magic Bu - 5 Mizo or English), EVS (Hawi vel ila - 5 or Looking around - 5), Hindi (Joytirmay - 5).
* Class VI: Mizo (Kumtluang-6 Revise & Update and Zonun Bu - 6 na Supplementary), English (Twilight and Zonun-6 Supplementary), Science (Curiousity), Mathematics (Mathematics - 6), Social Studies (Exploring Society: India & Beyond), Hindi (Hindi Sarita - 6).
* Class VII: Mizo (Kumtluang - 7 and Zonun Bu - 7 na), English (Honey Comb and Zonun-7 Supplementary), Science (Science - 7), Mathematics (Mathematics - 7), Social Studies (Our Past - II, Our Environmental, Social and Political Life - II), Hindi (Joytirmay - 7).
* Class VIII: Mizo (Kumtluang-8 and Zonun Bu - 8 na), English (Honeydew and Zonun-8 Supplementary), Science (Science - 8), Mathematics (Mathematics - 8), Social Studies (Our Past - III, Resource & Development, Social and Political Life - III), Hindi (Joytirmay - 8).

Issued by:
F. LALDAWMDINGI
Academic Officer
LADC Board of School Education
Dated: Lawngtlai, 19th March 2026

12/03/2026

LawngtlaiUD&PA LawngtlaiZonet Cable TV Pvt LtdLai Autonomous District CouncilLAWNGTLAI TODAY NEWS

LAI AUTONOMOUS DISTRICT COUNCIL
INFORMATION & PUBLIC RELATIONS DEPARTMENT, LAWNGTLAI
PR NO: 83/2025-2026

INPUT DISTRIBUTION CUM AWARENESS TRAINING NEIH A NI

Lawngtlai, March 12, 2026: Nimin March ni 11, 2026 a Animal Husbandry & Veterinary Department, LADC leh College of Veterinary Science & Animal Husbandry (CVSc & AH) te thawhhona hnuaia "Input Distribution Cum Awareness Training" buatsaih chu Khuallian niin Pu MC Lalbiakliana, Vice Chairman, Planning & Programme Implementation Board chuan a hmanpui.

Khuallian Pu MC Lalbiakliana chuan thu sawiin, Lawngtlai District mipui tana hetianga hma min laksak hi a hlu hle a. Hmalam hunah pawh kan district mipui te min duhsak zel turin ka chah a; project dang lo lut zel turah pawh LADC Sorkar chuan theihtawp chhuaha ṭanpui leh thawhpui a inhuam reng a ni, tiin a sawi.

He Training hi Dr. Lalnunpuia Chinzah, District Council Veterinary Officer chuan kaihruaiin Welcome Address a sawi a. Training hlawhtling tak neih chhunzawm niin, CVSc & AH aṭangin Asst. Professors—Dr. Lalhumliana Tochhawng leh Dr. MC Lailianchhunga ten ran hriselna leh vulh dan chungchang zirtirna pawimawh tak an pe a ni.

He Awareness Training hi Lawngtlai leh Bungtlang khuaah te neih a ni a. Bungtlang khuaa hun hmanah hian Pu Gilbert Lalhlimpuia, BDO leh a thawhpuite’n lo dawngsawngin, beneficiaries-te chu he project hi a ṭangkai thei ang bera hmang turin a chah bawk. Tin, He program-ah hian thlan chhuah bik Beneficiaries mi 97-te hnenah Arnote leh an chaw chu Chief Guest leh Official dangte hian an sem nghal a ni.

Written & Published by: Information & Public Relations Department, LADC, Lawngtlai

12/03/2026

LawngtlaiUD&PA LawngtlaiZonet Cable TV Pvt LtdLai Autonomous District CouncilLAWNGTLAI TODAY NEWS

LAI AUTONOMOUS DISTRICT COUNCIL
INFORMATION & PUBLIC RELATIONS DEPARTMENT, LAWNGTLAI

PR NO: 82/2025-2026

SANGAU-AH KANGMEI VENNA CHUNGCHANG INZIRTIRNA NEIH A NI

Lawngtlai, March 11, 2026: Vawiin chawhma dar 10:00 khan BDO Hall, Sangau-ah 'District Level Committee on Fire Prevention, Lawngtlai' buatsaihin 'Awareness Programme on Fire Prevention' hman a ni. He hun hi Pu HC Lalengkima, Executive Member (i/c EF&CC, etc.), LADC chuan Khuallian niin a hmanpui a, Lawngtlai Bawrhsap Pu Donny Lalruatsanga chuan he hun hi a hmanpui bawk.

Khuallian Pu HC Lalengkima chuan thu sawiin, Lawngtlai District Level Committee-te hmalakna chu fakawm a ti hle a, ram kangin nghawng thalo a neih thui zia hriain kangmei laka fimkhur a pawimawh hle tih a sawi.

"Sawrkar Laipuiin ram kang hi a ngai thutak hle a, chuvangin, keini a ram leilung fate phei chu kan fimkhur leh zual a tul em em a ni. Thangthar lo awm zel turte tan ramngaw tha kan hnutchhiah a ngai," a ti.

A sawi zelna ah, a bik takin Mizoram chhuanvawr Phawngpui Tlang kang thin chu pawi a tih thu sawiin, k*minah kangmei laka a fihlim nan a chhehvela khua awmte chu nasa zawka tan la turin a fuih a. Ramngaw venhimna hi Forest Department kutah chauh dah lovin, kangmei tichhuaktu ni lo va, a thelhtu nih tum zawk turin kalkhawmte a sawm a ni.

Lawngtlai Bawrhsap Pu Donny Lalruatsanga chuan nik*m lamah Lawngtlai District chu kangmei tichhuak nasa ber kan nih thu tarlangin, k*minah hmasawnna hmuh ngei a tum thu a sawi. Kangmei tichhuaktute chu hremna khauh tak pek an nih tur thu leh Sawrkar 'Order' te khauh taka kenkawh a nih tur thu a tarlang a, mipuite thawhpuiah a sawm thar leh a ni.

Bawrhsap chuan thil dang pawimawh tarlang bawk in, Foreigner lut leh chhuak viltu tur 'Standard Operating Procedure' (SOP) chu Siaha District nen tangkawpa duan mek a nih thu leh hman thuai a nih tur thu a sawi a. April thla atang hian Lawngtlai District-ah ruihhlo dona bepui thlakna tur "Drugs Free District" project tan a nih tur thu a sawi bawk.

He hun hi Pu K. Lalromawia, DCCF (LADC)-in a kaihruai a, Pu Marcellas Hunlawmawma, DCF-in Powerpoint Presentation pein, Pu Thomas Maratha Hlychho, BDO Sangau-in lawmthu sawiin hun a khar a ni.

Written & Published by, I & PR Department LADC, Lawngtlai

12/03/2026

LawngtlaiUD&PA LawngtlaiZonet Cable TV Pvt LtdLai Autonomous District CouncilLAWNGTLAI TODAY NEWS

LAI AUTONOMOUS DISTRICT COUNCIL
INFORMATION & PUBLIC RELATIONS DEPARTMENT, LAWNGTLAI

PR NO: 81/2025-2026

EM Pu C. Hrangthianga’n Ngengpuitlanga in kang tlawhin tanpuina a hlan

Lawngtlai, March 11, 2026: Vawiin khan Executive Member (EM), Disaster Management & Rehabilitation (DM&R) Department, Pu C. Hrangthianga chuan Ngengpuitlang khuaa Pu Lalsawna te chhungkua chenna in kang chu a hmunah tlawhin tanpuina a hlan.

He hunah hian EM Pu C. Hrangthianga chuan an vanduaina tawh chu LADC sorkar chuan pawi a tih pui hle tih sawiin, "Kan thil hlan hi thil ropui leh tam tham ni lo mah se, kan tawrhpui zia leh kan lainat zia che u lantir nan a hmunah ngei lo kalin he tanpuina pawisa leh silpoulin hi kan rawn hlan a ni," a ti.

Bialtu EM (Education M/S) Pu H. Vanlaltanpuia pawhin he hunah hian a tawiawm a; ani pawh hian kangmei tuar chhungkuate hi hnemin, an mamawh tur pawisa leh silpoulin a hlan ve bawk a ni.

Written & Published by, I & PR Department LADC, Lawngtlai

09/03/2026

LawngtlaiUD&PA LawngtlaiZonet Cable TV Pvt LtdLai Autonomous District CouncilLAWNGTLAI TODAY NEWS

INFORMATION & PUBLIC RELATIONS DEPARTMENT
LAI AUTONOMOUS DISTRICT COUNCIL: LAWNGTLAI

PR.NO. 80/2025-2026

PU H. VANLALTANPUIA, EXECUTIVE MEMBER (M/S), LADC-IN 'BRU CUSTOMARY LAW' LEHKHABU A TLANGZARH

Lawngtlai, March 6, 2026: Vawiin chawhnu dar 2:00 khan LADC Conference Hall-ah Pu H. Vanlaltanpuia, Executive Member, Education (MS), LADC chuan 'Bru Customary Law' lehkhabu chu khuallian niin a tlangzarh a. He hunah hian Adviser to CEM, Pu J. Lalrawngbawla chu Khualzahawm (Guest of Honor) niin a tel bawk a ni.

Khuallian Pu H. Vanlaltanpuia chuan thu sawiin, Bru hnamte tana an hnam dan leh inkaihhruaina (Customary Law) bu mumal tak tlangzarh a ni ta chu lawmawm a tih thu a tarlang a. He lehkhabu hian Bru mipuite zingah inpumkhatna, inlungrualna leh hmasawnna kawng dik a kawhhmuh ngei a beisei thu sawiin, duhsakna a hlan bawk. Khualzahawm Pu J. Lalrawngbawla pawhin he lehkhabu hlutna leh Bru hnam tana a tangkaina hrang hrangte tarlangin fuihna thu tha tak a sawi bawk a ni.

He lehkhabu tlangzarhna hunah hian LADC hruaitute leh Bru hnam aiawh pawimawh tak takte an tel a. 'Bru Customary Law' hian an hnam hlutna leh an kalphung vawn himna kawngah nasa takin Bru mipuite a tanpui tawh dawn a ni.

Written & Published by: I & PR Department, LADC, Lawngtlai

06/03/2026

LawngtlaiUD&PA LawngtlaiZonet Cable TV Pvt LtdLai Autonomous District CouncilLAWNGTLAI TODAY NEWS

INFORMATION & PUBLIC RELATIONS DEPARTMENT
LAI AUTONOMOUS DISTRICT COUNCIL: LAWNGTLAI

PR No. 79/2025-2026

MIZORAM CLEANLINESS COMPETITION 2025 REVIEW MEETING NEIH A NI.

Lawngtlai, March 5, 2026: Vawiin khan Lawngtlai DC Conference Hall-ah Deputy Commissioner Pu Donny Lalruatsanga leh LADC-a Executive Member pahnih Pu JB. Vanhoy leh Pu Lalzahawma Chinzah hovin Lawngtlai District chhunga faina leh thianghlimna dinhmun thlirletna meeting pawimawh tak neih a ni. He meeting-ah hian 'Mizoram Cleanliness Competition (MCC) 2025'-a Lawngtlai District 8-na kan ni chu tarlangin, hma sawn leh zual nan LADC leh District Administration thawhhona tihchak dan turte, khawpui cheimawi leh Traffic Management vawng tha tura ruahmanna hrang hrang sawiho a ni.

Meeting-ah hian Executive Member (Sanitation) Pu Lalzahawma Chinzah chuan UD&PA leh LADC Sanitation Department-te chu thawhho a pawimawh zia sawiin, hnathawktu lamah harsatna an neih loh laiin an Garbage Truck neih lai te a chhe tawh hle tih a sawi a. Motor thar pahnih tal State Sorkar atanga an hmuh chuan faina kawngah hma an sawn ngei a rin thu a tarlang. Pu JB. Vanhoy, Executive Member (LAD), LADC pawhin Village Council-te faina kawngah tan la thar turin a chah a, tun ai a tha zawka hmalak a nih chuan hmasawnna nasa tak a awm dawn tih a sawi bawk.

Deputy Commissioner Pu Donny Lalruatsanga chuan faina kawngah hian LADC-in mawhphurhna leh thuneihna tam tak an neih thu leh, District Administration chu a khaikhawmtu an nih thu a sawi a. 'Foreigners issue' leh sumdawnna kalpui danah khuahkhirhna siam a nih tur thu leh, hmalakna hrang hrangte chu 'Terms and Conditions' felfai tak hnuaia kalpui a nih tur thu a tarlang.

He meeting-ah hian SDO (Sadar) kaihhruaina hnuaiah UD&PA hmalakna Powerpoint Presentation leh Pu C. Lawmsangzuala, Sanitation & Waste Management Officer hnen atangin LADC hmalakna Powerpoint Presentation thlir hova, ngaihthlak a ni a; Lawngtlai SP bakah, tlawmngai pawl hrang hrang CYLA, LUP, MUP, LWA, MHIP, MJA leh Lawngtlai Town chhunga VCP-te an tel tha hle a ni.

Written & Published by: Information & Public Relations Department, LADC, Lawngtlai

05/03/2026

LawngtlaiUD&PA LawngtlaiZonet Cable TV Pvt LtdLai Autonomous District CouncilLAWNGTLAI TODAY NEWS

INFORMATION & PUBLIC RELATIONS DEPARTMENT
LAI AUTONOMOUS DISTRICT COUNCIL: LAWNGTLAI

PR No. 78/2025-2026

PU C. HRANGTHIANGA EM HOVIN DM&R DEPARTMENT-TEN HAZARD ROAD MAP SIAM AN REL

Lawngtlai 5th March, 2026: Vawiin khan Department of Disaster Management & Rehabilitation (DM&R) changtu Executive Member, Pu C. Hrangthianga hovin Department Officer leh Staff-te chuan meeting pawimawh tak an nei a. He hunah hian khuarel chhiatna (natural disasters) thleng thut thei laka mipuite himna tur leh invenna hna thawh dan tur hrang hrangte chipchiar taka sawiho a ni.

Meeting-ah hian chhiatna thleng thei laka inven lawkna atana pawimawh tak 'Hazard Road Map' siam ni se tih rel a ni a. He Road Map hnuaiah hian building-te felfai zawka chhinchhiahna (registration) neih a ni ang a, chhiatna laka hmun hlauhawm leh him lote hriat zung zung a nih theih nan ruahmanna dang tam tak he Roadmap-ah hian telh a ni bawk ang.

Pu C. Hrangthianga chuan khuarel chhiatna hi pumpelh vek thei ni lo mah se, ruahmanna felfai kan neih chuan nunna leh thil hlu tam tak kan chhanhim thei a ni tih a sawi a. Department Officer leh Staff-te chu he hmalakna thar hi ngai pawimawh a, mipuite tana chanchin lawmawm tak a nih ngei nan chak taka bawhzui turin a chah a ni.

Written & Published by: Information & Public Relations Department, LADC, DC Lawngtlai

05/03/2026

LawngtlaiUD&PA LawngtlaiZonet Cable TV Pvt LtdLai Autonomous District CouncilLAWNGTLAI TODAY NEWS@

INFORMATION & PUBLIC RELATIONS DEPARTMENT
LAI AUTONOMOUS DISTRICT COUNCIL: LAWNGTLAI
PR No. 77/2025-2026

NIHNIH AWH HLUKHLA 2026 CHU ROPUI TAKA HMAN A NI

LAWNGTLAI, March 1, 2026 — Lai Autonomous District Council (LADC) Art & Culture Department leh Central Young Lai Association (CYLA) țangkawp buatsaih, Laifate Kût ropui ber Hlukhla 2026 chu February ni 27 leh 28 khan CYLA Playground, Lawngtlai-ah ropui taka hman a ni. He Kût hi ni hnih chhung awhin, hnam ziarâng vawnhimna, inpumkhatna, leh faina thupui pawimawh tak tak nen hlawhtling taka hman a ni.

Kût hawnna ni hmasa zawkah Hlukhla 2026 Thlengtu, Executive Member (Art & Culture) Pu Lalzahawma Chinzah chuan kût chhimtu zawng zawngte chibai bukin, hlim taka Kût hmang țheuh turin duhsakna a hlan a. Hlukhla Pa, LADC CEM Pu C. Lalsawmzuala chuan Hlukhla chu hnam nihna (identity) vawn nunna hun pawimawh ber a nih thu sawiin, kan thlahtute ziarâng leh thuamte vawn nun tlat a pawimawh thu a sawi uar hle. Central YLA President Pu F. Lalrothanga pawhin hnam inpumkhatna leh hmasawnna kawng zawh chungchangah thuchah pawimawh tak a sawi bawk.

Kût ni hnihna hi Pu C. Lalmuanthanga, Chairman, LADC chuan Kût Pa niin a hmanpui a. Ani chuan Laifate chu Pathianin duhtaka a din kan nih thu leh, ram hrang hranga țhen darha kan awm avangin kan inpumkhat nan kan țawng kan ngaihpawimawh a ngaih thu a sawi a. He hun hi Rev. Vanlaldinpuia Aineh (LIKBK)-in hunserh hmangin a țan a, CYLA Choir ten hnam hla mawi tak an rem bawk.

Hlukhla 2026 chhung hian hnam lâm hrang hrang—Sarlamkai, Conglaizawnh, Ruakhathlak, leh Pawhlohtlawh mass dance te entir a ni a. YLA Thaltlang Branch-te Khuangchawi leh LWA Gen. Hqrs. te Costume Parade hmuhnawm tak lan tir a ni bawk. Rimawi lamah zaithiam hrang hrang Mercy Remsangmuani, Maria Lalhlimpuii, Mic Khan, Diki Khawbel, H. Vanlalhlana, BZ-i Tochhawng, Lilkiki, Trust leh Latei Band ten mipui hlim takin an awi a ni.

Hlukhla 2026 ah hian inelna hrang hrang neih a ni a, a hnuai ami ang hian lawmman lak a ni:

MISS HLUKHLA 2026:
Miss: Lalrinkimi (Thingkah)
1st Runner Up: C. Lalhminghluni (Chandmary)
2nd Runner Up: H. Lalnghenchhani (Council Veng)

LITTLE MISS & MISTER HLUKHLA 2026:
Little Miss: Lucy R. Lallianzuali (AOC)
Little Mister: Manese Lalrammuanpuia (Council Veng)

LAI PAIH (WRESTLING):
1. Marcus Lalhmingtanzuala (Heavyweight),
2. H. Lantea (60-80kg), Samuel (60kg Below),
3. Augustin (Junior) te chu an weight category țheuhah champion an ni.

OPEN ARM WRESTLING
Champion of Champion
Vanlalduata L -3

60 kg below
1.Thuthlungdika Council v
2.Lalchhuanpuia Thingkah
3.Samuel Lalhruaizela L 3

70 Kg below
1.H.Lalnunfela Thingkah
2.Vanbawiuk N Vengpui
3.Vanlalmuanawma L 3

70 Kg Above
1.Vanlalduata L 3
2.Chirstopher Lalruatpuia L 3
3.Lalhruaizela Bazar

Hmeichhia
1.St.Lailianthangpuii Vengpui
2.Lalremsiami Bazar
3.Jessica Chanchinmawii
Council Veng

Hlukhla hi Lai hnamte kût pawimawh ber leh ropui ber a ni a, hmanlai chuan lo thlawh zawh hnu, hun awl remchang laia hnam hla leh hnam lâm nena hlim taka hun hman nan an hmang ṭhin. Tûnlaiah chuan kan hnam ziarâng, thuam, leh țawngte vawnhimna leh Laifate inpumkhatna kût pawimawh bera hman a ni tawh a ni. LADC chuan Hlukhla hi k*mtin February (Nohawng) thla zirtawp hnuhnung berah hman thin turin thutlukna a lo siam tawh a ni.

Written & Published by: Information & Public Relations Department, LADC, Lawngtlai

05/03/2026

LawngtlaiUD&PA LawngtlaiZonet Cable TV Pvt LtdLai Autonomous District CouncilLAWNGTLAI TODAY NEWS@

INFORMATION & PUBLIC RELATIONS DEPARTMENT
LAI AUTONOMOUS DISTRICT COUNCIL: LAWNGTLAI

PR No. 76/2025-2026

LADC-IN HLUKHLA 2026 ROPUI TAKIN A HMANG

LAWNGTLAI, February 27, 2026 — Vawiin khan CYLA Playground, Lawngtlai-ah Lai Autonomous District Council (LADC) Art & Culture Department leh CYLA tangkawp buatsaihin Hlukhla 2026 Nikhatna ropui taka hman țan a ni a. Hlukhla 2026 Thlengtu, Executive Member (Art & Culture) Pu Lalzahawma Chinzah chuan Laifate Kût ropui ber Hlukhla chhimtu zawng zawngte chibai bukin, hlim taka lungrualna nen Kût hmang țheuh turin duhsakna a hlan a ni.

Hlukhla Pa, LADC Chief Executive Member (CEM) Pu C. Lalsawmzuala chuan Hlukhla hi hlimna K*t mai ni lovin, Lai hnam kan nihna (identity) vawn nunna hun pawimawh ber a nih thu sawiin, kan thlahtute’n lo an zawh hnua hlim taka hun an hman țhin chu chhawm nung zelin, hnam ziarâng leh kan thuam inbel hmanga kan nihna dik tak kan vawn nun tlat a pawimawh thu a sawi uar hle a ni.

He hunah hian Central YLA President Pu F. Lalrothanga pawhin thu sawiin, hnam inpumkhatna leh hmasawnna kawng zawh chungchangah thuchah pawimawh tak a sawi bawk.

Hlukhla hawnna hunah hi Rev. Chatuanlalreia (IKK)-in hunserh hmangin, Lai Upa Pawl, Gen. Hqrs. Lawngtlai ten Vawhla mawi tak an chham bawk.

Hlukhla 2026 hi ni hnih chhung hun hman tur a ni a, a nikhat-ah hian hnam lâm hrang hrang—Sarlamkai leh Conglaizawnh mass dance te entir a ni a, LWA Gen. Hqrs. leh YLA Thaltlang Branch-te pawhin hmuhnawm takin cultural item an entir bawk. Rimawi lamah zaithiam hrang hrang Mercy Remsangmuani, Maria Lalhlimpuii, Mic Khan leh The Ration Card Band-te bakah Guest Artist Diki Khawbel leh H. Vanlalhlana te an zai a, kût hmang tura fawmkhawm mipui te hlim takin an awi a ni.

Written & Published by: Information & Public Relations Department, LADC, Lawngtlai

25/02/2026

I got over 50 reactions on my posts last week! Thanks everyone for your support! 🎉

I&PR LADC

27/03/2026

27/03/2026

20/03/2026

12/03/2026

12/03/2026

12/03/2026

09/03/2026

06/03/2026

05/03/2026

05/03/2026

05/03/2026

25/02/2026

Address

Website

Alerts

Shortcuts

Share

Category