09/05/2025
रेकी व हीलिंगचे मोफत मार्गदर्शन आयोजित
दिनांक ४ मे २०२५ रोजी धानुरी (ता. लोहारा, जि. धाराशिव) येथे रेकी व हीलिंग या विषयावर मोफत मार्गदर्शन सत्राचे आयोजन करण्यात आले होते. या सत्रामध्ये प्रमुख मार्गदर्शक म्हणून सौ. तृप्ती योगेश देशमुख (धायरी पुणे)यांनी उपस्थितांना अध्यात्मिक उपचार पद्धती, सकारात्मक ऊर्जा आणि मानसिक आरोग्य याविषयी सखोल माहिती दिली.
या कार्यक्रमास प्रमुख उपस्थिती म्हणून श्री. योगेश शि. देशमुख (धायरी, पुणे) आणि श्री. सद्गुरु बबनजी महाराज (उंडरगाव) यांची विशेष उपस्थिती लाभली. कार्यक्रमाच्या अध्यक्षस्थानी श्री. बालाजी लिंबाजी जाधव (धानुरी) हे होते.
कार्यक्रमाचे आयोजन संस्कृतिक सभागृह, धानुरी येथे करण्यात आले होते. रवींद्र सुरेश साळुंके आणि विवेकोदय कोचिंग क्लासेस, धानुरी येथील सर्व विद्यार्थी व ग्रामस्थ मोठ्या संख्येने या मार्गदर्शन सत्राला उपस्थित होते.
हा उपक्रम गावकऱ्यांच्या व विद्यार्थ्यांच्या आत्मिक आणि मानसिक उन्नतीसाठी मार्गदर्शक ठरला.
असेच कार्यक्रम गावोगावी व्हावेत अशी सर्वांची अपेक्षा आहे.
