13/05/2024
-GHUSO-
APUN JHUKEGA NAHI SALA -
Ye line kyun likhi iske liye poora post padhna padega ! Agar aap lucknow se hai to aur bhi zaruri hai 👍 GHUSO word kyun use karte hai lucknow wale ye bhi jane ! 👇
socha tha ki is baat ka video bana ke upload karnge lekin mothers day aur schedule busy hone ki wajah se nhi ho paya !..
NIMMO LUCKNOW WALI ( hindi feature film) jo aaj se thik 1 saal pahle PVR / INOX / WAVE se poore U.P. me release hui thi jiska grand premier LULU MALL me .12 may 2023 ko hua tha ! Aur ab ye film aap log youtube pe bhi dekh sakte hai ek mahine pahle ULTRA MEDIA ENTERTAINMENT ne isko release kar diya tha !
Lekin ramzan ki wajah se announce nahi kar paye ! Premier wale din bhi badkismati kuch aisi rahi ki main 200 logon tak invitations nahi pahucha saka !
jiski wajah se kai log abhi bhi naraaz baithe hai .Is film ko banane aur release karne me mujhe poore 7 saal lag gaye !
Ye itna asaan nahi tha jitna socha tha In 7 saalon me maine shayad jitna paye hoga usse 100 guna zada kho diya bahut sare log apne aap mere dushman ban gaye ..
kuch log bardasht hi nahi kar paye ki kuch din pahle lucknow ka ek middle class family se belong karta ladka jo mumbai jate hi sirf 3 mahine me as a comedy writer mumbai ke top 5 production house me se ek me job karne laga !
Phir achanak se khud se hi job chhod ke film producer & Director kaise ban gaya ?
Ekdum se itna bada kaam kaise kar sakta hai ? Jealousy saaf dikhai deti thi !
Is film me start se hi cheezen bigadne lagi thi..sabse badi musibat aayee NOTE BANDI 8 november 2016 ko jisne sabkuch hila ke rakh diya !
lekin sabse bada decision maine usi din liya ki peeche nhi hatenge aur 13 november 2016 ko shoot start kar diya budget pahle hi nhi tha ! Kyunki mere kisi friend ne isme 50% paisa lagane ki baat ki thi but jaise hi maine team ready aur agreements kiye wo banda backout kar gaya..
Yun kahiye ki notebandi dusra bada jhatka tha maine himmat nahi hari aur bina paison ke shoot poore 30 din ka kar dala ye wo waqt tha jab log 2500 cash withdrwal ke liye log din bhar line le lage hote the aur mere sir pe 100 logon se zada ki zimmedari thi jinka rahna khana aur kharche ke payment bhi karna padta tha !
Jab aap koi bada kaam karne nikalte hai to kaise log apko girane ki koshish karte hai is baat ka ahsaas mujhe usdin hua ........jab mere peeth piche kuch logon ne planing karke mujhe black mail karne ki koshish ki jisme mumbai ki ek team thi aur kuch log lucknow ke the jinka naam main is platform pe nhi le rha ......wo chahte the ki hum unlogon ko is film me partner bana le jabki main uperwale ke bharose aage badh chuka tha !
Ek dum akele har cheezon ko direct manage karte hue like poora production , acounts , team management, baki bahut si cheezen direct karni pad rhi thi kyunki paison ki dikkat bahut zada thi..
(yaha pe main ek gyan dena chahunga jab apke paas paise nhi hote hai aur kaam karne ki lagan poori hoti hai to yakeen maniye aap zada talented aur creative ho jate hai)...
Aise hi main aage badh rha tha jisme kafi log mere sath the jinka main big thanks kahna chahunga( jinko bahut jald hi sammanit kiya jayega) jo cheezon ko samjh rhe the lekin kuch log bardhast nahi kar pa rhe the !
Aur unki niyat kharab ho chuki thi..
Mujhe achche se yaad hai jis din is film ka sabse bada scene tha usi din mere sath scene create kiya gaya tha ki 2 lac abhi do warna shoot nahi hoga aur us din is film ke scene me sare artist aye hue the thik thak crowd bulaya gya tha !
Kareeb 4-5 lakh ka ek din ka kharcha tha 8 bje ki shift thi aur din ke 2 baj chuke the camera team gadi se utri nhi thi..
Shart sirf ek hi thi ki 2 lac ya phir film me partnership kyunki camera man ko ahsas ho gaya tha ki film thik thak ban rhi hai aur concept bhi achcha hai plus bachchon ki film social message ke sath hai shayad ye film crores me ja sakti hai..
Aur sach kahu to wo sahi soch rhe the kyunki ye film agar 1 saal ke ander release ho jati to kahani kuch aur hoti lekin bewakoofon ko ye nhi pata tha iski poori kahani, dialogues, lyrics & screenplay bhi mera tha to ye baat unse behtar main janta tha shayad isilye apni haysiyat se badh ke itna bada risk le kar hum chal rahe the..unlogon ko pata tha ki mera poora carrier aur paisa sab daav pe laga hai to aisi situation create karo taki samne wala hath pair jodne lage lekin ye nahi pata tha ki hum PURANE LUCKNOW se hai..hath pair jodne ke bajaye tod dete hai.😅
Aap log yakeen maniye poore unit me sannata tha ki kya hoga lekin mujhko pata tha ki
APUN JHUKEGA NAHI SALA main unlogon se lucknowi style me sirf ek hi shabd kaha ki
GHUSO aur ye bol ke seedha packup kara diya aur same day calcutta se ek D.O.P. ( Director of photography ) Mr Ayub ali ko 18000/-(ticket price) ki urgent flight se bula ke next day shoot start kara diya !
Is baat ko share karne ka sirf ek hi maqsad tha ki is tarah ki situation me jab bhi aap phas jaye to darne ki zarurat nahi hai agar aap sahi hai to uperwale ka naam lekar bhid jaye apki help aur takat seedhe uper se hi ayegi !jaisa ki mere sath hua mujhe time zaroor laga lekin film release hui jo ki mere liye bahut badi baat hai
Aaj apke bhai/ dost ya jo bhi main lagta hun apka uski Bollywood me entry ho chuki hai as a writer, producer, & Director aaj mujhe garv hai is baat pe ki mere likhe hui lyrics(gaane) ko awaaz di PADMA SHRI KAILASH KHER JI ne Great singer SHAAN SIR & SHALMALI KHOLGADE ne..is film ka music bahut strong hai !
Jisko ZEE MUSIC ne relase kiya hai..mujhe garv hai apne uper aur sare lucknow & U.P. ke log bhi garv kar sakte hai ! aap is film ke baare me kahi pe bhi search karnge iski poori detail mil jayegi aap log bhi is film ko zaroor dekhe aur apne bachchon ko bhi sath baith ke dikha sakte hai aur dua kare ki next project isse bhi shandaar ho kyunki APUN DUSRI BHI BANAYEGA SALA 😅
Mera post aur film kaisi lagi comment box me zaroor bataye taki is film se related aur bhi kaand mai Share kar saku..ye to sirf 5% tha 🙈
Bahut kuch hua 7 saalon me !
Poora post padhne ke liye shukriya ❤️
I ❤️ LUCKNOW
Agar aap dil se lucknow aur lukcnow walon se pyaar karte hai to is post ko zaroor share karen🙏
Nimmo Lucknow Wali (2023) | 4k Full Movie | New Release Bollywood Movie | Rajesh Jais Vrajesh HirjeeExcessive usage of mobile devices among children in parti...
