UNA News

UNA News *ہر خبر سے رکھیں ہم آپ کو با خبر*
(1)

باربی کیو پر گوشت پکانے سے روکنے والی بھارتی نژاد خاتون گرفتار، کرایہ داروں سے بدسلوکی کی ویڈیو وائرلکینیڈا کے شہر سرے، ...
12/09/2026

باربی کیو پر گوشت پکانے سے روکنے والی بھارتی نژاد خاتون گرفتار، کرایہ داروں سے بدسلوکی کی ویڈیو وائرل

کینیڈا کے شہر سرے، برٹش کولمبیا میں بھارتی نژاد ایک خاتون مکان مالک کی کرایہ داروں کے ساتھ مبینہ بدسلوکی کی ویڈیوز سوشل میڈیا پر وائرل ہوگئی ہیں۔

ویڈیو میں خاتون کرایہ داروں کو باربی کیو پر گوشت پکانے سے روکنے کی کوشش کرتی اور شدید غصے میں نظر آتی ہیں۔ معاملہ بڑھنے کے بعد مبینہ طور پر باربی کیو اور دیگر سامان کو نقصان پہنچایا گیا۔

واقعے کی ویڈیوز وائرل ہونے کے بعد پولیس نے کارروائی کرتے ہوئے خاتون کو گرفتار کر لیا۔ واقعے کو لے کر سوشل میڈیا پر کرایہ داروں کے حقوق اور مکان مالک کی جانب سے ذاتی پسند ناپسند مسلط کرنے پر شدید بحث جاری ہے۔

غزہ میں اسرائیلی بمباری، 12 سالہ لانا اور 8 سالہ بانا والدین سمیت شہیدغزہ میں اسرائیلی بمباری اور بے گناہوں کے قتل کا سل...
12/09/2026

غزہ میں اسرائیلی بمباری، 12 سالہ لانا اور 8 سالہ بانا والدین سمیت شہید

غزہ میں اسرائیلی بمباری اور بے گناہوں کے قتل کا سلسلہ تھمنے کا نام نہیں لے رہا۔ شمالی غزہ سے ایک انتہائی دردناک خبر سامنے آئی ہے، جہاں اسرائیلی حملے میں ایک پورا ہنستا بستا خاندان ختم ہوگیا۔

اس خوفناک بمباری میں 12 سالہ معصوم بچی لانا اور اس کی 8 سالہ چھوٹی بہن بانا اپنے والدین کے ساتھ شہید ہوگئیں۔

ان معصوم بچیوں نے ابھی دنیا کو دیکھا بھی نہیں تھا، لیکن جنگ کی تباہی نے ان سے ان کی زندگی اور مستقبل چھین لیا۔ لانا اور بانا کی شہادت نے ایک بار پھر غزہ میں معصوم بچوں کی المناک صورتحال دنیا کے سامنے رکھ دی ہے۔

اللہ تعالیٰ ان معصوم بچیوں اور ان کے والدین کی شہادت قبول فرمائے، انہیں جنت الفردوس میں اعلیٰ مقام عطا فرمائے اور غزہ کے مظلوموں کی حفاظت فرمائے۔ آمین۔ 🤲

سابق جسٹس دیپک گپتا کا بڑا بیان"عدلیہ بدعنوان ہو چکی ہے، اکثریتی طبقے کو خوش کرنے کے لیے فیصلے دیے جا رہے ہیں، عمر خالد ...
12/09/2026

سابق جسٹس دیپک گپتا کا بڑا بیان
"عدلیہ بدعنوان ہو چکی ہے، اکثریتی طبقے کو خوش کرنے کے لیے فیصلے دیے جا رہے ہیں، عمر خالد بغیر ٹرائل کے جیل میں کیوں؟"

سینئر صحافی وکرم سنگھ چوہان نے اپنے ایک مضمون میں سپریم کورٹ کے سابق جج جسٹس دیپک گپتا کے بے باک مؤقف کی تعریف کی ہے۔ جسٹس گپتا نے حالیہ مضمون میں عدلیہ کی موجودہ صورتحال، شہری آزادیوں اور اکثریت پسندی کے بڑھتے رجحان پر شدید تشویش کا اظہار کیا ہے۔

جسٹس دیپک گپتا نے عمر خالد کی طویل حراست کا حوالہ دیتے ہوئے سوال اٹھایا کہ وہ چھ سال سے زیادہ عرصے سے جیل میں ہیں، لیکن ابھی تک ان کا ٹرائل شروع نہیں ہوا۔ انہوں نے کہا کہ جب کسی شخص کو سزا سنائے بغیر برسوں جیل میں رکھا جاتا ہے تو قانونی عمل ہی سزا بن جاتا ہے۔

انہوں نے رام جنم بھومی اور گیان واپی مسجد کے معاملات کا بھی ذکر کیا اور کہا کہ رام جنم بھومی فیصلے میں سپریم کورٹ نے عبادت گاہوں سے متعلق دیگر تنازعات کو دوبارہ کھولنے سے گریز کی بات کہی تھی، لیکن بعد میں گیان واپی معاملے میں اے ایس آئی سے یہ معلوم کرنے کا حکم دیا گیا کہ وہاں پہلے مندر موجود تھا یا نہیں۔ جسٹس گپتا کے مطابق اس فیصلے سے ایسے مقدمات کے لیے راستہ کھلا جو مختلف برادریوں کے درمیان تعلقات کو متاثر کر سکتے ہیں۔

جسٹس گپتا نے ضمانت کے معاملات میں مبینہ دوہرے معیار کی مثال دیتے ہوئے لکھا کہ گنگا میں کشتی پر مرغی کھانے والے ایک مخصوص برادری کے افراد کو کئی ماہ تک ضمانت نہیں ملی، جبکہ اسی دریا پر شراب پینے والے اکثریتی برادری کے افراد کو چند گھنٹوں میں ضمانت مل گئی۔

ان کے مضمون پر تبصرہ کرتے ہوئے وکرم سنگھ چوہان نے جسٹس دیپک گپتا کی بے خوفی کو سراہا اور ان کے لیے "سلام جسٹس دیپک گپتا!" کا پیغام دیا۔

صرف ایک دو مقدمات کی بنیاد پر کسی کو ’غنڈا‘ بنا کر اس کے خلاف کارروائی نہیں کی جا سکتی۔ قانون کا غلط استعمال لوگوں کو دب...
12/09/2026

صرف ایک دو مقدمات کی بنیاد پر کسی کو ’غنڈا‘ بنا کر اس کے خلاف کارروائی نہیں کی جا سکتی۔ قانون کا غلط استعمال لوگوں کو دبانے کے لیے نہیں ہونا چاہیے۔الہ آباد ہائی کورٹ ۔

الہ آباد ہائی کورٹ نے اترپردیش میں غنڈا ایکٹ کے مبینہ غلط استعمال پر سخت تبصرہ کیا ہے۔ عدالت نے ایک شخص کے خلاف صرف دو فوجداری مقدمات کی بنیاد پر اسے ’غنڈا‘ قرار دینے کی کارروائی کو منسوخ کرتے ہوئے کہا کہ اس قانون کا استعمال بہت احتیاط سے اور صرف واضح معاملات میں ہونا چاہیے۔

جسٹس سبھاش ودیارتھی کی بنچ نے کہا کہ کسی شخص کے خلاف صرف دو مقدمات درج ہونا اسے عادی مجرم ثابت نہیں کرتا۔ عدالت نے واضح کیا کہ ’غنڈا ایکٹ‘ ایک طاقتور قانون ہے، اسے بے قصور لوگوں پر دباؤ ڈالنے کے ہتھیار کے طور پر استعمال نہیں کیا جانا چاہیے۔

عدالت نے متعلقہ حکام کی کارروائی کو منسوخ کرتے ہوئے کہا کہ اس قانون کا بنیادی مقصد عوامی نظم و نسق برقرار رکھنا اور عادی مجرموں پر قابو پانا ہے، نہ کہ سیاسی یا ذاتی مخالفت رکھنے والوں کو دبانا۔

مظفر نگر میں رشتوں کو شرمسار کرنے والا معاملہ، بیوی اور 3 بچوں کو چھوڑ کر کِنّر(خواجہ سرا)کے ساتھ شوہر فرارمظفر نگر، اتر...
11/09/2026

مظفر نگر میں رشتوں کو شرمسار کرنے والا معاملہ، بیوی اور 3 بچوں کو چھوڑ کر کِنّر(خواجہ سرا)کے ساتھ شوہر فرار

مظفر نگر، اترپردیش: اترپردیش کے مظفر نگر ضلع سے رشتوں کو شرمسار کر دینے والا ایک حیران کن معاملہ سامنے آیا ہے۔ یہاں استختار بیگ نامی ایک شخص اپنی بیوی اور تین معصوم بچوں کو بے سہارا چھوڑ کر مبینہ طور پر ایک کِنّر کے ساتھ فرار ہوگیا۔

شوہر کی مبینہ بے وفائی سے صدمے میں مبتلا خاتون کا رو رو کر برا حال ہے۔ اپنے اور بچوں کے اجڑتے مستقبل کو دیکھتے ہوئے متاثرہ خاتون نے مظفر نگر پولیس سے رجوع کیا ہے۔

خاتون نے تھانے میں اپنی دردناک روداد سناتے ہوئے پولیس اور انتظامیہ سے اپیل کی ہے کہ اس کے شوہر کو جلد تلاش کیا جائے اور اسے انصاف دلایا جائے۔

واقعے کے سامنے آنے کے بعد علاقے میں بھی اس معاملے کو لے کر بحث شروع ہوگئی ہے۔

سہارنپور کلکٹریٹ مسجد معاملہ: قانونی اور سیاسی لڑائی تیز، مجلس وفد کی کمشنر سے ملاقاتسہارنپور کلکٹریٹ مسجد کو شہید کیے ج...
11/09/2026

سہارنپور کلکٹریٹ مسجد معاملہ: قانونی اور سیاسی لڑائی تیز، مجلس وفد کی کمشنر سے ملاقات

سہارنپور کلکٹریٹ مسجد کو شہید کیے جانے کے معاملے میں اب قانونی اور سیاسی لڑائی تیز ہوگئی ہے۔ جمعرات کو اے آئی ایم آئی ایم (مجلس) کے رہنماؤں اور وکلا کے ایک وفد نے کمشنر سے ملاقات کرکے کارروائی پر سخت احتجاج درج کرایا۔

مجلس کے ترجمان اور ایڈووکیٹ شاداب چوہان نے کارروائی کو انتہائی افسوسناک قرار دیتے ہوئے الزام لگایا کہ انتظامیہ نے مقررہ قانونی طریقۂ کار پر عمل نہیں کیا۔

شاداب چوہان نے 1960 کی لیز اور پرانے ریونیو ریکارڈ کا حوالہ دیتے ہوئے کہا کہ مسجد گرانے کے حکم میں وضاحت نہیں تھی اور نہ ہی انصاف کا مناسب موقع دیا گیا۔ انہوں نے عوام کو یقین دلایا کہ پارٹی کے بڑے وکلا کی ٹیم مسجد کمیٹی کے ساتھ رابطے میں ہے، تمام دستاویزات جمع کیے جا رہے ہیں اور ضرورت پڑنے پر ہائی کورٹ کا دروازہ بھی کھٹکھٹایا جائے گا۔

اس دوران شاداب چوہان نے سہارنپور کے مقامی ارکانِ پارلیمنٹ اور اسمبلی پر بھی سخت حملہ کیا۔ انہوں نے اسے عوامی نمائندوں کی بڑی ناکامی قرار دیتے ہوئے کہا:

"اگر مجلس کے رہنما وہاں ہوتے تو مسجد کو بچانے کے لیے وہیں لیٹ جاتے۔"

انہوں نے الزام لگایا کہ ان رہنماؤں نے ویڈیو جاری کرکے کارروائی کو محض افواہ قرار دیا اور مسلمانوں کو گمراہ کیا۔

جامعہ اسلامیہ جلالیہ کے سابق طالب علم و استاد مولانا حسین احمد القاسمی انتقال کر گئےإِنَّا لِلّٰهِ وَإِنَّا إِلَيْهِ رَا...
11/09/2026

جامعہ اسلامیہ جلالیہ کے سابق طالب علم و استاد مولانا حسین احمد القاسمی انتقال کر گئے
إِنَّا لِلّٰهِ وَإِنَّا إِلَيْهِ رَاجِعُونَ

انتہائی افسوسناک خبر
جامعہ اسلامیہ جلالیہ کے سابق طالب علم اور بعد ازاں اسی ادارے میں تدریسی خدمات انجام دینے والے حضرت مولانا حسین احمد القاسمی صاحب طویل علالت کے بعد آج انتقال کر گئے۔

مولانا حسین احمد القاسمی کی وفات کی خبر سے علمی و دینی حلقوں میں غم کی لہر دوڑ گئی۔ مرحوم نے اپنی زندگی دینی تعلیم، تدریس اور علمی خدمات کے لیے وقف کر رکھی تھی۔

ان کے انتقال پر متعلقین، شاگردوں اور محبین نے گہرے رنج و غم کا اظہار کیا ہے اور مرحوم کے لیے مغفرت و بلندیٔ درجات کی دعا کی ہے۔

اللہ تعالیٰ مرحوم کی مغفرت فرمائے، درجات بلند فرمائے اور اہلِ خانہ و تمام پسماندگان کو صبرِ جمیل عطا فرمائے۔ آمین۔ 🤲

گونڈہ میں ونود ساہنی قتل کیس: کاجل نشاد نے اینکاؤنٹر اور بلڈوزر کارروائی پر اٹھائے سوالاترپردیش کے گونڈہ میں ونود کمار س...
11/09/2026

گونڈہ میں ونود ساہنی قتل کیس: کاجل نشاد نے اینکاؤنٹر اور بلڈوزر کارروائی پر اٹھائے سوال

اترپردیش کے گونڈہ میں ونود کمار ساہنی کے قتل کے بعد پولیس کی کارروائی اور قانون و انصاف کے معاملے پر سیاسی بحث تیز ہوگئی ہے۔ سماج وادی پارٹی کی رہنما کاجل نشاد نے پولیس انتظامیہ پر سنگین سوالات اٹھاتے ہوئے کہا کہ اگر مقتول کی جگہ کوئی یادو یا مسلمان ہوتا تو پولیس فوراً اس کا اینکاؤنٹر کر دیتی اور اس کے گھر پر بلڈوزر چلا دیا جاتا۔

کاجل نشاد کے اس بیان پر موقع پر موجود انسپکٹر سنتوش سنگھ نے پولیس کا دفاع کرتے ہوئے کہا کہ ایسا نہیں ہے اور پولیس نے مختلف برادریوں سے تعلق رکھنے والے جرائم پیشہ افراد کے خلاف بھی کارروائی کی ہے۔

ونود ساہنی کے قتل کے معاملے میں پولیس نے متعدد ملزمان کے خلاف مقدمہ درج کیا ہے، جبکہ کچھ ملزمان کو گرفتار بھی کیا جا چکا ہے۔ پولیس کے مطابق واقعے کے پیچھے سوشل میڈیا پوسٹ کو لے کر پیدا ہوئی رنجش کا معاملہ سامنے آیا ہے۔

سہارنپور مسجد سے متعلق خبر دکھانے پر صحافی ’پوجا ماتھر‘ کے خلاف ایف آئی آر درجسہارنپور مسجد سے متعلق خبر دکھانے پر صحافی...
11/09/2026

سہارنپور مسجد سے متعلق خبر دکھانے پر صحافی ’پوجا ماتھر‘ کے خلاف ایف آئی آر درج

سہارنپور مسجد سے متعلق خبر دکھانے پر صحافی پوجا ماتھر کے خلاف ایف آئی آر درج کی گئی ہے۔ پوجا ماتھر نے کہا کہ "یہ لوگ شدید خواتین مخالف ہیں، یہ نہیں چاہتے کہ کوئی خاتون صحافی آزادی کے ساتھ صحافت کرے۔"

سپریم کورٹ کا بڑا فیصلہ، طلبہ احتجاج کی تحقیقات کرنے والی کمیٹی ایف آئی آر کا حکم نہیں دے سکتیسپریم کورٹ نے کہا ہے کہ دہ...
11/09/2026

سپریم کورٹ کا بڑا فیصلہ، طلبہ احتجاج کی تحقیقات کرنے والی کمیٹی ایف آئی آر کا حکم نہیں دے سکتی

سپریم کورٹ نے کہا ہے کہ دہلی میں طلبہ کے احتجاج کے دوران ہونے والے تشدد کے الزامات کی تحقیقات کرنے والی ہائی پاورڈ انکوائری کمیٹی ایف آئی آر درج کرنے کا حکم نہیں دے سکتی۔

عدالت نے کمیٹی کے ارکان میں تبدیلی کرنے کی تجاویز بھی مسترد کر دیں۔ سپریم کورٹ نے واضح کیا کہ اسی نے خود اس کمیٹی کی تشکیل کی ہے، اس لیے کمیٹی کے کام شروع کرنے سے پہلے اس کی تشکیل نو نہیں کی جائے گی۔

Address

Lucknow

Telephone

+919161645654

Website

Alerts

Be the first to know and let us send you an email when UNA News posts news and promotions. Your email address will not be used for any other purpose, and you can unsubscribe at any time.

Contact The Business

Send a message to UNA News:

Shortcuts

Share

Category