https://www.facebook.com/101772455818794/

Sansar-Safar News, street no 3, Ludhiana (2025)

01/09/2025

# @
1 ਸਤੰਬਰ 2025 ਸ਼ੇਰਪੁਰ
30 ਅਗਸਤ 2025 ਨੂੰ ਸ਼ੇਰਪੁਰ ਗੁਰਦੁਆਰਾ ਸ੍ਰੀ ਅਕਾਲ ਪ੍ਰਕਾਸ਼ ਸਾਹਿਬ ਸ਼ੇਰਪੁਰ ਸੰਗਰੂਰ ਵਿੱਖੇ ਹੋਇਆ ਜਿਸ ਸੁਖਦੇਵ ਸਿੰਘ ਭੁਪਾਲ ਨੇ ਵਿਸਥਾਰ ਪੂਰਵਕ ਅੱਜ ਦੇ ਹਲਾਤਾਂ ਬਾਰੇ ਵਿਚਾਰ ਚਰਚਾ ਕੀਤੀ ਕਿ ਇਹ ਕਾਰਪੋਰੇਟ ਸੋਚ ਦੇ ਕਾਰਨ ਹੀ ਸਭ ਕੁੱਝ ਵਾਪਰ ਰਿਹਾ ਹੈ । ਸ੍ਰੀ ਜਗਪਾਲ ਸਿੰਘ ਜਨਰਲ ਸਕੱਤਰ ਖੇਤੀਬਾੜੀ ਤੇ ਕਿਸਾਨ ਵਿਕਾਸ ਫ਼ਰੰਟ ਪੰਜਾਬ ਨੇ ਕਿਹਾ ਕਿ ਮੈਨੂੰ ਇਸ ਤਰ੍ਹਾਂ ਲੱਗ ਰਿਹਾ ਹੈ ਕਿ ਕਿਸਾਨ ਵੀ ਕਾਰਪੋਰੇਟ ਸੋਚ ਦਾ ਧਾਰਨੀ ਹੋ ਗਿਆ ਹੈ । ਅਸੀਂ ਭਾਵੇਂ ਸਰਕਾਰਾਂ ਤੋਂ ਤਿੰਨ ਕਾਨੂੰਨ ਨੂੰ ਵਾਪਸ ਕਰਵਾਉਣ ਵਿੱਚ ਕਾਮਯਾਬ ਹੋਏ ਹਾਂ ਪਰ ਇਸ ਖੇਤੀ ਦਾ ਉਦਯੋਗ ਮਾਡਲ ਨੂੰ ਬਦਲ ਨਹੀਂ ਰਹੇ, ਅੱਜ ਜਦੋਂ ਜ਼ਮੀਨਾਂ ਘੱਟ ਰਹੀਆਂ ਹਨ ਪਰ ਟ੍ਰੈਕਟਰ ਵੱਡੇ ਤੇ ਫ਼ੋਰ ਬਾਈ ਫ਼ੋਰ ਹੋ ਰਹੇ ਹਨ ਤੇ ਖਾਦਾਂ ਦੀ ਵਰਤੋਂ ਤੇ ਜ਼ਹਿਰਾਂ ਦੀ ਵਰਤੋਂ ਅੰਨ੍ਹੇ ਵਾਹ ਹੋ ਰਹੀ ਹੈ। ਕੀ ਇਸ ਤਰ੍ਹਾਂ ਅਸੀਂ ਕਰਜ਼ੇ ਤੋਂ ਰਾਹਤ ਹੋ ਜਾਵਾਂਗੇ । ਮੈਨੂੰ ਇਸ ਤਰ੍ਹਾਂ ਲੱਗ ਰਿਹਾ ਕਿ ਸਾਡੀ ਨੌਜਵਾਨ ਪੀੜ੍ਹੀ ਬਦਲਣਾ ਤਾਂ ਚਹੁੰਦੀ ਹੈ ਪਰ ਉਸ ਨੂੰ ਸਹੀ ਰਸਤਾ ਹੀ ਨਹੀਂ ਮਿੱਲ ਰਿਹਾ, ਸਾਡੇ ਲੀਡਰ ਵੀ ਸੰਘਰਸ਼ ਤਾਂ ਕਰਨ ਜਾਣਦੇ ਹਨ ਪਰ ਇਸ ਸਿਸਟਮ ਨੂੰ ਬਦਲਣਾ ਨਹੀਂ ਚਾਹੁੰਦੇ । ਇਸ ਤਰ੍ਹਾਂ ਜ਼ਿਆਦਾ ਚਿਰ ਨਹੀਂ ਚੱਲ ਸਕਦਾ ਇਸ ਲਈ ਇਸ ਉਦਯੋਗਿਕ ਖੇਤੀ ਨੂੰ ਬਦਲਣਾ ਪਵੇਗਾ ਤੇ ਕੁਦਰਤੀ ਖੇਤੀ ਜੋਂ ਜ਼ਹਿਰ ਮੁਕਤ ਹੋਵੇ ਤੇ ਸਹਿਕਾਰੀ ਢੰਗ ਨਾਲ ਹੋਵੇ ਅੱਜ ਦੀ ਮੁੱਖ ਜਰੂਰਤ ਹੈ । ਸਾਨੂੰ ਸਰਕਾਰਾਂ ਤੇ ਵੀ ਦਬਾਅ ਪਾਉਣਾ ਪਵੇਗਾ ਕਿ ਕੁਦਰਤੀ ਖੇਤੀ ਇਕਲਾ ਕਿਸਾਨ ਨਹੀਂ ਕਰ ਸਕਦਾ ਇਸ ਲਈ ਸਰਕਾਰਾਂ (ਸਟੇਟ ਤੇ ਕੇਂਦਰ) ਨੂੰ ਬਜ਼ਟ ਦਾ 50% ਹਿੱਸਾ ਖੇਤੀ ਨੂੰ ਦੇਣ ਤਦ ਹੀ ਇਹ ਹੋ ਸਕੇਗਾ । ਕੁਦਰਤੀ ਖੇਤੀ ਕਰਨ ਨਾਲ ਵਾਤਾਵਰਨ ਸ਼ੁਧ ਹੋ ਜਾਵੇਗਾ ਦੇ ਹਵਾ, ਪਾਣੀ ਤੇ ਭੋਜਨ ਸ਼ੁਧ ਤੇ ਪੋਸ਼ਟਿਕ ਹੋ ਜਾਂਦੇ ਹਨ ਤਾਂ ਮਨੁੱਖੀ ਸਿਹਤ ਵਿੱਚ ਸੁਧਾਰ ਹੋ ਜਾਵੇਗਾ ਤੇ ਰੁਜ਼ਗਾਰ ਵਿੱਚ ਵਾਧਾ ਹੋਵੇਗਾ ਤੇ ਵਿਚਾਰ ਪੱਖੋਂ ਵੀ ਸ਼ੁਧਤਾ ਆਵੇਗੀ। ਸ੍ਰੀ ਮਹਿੰਦਰ ਸਿੰਘ ਭੱਠਲ ਪ੍ਰਧਾਨ ਖੇਤੀਬਾੜੀ ਤੇ ਕਿਸਾਨ ਵਿਕਾਸ ਫ਼ਰੰਟ ਪੰਜਾਬ ਨੇਂ ਵੀ ਕੁਦਰਤੀ ਖੇਤੀ ਤੇ ਜ਼ੋਰਦਾਰ ਵਕਾਲਤ ਕਰਦਿਆਂ ਕਿਹਾ ਕੇ ਅੱਜ ਦੀ ਮੁੱਖ ਲੋੜ ਹੈ ਕੁਦਰਤੀ ਖੇਤੀ ਕਿਉਂਕਿ ਖੇਤੀ ਤੇ ਸਾਡਾ ਜੀਵਨ ਟਿਕਿਆ ਹੋਇਆ ਹੈ ਇਸ ਤੋਂ ਬਿਨਾਂ ਬਚਿਆ ਨਹੀਂ ਜਾ ਸਕਦਾ, 99% ਲੋਕ ਖੇਤੀ ਤੇ ਨਿਰਭਰ ਹਨ , ਇਸ ਲਈ ਖੇਤੀ ਸਾਡੀ ਜੀਵਨ ਰੇਖਾ ਹੈ ਤੇ ਇਸ ਲਈ ਇਸ ਦੀ ਪਹਿਲਾ ਦਰਜਾ ਖੇਤੀ ਦਾ ਹੋਣਾ ਚਾਹੀਦਾ ਹੈ। ਅੱਜ ਦੀਆਂ ਸਰਕਾਰਾਂ ਉਦਯੋਗ ਨੂੰ ਪਹਿਲਾ ਦਰਜਾ ਦਿੰਦੀ ਹੈ ਉਹਨਾਂ ਦੇ ਕਰਜ਼ੇ ਵੀ ਮਾਫ ਕੀਤੇ ਜਾਂਦੇ ਹਨ ਪਰ ਖੇਤੀ ਨੂੰ ਉਜਾੜਿਆ ਜਾ ਰਿਹਾ ਹੈ , ਖੇਤੀ ਨੂੰ ਉਦਯੋਗਿਕ ਲੋਕਾਂ ਦੇ ਹਵਾਲੇ ਕੀਤਾ ਜਾ ਰਿਹਾ ਹੈ ਜੋਂ ਗ਼ਲਤ ਹੈ ਕਿਉਂਕਿ ਮਨੁੱਖ ਨੂੰ ਅਨਾਜ ਦੀ ਲੋੜ ਜਿਸ ਨੂੰ ਖਾ ਕੇ ਹੀ ਜ਼ਿੰਦਾ ਰਿਹਾ ਜਾ ਸਕਦਾ ਹੈ , ਪਰ ਸਨਅਤੀ ਪਦਾਰਥਾਂ ਨੂੰ ਖਾ ਕੇ ਜ਼ਿੰਦਾ ਨਹੀਂ ਰਿਹਾ ਜਾ ਸਕਦਾ ਇਸ ਲਈ ਖੇਤੀ ਮਨੁੱਖੀ ਜੀਵਨ ਲਈ ਬਹੁਤ ਹੀ ਜ਼ਰੂਰੀ ਹੈ ਇਸ ਲਈ ਸਾਨੂੰ ਇਕ ਲੋਕ ਲਹਿਰ ਦੀ ਜ਼ਰੂਰਤ ਹੈ ਜੋ ਇਸ ਕਾਰਪੋਰੇਟ ਸਿਸਟਮ ਨੂੰ ਬਦਲ ਸਕੇ।

31/08/2025

# @

ਜਲਵਾਯੂ ਤਬਦੀਲੀ ਅਤੇ ਖੇਤੀ ਸੰਕਟ ਬਾਰੇ ਵਿਚਾਰ ਗੋਸ਼ਟੀ ਹੋਈ

31 ਅਗਸਤ ਸ਼ੇਰਪੁਰ ਸੰਦੀਪ ਸਿੰਘ ਗਰੇਵਾਲ
30 ਅਗਸਤ ਨੂੰ ਕੁਦਰਤ-ਮਾਨਵ ਕੇਂਦਰਿਤ ਲੋਕ ਲਹਿਰ, ਇਕਾਈ ਸ਼ੇਰਪੁਰ ਅਤੇ ਖੇਤੀਬਾੜੀ ਤੇ ਕਿਸਾਨ ਵਿਕਾਸ ਫਰੰਟ, ਪੰਜਾਬ ਵੱਲੋਂ ਸਾਂਝੇ ਤੌਰ 'ਤੇ ਇੱਕ ਸੈਮੀਨਾਰ ਦਾ ਆਯੋਜਨ ਕੀਤਾ ਗਿਆ। ਸੈਮੀਨਾਰ ਦਾ ਵਿਸ਼ਾ ਸੀ — 'ਸਰਕਾਰਾਂ ਦੀਆਂ ਖੇਤੀਬਾੜੀ ਵਿਰੋਧੀ ਨੀਤੀਆਂ ਅਤੇ ਸਾਡੀ ਭੋਜਨ ਸੁਰੱਖਿਆ ਦਾ ਭਵਿੱਖ'। ਇਸ ਸਮੇਂ ਕੁਦਰਤ-ਮਾਨਵ ਕੇਂਦਰਿਤ ਲੋਕ ਲਹਿਰ ਦੇ ਕੇਂਦਰੀ ਆਗੂ ਸੁਖਦੇਵ ਸਿੰਘ ਭੁਪਾਲ ਨੇ ਆਪਣੇ ਵਿਚਾਰ ਪੇਸ਼ ਕਰਦਿਆਂ ਕਿਹਾ ਕਿ ਭੋਜਨ ਸੁਰੱਖਿਆ ਨੂੰ ਰਾਸ਼ਟਰੀ ਸੁਰੱਖਿਆ ਨਾਲੋਂ ਵੱਧ ਮਹੱਤਵ ਮਿਲਣਾ ਚਾਹੀਦਾ ਹੈ। ਸਾਡੀਆਂ ਸਰਕਾਰਾਂ ਰਾਸ਼ਟਰੀ ਸੁਰੱਖਿਆ 'ਤੇ ਜਿੰਨਾ ਖ਼ਰਚਾ ਕਰਦੀਆਂ ਹਨ, ਉਸ ਤੋਂ ਵੱਧ ਧਿਆਨ ਅਤੇ ਖ਼ਰਚਾ ਵਾਤਾਵਰਨ ਨੂੰ ਬਚਾਉਣ ਅਤੇ ਭੋਜਨ ਸੁਰੱਖਿਆ ਨੀਤੀ 'ਤੇ ਕੀਤਾ ਜਾਣਾ ਚਾਹੀਦਾ ਹੈ। ਕਾਰਪੋਰੇਟ ਜਗਤ ਦੁਆਰਾ ਸੰਚਾਲਿਤ ਸਰਕਾਰਾਂ ਇਸ ਅਹਿਮ ਮੁੱਦੇ ਨੂੰ ਅੱਖੋਂ ਪਰੋਖੇ ਕਰ ਦਿੰਦੀਆਂ ਹਨ। ਸਰਕਾਰਾਂ ਅਜਿਹੀਆਂ ਨੀਤੀਆਂ ਹੀ ਲੈ ਕੇ ਆਉਂਦੀਆਂ ਹਨ, ਜਿਹੜੀਆਂ ਮਹਿਜ ਪੂੰਜੀ ਅਧਾਰਤ ਹਨ ਅਤੇ ਕੁਦਰਤ-ਮਨੁੱਖ ਵਿਰੋਧੀ ਹਨ। ਮੌਜੂਦਾ ਹੜ੍ਹਾਂ ਦੀ ਭਿਆਨਕ ਸਥਿਤੀ ਦਾ ਜਿਕਰ ਕਰਦਿਆਂ ਉਨ੍ਹਾਂ ਕਿਹਾ ਕਿ ਅਜਿਹਾ ਇਸ ਕਰਕੇ ਹੋਇਆ ਹੈ ਕਿ ਬੀ.ਬੀ.ਐਮ.ਬੀ. ਸਮੇਂ ਦੀ ਨਜਾਕਤ ਨੂੰ ਦੇਖ ਕੇ ਕੰਮ ਨਹੀਂ ਕਰਦੀ, ਭਾਵ ਉਹ ਡੈਮਾਂ ਨੂੰ ਲਬਾਲਬ ਭਰਨ ਦਾ ਲਾਲਚ ਤਾਂ ਕਰਦੀ ਹੈ, ਪਰ ਦਰਿਆਵਾਂ ਦੇ ਈਕੋ ਸਿਸਟਮ ਨੂੰ ਧਿਆਨ ਵਿੱਚ ਨਹੀਂ ਰੱਖਦੀ। ਉਸਨੂੰ ਚਾਹੀਦਾ ਹੈ ਕਿ ਦਰਿਆਵਾਂ ਵਿੱਚ ਪਾਣੀ ਅਚਾਨਕ ਛੱਡਣ ਦੀ ਬਜਾਏ ਲਗਾਤਾਰ ਚਲਦਾ ਰਹੇ। ਕੁੱਲ ਪਾਣੀ ਦੇ ਵਹਾਅ ਦਾ ਘੱਟੋ-ਘੱਟ 20 ਪ੍ਰਤੀਸ਼ਤ ਦਰਿਆਵਾਂ ਵਿੱਚ ਵਹਿੰਦੇ ਰਹਿਣ ਨਾਲ ਈਕੋ ਸਿਸਟਮ ਦਾ ਸੰਤੁਲਨ ਵੀ ਬਣਿਆ ਰਹਿੰਦਾ ਹੈ। ਬੋਰਡ ਨੂੰ ਚਾਹੀਦਾ ਹੈ ਕਿ ਸਮੇਂ ਦੇ ਬਦਲਾਅ ਨਾਲ ਉਹਨਾਂ ਨੂੰ ਆਪਣੇ ਕੰਮ ਕਰਨ ਦੇ ਨਿਯਮਾਂ ਵਿੱਚ ਵੀ ਤਬਦੀਲੀ ਕਰੇ। ਸਰਕਾਰਾਂ ਨੂੰ ਵੀ ਪਾਣੀ ਦੇ ਪ੍ਰਬੰਧਨ ਵਾਸਤੇ ਜਲਵਾਯੂ ਤਬਦੀਲੀ ਨੂੰ ਧਿਆਨ ਵਿੱਚ ਰਖਦਿਆਂ ਸਖ਼ਤ ਦਿਸ਼ਾ ਨਿਰਦੇਸ਼ ਦੇਣੇ ਚਾਹੀਦੇ ਹਨ। ਖੇਤੀਬਾੜੀ ਤੇ ਕਿਸਾਨ ਵਿਕਾਸ ਫਰੰਟ ਦੇ ਸੂਬਾਈ ਪ੍ਰਧਾਨ ਮਹਿੰਦਰ ਸਿੰਘ ਭੱਠਲ ਨੇ ਕਿਹਾ ਕਿ ਉਦਯੋਗਿਕ ਅਤੇ ਰਸਾਇਣਿਕ ਜ਼ਹਿਰਾਂ ਵਾਲੀ ਖੇਤੀ ਤਕਨੀਕ ਨੇ ਕਿਸਾਨਾਂ ਨੂੰ ਪੂੰਜੀ ਦੁਆਲੇ ਕੇਂਦਰਿਤ ਕਰਕੇ ਸਗੋਂ ਮੌਤ ਦੇ ਰਾਹ ਪਾ ਦਿੱਤਾ ਹੈ। ਕੁਦਰਤੀ ਅਤੇ ਸਹਿਕਾਰੀ ਖੇਤੀ ਨੂੰ ਅਪਣਾਉਣ ਲਈ ਉਪਰਾਲੇ ਕਰਨ ਦੀ ਲੋੜ ਹੈ। ਇਸ ਨੂੰ ਕਰਨ ਲਈ ਸਰਕਾਰਾਂ 'ਤੇ ਦਬਾਅ ਪਾਉਣਾ ਹੋਵੇਗਾ ਕਿ ਉਹ ਆਪਣੇ ਕੁੱਲ ਬਜਟ ਦਾ 50 ਪ੍ਰਤੀਸ਼ਤ ਹਿੱਸਾ ਖੇਤੀ ਲਈ ਰਾਖਵਾਂ ਰੱਖਣ। ਇਸ ਨਾਲ ਜਿੱਥੇ ਅਸੀਂ ਜਲਵਾਯੂ ਤਬਦੀਲੀ ਨੂੰ ਠੱਲ੍ਹ ਪਾ ਸਕਾਂਗੇ, ਉਥੇ ਭੋਜਨ ਸੁਰੱਖਿਆ ਦੀ ਗਾਰੰਟੀ ਕਰਕੇ ਮਨੁੱਖੀ ਸਿਹਤ ਅਤੇ ਮਿੱਟੀ ਨੂੰ ਵੀ ਤੰਦਰੁਸਤ ਕਰ ਸਕਾਂਗੇ। ਕੁਦਰਤ-ਮਾਨਵ ਕੇਂਦਰਿਤ ਲੋਕ ਲਹਿਰ ਦੇ ਸੂਬਾ ਪ੍ਰਧਾਨ ਗੁਰਦਰਸ਼ਨ ਸਿੰਘ ਖਟੜਾ ਨੇ ਕਿਹਾ ਕਿ ਖੇਤੀ ਕੋਈ ਧੰਦਾ ਨਹੀਂ ਹੈ, ਸਗੋਂ ਖੇਤੀ ਮਨੁੱਖੀ ਸਮਾਜ ਦੀ ਜੀਵਨ ਰੇਖਾ ਹੈ। ਉਨ੍ਹਾਂ ਇਹ ਵੀ ਕਿਹਾ ਕਿ ਕੁਦਰਤ-ਮਨੁੱਖ ਪੱਖੀ ਏਜੰਡਾ ਲਾਗੂ ਕਰਕੇ ਹੀ ਸਾਰੀਆਂ ਸਮੱਸਿਆਵਾਂ ਦਾ ਹੱਲ ਹੋ ਸਕਦਾ ਹੈ। ਜਗਪਾਲ ਸਿੰਘ ਊਧਾ, ਜਰਨਲ ਸਕੱਤਰ, ਖੇਤੀਬਾੜੀ ਤੇ ਕਿਸਾਨ ਵਿਕਾਸ ਫਰੰਟ, ਪੰਜਾਬ ਨੇ ਕਿਹਾ ਕਿ ਜੀ.ਐਮ. (ਜੇਨੈਟੀਕਲੀ ਮੋਡੀਫਾਈਡ) ਬੀਜਾਂ ਦੀ ਨੀਤੀ ਦਾ ਵਿਰੋਧ ਕਰਨਾ ਚਾਹੀਦਾ ਹੈ। ਵਿਚਾਰ ਚਰਚਾ ਵਿੱਚ ਹਿੱਸਾ ਲੈਣ ਵਾਲਿਆਂ ਵਿੱਚ ਵਾਤਾਵਰਨ ਪ੍ਰੇਮੀ ਸੁਰਿੰਦਰ ਪਾਲ ਕੌਸ਼ਲ ਬਰਨਾਲਾ, ਮਾ. ਜਸਵੰਤ ਸਿੰਘ ਬਨਭੌਰੀ, ਮਾ. ਮਹਿੰਦਰ ਪ੍ਰਤਾਪ, ਸੁਖਜੀਤ ਸਿੰਘ ਰਟੌਲ ਗੋਬਿੰਦਪੁਰਾ, ਹਰਜੀਤ ਸਿੰਘ ਬਦੇਸ਼ਾ, ਗੁਰਮੇਲ ਸਿੰਘ ਮੇਘ, ਸ਼ਮਿੰਦਰ ਸਿੰਘ ਲੌਂਗੋਵਾਲ, ਮੇਜਰ ਸਿੰਘ ਖੇੜੀ ਅਤੇ ਮਹਿੰਦਰ ਸਿੰਘ ਖੋਖਰ ਵੀ ਸ਼ਾਮਿਲ ਸਨ। ਸਮਾਗ਼ਮ ਦੇ ਸ਼ੁਰੂ ਹੁੰਦਿਆਂ ਹੀ ਹਾਲ ਹੀ ਵਿੱਚ ਹੜ੍ਹਾਂ ਦੌਰਾਨ ਵੱਡੇ ਪੱਧਰ ਤੇ ਦੋਵੇਂ ਮੁਲਕਾਂ ਭਾਰਤ ਅਤੇ ਪਾਕਿਸਤਾਨ ਦੀਆਂ ਮਨੁੱਖੀ ਜਾਨਾਂ ਅਜਾਈਂ ਜਾਣ 'ਤੇ ਮੌਨ ਰੱਖ ਕੇ ਸ਼ਰਧਾਂਜਲੀ ਦਿੱਤੀ ਗਈ ਅਤੇ ਹੋਏ ਜਾਨ ਮਾਲ 'ਤੇ ਅਫ਼ਸੋਸ ਦਾ ਪ੍ਰਗਟਾਵਾ ਕੀਤਾ ਗਿਆ। ਸਮੁੱਚੇ ਇਕੱਠ ਨੇ ਸਰਬਸੰਮਤੀ ਨਾਲ ਕੇਂਦਰ ਸਰਕਾਰ ਤੋਂ ਇਹ ਮੰਗ ਕੀਤੀ ਕਿ ਜੰਮੂ ਕਸ਼ਮੀਰ, ਪੰਜਾਬ, ਹਿਮਾਚਲ ਪ੍ਰਦੇਸ਼ ਅਤੇ ਉੱਤਰਾਖੰਡ ਵਿੱਚ ਆਏ ਹੜ੍ਹਾਂ ਅਤੇ ਵਾਪਰੀਆਂ ਹੋਰ ਘਟਨਾਵਾਂ (ਜਿਵੇਂ, ਬੱਦਲਾਂ ਦਾ ਫਟਣਾ, ਧਿਗਾਂ ਡਿੱਗਣਾ, ਆਦਿ) ਨੂੰ ਕੌਮੀ ਆਫ਼ਤ ਐਲਾਨ ਕੇ ਫੌਰੀ ਤੌਰ 'ਤੇ ਵਿਸ਼ੇਸ਼ ਮੁਆਵਜੇ ਦਾ ਐਲਾਨ ਕਰਕੇ ਪੀੜਿਤਾਂ ਨੂੰ ਰਾਹਤ ਦਿੱਤੀ ਜਾਵੇ। ਅਜਮੇਰ ਅਕਲੀਆ ਅਤੇ ਕੇਸਰ ਸਿੰਘ ਗਰੇਵਾਲ ਨੇ ਅਗਾਂਹਵਧੂ ਗੀਤ ਗਾਏ। ਇਸ ਸਮਾਗਮ ਵਿੱਚ ਰਾਜਵਿੰਦਰ ਸਿੰਘ ਸਰਪੰਚ ਸ਼ੇਰਪੁਰ, ਮੈਂਬਰ ਪੰਚਾਇਤ ਹਰਦੀਪ ਸਿੰਘ ਗਰੇਵਾਲ ਆਦਿ ਨੇ ਵਿਸ਼ੇਸ਼ ਤੌਰ 'ਤੇ ਸ਼ਮੂਲੀਅਤ ਕੀਤੀ। ਕੁਦਰਤ-ਮਾਨਵ ਕੇਂਦਰਿਤ ਲੋਕ ਲਹਿਰ ਦੀ ਸ਼ੇਰਪੁਰ ਇਕਾਈ ਦੇ ਕਨਵੀਨਰ ਸੰਦੀਪ ਸਿੰਘ ਗਰੇਵਾਲ ਦੀ ਅਗਵਾਈ ਵਿੱਚ ਸਫਲਤਾਪੂਰਵਕ ਹੋਏ ਇਸ ਸਮਾਗਮ ਵਿੱਚ ਅਮਰਜੀਤ ਸਿੰਘ ਜੱਸੀ, ਹਰਗੋਬਿੰਦ ਸ਼ੇਰਪੁਰ, ਬਹਾਦਰ ਸਿੰਘ ਚੌਧਰੀ, ਸੁਖਚੈਨ ਸਿੰਘ ਕਲੇਰਾਂ, ਹਰਨੇਕ ਸਿੰਘ ਖੇੜੀ, ਬਲਦੇਵ ਸਿੰਘ ਘਨੌਰੀ, ਮਾ. ਈਸ਼ਰ ਸਿੰਘ, ਮਾ. ਦਿਆਲ ਸਿੰਘ, ਭੋਲਾ ਸਿੰਘ ਸ਼ੇਰਪੁਰ, ਬੰਤ ਸਿੰਘ ਰੰਗੀਆਂ, ਆਦਿ, ਦਾ ਭਰਪੂਰ ਯੋਗਦਾਨ ਰਿਹਾ। ਗੁਰਦੁਆਰਾ ਅਕਾਲ ਪ੍ਰਕਾਸ਼ ਸਾਹਿਬ, ਸ਼ੇਰਪੁਰ ਵਿਖੇ ਹੋਏ ਸਮਾਗਮ ਵਿੱਚ ਯੋਗਦਾਨ ਦੇਣ ਲਈ ਪ੍ਰਬੰਧਕ ਕਮੇਟੀ ਦਾ ਧੰਨਵਾਦ ਕੀਤਾ ਗਿਆ। ਸਟੇਜ ਸੰਚਾਲਨ ਦੀ ਭੂਮਿਕਾ ਰਣਜੀਤ ਸਿੰਘ ਕਾਲ਼ਾ ਬੂਲਾ ਅਤੇ ਕਰਮਿੰਦਰ ਸਿੰਘ ਹੇੜੀਕੇ ਨੇ ਬਾਖੂਬੀ ਨਿਭਾਈ।

30/08/2025

# @

30 ਅਗਸਤ 2025 ਡਾ ਨਰਿੰਦਰਜੀਤ ਸਿੰਘ ਸੋਢੀ
ਕੁਦਰਤ ਮਾਨਵ ਕੇਂਦਰਤ ਲੋਕ ਲਹਿਰ ਤੇ ਖੇਤੀਬਾੜੀ ਤੇ ਕਿਸਾਨ ਵਿਕਾਸ ਫ਼ਰੰਟ ਪੰਜਾਬ ਨੇ ਸ਼ੇਰਪੁਰ ਵਿੱਖੇ ਕੀਤਾ ਸੈਮੀਨਾਰ

30 ਅਗਸਤ 2025 ਸੈਮੀਨਾਰ ਗੁਰਦੁਆਰਾ ਸ੍ਰੀ ਅਕਾਲ ਸਾਹਿਬ ਜੀ ਸ਼ੇਰਪੁਰ ਵਿੱਖੇ ਵਿਸ਼ਾ "ਖੇਤੀਬਾੜੀ ਵਿਰੋਧੀ ਨੀਤੀਆਂ ਅਤੇ ਸਾਡੀ ਭੋਜਨ ਸੁਰੱਖਿਆ ਦਾ ਭਵਿੱਖ" ਵਿੱਚ ਬੋਲਦਿਆਂ ਸ੍ਰੀ ਸੁਖਦੇਵ ਭੁਪਾਲ ਆਲ ਇੰਡੀਆ ਲੀਡਰ ਕੁਦਰਤ ਮਾਨਵ ਕੇਂਦਰਤ ਲੋਕ ਲਹਿਰ ਭਾਰਤ ਨੇ ਕਿਹਾ ਕਿ ਮੈਂ ਵਿਸ਼ੇ ਤੇ ਬੋਲਣ ਤੋਂ ਪਹਿਲਾਂ ਪੰਜਾਬ ਦੇ ਹਲਾਤਾਂ ਤੇ ਕੁੱਝ ਕਹਿਣਾ ਚਾਹਾਂਗਾ , ਪੰਜਾਬ ਦੇ ਸੱਤ ਜ਼ਿਲਿਆਂ ਦੇ ਕਾਫੀ ਹਿੱਸੇ ਪਾਣੀ ਵਿੱਚ ਡੁੱਬੇ ਹੋਏ ਹਨ ਜੋਂ ਬਹੁਤ ਹੀ ਦੁੱਖ ਦੀ ਗੱਲ ਹੈ ਪਰ ਇਹ ਨਾ ਸੋਚੋ ਕਿ ਇਹ ਸਿਰਫ ਤੇ ਸਿਰਫ ਕੁਦਰਤੀ ਕਰੋਪੀ ਹੈ ਅਸਲ ਵਿੱਚ ਇਹ ਮਨੁੱਖ ਵੱਲੋਂ ਕੀਤਾ ਕੁਦਰਤ ਨਾਲ ਖਿਲਵਾੜ ਹੈ। ਇਹ ਖਿਲਵਾੜ ਅੱਜ ਦਾ ਨਹੀਂ ਸਗੋਂ ਜਦੋਂ ਇਹ ਸਰਕਾਰਾਂ ਦੀਆਂ ਗ਼ਲਤ ਪਾਲਸੀਆਂ ਦਾ ਕਾਰਨ ਹੈ ਜਦੋਂ ਕਿ ਕੁਦਰਤੀ ਪਾਣੀ ਦਾ ਵਹਾਅ ਚੱਲ ਰਿਹਾ ਸੀ ਮਨੁੱਖ ਨੇ ਉਸ ਨੂੰ ਰੋਕ ਕੇ ਆਪਣੇ ਮੁਤਾਬਕ ਵਹਾਅ ਨੂੰ ਚਲਣ ਲਈ ਵੱਡੇ ਵੱਡੇ ਬੰਨ੍ਹ ਬਣਿਆ ਕੇ ਰੋਕਿਆ ਅੱਤੇ ਗੈਰ ਕੁਦਰਤੀ ਢੰਗ ਨਾਲ ਵਹਾਅ ਕਰਨ ਚੱਲਣ ਲਈ ਮਜ਼ਬੂਰ ਕੀਤਾ, ਜਿਵੇਂ ਕਿ ਵੱਡੇ ਵੱਡੇ ਬੰਨ੍ਹ ਬਣਾ ਕੇ ਰੋਕਿਆ । ਜਦੋਂ ਇਹਨਾਂ ਡੈਮਾਂ ਵਿੱਚ ਪਾਣੀ ਜ਼ਿਆਦਾ ਹੋ ਗਿਆ ਤਾਂ ਇਹ ਕਹਿਕੇ ਪਾਣੀ ਰਾਤੋ ਰਾਤ ਛੱਡ ਦਿੱਤਾ ਜਿਸ ਨੇ ਪੰਜਾਬ ਨੂੰ ਰੋੜਿਆਂ ਭਾਵੇਂ ਉਹ ਭਾਰਤ ਵਾਲਾ ਪੰਜਾਬ ਹੋਵੇ ਜਾਂ ਪਾਕਿਸਤਾਨੀ ਪੰਜਾਬ ਹੋਵੇ ਇਸ ਦਾ ਖਮਿਆਜ਼ਾ ਤਾਂ ਕਿਸਾਨਾਂ ਨੇ ਹੀ ਭੁਗਤਿਆ ਹੈ । ਇਸ ਨੂੰ ਕਰੋਪੀ ਨਹੀਂ ਕਿਹਾ ਜਾ ਸਕਦਾ ਇਹ ਸਰਕਾਰਾਂ ਵੱਲੋਂ ਗ਼ਲਤ ਪਾਲਸੀਆਂ ਜੋਂ ਨਾ ਕੁਦਰਤ ਦੇ ਪੱਖੀ ਹਨ ਨਾ ਮਾਨਵ ਪੱਖੀ ਉਸ ਦਾ ਰਿਜਲਟ ਹੈ ਜੋਂ ਪੰਜਾਬ ਦੇ ਆਮ ਲੋਕ ਭੁਗਤ ਰਹੇ ਹਨ। ਮੈਥੋਂ ਪਹਿਲਾਂ ਇਕ ਬੁਲਾਰੇ ਨੇ ਕਿਹਾ ਸੀ ਕਿ ਜੇ ਅਸੀਂ ਕੈਮੀਕਲ ਖੇਤੀ ਕਰਦੇ ਹਾਂ ਤਾਂ ਸਾਡੀ ਆਮਦਨ ਵਿੱਚ ਵਾਧਾ ਹੁੰਦਾ ਹੈ ਪਰ ਇਸ ਨਹੀਂ ਹੈ ਕਿ ਵੱਧ ਪੈਦਾਵਾਰ ਕਰਕੇ ਕਿਸਾਨਾਂ ਦੀ ਆਮਦਨੀ ਵਿੱਚ ਵਾਧਾ ਹੁੰਦਾ ਹੈ ਜਿਵੇਂ ਜਿਵੇਂ ਕਿਸਾਨਾਂ ਨੇ ਪੈਦਾਵਾਰ ਵਿੱਚ ਵਾਧਾ ਕੀਤਾ ਹੈ ਉਸ ਤੋਂ ਕਿਸਾਨ ਵੱਧ ਕਰਜ਼ਾਈ ਹੋਏ ਹਨ। ਸਾਡੀ ਇਹ ਸਮਝ ਕਿ ਪੈਸੇ ਨਾਲ ਸਾਰੀਆਂ ਸਮੱਸਿਆਵਾਂ ਠੀਕ ਹੋ ਜਾਂਦੀਆਂ ਹਨ ਇਹ ਨਹੀਂ ਪੈਸੇ ਨੇ ਕਦੀ ਵੀ ਕੋਈ ਸਮੱਸਆ ਨੂੰ ਹੱਲ ਨਹੀਂ ਕੀਤਾ ਜਦੋਂ ਕਿ ਸ੍ਰੀ ਪ੍ਰਕਾਸ਼ ਸਿੰਘ ਬਾਦਲ ਦੀ ਪਤਨੀ ਨੂੰ ਕੈਂਸਰ ਹੋਇਆ ਤਾਂ ਸਰਕਾਰੀ ਖਜ਼ਾਨੇ ਵਿਚੋਂ 3 ਕਰੋੜ 50 ਲੱਖ ਦਾ ਖਰਚਾ ਆਇਆ ਪਰ ਉਸ ਨੂੰ ਜੀਵਨ ਨਹੀਂ ਮਿੱਲ ਸਕਿਆ, ਪੈਸਾ ਤਾਂ ਉਹਨਾਂ ਪਾਸ ਬਹੁਤ ਸੀ ਪਰ ਉਹਨਾਂ ਦੀ ਸਮੱਸਿਆਂ ਹੱਲ ਨਹੀਂ ਹੋਈ। ਮਨੁੱਖ ਨੇ ਕੁਦਰਤ ਨੂੰ ਨਹੀਂ ਬਣਾਇਆ ਕੁਦਰਤ ਨੇ ਮਨੁੱਖ ਨੇ ਬਣਾਇਆ ਹੈ ਕਦੀ ਮਨੁੱਖ ਕੁਦਰਤ ਤੇ ਹਾਵੀ ਨਹੀਂ ਹੋਣ ਸਕਦਾ। ਅੱਜ ਜ਼ਰੂਰਤ ਹੈ ਇਕ ਇਹੋ ਜਹੇ ਮਾਡਲ ਦੀ ਜੋਂ ਕੁਦਰਤ ਪੱਖੀ ਤੇ ਮਨੁੱਖ ਪੱਖੀ ਹੋਵੇ। ਇਸ ਲਈ ਸਾਨੂੰ ਕੈਮੀਕਲ ਖੇਤੀ ( ਉਦਯੋਗਿਕ ) ਨੂੰ ਪੂਰੀ ਤਰ੍ਹਾਂ ਤਿਆਗਣਾ ਹੋਵੇਗਾ ਜਿਸ ਨੇ ਵਾਤਾਵਰਨ ਨੂੰ ਖ਼ਰਾਬ ਕੀਤਾ ਹੈ , ਹਵਾ, ਪਾਣੀ ਨੂੰ ਪ੍ਰਦੂਸ਼ਿਤ ਕਰ ਦਿੱਤਾ ਹੈ ਜਿਸ ਨੇ ਬਿਮਾਰੀਆਂ ਨੂੰ ਸੱਦਾ ਦਿੱਤਾ ਅੱਜ ਹਰ ਘਰ ਵਿੱਚ ਕੋਈ ਨਾ ਕੋਈ ਮਰੀਜ਼ ਹੈ ਜੇ ਸਾਡੇ ਘਰ ਦਾ ਇਕ ਮਰੀਜ਼ ਵੀ ਬਿਮਾਰ ਹੋ ਜਾਵੇ ਤਾਂ ਹਸਪਤਾਲਾਂ ਦੇ ਬਿੱਲ ਅਸੀਂ ਦੇ ਨਹੀਂ ਸਕਾਂਗੇ। ਇਸ ਲਈ ਜੇ ਅਸੀਂ ਭੋਜਨ ਪ੍ਰਣਾਲੀ ਨੂੰ ਠੀਕ ਰੱਖਣਾ ਹੈ ਤਾਂ ਕੁਦਰਤੀ ਖੇਤੀ ਵੱਲ ਨੂੰ ਆਉਣਾ ਪਵੇਗਾ। ਇਸ ਲਈ ਸਾਰਿਆਂ ਨੂੰ ਸਿਰ ਜੋੜ ਕੇ ਏਕਤਾ ਲਈ ਬੈਠਣਾ ਹੋਵੇਗਾ ਤੇ ਜਿਹੜੀ ਕਾਰਪੋਰੇਟ ਜੀ ਐਮ ਖੇਤੀ ਲਿਆਉਣ ਨੂੰ ਫਿਰਦੇ ਹਨ ਜਿਸ ਨੇ ਕਿਸਾਨਾਂ ਦੀ ਆਮਦਨੀ ਵਿੱਚ ਵਾਧਾ ਨਹੀਂ ਕਰਨਾ ਸਗੋਂ ਸਮਾਜ਼ ਨੂੰ ਹੋਰ ਬਿਮਾਰ ਕਰੇਗੀ । ਇਸ ਦਾ ਹੱਲ ਕੁਦਰਤੀ ਤੇ ਸਹਿਕਾਰੀ ਖੇਤੀ ਹੀ ਹੈ । ਸ੍ਰੀ ਗੁਰਦਰਸ਼ਨ ਸਿੰਘ ਪੰਜਾਬ ਸਟੇਟ ਪ੍ਰਧਾਨ ਕੁਦਰਤ ਮਾਨਵ ਕੇਂਦਰਤ ਲੋਕ ਲਹਿਰ ਨੇ ਕਿਹਾ ਕਿ ਸਾਰੀਆਂ ਰਾਜਨੀਤਕ ਪਾਰਟੀਆਂ ਕਾਰਪੋਰੇਟ ਦਾ ਏਜੰਡਾ ਹੀ ਲਾਗੂ ਕਰ ਰਹੀਆਂ ਹਨ ਜਿਨ੍ਹਾਂ ਦਾ ਏਜੰਡਾ ਪੈਸੇ ਨੂੰ ਇਕਠਾ ਕਰਨਾ ਹੈ , ਇਸ ਪੈਸੇ ਦੇ ਏਜੰਡੇ ਨੇ ਮਨੁੱਖ ਨੂੰ ਇਕ ਅਜਿਹੀ ਸਥਿਤੀ ਵਿਚ ਫਸਾ ਲਿਆ ਹੈ ਜਿਸ ਦਾ ਰਸਤਾ ਮੌਤ ਹੈ। ਸ੍ਰੀ ਜਗਪਾਲ ਸਿੰਘ ਜਨਰਲ ਸਕੱਤਰ ਖੇਤੀਬਾੜੀ ਤੇ ਕਿਸਾਨ ਵਿਕਾਸ ਫ਼ਰੰਟ ਪੰਜਾਬ ਨੇ ਕਿਹਾ ਕਿ ਅਸੀਂ ਆਪਣੇ ਖਰਚਿਆਂ ਵਿੱਚ ਵਾਧਾ ਕਰ ਲਿਆ ਹੈ, ਹਰ ਕਿਸਾਨ ਦੇ ਘਰ ਵੱਡੇ ਵੱਡੇ ਬੋਰੇ ਬਾਈ ਫ਼ੋਰ ਟ੍ਰੈਕਟਰ ਖੜ੍ਹੇ ਹਨ ਕਈਆਂ ਪਾਸ ਤਾਂ ਦੋ ਵੀ ਹਨ ਤੇ ਕਈ ਘਰਾਂ ਪਾਸ ਥਾਰ ਹਨ ਜੋਂ ਫਜ਼ੂਲ ਦਾ ਖਰਚਾ ਹੈ ਇਸ ਨੂੰ ਰੋਕਣਾ ਹੋਏਗਾ। ਜ਼ਮੀਨਾਂ ਘੱਟ ਰਹੀਆਂ ਹਨ ਤੇ ਸਾਡੇ ਨੌਜਵਾਨ ਥਾਰਾਂ ਤੇ ਫਜ਼ੂਲ ਘੁਮ ਰਹੇ ਹਨ। ਮੱਕੀ ਵਿਕ ਰਹੀ ਹੈ 1700 ਰੁਪਏ ਕੁਇੰਟਲ ਪਰ ਬੀਜ਼ ਮਿਲਦਾ ਹੈ 3500 ਰੁਪਏ ਕਿਲੋ ਸਾਨੂੰ ਮਜਬੂਰੀ ਵੱਸ ਖ਼ਰੀਦਣ ਪੈ ਰਿਹਾ ਹੈ । ਸਾਨੂੰ ਲੋੜ ਹੈ ਆਪਣੇ ਬੀਜ਼ ਬਣਾਉਣ ਤੇ ਸਾਂਭਣ ਦੀ । ਮਹਿੰਦਰ ਸਿੰਘ ਭੱਠਲ ਪ੍ਰਧਾਨ ਖੇਤੀਬਾੜੀ ਤੇ ਕਿਸਾਨ ਵਿਕਾਸ ਫ਼ਰੰਟ ਪੰਜਾਬ ਨੇ ਕਿਹਾ ਇਸ ਖੇਤੀ ਨੇ ਕਰਜ਼ੇ ਤੋਂ ਇਲਾਵਾ ਸਾਨੂੰ ਕੁੱਝ ਨਹੀਂ ਦਿੱਤਾ ਅੱਜ ਸਾਨੂੰ ਲੋੜ ਹੈ ਕੁਦਰਤੀ ਤੇ ਸਹਿਕਾਰੀ ਖੇਤੀ ਦੀ ਜੋਂ ਧਰਤੀ ਨੂੰ ਸਿਹਤਮੰਦ ਕਰੇਗੀ ਉਥੇ ਜ਼ਹਿਰ ਮੁਕਤ ਪੌਸ਼ਟਿਕ ਭੋਜਨ ਦੇ ਕੇ ਮਨੁੱਖੀ ਸਿਹਤ ਨੂੰ ਠੀਕ ਕਰੇਗੀ , ਰੁਜ਼ਗਾਰ ਦੇ ਰਸਤੇ ਖੋਲ੍ਹੇਗੀ , ਵਾਤਾਵਰਨ ਨੂੰ ਠੀਕ ਕਰੇਗੀ ਪਰ ਇਕਲਾ ਕਿਸਾਨ ਇਸ ਨੂੰ ਇਕਲਾ ਨਹੀਂ ਕਰ ਸਕਦਾ ਇਸ ਲਈ ਸਰਕਾਰਾਂ ਨੂੰ ਸਟੇਟ ਤੇ ਕੇਂਦਰ ਆਪਣੇ ਬਜ਼ਟ ਦਾ 50% ਹਿੱਸਾ ਖੇਤੀ ਲਈ ਦੇਵੇ। ਸ੍ਰੀ ਹਰਿਗੋਬਿੰਦ ਸਿੰਘ ਸ਼ੇਰਪੁਰ, ਸ੍ਰੀ ਸੰਦੀਪ ਸਿੰਘ ਗਰੇਵਾਲ,
ਮਾਸਟਰ ਜਸਵੰਤ ਸਿੰਘ ਭਨੌਰੀ,
ਸ੍ਰੀ ਹਰਜੀਤ ਸਿੰਘ ,
,ਸ੍ਰੀ ਸੁਖਦੇਵ ਸਿੰਘ ਭੁਪਾਲ।
,ਸ੍ਰੀ ਸੁਰਿੰਦਰ ਪਾਲ ਕੋਂਸਲ
ਵਾਤਾਵਰਨ ਪ੍ਰੇਮੀ ਬਰਨਾਲਾ ਸ੍ਰੀ ਕੁਲਦੀਪ ਸਿੰਘ ਰਾਠੋਰ ਗੋਬਿੰਦਪੁਰਾ, ਸ੍ਰੀ ਗੁਰਮੇਲ ਸਿੰਘ ਮੇਘ
ਮਹਿੰਦਰ ਸਿੰਘ ਲਹਿਰਾ ਗਾਗਾ , ਮਹਿੰਦਰ ਪ੍ਰਤਾਪ ਲੋਂਗੋਵਾਲ ਵਾਤਾਵਰਨ ਪ੍ਰੇਮੀ ਨੇ ਵੀ ਸੰਬੋਧਨ ਕੀਤਾ ।

25/08/2025

# @

25 ਅਗਸਤ 2025 ਲੁਧਿਆਣਾ ਡਾ ਨਰਿੰਦਰਜੀਤ ਸਿੰਘ ਸੋਢੀ

ਸਯੁੰਕਤ ਕਿਸਾਨ ਮੋਰਚੇ ਦੇ 24 ਅਗਸਤ 2025 ਨੂੰ ਖੇਤੀਬਾੜੀ ਤੇ ਕਿਸਾਨ ਵਿਕਾਸ ਫ਼ਰੰਟ ਪੰਜਾਬ ਦੇ ਜਨਰਲ ਸਕੱਤਰ ਸ੍ਰੀ ਜਗਪਾਲ ਸਿੰਘ ਉੱਧਾ ਤੇ ਸਾਥੀਆਂ ਨੇ ਅਨਾਜ਼ ਮੰਡੀ ਸਮਰਾਲਾ ਲੁਧਿਆਣਾ ਵਿੱਖੇ ਹਿੱਸਾ ਲਿਆ।

21/08/2025

# @

21 ਅਗਸਤ 2025 ਸੰਦੀਪ ਸਿੰਘ ਗਰੇਵਾਲ ਕਨਵੀਨਰ।

ਕੁਦਰਤ ਮਾਨਵ ਕੇਂਦਰਤ ਲੋਕ ਲਹਿਰ ਇਕਾਈ ਤੇ ਖੇਤੀਬਾੜੀ ਤੇ ਕਿਸਾਨ ਵਿਕਾਸ ਫ਼ਰੰਟ ਪੰਜਾਬ ਵੱਲੋਂ ਖੇਤੀ ਬਚਾਓ, ਵਾਤਾਵਰਨ ਬਚਾਓ ਦੇ ਨਾਹਰੇ ਅਧੀਨ ਸ਼ੇਰਪੁਰ ਵਿੱਖੇ ਸੈਮੀਨਾਰ ਆਯੋਜਿਤ ਕੀਤਾ ਜਾ ਰਿਹਾ ਹੈ । ਸ਼ੇਰਪੁਰ ਇਕਾਈ ਵੱਲੋਂ ਕਿਸਾਨਾਂ, ਤੇ ਵਾਤਾਵਰਨ ਪ੍ਰੇਮੀਆਂ ਤੇ ਆਮ ਲੋਕਾਂ ਨੂੰ ਖੁੱਲਾ ਸੱਦਾ ਹੈ ਇਸ ਸੈਮੀਨਾਰ ਵਿੱਚ ਪਹੁੰਚ ਕੇ ਵਿਚਾਰ ਚਰਚਾ ਵਿੱਚ ਹਿੱਸਾ ਬਣੀਏਂ। ਇਹ ਸੈਮੀਨਾਰ ਮਿੱਤੀ 30 ਅਗਸਤ 2025 ਦਿਨ ਸ਼ਨੀਵਾਰ ਸਮਾਂ 10.30 ਤੇ 2.30 ਸ਼ਾਮ ਸਥਾਨ ਗੁਰਦੁਆਰਾ ਅਕਾਲ ਪ੍ਰਕਾਸ਼ ਸਾਹਿਬ ਸ਼ੇਰਪੁਰ ( ਸੰਗਰੂਰ)

20/08/2025

# @

ਨਾਭਾ 20 ਅਗਸਤ 2025

ਖੇਤੀਬਾੜੀ ਤੇ ਕਿਸਾਨ ਵਿਕਾਸ ਫਰੰਟ ਪੰਜਾਬ ਬਲਾਕ ਨਾਭਾ ਦੀ ਮੀਟਿੰਗ 20 ਅਗਸਤ ਨੂੰ ਹੋਈ , ਜੋ ਕਿ ਕੁਲਦੀਪ ਸਿੰਘ ਪਾਲੀਆ ਦੀ ਪ੍ਰਧਾਨਗੀ ਹੇਠ ਕੀਤੀ ਗਈ।ਇਸ ਮੀਟਿੰਗ ਨੂੰ ਸੰਬੋਧਨ ਕਰਦਿਆ ਸੂਬਾ ਸਕੱਤਰ ਜਗਪਾਲ ਸਿੰਘ ਉਧਾ ਨੇ ਕਿਹਾ ਕਿ ਸਯੁੰਕਤ ਕਿਸਾਨ ਮੋਰਚਾ ਪੰਜਾਬ ਵੱਲੋ ਕਿਸਾਨ ਮਹਾਂ ਰੈਲੀ ਕੀਤੀ ਜਾ ਰਹੀ ਹੈ ਕਿਸਾਨ ਵਿਕਾਸ ਫਰੰਟ ਵੱਲੋ ਇਸ ਰੈਲੀ ਵਿੱਚ ਸਮੂਲੀਅਤ ਕੀਤੀ ਜਾਵੇਗੀ।ਉਨਾਂ ਕਿਹਾ ਕਿ 24 ਅਗਸਤ ਨੂੰ ਸਮਰਾਲਾ ਅਨਾਜ ਮੰਡੀ ਵਿਖੇ ਕਿਸਾਨ, ਮਜ਼ਦੂਰ, ਮੁਲਾਜ਼ਮ, ਦੁਕਾਨਦਾਰ ਤੇ ਸਮੂਹ ਪੰਜਾਬੀਅਤ ਨੂੰ ਇਸ ਮਹਾਂ ਰੈਲੀ ਵਿੱਚ ਵੱਧ ਤੋ ਵੱਧ ਗਿਣਤੀ ਵਿੱਚ ਸ਼ਾਮਲ ਹੋਣ ਦਾ ਸੱਦਾ ਦਿੱਤਾ ।ਮੀਟਿੰਗ ਵਿੱਚ ਗੁਰਪ੍ਰੀਤ ਸਿੰਘ ਕਮੇਲੀ ਦਵਿੰਦਰ ਸਿੰਘ ਨੋਹਰਾ ਗਮਦੂਰ ਸਿੰਘ ਕੱਲਾ ਮਾਜਰਾ ਪ੍ਮਾਤ ਸਿੰਘ ਨਾਭਾ ਪਿਆਰਾ ਸਿੰਘ ਅਗੇਤੀ ਸਮਰਜੀਤ ਸਿੰਘ ਬਨੇਰਾ ਕਲਵੰਤ ਸਿੰਘ ਰੋਹਟੀ ਆਦਿ ਸ਼ਾਮਲ ਹੋਏ।

16/08/2025

# @

ਕਿਯਾਮਤ ਵਾਂਗ': ਪਾਕਿਸਤਾਨ ਵਿੱਚ ਹੜ੍ਹਾਂ ਨੇ ਮਚਾਈ ਤਬਾਹੀ, ਪਿੰਡਾਂ ਨੂੰ ਵਹਾ ਦਿੱਤਾ; 320 ਤੋਂ ਵੱਧ ਲੋਕਾਂ ਦੀ ਮੌਤਾਂ।
ਵੀਡੀਓ ਵਿੱਚ ਭਾਰੀ ਤਬਾਹੀ ਦੁਨੀਆ
ਅਧਿਕਾਰੀਆਂ ਨੇ ਸ਼ਨੀਵਾਰ ਨੂੰ ਏਐਫਪੀ ਨੂੰ ਦੱਸਿਆ ਕਿ ਪਾਕਿਸਤਾਨ ਵਿੱਚ ਬਚਾਅ ਕਰਮਚਾਰੀ ਪਿਛਲੇ 48 ਘੰਟਿਆਂ ਵਿੱਚ ਲਗਾਤਾਰ ਮਾਨਸੂਨ ਬਾਰਿਸ਼ ਕਾਰਨ ਆਏ ਅਚਾਨਕ ਹੜ੍ਹਾਂ ਵਿੱਚ ਘੱਟੋ-ਘੱਟ 321 ਲੋਕਾਂ ਦੀ ਮੌਤ ਤੋਂ ਬਾਅਦ ਲਾਸ਼ਾਂ ਨੂੰ ਕੱਢਣ ਲਈ ਸੰਘਰਸ਼ ਕਰ ਰਹੇ ਹਨ। ਜ਼ਿਆਦਾਤਰ ਮੌਤਾਂ ਖੈਬਰ ਪਖਤੂਨਖਵਾ ਸੂਬੇ ਵਿੱਚ ਹੋਈਆਂ ਹਨ, ਜਿੱਥੇ 307 ਲੋਕਾਂ ਦੀ ਮੌਤ ਨਦੀਆਂ ਦੇ ਕੰਢੇ ਟੁੱਟਣ ਅਤੇ ਘਰ ਢਹਿ ਜਾਣ ਕਾਰਨ ਹੋਈ ਹੈ।

16/08/2025

# @

ਜੁਮੇਵਾਰ ਕੌਣ

1. ਕਿਸ਼ਤਵਾੜ ਵਿੱਚ ਬਦਲ ਫ਼ਟਣ ਕਾਰਨ 60 ਲੋਕਾਂ ਦੀ ਮੌਤ 100 ਲਾਪਤਾ 150 ਜ਼ਖ਼ਮੀ। 2. ਹਿਮਾਚਲ ਵਿਚ ਸੜਕ ਹਾਦਸਾ ਜਿਸ ਵਿੱਚ ਚਾਰ ਦੀ ਮੌਤ 29 ਜ਼ਖ਼ਮੀ ।
ਜੋਂ ਇਹ ਲੋਕਾਂ ਨਾਲ ਕਾਰਪੋਰੇਟ ਪੱਖੀ ਸਰਕਾਰਾਂ ਦੀ ਗੈਰ ਜੁਮੇਵਾਰੀ ਕਾਰਨ ਹੁੰਦੀਆਂ ਘਟਨਾਵਾਂ ਕਾਰਨ ਹੋ ਰਹੀਆਂ ਮੌਤਾਂ ਦਾ ਜੁਮੇਵਾਰ ਕੌਣ ।
ਕੁਦਰਤ ਨਾਲ ਛੇੜਛਾੜ ਦਾ ਨਤੀਜਾ ਜੋਂ ਕਾਰਪੋਰੇਟ ਸਿਸਟਮ ਦੀ ਧਾਰਨੀ ਸੋਚ ਦੇ ਆਧਾਰਿਤ ਹੈ ।
ਤਾਂ ਫਿਰ ਇਸ ਸੰਧੂਰ ਦਾ ਜੁਮੇਵਾਰ ਕੌਣ ?

13/08/2025

# @
13 ਅਗਸਤ 2025 ਨਾਭਾ

13 ਅਗਸਤ ਨੂੰ ਨਾਭਾ ਵਿਖੇ
ਸੰਯੁਕਤ ਕਿਸਾਨ ਮੋਰਚੇ ਦੇ ਸੱਦੇ ਤੇ ਸਮੂਹ ਕਿਸਾਨ ਜਥੇਬੰਦੀਆ ਵੱਲੋ ਐਸ ਡੀ ਐਮ ਦਫਤਰ ਦੇ ਸਾਹਮਣੇ ਪ੍ਧਾਨ ਮੰਤਰੀ ਨਰਿੰਦਰ ਮੋਦੀ ਤੇ ਅਮਰੀਕਾ ਦੇ ਰਾਸਟਰਪਤੀ ਡੋਨਾਲਡ ਟਰੰਪ ਦੇ ਪੁਤਲੇ ਫੂਕ ਕੇ ਕਿਸਾਨਾਂ ਵੱਲੋਂ ਭਾਰੀ ਗਿਣਤੀ ਵਿੱਚ ਰੋਸ ਪ੍ਰਦਰਸ਼ਨ ਕੀਤਾ ਗਿਆ। ਇਸ ਰੋਸ ਪ੍ਰਦਰਸ਼ਨ ਵਿਚ ਬੋਲਦਿਆਂ ਕਿਸਾਨ ਆਗੂਆ ਨੇ ਕਿਹਾ ਭਾਰਤ ਸਰਕਾਰ ਵੱਲੋ ਅਮਰੀਕਾ ਨਾਲ ਜੋ ਫ੍ਰੀ ਟੈਕਸ ਸਮਝੌਤਾ ਕੀਤਾ ਜਾ ਰਿਹਾ ਹੈ। ਉਸ ਨਾਲ ਖੇਤੀ ਪੈਦਾਵਾਰ ਡੇਅਰੀ ਫਾਰਮਿੰਗ ਤੇ ਮੁਰਗੀ ਪਾਲਣ ਦੇ ਧੰਦੇ ਨੂੰ ਬੁਰੀ ਤਰਾਂ ਪ੍ਰਭਾਵਿਤ ਕਰੇਗਾ। ਉਹਨਾਂ ਨੇ ਕਿਹਾ ਕਿ ਪੰਜਾਬ ਸਰਕਾਰ ਲੈਂਡ ਪੂਲਿੰਗ ਪਾਲਿਸੀ ਦਾ ਨੋਟੀਫਿਕੇਸ਼ਨ ਜਿਨ੍ਹਾਂ ਚਿਰ ਰੱਦ ਨਹੀ ਕਰਦੀ, ਕਿਸਾਨ ਆਪਣਾ ਸੰਘਰਸ਼ ਜਾਰੀ ਰੱਖਣਗੇ ਅਤੇ ਸਮੂਹ ਕਿਸਾਨ ਜਥੇਬੰਦੀਆ ਨੇ ਬਿਜਲੀ ਮੁਲਾਜ਼ਮਾਂ ਦੀ ਚੱਲ ਰਹੀ ਹੜਤਾਲ ਦਾ ਵੀ ਸਮਰਥਨ ਕੀਤਾ।ਇਸ ਰੋਸ ਪ੍ਰਦਰਸ਼ਨ ਵਿਚ ਹਰਦੀਪ ਸਿੰਘ ਘਨੂੰੜਕੀ, ਹਰਵਿੰਦਰ ਸਿੰਘ ਨਾਭਾ, ਗੁਰਮੀਤ ਸਿੰਘ ਛੱਜੂਭੱਟ ਜਗਪਾਲ ਸਿੰਘ ਉਧਾ, ਰਜਿੰਦਰ ਸਿੰਘ ਕਕਰਾਲਾ, ਤਰਸੇਮ ਸਿੰਘ ਨੰਡਿਆਲੀ, ਮਹਿੰਦਰ ਸਿੰਘ ਬਿਨਾਂਹੇੜੀ, ਗੁਰਪ੍ਰੀਤ ਕਮੇਲੀ, ਕਲਦੀਪ ਪਾਲੀਆਂ, ਜਸਵਿੰਦਰ ਸਾਲੂਵਾਲ, ਜਗਤਾਰ ਨਰਮਾਣਾ, ਹਰਜੀਤ ਅਗੋਲ ,ਅੱਛਰ ਭੋਜੋਮਾਜਰੀ, ਅਵਤਾਰ ਕੈਦੂਪੁਰ, ਨਿਰਮਲ ਨਰਮਾਣਾ, ਹਰਨੇਕ, ਪਿਆਰਾ ਅਗੇਤੀ, ਦਵਿੰਦਰ ਨੋਹਰਾ, ਕਾਕਾ ਕੋਟ, ਹਰਵਿੰਦਰ ਬਿਰੜਵਾਲ ਰਾਜ ਕਨਸੁਹਾ ਆਦਿ ਕਿਸਾਨਾਂ ਨੇ ਵੱਡੀ ਗਿਣਤੀ ਵਿਚ ਸਮੂਲੀਅਤ ਕੀਤੀ।

13/08/2025

# @

13 ਅਗਸਤ 2025 ਨਾਭਾ
ਖੇਤੀਬਾੜੀ ਤੇ ਕਿਸਾਨ ਵਿਕਾਸ ਫ਼ਰੰਟ ਪੰਜਾਬ ਵੱਲੋਂ ਬਿਜਲੀ ਮੁਲਾਜ਼ਮਾਂ ਦੀ ਡਟਵੀਂ ਹਮਾਇਤ ਦਾ ਕੀਤਾ ਐਲਾਨ।
ਖੇਤੀਬਾੜੀ ਤੇ ਕਿਸਾਨ ਵਿਕਾਸ ਫ਼ਰੰਟ ਪੰਜਾਬ ਦੇ ਸਟੇਟ ਪ੍ਰਧਾਨ ਸ੍ਰੀ ਮਹਿੰਦਰ ਭੱਠਲ ਤੇ ਜਨਰਲ ਸਕੱਤਰ ਸ੍ਰੀ ਜਗਪਾਲ ਸਿੰਘ ਉੱਧਾ ਨੇ ਅੱਜ ਮੀਟਿੰਗ ਤੋਂ ਬਾਅਦ ਕਿਹਾ ਕਿ ਬਿਜਲੀ ਮੁਲਾਜ਼ਮਾਂ ਦੀਆਂ ਡਿਮਾਂਡ ਜੋਂ ਸਰਕਾਰ ਨੂੰ ਬਾਰ ਬਾਰ ਨੋਟਿਸ ਰਾਹੀਂ ਭੇਜੀਆਂ ਗਈਆਂ ਹਨ ਤੇ ਹੁਣ ਸੰਘਰਸ਼ ਕਰ ਰਹੇ ਹਨ ਪਰ ਪੰਜਾਬ ਸਰਕਾਰ ਉਹਨਾਂ ਨਾਲ ਗੱਲ ਨਹੀਂ ਕਰ ਰਹੀ , ਖੇਤੀਬਾੜੀ ਤੇ ਕਿਸਾਨ ਵਿਕਾਸ ਫ਼ਰੰਟ ਪੰਜਾਬ ਉਹਨਾਂ ਦੀਆਂ ਹੱਕੀ ਮੰਗਾਂ ਦੀ ਹਮਾਇਤ ਕਰਦੇ ਹਨ ਤੇ ਸਰਕਾਰ ਨੂੰ ਫੌਰੀ ਉਹਨਾਂ ਦੀਆਂ ਮੰਗਾਂ ਵੱਲ ਧਿਆਨ ਦੇਣਾ ਚਾਹੀਦਾ ਹੈ ਤੇ ਲਾਗੂ ਕਰਨਾ ਚਾਹੀਦਾ ਹੈ ਤਾਂ ਕਿ ਲੋਕਾਂ ਨੂੰ ਨਿਰਵਿਘਨ ਬਿਜਲੀ ਸਪਲਾਈ ਦਿੱਤੀ ਜਾਵੇ ਅਤੇ ਐਸਮਾਂ ਵਰਗੇ ਲੋਕ ਵਿਰੋਧੀ ਕਾਨੂੰਨਾਂ ਦਾ ਫ਼ਰੰਟ ਵਿਰੋਧ ਕਰਦਾ ਕਿਉਂਕਿ ਉਹ ਲੋਕ ਵਿਰੋਧੀ ਹਨ ਤੇ ਲੋਕਤੰਤਰ ਵਿਰੋਧੀ ਹਨ।

12/08/2025

# @

12 ਅਗਸਤ 2025 ਜਗਪਾਲ ਸਿੰਘ ਉੱਧਾ

*ਲੈਂਡ ਪੂਲਿੰਗ ਨੀਤੀ ਦੇ ਬਹਾਨੇ ਖੇਤੀ-ਕਿਸਾਨੀ 'ਤੇ ਹਮਲਾ ਪੰਜਾਬੀਆਂ ਨੂੰ ਮਨਜ਼ੂਰ ਨਹੀਂ*

ਪੰਜਾਬ ਸਰਕਾਰ ਨੇ ਸ਼ਹਿਰੀਕਰਨ ਨੂੰ ਵਧਾਉਣ ਨੇ ਨਾਂ ਥੱਲੇ 14 ਮਈ, 2025 ਨੂੰ ਲੈਂਡ ਪੂਲਿੰਗ ਨੀਤੀ ਲਿਆਉਣ ਦਾ ਐਲਾਨ ਕੀਤਾ ਸੀ, ਜਿਸ ਵਿੱਚ ਲੁਧਿਆਣਾ ਜ਼ਿਲ੍ਹੇ ਦੇ 32 ਪਿੰਡਾਂ ਦੀ 24,311 ਏਕੜ ਤਿੰਨ ਫ਼ਸਲੀ ਸਿੰਚਾਈ ਵਾਲੀ ਉਪਜਾਊ ਜ਼ਮੀਨ ਲੈਂਡ ਪੂਲਿੰਗ ਨੀਤੀ ਦੇ ਤਹਿਤ ਹਥਿਆਉਣ ਦਾ ਫ਼ੈਸਲਾ ਕੀਤਾ ਗਿਆ। ਇਸ ਤੋਂ ਬਾਅਦ 4 ਜੂਨ, 2025 ਨੂੰ ਇਸ ਨੀਤੀ ਵਿੱਚ ਕੁਝ ਸੋਧਾਂ ਕਰਦੇ ਹੋਏ 164 ਪਿੰਡਾਂ ਦੀ 65,533 ਏਕੜ ਜ਼ਮੀਨ ਕਬਜ਼ਾਉਣ ਦੀ ਯੋਜਨਾ ਬਣਾਈ ਗਈ, ਜਿਸ ਵਿੱਚ ਲੱਗਭਗ 27 ਜ਼ਿਲ੍ਹਿਆਂ ਦੇ ਸ਼ਹਿਰਾਂ ਅਤੇ ਕਸਬਿਆਂ ਵਿੱਚ ਅਰਬਨ ਅਸਟੇਟਾਂ ਬਣਾਉਣ, ਇੰਡਸਟਰੀਅਲ ਅਤੇ ਇਕਨੋਮਿਕ ਪਾਰਕ ਬਣਾਉਣ ਦੀ ਯੋਜਨਾ ਸੀ।

ਜਿਉਂ ਹੀ ਲੋਕਾਂ ਨੇ ਅਖ਼ਬਾਰਾਂ ਵਿੱਚ ਆਪਣੇ ਪਿੰਡਾਂ ਦੀ ਜ਼ਮੀਨ ਦੇ ਖਸਰਾ ਨੰਬਰ ਪੜ੍ਹੇ, ਤਾਂ ਜਨਤਕ ਰੋਹ ਦਾ ਉਬਾਲ ਖੜ੍ਹਾ ਹੋ ਗਿਆ। ਲੋਕ ਆਪਣੀ ਇੰਨੀ ਉਪਜਾਊ ਜ਼ਮੀਨ ਕਿਸੇ ਵੀ ਕੀਮਤ 'ਤੇ ਸਰਕਾਰ ਨੂੰ ਦੇਣ ਨੂੰ ਤਿਆਰ ਨਹੀਂ ਸਨ। ਖੇਤੀਬਾੜੀ ਅਤੇ ਕਿਸਾਨ ਵਿਕਾਸ ਫਰੰਟ ਪੰਜਾਬ ਅਤੇ ਕੁਦਰਤ ਮਾਨਵ ਕੇਂਦਰਤ ਲੋਕ ਲਹਿਰ ਨੇ ਸਾਂਝੇ ਤੌਰ 'ਤੇ 14 ਜੂਨ ਨੂੰ ਮੀਟਿੰਗ ਕਰਕੇ ਇਸ ਦੇ ਵਿਰੋਧ ਵਿੱਚ 21 ਜੂਨ ਨੂੰ ਗੁਰਸਾਗਰ ਮਸਤੂਆਣਾ ਸਾਹਿਬ, ਸੰਗਰੂਰ ਵਿਖੇ ਪਹਿਲਾ ਸੈਮੀਨਾਰ ਕੀਤਾ, ਜਿਸ ਵਿੱਚ ਹੋਰਨਾਂ ਕਿਸਾਨ ਜਥੇਬੰਦੀਆਂ ਦੇ ਬੁੱਧੀਜੀਵੀਆਂ ਨੂੰ ਵੀ ਸੱਦਾ ਦਿੱਤਾ ਗਿਆ। ਇਸ ਸੈਮੀਨਾਰ ਵਿੱਚ ਐਲਾਨ ਕੀਤਾ ਗਿਆ ਕਿ ਪੰਜਾਬ ਦੇ ਲੋਕਾਂ, ਖ਼ਾਸ ਕਰਕੇ ਕਿਸਾਨਾਂ ਨੂੰ ਇਸ ਨੀਤੀ ਦਾ ਵਿਰੋਧ ਕਰਨਾ ਚਾਹੀਦਾ ਹੈ ਅਤੇ ਇੱਕ ਇੰਚ ਵੀ ਜ਼ਮੀਨ ਸਰਕਾਰ ਨੂੰ ਨਹੀਂ ਦੇਣੀ ਚਾਹੀਦੀ, ਕਿਉਂਕਿ ਇਹ ਨੀਤੀ ਵਾਤਾਵਰਨ ਵਿਰੋਧੀ, ਖੇਤੀ ਵਿਰੋਧੀ, ਕਿਸਾਨ ਅਤੇ ਲੋਕ ਵਿਰੋਧੀ ਹੈ। ਖੇਤੀ ਮਨੁੱਖੀ ਸਮਾਜ ਦੀ ਜੀਵਨ ਰੇਖਾ ਹੈ ਅਤੇ ਇਹ ਸਾਡੇ ਭੋਜਨ ਅਤੇ ਸਿਹਤ ਨਾਲ ਬਹੁਤ ਨੇੜਿਉਂ ਜੁੜੀ ਹੋਈ ਹੈ। ਕੇਂਦਰ ਸਰਕਾਰ ਦੀ ਜਨਤਕ ਵੰਡ ਪ੍ਰਣਾਲੀ ਮੁੱਢਲੇ ਤੌਰ ਤੇ ਪੰਜਾਬ ਦੀ ਖੇਤੀ ਪੈਦਾਵਾਰ ਤੇ ਹੀ ਨਿਰਭਰ ਹੈ। ਇਸ ਲਈ, ਖੇਤੀ ਯੋਗ ਜ਼ਮੀਨ ਤੇ ਕਬਜ਼ਾ ਕਰਕੇ ਸ਼ਹਿਰੀਕਰਨ ਕਰਨਾ ਅਤੇ ਉਦਯੋਗਿਕ ਪਾਰਕ ਬਣਾਉਣਾ ਸਾਡੀ ਭੋਜਨ ਸੁਰੱਖਿਆ ਨੂੰ ਪ੍ਰਭਾਵਿਤ ਕਰੇਗਾ। ਭੋਜਨ ਸੁਰੱਖਿਆ ਦਾ ਮਹੱਤਵ ਕਿਸੇ ਵੀ ਮਾਅਨੇ ਵਿੱਚ ਰਾਸ਼ਟਰੀ ਸੁਰੱਖਿਆ ਤੋਂ ਘੱਟ ਨਹੀਂ ਹੁੰਦਾ। ਵੱਖ ਵੱਖ ਜਥੇਬੰਦੀਆਂ ਤੋਂ ਬਣਿਆ ਸੰਯੁਕਤ ਕਿਸਾਨ ਮੋਰਚਾ, ਕਿਸਾਨ ਮਜ਼ਦੂਰ ਮੋਰਚਾ, ਵੱਖ ਵੱਖ ਕਿਸਾਨ-ਮਜ਼ਦੂਰ ਜਥੇਬੰਦੀਆਂ ਅਤੇ ਪੰਜਾਬ ਦੀਆਂ ਵਿਰੋਧੀ ਰਾਜਨੀਤਿਕ ਪਾਰਟੀਆਂ ਨੇ ਆਪੋ ਆਪਣੇ ਤਰੀਕੇ ਨਾਲ ਇਸ ਨੀਤੀ ਦਾ ਵਿਰੋਧ ਕਰਨਾ ਸ਼ੁਰੂ ਕੀਤਾ।

ਇਸ ਦੌਰਾਨ ਸੈਮੀਨਾਰਾਂ, ਵਿਚਾਰ ਚਰਚਾ, ਗੋਸ਼ਟੀਆਂ, ਧਰਨਿਆਂ, ਮੁਜ਼ਾਹਰਿਆਂ, ਟਰੈਕਟਰ ਮਾਰਚਾਂ, ਮੋਟਰ ਸਾਈਕਲ ਮਾਰਚਾਂ, ਮਸ਼ਾਲ ਜਲੂਸਾਂ, ਕਾਨਫਰੰਸਾਂ, ਕਨਵੈਨਸ਼ਨਾਂ ਕਰਕੇ ਜਨਤਕ ਲਾਮਬੰਦੀ ਕੀਤੀ ਗਈ। ਸਬੰਧਿਤ ਪਿੰਡਾਂ ਵਿੱਚ ਲੋਕਾਂ ਨੇ ਗ੍ਰਾਮ ਸਭਾ ਬੁਲਾ ਕੇ ਜ਼ਮੀਨ ਨਾ ਦੇਣ ਦੇ ਮਤੇ ਸਰਬਸੰਮਤੀ ਨਾਲ ਪਾਸ ਕੀਤੇ ਅਤੇ ਪਿੰਡਾਂ ਵਿੱਚ ਬੋਰਡ ਲਗਾ ਕੇ ਆਮ ਆਦਮੀ ਪਾਰਟੀ ਦੇ ਲੀਡਰਾਂ, ਵਰਕਰਾਂ ਅਤੇ ਸਰਕਾਰ ਦੇ ਮੰਤਰੀਆਂ ਦਾ ਪਿੰਡਾਂ ਵਿੱਚ ਆਉਣ ਤੇ ਪਾਬੰਦੀ ਲਗਾ ਦਿੱਤੀ ਕਿ ਕੋਈ ਵੀ ਉਹਨਾਂ ਨੂੰ ਲੈਂਡ ਪੂਲਿੰਗ ਨੀਤੀ ਦੇ ਫਾਇਦੇ ਸਮਝਾਉਣ ਨਾ ਆਵੇ। ਇੱਥੋਂ ਤੱਕ ਕਿ ਪਿੰਡਾਂ ਵਿੱਚ ਜਨ ਮਾਨਸ ਇਸ ਤਰੀਕੇ ਦਾ ਬਣ ਗਿਆ ਕਿ ਆਮ ਆਦਮੀ ਪਾਰਟੀ ਦੇ ਅਹੁਦੇਦਾਰਾਂ ਨੇ ਅਸਤੀਫ਼ੇ ਦੇਣੇ ਸ਼ੁਰੂ ਕਰ ਦਿੱਤੇ। ਕੁੱਲ ਮਿਲਾ ਕੇ, ਪੰਜਾਬ ਅੰਦਰ ਜਨਤਕ ਮਾਹੌਲ ਆਮ ਆਦਮੀ ਪਾਰਟੀ ਅਤੇ ਇਸ ਦੀ ਲੈਂਡ ਪੂਲਿੰਗ ਨੀਤੀ ਦੇ ਖ਼ਿਲਾਫ਼ ਵਿਦਰੋਹ ਦੇ ਰੂਪ ਵਿੱਚ ਦਿਖਣ ਲੱਗ ਗਿਆ। ਲੋਕਾਂ ਨੇ ਸਰਕਾਰੀ ਨੁਮਾਇੰਦਿਆਂ ਨੂੰ ਸਰਕਾਰੀ ਪ੍ਰੋਗਰਾਮਾਂ ਵਿੱਚ ਘੇਰਨਾ ਸ਼ੁਰੂ ਕਰ ਦਿੱਤਾ। ਉਹ ਲੋਕਾਂ ਦੇ ਸਵਾਲਾਂ ਦਾ ਜਵਾਬ ਦੇਣ ਵਿੱਚ ਨਾਕਾਮ ਰਹੇ। ਕਈ ਥਾਂਈਂ ਲੋਕਾਂ ਅਤੇ ਪੰਜਾਬ ਪੁਲਿਸ ਦਰਮਿਆਨ ਝੜਪਾਂ ਵੀ ਹੋਈਆਂ।

ਇਸ ਤੋਂ ਬਾਅਦ, ਜਨਤਕ ਪਟੀਸ਼ਨ ਦੇ ਤਹਿਤ ਇਸ ਮਾਮਲੇ ਦੀ ਪੰਜਾਬ ਅਤੇ ਹਰਿਆਣਾ ਹਾਈਕੋਰਟ ਵਿੱਚ ਸੁਣਵਾਈ ਹੋਈ, ਜਿੱਥੇ ਸਰਕਾਰ ਇਸ ਨੀਤੀ ਨੂੰ ਕਾਨੂੰਨੀ ਰੂਪ ਵਿੱਚ ਜ਼ਾਇਜ਼ ਠਹਿਰਾਉਣ ਵਿੱਚ ਨਾਕਾਮਯਾਬ ਰਹੀ ਅਤੇ ਅਦਾਲਤ ਨੇ 7 ਅਗਸਤ, 2025 ਨੂੰ ਆਰਜ਼ੀ ਤੌਰ ਤੇ 1 ਮਹੀਨੇ ਲਈ ਸਟੇ ਲਗਾ ਦਿੱਤੀ। ਜਨਤਕ ਵਿਰੋਧ ਦੇ ਚਲਦਿਆਂ ਅਖ਼ੀਰ ਸਰਕਾਰ ਨੂੰ 11 ਅਗਸਤ, 2025 ਆਪਣੀ ਇਹ ਲੋਕ ਵਿਰੋਧੀ, ਵਾਤਾਵਰਨ ਵਿਰੋਧੀ ਅਤੇ ਖੇਤੀ ਵਿਰੋਧੀ ਨੀਤੀ ਨੂੰ ਵਾਪਿਸ ਲੈਣਾ ਪਿਆ। ਇਸ ਸਮੇਂ ਦੌਰਾਨ ਸੰਬੰਧਿਤ ਜ਼ਮੀਨ ਮਾਲਕਾਂ ਨੇ ਜੋ ਮਾਨਸਿਕ ਪੀੜਾ ਹੰਢਾਈ, ਉਸ ਲਈ ਸਰਕਾਰ ਨੂੰ ਮਾਫ਼ੀ ਮੰਗਣੀ ਚਾਹੀਦੀ ਹੈ। ਅੱਗੇ ਤੋਂ ਖੇਤੀਬਾੜੀ ਜਾਂ ਜ਼ਮੀਨ ਨਾਲ ਸੰਬੰਧਿਤ ਨੀਤੀ ਬਣਾਉਣ ਤੋਂ ਪਹਿਲਾਂ ਸੰਬੰਧਿਤ ਲੋਕਾਂ, ਖ਼ਾਸ ਕਰ ਕਿਸਾਨ ਜਥੇਬੰਦੀਆਂ ਨਾਲ ਸਲਾਹ ਮਸ਼ਵਰਾ ਕਰਨਾ ਚਾਹੀਦਾ ਹੈ।

*ਜਾਰੀ ਕਰਤਾ:* ਸੁਖਦੇਵ ਸਿੰਘ ਭੁਪਾਲ (9915342232)
12 ਅਗਸਤ, 2025

11/08/2025

# @

11 ਅਗਸਤ ਨਾਭਾ

ਖੇਤੀਬਾੜੀ ਤੇ ਕਿਸਾਨ ਵਿਕਾਸ ਫਰੰਟ, ਪੰਜਾਬ ਦੇ ਸੂਬਾ ਸਕੱਤਰ ਜਗਪਾਲ ਸਿੰਘ ਉਧਾ ਨੇ ਕਿਹਾ ਕਿ ਪੰਜਾਬ ਸਰਕਾਰ ਨੇ ਲੈਂਡ ਪੂਲਿੰਗ ਨੀਤੀ ਵਾਪਸ ਲੈਣ ਲਈ ਹੈ ਜਿਸ ਤੇ ਕਿਸਾਨ ਨੇਤਾ ਜਗਪਾਲ ਸਿੰਘ ਉੱਧਾ ਜਨਰਲ ਸਕੱਤਰ ਖੇਤੀਬਾੜੀ ਤੇ ਕਿਸਾਨ ਵਿਕਾਸ ਫ਼ਰੰਟ ਪੰਜਾਬ ਅਤੇ ਉਸ ਦੀ ਸਾਰੀ ਟੀਮ ਨੇ ਸਰਕਾਰ ਵੱਲੋਂ ਲੈਂਡ ਪੂਲਿੰਗ ਪਾਲਿਸੀ ਵਾਪਸ ਲੈਣਾ ਕਿਸਾਨ ਸੰਘਰਸ਼ ਦੀ ਵੱਡੀ ਜਿੱਤ ਹੈ। ਇਥੋਂ ਇਹ ਵੀ ਸਾਬਿਤ ਹੁੰਦਾ ਹੈ ਕਿ ਲੋਕ ਰਾਇ ਦੇ ਖ਼ਿਲਾਫ਼ ਲਿਆ ਗਿਆ ਕੋਈ ਵੀ ਫ਼ੈਸਲਾ ਬਹੁਤੀ ਦੇਰ ਟਿਕ ਨਹੀਂ ਸਕਦਾ ਇਸ ਲਈ ਪੰਜਾਬ ਦੇ ਆਮ ਲੋਕਾਂ, ਖੇਤ ਮਜ਼ਦੂਰਾਂ ਤੇ ਖ਼ਾਸ ਕਰ ਕੇ ਕਿਸਾਨਾਂ, ਨੂੰ ਆਪਣੀ ਖੇਤੀ ਯੋਗ ਜ਼ਮੀਨ ਬਚਾਉਣ ਲਈ ਉਹਨਾਂ ਦੇ ਸੰਘਰਸ਼ ਦੀ ਜਿੱਤ ਦੀਆਂ ਬਹੁਤ ਬਹੁਤ ਮੁਬਾਰਕਾਂ ਅਤੇ ਲੋਕਾਂ ਨੂੰ ਕਿਹਾ ਕਿ ਹੁਣ ਅਵੇਸਲੇ ਹੋਣ ਦੀ ਲੋੜ ਨਹੀਂ ਸਗੋਂ ਹੋਰ ਏਕਤਾ ਨੂੰ ਮਜ਼ਬੂਤ ਕਰਨ ਦੀ ਲੋੜ ਹੈ ਤੇ ਕਿ ਇਸ ਉਦਯੋਗਿਕ ਖੇਤੀ ਨੂੰ ਬਦਲਿਆ ਜਾ ਸਕੇ, ਕਿਉਂਕਿ ਇਸ ਉਦਯੋਗਿਕ ਖੇਤੀ ਨੇ ਕਿਸਾਨਾਂ ਨੂੰ ਕਰਜ਼ਾਈ ਕੀਤਾ ਹੋਇਆ ਹੈ ਤੇ ਵਾਤਾਵਰਨ ਨੂੰ ਵੀ ਖਰਾਬ ਕੀਤਾ ਹੈ ਜੋਂ ਮਨੁੱਖੀ ਸਿਹਤ ਤੇ ਵੀ ਮਾੜਾ ਅਸਰ ਪਾਇਆ ਹੈ , ਇਸ ਨੂੰ ਖ਼ਤਮ ਕਰਕੇ ਕੁਦਰਤੀ ਸਹਿਕਾਰੀ ਖੇਤੀ ਨੂੰ ਅਪਣਾਉਣ ਲਈ ਉਪਰਾਲੇ ਕਰਨ ਦੀ ਲੋੜ ਹੈ । ਇਸ ਨੂੰ ਕਰਨ ਲਈ ਸਰਕਾਰਾਂ ਤੇ ਦਬਾਅ ਪਾਉਣਾ ਹੋਏਗਾ ਕਿ ਇਸ ਲਈ ਆਪਣੇ ਬਜ਼ਟ ਦਾ 50% ਹਿੱਸਾ ਖੇਤੀ ਲਈ ਲਗਾਵੇ।

ਜਾਰੀ ਕਰਤਾ
ਜਗਪਾਲ ਸਿੰਘ ਉਧਾ

Sansar-Safar News

01/09/2025

31/08/2025

30/08/2025

25/08/2025

21/08/2025

20/08/2025

16/08/2025

16/08/2025

13/08/2025

13/08/2025

12/08/2025

11/08/2025

Address

Telephone

Website

Alerts

Shortcuts

Share

Category