https://www.facebook.com/101772455818794/

Sansar-Safar News, street no 3, Ludhiana (2026)

14/09/2026

14 ਸਤੰਬਰ 2026 ਲੁਧਿਆਣਾ

*🚜 ਸੰਯੁਕਤ ਕਿਸਾਨ ਮੋਰਚੇ ਦੀ ਕਾਲ ’ਤੇ ਵੱਡਾ ਐਕਸ਼ਨ 🚜*

14 ਸਤੰਬਰ 2026 ਨੂੰ ਸੰਯੁਕਤ ਕਿਸਾਨ ਮੋਰਚੇ ਦੀ ਕਾਲ ’ਤੇ ਅੱਜ ਸਵੇਰੇ 11 ਵਜੇ ਤੋਂ ਦੁਪਹਿਰ 3 ਵਜੇ ਤੱਕ ਚੀਫ਼ ਇੰਜੀਨੀਅਰ ਦਫ਼ਤਰ ਲੁਧਿਆਣਾ ਦੇ ਘਿਰਾਓ ਕਰਨ ਦਾ ਪ੍ਰੋਗਰਾਮ ਰੱਖਿਆ ਗਿਆ ਸੀ। ਇਸ ਐਕਸ਼ਨ ਵਿੱਚ ਭਾਰਤੀ ਕਿਸਾਨ ਯੂਨੀਅਨ ਏਕਤਾ ਡਕੌਂਦਾ ਦੇ ਵਰਕਰਾਂ ਨੇ ਵੱਡੀ ਗਿਣਤੀ ਵਿੱਚ ਸ਼ਮੂਲੀਅਤ ਕੀਤੀ ਅਤੇ ਕਿਸਾਨਾਂ ਦੀਆਂ ਮੰਗਾਂ ਲਈ ਆਪਣੀ ਆਵਾਜ਼ ਬੁਲੰਦ ਕੀਤੀ।

ਇਸ ਮੌਕੇ ਰਘਬੀਰ ਸਿੰਘ ਬੈਨੀਵਾਲ, ਜਮਹੂਰੀ ਕਿਸਾਨ ਸਭਾ, ਅਮਨਦੀਪ ਸਿੰਘ ਲਲਤੋਂ ਸੂਬਾ ਮੀਤ ਪ੍ਰਧਾਨ ਭਾਰਤੀ ਕਿਸਾਨ ਯੂਨੀਅਨ ਏਕਤਾ ਡਕੌਂਦਾ, ਅਜੀਤ ਸਿੰਘ ਧਾਂਦਰਾ ਬਲਾਕ ਸਕੱਤਰ ਭਾਰਤੀ ਕਿਸਾਨ ਯੂਨੀਅਨ ਏਕਤਾ ਡਕੌਂਦਾ, ਸਰਪੰਚ ਰਣਬੀਰ ਸਿੰਘ ਰੁੜਕਾ ਮੁੱਲਾਂਪੁਰ ਬਲਾਕ ਪ੍ਰਧਾਨ, ਹਾਕਮ ਸਿੰਘ ਭੱਟੀਆਂ, ਜ਼ਿਲ੍ਹਾ ਮੀਤ ਪ੍ਰਧਾਨ, ਰਜਿੰਦਰ ਸਿੰਘ ਭਨੋਹੜ ਜ਼ਿਲ੍ਹਾ ਮੀਤ ਪ੍ਰਧਾਨ, ਰਿਸ਼ਪਾਲ ਸਿੰਘ ਭਨੌਹੜ , ਬਲਾਕ ਸਕੱਤਰ ਮੁੱਲਾਂਪੁਰ, ਐਨ ਐਸ ਸੋਢੀ ਖੇਤੀਬਾੜੀ ਤੇ ਕਿਸਾਨ ਵਿਕਾਸ ਫਰੰਟ ਪੰਜਾਬ ਅਤੇ ਹੋਰ ਬਹੁਤ ਸਾਰੇ ਕਿਸਾਨ ਆਗੂ ਤੇ ਵਰਕਰ ਹਾਜ਼ਰ ਰਹੇ,ਅੰਤ ਵਿੱਚ ਐਕਸੀਅਨ ਸਾਹਿਬ ਨੇ ਕਿਸਾਨਾਂ ਨੂੰ ਸੰਬੋਧਨ ਕਰਦਿਆਂ ਕਿਹਾ ਕਿ ਅਸੀਂ ਅੱਠ ਘੰਟੇ ਨਿਰਵਿਘਨ ਬਿਜਲੀ ਦੀ ਸਪਲਾਈ ਕਰਾਂਗੇ।

14/09/2026

14 ਸਤੰਬਰ 2026 ਲੁਧਿਆਣਾ

*ਨਾਭੇ ਐਕਸੀਅਨ ਦਫਤਰ ਮੂਹਰੇ ਕਿਸਾਨਾਂ ਦਾ ਹੱਲਾ ਬੋਲ
* ਮੋਟਰਾਂ ਵਾਲੀ ਅਤੇ ਘਰਵਾਲੀ ਬਿਜਲ 'ਤੇ ਲੱਗ ਰਹੇ ਲੰਬੇ ਕੱਟਾਂ 'ਤੇ ਘੇਰਿਆ ਸਰਕਾਰ ਨੂੰ।

ਨਾਭਾ ਵਿੱਖੇ 14 ਸਤੰਬਰ ਇਲਾਕੇ ਦੇ ਕਿਸਾਨਾਂ ਨੇ ਇਕੱਠੇ ਹੋ ਕੇ ਅੱਜ ਨਾਭੇ ਦੇ ਐਕਸੀਅਨ ਦਫਤਰ ਪੰਜਾਬ ਸਟੇਟ ਪਾਵਰ ਕਾਰਪੋਰੇਸ਼ਨ ਲਿਮਟਿਡ ਅੱਗੇ ਵਿਸ਼ਾਲ ਧਰਨਾ ਦਿੱਤਾ। ਧਰਨੇ ਵਿੱਚ ਬੋਲਦਿਆਂ ਵੱਖ- ਵੱਖ ਬੁਲਾਰਿਆਂ ਨੇ ਕਿਹਾ ਕਿ ਭਗਵੰਤ ਮਾਨ ਸਰਕਾਰ ਸਾਰੇ ਫਰੰਟਾਂ ਤੇ ਫੇਲ ਹੋ ਚੁੱਕੀ ਹੈ। ਲਗਾਤਾਰ ਅੱਠ ਘੰਟੇ ਮੋਟਰਾਂ ਲਈ ਬਿਜਲੀ ਸਪਲਾਈ ਉਹ ਵੀ ਦਿਨ ਨੂੰ, ਅਤੇ ਘਰਾਂ ਵਿੱਚ ਲਗਾਤਾਰ 24 ਘੰਟੇ ਸਪਲਾਈ ਦੇ ਦਮਗਜੇ ਮਾਰਨ ਵਾਲੇ ਅੱਜ ਭਾਲਿਆਂ ਨਹੀਂ ਲੱਭਦੇ। ਫਸਲਾਂ ਦਾ ਬੁਰਾ ਹਾਲ ਹੈ। ਲੱਗਭਗ ਸਿਰੇ ਲੱਗ ਚੁੱਕੇ ਝੋਨੇ ਦਾ ਪਾਣੀ ਬਿਨਾ, ਫੂਸ ਉਡਿਆ ਪਿਆ ਹੈ। ਕਿਸਾਨ ਦਾ ਤਿੰਨ ਮਹੀਨਿਆਂ ਦਾ ਫਸਲ ਉੱਪਰ ਕੀਤਾ ਹੋਇਆ ਖਰਚਾ ਡੁੱਬਦਾ ਨਜ਼ਰ ਆ ਰਿਹਾ ਹੈ ।ਸਪਲਾਈ ਅੱਠ ਘੰਟਿਆਂ ਤੋਂ ਘਟਾ ਕੇ ਤਿੰਨ ਘੰਟੇ ਕਰ ਦਿੱਤੀ ਗਈ ਹੈ ਜਿਸ ਨਾਲ ਮੁਸ਼ਕਲ ਨਾਲ ਇੱਕ ਕਿਲਾ ਝੋਨੇ ਨੂੰ ਪਾਣੀ ਆਉਂਦਾ ਹੈ। ਹਰ ਮੋਟਰ ਤੇ 8 ਤੋਂ 12 ਏਕੜ ਝੋਨਾ ਹੈ 10 ਤੋਂ 12 ਦਿਨਾਂ ਬਾਅਦ ਝੋਨੇ ਨੂੰ ਪਾਣੀ ਦੀ ਵਾਰੀ ਆਉਂਦੀ ਹੈ। ਇਸ ਨਾਲ ਕਿਸਾਨਾਂ ਦਾ ਬਹੁਤ ਵੱਡਾ ਆਰਥਿਕ ਨੁਕਸਾਨ ਹੋ ਰਿਹਾ ਹੈ ।ਜੇਕਰ ਸਰਕਾਰ ਨੇ ਬਿਜਲੀ ਸਪਲਾਈ ਵਿੱਚ ਸੁਧਾਰ ਨਾ ਕੀਤਾ ਤਾਂ ਕਿਸਾਨ ਜਥੇਬੰਦੀਆਂ ਸੰਘਰਸ਼ ਨੂੰ ਹੋਰ ਤਿੱਖਾ ਕਰਨ ਲਈ ਮਜਬੂਰ ਹੋਣਗੀਆਂ। ਅੱਜ ਦੇ ਇਕੱਠ ਨੂੰ ਬੀਕੇਯੂ ਰਾਜੇਵਾਲ ਤੋਂ ਅੱਛਰ ਸਿੰਘ ਭੋਜੋ ਮਾਜਰੀ ਅਤੇ ਅਵਤਾਰ ਸਿੰਘ ਕੈਦੂਪੁਰ, ਬੀਕੇਯੂ ਡਕੌਂਦਾ ਤੋਂ ਨਿਰਮਲ ਸਿੰਘ ਨਰਵਾਣਾ ਅਤੇ ਗੁਰਬਚਨ ਸਿੰਘ ਕਨਸੂਹਾ, ਖੇਤੀਬਾੜੀ ਅਤੇ ਕਿਸਾਨ ਵਿਕਾਸ ਫਰੰਟ ਤੋਂ ਜਗਪਾਲ ਸਿੰਘ ਊਧਾ ਅਤੇ ਕੁਲਦੀਪ ਸਿੰਘ ਪਾਲੀਆ, ਬੀਕੇਯੂ ਕ੍ਰਾਂਤੀਕਾਰੀ ਪੰਜਾਬ (ਬੁੱਟਰ) ਤੋਂ ਹਰਜੀਤ ਸਿੰਘ ਅਗੌਲ ਅਤੇ ਜਗਤਾਰ ਸਿੰਘ ਨਰਵਾਣਾ, ਅਤੇ ਕੁੱਲ ਹਿੰਦ ਕਿਸਾਨ ਸਭਾ ਤੋਂ ਕਾਕਾ ਸਿੰਘ ਕੋਟ ਆਦਿਕ ਆਗੂਆਂ ਨੇ ਸੰਬੋਧਨ ਕੀਤਾ। ਇਸ ਤੋਂ ਇਲਾਵਾ ਵੱਡੀ ਗਿਣਤੀ ਵਿੱਚ ਇਕੱਠੇ ਹੋਏ ਕਿਸਾਨਾਂ ਨੇ ਸਰਕਾਰ ਖਿਲਾਫ਼ ਜੰਮ ਕੇ ਨਾਹਰੇਬਾਜ਼ੀ ਕੀਤੀ।

ਜਾਰੀ ਕਰਤਾ: ਹਰਦੀਪ ਸਿੰਘ ਘਨੁੜਕੀ 94643-58928

13/09/2026

13 ਸਤੰਬਰ 2026 ਲੁਧਿਆਣਾ

12 ਸਤੰਬਰ 2026 ਨੂੰ ਕੁਦਰਤ-ਮਾਨਵ ਕੇਂਦਰਿਤ ਲੋਕ ਲਹਿਰ ਅਤੇ ਖੇਤੀਬਾੜੀ ਤੇ ਕਿਸਾਨ ਵਿਕਾਸ ਫਰੰਟ, ਪੰਜਾਬ ਦੀ ਸਾਂਝੀ ਮੀਟਿੰਗ ਸ੍ਰੀ ਗੁਰਲਾਭ ਸਿੰਘ ਮਾਨਸਾ ਸੂਬਾ ਪ੍ਰਧਾਨ ਦੀ ਪ੍ਰਧਾਨਗੀ ਹੇਠ ਗੁਰਸਾਗਰ ਮਸਤੂਆਣਾ ਸਾਹਿਬ ਵਿਖੇ ਹੋਈ ਜਿਸ ਵਿੱਚ ਤਕਰੀਬਨ ਸਾਰੇ ਸੂਬਾ ਕਮੇਟੀ ਮੈਂਬਰਾਂ ਅਤੇ ਹੋਰ ਵਰਕਰਾਂ ਨੇ ਭਾਗ ਲਿਆ। ਮੀਟਿੰਗ ਦੇ ਸ਼ੁਰੂ ਵਿੱਚ ਕਾਰਪੋਰੇਟ ਸਿਸਟਮ ਦੀ ਗਲਤ ਵਿਕਾਸ ਦੀ ਧਾਰਨਾ ਕਾਰਨ ਨੇਪਾਲ ਵਿੱਚ ਕੁਦਰਤੀ ਕਰੋਪੀ ਨਾਲ ਮਾਰੇ ਗਏ ਬੇਦੋਸ਼ੇ ਲੋਕਾਂ ਨੂੰ ਸ਼ਰਧਾਂਜਲੀ ਭੇਂਟ ਕੀਤੀ ਗਈ। ਵਿਚਾਰ ਚਰਚਾ ਦੌਰਾਨ ਦੱਸਿਆ ਗਿਆ ਕਿ ਦੁਨੀਆਂ ਭਰ ਵਿੱਚ ਮੌਸਮੀ ਤਬਦੀਲੀ ਅਤੇ ਧਰਤੀ ਦੇ ਵੱਧ ਰਹੇ ਤਾਪਮਾਨ ਕਾਰਨ ਗਲੇਸ਼ੀਅਰ ਵੱਡੀ ਪੱਧਰ ਉੱਤੇ ਪਿਘਲ ਰਹੇ ਹਨ ਅਤੇ ਇਸੇ ਕਰਕੇ ਬਿਨਾਂ ਮੀਂਹ ਤੋਂ ਹੀ ਪਹਾੜਾਂ ਵਿੱਚ ਹੜ ਆ ਰਹੇ ਹਨ। ਗਲੇਸ਼ੀਅਰਾਂ ਕਾਰਨ ਪਹਾੜਾਂ ਵਿੱਚ ਬਣ ਰਹੀਆਂ ਝੀਲਾਂ ਕਿਸੇ ਸਮੇਂ ਵੀ ਗੋਬਿੰਦ ਸਾਗਰ ਜਿਹੇ ਡੈਮ ਨੂੰ ਤੋੜ ਸਕਦੀਆਂ ਹਨ। ਮੀਟਿੰਗ ਵਿੱਚ ਲਹਿਰਾਗਾਗਾ ਜ਼ਿਲ੍ਹਾ ਸੰਗਰੂਰ ਵਿਖੇ ਮਿਤੀ 2 ਅਕਤੂਬਰ ਤੋਂ ਚਾਰ ਅਕਤੂਬਰ ਤੱਕ ਭਾਰਤ ਪੱਧਰੀ ਹੋ ਰਹੀ ਕਾਨਫਰੰਸ ਬਾਰੇ ਵਿਚਾਰ ਵਟਾਂਦਰਾ ਕੀਤਾ ਗਿਆ। ਕਾਨਫਰੰਸ ਬਾਰੇ ਦੱਸਦਿਆਂ ਸ੍ਰੀ ਸੁਖਦੇਵ ਸਿੰਘ ਭੁਪਾਲ ਕੌਮੀ ਸਕੱਤਰ ਨੇ ਕਿਹਾ ਕਿ ਮਿਤੀ 2 ਅਕਤੂਬਰ ਨੂੰ ਖੁੱਲਾ ਸੈਸ਼ਨ ਹੋਵੇਗਾ ਜਿਸ ਦਾ ਮੁੱਖ ਏਜੰਡਾ ਕਿ ਵਿਕਾਸ ਦੀ ਮੁਢਲੀ ਤਰਜੀਹ ਰਾਸ਼ਟਰੀ ਸੁਰੱਖਿਆ ਹੋਵੇ ਜਾਂ ਵਾਤਾਵਰਨ ਅਤੇ ਭੋਜਨ ਸੁਰੱਖਿਆ। ਇਸ ਵਿਸ਼ੇ ਉੱਤੇ ਵੱਖ ਵੱਖ ਮਾਹਰ ਆਪਣੇ ਵਿਚਾਰ ਪ੍ਰਗਟ ਕਰਨਗੇ। ਨਾਲ ਹੀ ਤਿੰਨ ਅਤੇ ਚਾਰ ਅਕਤੂਬਰ ਨੂੰ ਕਾਰਪੋਰੇਟ ਵਿਕਾਸ ਮਾਡਲ ਦੇ ਅਜੰਡੇ ਦੇ ਬਦਲ ਵਜੋਂ ਇੱਕ ਕੁਦਰਤ ਅਤੇ ਮਨੁੱਖ ਪੱਖੀ ਵਿਕਾਸ ਮਾਡਲ ਕਿਵੇਂ ਸਾਰੀ ਦੁਨੀਆ ਲਈ ਸਹਾਈ ਹੋ ਸਕਦਾ ਹੈ ,ਇਸ ਵਿਸ਼ੇ ਉੱਤੇ ਵੱਖ-ਵੱਖ ਰਾਜਾਂ ਵਿੱਚੋਂ ਆਏ ਬੁੱਧੀਜੀਵੀ ਆਪੋ ਆਪਣੇ ਵਿਚਾਰ ਪੇਸ਼ ਕਰਨਗੇ। ਹਰ ਇਨਸਾਨ ਨੂੰ ਸ਼ੁੱਧ ਭੋਜਨ, ਸ਼ੁੱਧ ਹਵਾ ਅਤੇ ਸ਼ੁੱਧ ਪਾਣੀ ਕਿਵੇਂ ਮੁਹਈਆ ਕਰਵਾਇਆ ਜਾ ਸਕਦਾ ਹੈ ਜਾਂ ਕੀ ਇਹ ਸਰਕਾਰਾਂ ਇਸ ਵਿਗੜ ਰਹੇ ਵਾਤਾਵਰਨ ਅਤੇ ਮੌਸਮੀ ਤਬਦੀਲੀ ਨੂੰ ਠੀਕ ਕਰ ਸਕਦੀਆਂ ਹਨ, ਜਿਹੜੀਆਂ ਕਿ ਕਾਰਪੋਰੇਟ ਅਜੰਡੇ ਤੇ ਕੰਮ ਕਰਦੀਆਂ ਹੋਈਆਂ ਇਹਨਾਂ ਸਾਰੇ ਸੰਕਟਾਂ ਲਈ ਜਿੰਮੇਵਾਰ ਹਨ। ਪੰਜਾਬ ਸਮੇਤ ਦੁਨੀਆਂ ਸਾਹਮਣੇ ਆ ਰਹੇ ਪਾਣੀ ਦੇ ਸੰਕਟ ਬਾਰੇ ਵੀ ਡੂੰਘਾ ਵਿਚਾਰ ਕੀਤਾ ਜਾਵੇਗਾ। ਆਰਥਿਕ ਗੈਰ ਬਰਾਬਰੀ ਨਾ ਮਾਪਣ ਯੋਗ ਸਥਾਨ ਤੇ ਪਹੁੰਚ ਚੁੱਕੀ ਹੈ ਜਿਹੜੀ ਕਿ ਕਾਰਪੋਰੇਟ ਅਜੰਡੇ ਕਾਰਨ ਤਕੜੇ ਦਾ ਸੱਤੀ 20 ਸੌ ਤੇ ਚਲਦੀ ਹੋਈ ਸਾਰੇ ਕੁਦਰਤੀ ਸਾਧਨਾਂ ਤੇ ਕਬਜ਼ੇ ਦੀ ਦੌੜ ਵੱਲ ਭੱਜੀ ਹੋਈ ਹੈ। ਉਹਨਾਂ ਪੰਜਾਬ ਦੇ ਸਾਰੇ ਬੁੱਧੀਜੀਵੀਆਂ ਨੂੰ ਇਸ ਬਹੁਤ ਹੀ ਜਰੂਰੀ ਕਾਨਫਰੰਸ ਵਿੱਚ ਖੁੱਲੇ ਸੈਸ਼ਨ ਵਿੱਚ ਭਾਗ ਲੈਣ ਦਾ ਖੁੱਲਾ ਸੱਦਾ ਦਿੱਤਾ। ਪੰਜਾਬ ਸਮੇਤ ਪਾਣੀਆਂ ਦੇ ਝਗੜੇ ਬਾਰੇ ਵਿਚਾਰ ਚਰਚਾ ਦੌਰਾਨ ਦੱਸਿਆ ਗਿਆ ਕਿ ਪਾਣੀਆਂ ਦਾ ਮਸਲਾ ਬਹੁਤ ਹੀ ਗੰਭੀਰ ਮਸਲਾ ਹੈ ,ਸੋ ਸਾਰੀਆਂ ਕਿਸਾਨ ਅਤੇ ਜਨਤਕ ਜਥੇਬੰਦੀਆਂ ਨੂੰ ਜਿਸ ਵਿੱਚ ਪੰਜਾਬ ਹਰਿਆਣਾ ਰਾਜਸਥਾਨ ਆਦਿ ਜਾਂ ਹੋਰ ਰਾਜ ਵੀ ਬੈਠ ਕੇ ਕੋਈ ਸਾਂਝੇ ਹੱਲ ਲਈ ਸੈਮੀਨਾਰ ਵਗੈਰਾ ਕਰਨ, ਅਤੇ ਕੋਈ ਨਿਆ ਪੂਰਵਕ ਫੈਸਲਾ ਸਰਕਾਰ ਸਾਹਮਣੇ ਪੇਸ਼ ਕਰਨ। ਅੰਤ ਵਿੱਚ ਸਾਰੇ ਮੈਂਬਰ ਸਾਥੀਆਂ ਨੇ ਕਾਨਫਰੰਸ ਦੀ ਤਿਆਰੀ ਲਈ ਆਪਣਾ ਯੋਗਦਾਨ ਪਾਉਣ ਦਾ ਵਿਸ਼ਵਾਸ ਦਵਾਇਆ ਅਤੇ ਭਾਗ ਲੈਣ ਦਾ ਫੈਸਲਾ ਕੀਤਾ ਗਿਆ। ਇਸ ਸਬੰਧੀ ਜਾਣਕਾਰੀ ਪੰਜਾਬ ਦੇ ਸਕੱਤਰ ਸ੍ਰੀ ਮਹਿੰਦਰ ਸਿੰਘ ਖੋਖਰ ਅਤੇ ਖੇਤੀਬਾੜੀ ਕਿਸਾਨ ਵਿਕਾਸ ਫਰੰਟ ਪੰਜਾਬ ਦੇ ਪ੍ਰਧਾਨ ਸ੍ਰੀ ਜਗਪਾਲ ਸਿੰਘ ਊਧਾ ਨੇ ਪ੍ਰੈਸ ਨਾਲ ਸਾਂਝੀ ਕੀਤੀ।

12/09/2026

12 ਸਤੰਬਰ 2026 ਲੁਧਿਆਣਾ

*ਐਸ ਕੇ ਐਮ ਦੇ ਸੱਦੇ 'ਤੇ 14 ਸਤੰਬਰ ਨੂੰ ਨਾਭੇ ਐਕਸੀਅਨ ਦਫਤਰ ਲੱਗੇਗਾ ਧਰਨਾ*

ਨਾਭਾ 12 ਸਤੰਬਰ ਖੇਤੀਬਾੜੀ ਤੇ ਕਿਸਾਨ ਵਿਕਾਸ ਫਰੰਟ ਪੰਜਾਬ ਦੇ ਪ੍ਰਧਾਨ ਸ੍ਰੀ ਜਗਪਾਲ ਸਿੰਘ ਊਧਾ ਤੇ ਐਸ ਕੇ ਐਮ ਦੀ ਨਾਭਾ ਸਰਕਲ ਦੀ ਲੀਡਰਸ਼ਿਪ ਨੇ ਇਕ ਸਾਂਝੇ ਬਿਆਨ ਵਿੱਚ ਕਿਹਾ ਕਿ ਪੰਜਾਬ ਸਟੇਟ ਪਾਵਰ ਕਾਰਪੋਰੇਸ਼ਨ ਲਿਮਟਿਡ ਨੇ ਜੋਂ ਖੇਤੀ ਲਈ ਦਿਨ ਵੇਲੇ ਬਿਜਲੀ ਅੱਠ ਘੰਟੇ ਦੇਣ ਦੇ ਦਾਅਵੇ ਕੀਤੇ ਜਾ ਰਹੇ ਹਨ ਜਿਸ ਨੂੰ ਪੰਜਾਬ ਸਰਕਾਰ ਖਾਸ ਕਰਕੇ ਆਮ ਆਦਮੀ ਪਾਰਟੀ ਦਾ ਪ੍ਰਚਾਰ ਹੈ ਕਿ ਉਹਨਾਂ ਦੀ ਸਰਕਾਰ ਵੱਲੋਂ ਦਿਨ ਵੇਲੇ 8 ਘੰਟੇ ਬਿਜਲੀ ਦਿੱਤੀ ਜਾ ਰਹੀ ਹੈ , ਅਸਲ ਵਿੱਚ ਅੱਠ ਘੰਟੇ ਬਿਜਲੀ ਦੇਣ ਦੇ ਵਾਅਦੇ ਵਾਲੀ ਸਰਕਾਰ ਦਾ ਬੁਰੀ ਤਰ੍ਹਾਂ ਜ਼ਲੂਸ ਨਿਕਲ ਚੁੱਕਾ ਹੈ। ਕਿਸਾਨ ਮੋਟਰ ਤੇ ਬੈਠਾ ਬੱਤੀ ਵੱਲ ਵੇਖਦਾ ਰਹਿੰਦਾ ਹੈ ਪਰ ਬੱਤੀ ਤਾਂ ਈਦ ਦੇ ਚੰਦ ਵਾਂਗੂੰ ਦਿਸਣ ਵਿੱਚ ਹੀ ਨਹੀਂ ਆਉਂਦੀ। ਬਿਜਲੀ ਸਪਲਾਈ ਦੇ ਮਾੜੇ ਹਾਲ ਨੂੰ ਵੇਖਦਿਆਂ ਐਸ ਕੇ ਐਮ ਨੇ 14 ਸਤੰਬਰ ਦਿਨ ਸੋਮਵਾਰ ਨੂੰ ਐਕਸੀਅਨ ਦਫਤਰਾਂ ਅੱਗੇ ਧਰਨੇ ਦੇਣ ਤੇ ਸਰਕਾਰ ਦਾ ਪਿੱਟ ਸਿਆਪਾ ਕਰਨ ਦੀ ਕਾਲ ਦਿੱਤੀ ਹੈ। ਬੁਲਾਰਿਆਂ ਨੇ ਕਿਹਾ ਕਿ ਕਿਸਾਨਾਂ ਵੱਲੋਂ ਸਾਰੇ ਪੰਜਾਬ ਵਿੱਚ ਐਕਸੀਅਨ ਪੰਜਾਬ ਸਟੇਟ ਪਾਵਰ ਕਾਰਪੋਰੇਸ਼ਨ ਲਿਮਟਿਡ ਦੇ ਦਫ਼ਤਰਾਂ ਅੱਗੇ ਧਰਨੇ ਮੁਜ਼ਾਹਰੇ ਕੀਤੇ ਜਾਣਗੇ । ਉਸ ਲੜੀ ਵਜੋਂ ਨਾਭੇ ਵਿੱਚ ਵੀ ਐਕਸੀਅਨ ਦਫ਼ਤਰ ਅੱਗੇ 14 ਸਤੰਬਰ ਨੂੰ ਵਿਸਾਲ ਧਰਨਾ ਦਿੱਤਾ ਜਾਵੇਗਾ।
ਐਸ ਕੇ ਐਮ ਨਾਲ ਸੰਬੰਧਿਤ ਜਥੇਬੰਦੀਆਂ ਵੱਲੋਂ ਹੋਰ ਵੀ ਇਨਸਾਫ਼ ਪਸੰਦ ਜਥੇਬੰਦੀਆਂ ਨੂੰ ਅਪੀਲ ਕੀਤੀ ਜਾਂਦੀ ਹੈ ਕਿ ਉਹ ਵੀ ਧਰਨੇ ਵਿੱਚ ਸ਼ਮੂਲੀਅਤ ਕਰਨ ਤਾਂ ਜੋ ਸਰਕਾਰ ਜੋ ਅੰਨੀ ਅਤੇ ਬੋਲੀ ਹੋ ਚੁੱਕੀ ਹੈ‌ ਉਸ ਨੂੰ ਜਗਾਇਆ ਜਾਵੇ ਤੇ ਲੋਕਾਂ ਨੂੰ ਆ ਰਹੀਆਂ ਸਮੱਸਿਆਵਾਂ ਦਾ ਸ਼ੀਸ਼ਾ ਵਿਖਾਇਆ ਜਾ ਸਕੇ।

ਜਾਰੀ ਕਰਤਾ: ਕੁਲਦੀਪ ਪਾਲੀਆ

06/09/2026

6 ਸਤੰਬਰ 2026 ਲੁਧਿਆਣਾ

ਸਯੁੰਕਤ ਕਿਸਾਨ ਮੋਰਚੇ ਦੀ ਕਾਲ ਤੇ ਖੇਤੀਬਾੜੀ ਤੇ ਕਿਸਾਨ ਵਿਕਾਸ ਫਰੰਟ ਪੰਜਾਬ ਦੇ ਮੈਂਬਰਾਂ ਨੇ ਹਾਜ਼ਰੀ ਲਵਾਈ।
ਖੇਤੀਬਾੜੀ ਤੇ ਕਿਸਾਨ ਵਿਕਾਸ ਫ਼ਰੰਟ ਪੰਜਾਬ ਦੇ ਪ੍ਰਧਾਨ ਸ੍ਰੀ ਜਗਪਾਲ ਸਿੰਘ ਊਧਾ ਦੀ ਟੀਮ ਲਗਾਤਾਰ 2 ਸਤੰਬਰ ਤੋਂ ਹੀ ਐਸ ਕੇ ਐਮ ਦੇ ਚੰਡੀਗੜ੍ਹ ਦੇ ਧਰਨੇ ਵਿੱਚ ਆਪਣੀ ਹਾਜ਼ਰੀ ਲਵਾ ਰਹੇ ਹਨ ਪਰ 6 ਸਤੰਬਰ 2026 ਨੂੰ ਵੱਡੀ ਗਿਣਤੀ ਵਿੱਚ ਸਟੇਟ ਕਮੇਟੀ ਮੈਂਬਰਾਂ ਨੇ ਹਾਜ਼ਰੀ ਲਵਾਈ ਜਿਸ ਵਿੱਚ ਸ੍ਰੀ ਸੁਖਦੇਵ ਸਿੰਘ ਭੁਪਾਲ, ਸ੍ਰੀ ਲਾਭ ਸਿੰਘ , ਸ੍ਰੀ ਗੁਰਲਾਭ ਸਿੰਘ , ਸ੍ਰੀ ਜਗਰਾਜ ਸਿੰਘ ਰੱਲਾ, ਸ੍ਰੀ ਤੀਰਥ ਸਿੰਘ , ਸ੍ਰੀ ਪ੍ਰਮਾਤ ਸਿੰਘ ਸਿਧੂ , ਸ੍ਰੀ ਗੁਰਦਿਆਲ ਸਿੰਘ , ਲਸ਼ਕਰ ਸਿੰਘ ਮਿੱਠੜਾ ਜਲੰਧਰ , ਡਾ ਨਰਿੰਦਰਜੀਤ ਸਿੰਘ ਸੋਢੀ, ਸ੍ਰੀ ਕ੍ਰਿਸ਼ਨ ਸਿੰਘ ਸਾਬਕਾ ਪੀ ਐਸ ਈ ਬੀ ਹਾਜ਼ਰ ਹੋਏ । ਸ੍ਰੀ ਸੁਖਦੇਵ ਭੁਪਾਲ ਨੇ ਇਕ ਇੰਟਰਵਿਊ ਦੌਰਾਨ ਕਿਹਾ ਕਿ ਪੰਜਾਬ ਨਾਲ ਪਾਣੀਆਂ ਦੇ ਸਵਾਲ ਤੇ ਹਮੇਸ਼ਾਂ ਹੀ ਵਿਤਕਰਾ ਹੋਇਆ ਹੈ , ਅਸਲ ਵਿੱਚ ਕੇਂਦਰ ਤੇ ਪੰਜਾਬ ਦੀਆਂ ਸਾਰੀਆਂ ਸਰਕਾਰਾਂ ਨੇ ਪਾਣੀਆਂ ਦੇ ਮਸਲੇ ਨੂੰ ਹੱਲ ਕਰਨ ਨੂੰ ਕਦੀ ਤਰਜੀਹ ਹੀ ਦਿੱਤੀ ਤੇ ਇਸ ਤੇ ਰਾਜਨੀਤੀ ਕੀਤੀ ਤੇ ਲੋਕਾਂ ਨੂੰ ਵੰਡਿਆ ਹੈ। ਡੈਮ ਪ੍ਰਾਜੈਕਟਾਂ ਤੇ ਵੀ ਕੇਂਦਰ ਨੇ ਬੜੀ ਚਲਾਕੀ ਨਾਲ ਕਬਜ਼ਾ ਕੀਤਾ ਹੈ। ਉਹਨਾਂ ਨੇ ਕਰਜ਼ੇ ਬਾਰੇ ਕਿਹਾ ਕੇ ਜੋਂ ਅੱਜ ਕਿਸਾਨਾਂ ਤੇ ਕਰਜ਼ਾ ਹੈ ਉਹ ਕੇਂਦਰ ਤੇ ਪੰਜਾਬ ਸਰਕਾਰਾਂ ਦੀਆਂ ਗ਼ਲਤ ਪਾਲਸੀਆਂ ਕਾਰਨ ਹੋਇਆ ਹੈ ਜਿਸ ਤੇ ਲਕੀਰ ਫੇਰਨੀ ਚਾਹੀਦੀ ਹੈ, ਇਸ ਨੂੰ ਮਾਫ਼ੀ ਨਹੀਂ ਕਹਿਣਾ ਚਾਹੀਦਾ ਕਿਉਂਕਿ ਇਹ ਖ਼ੇਤੀ ਦੀਆਂ ਗ਼ਲਤ ਪਾਲਸੀਆਂ ਦਾ ਨਤੀਜਾ ਹਨ, ਭਾਵੇਂ ਇਹ ਰਾਜਨੀਤਿਕ ਪਾਰਟੀਆਂ ਵਾਲੇ ਲੋਕ ਸਾਨੂੰ ਫਜ਼ੂਲ ਖਰਚੇ ਕਰਨਾ ਤੇ ਅਨਪੜ੍ਹ ਕਾਰਨ ਇਹ ਖਰਚੇ ਹੋਏ ਹਨ ਦਸਦੇ ਹਨ ਪਰ ਅਸੀਂ ਇਹ ਪੁਛਦੇ ਹਾਂ ਕਿ ਸਰਕਾਰਾਂ ਪਾਸ ਤਾਂ ਬਹੁਤ ਪੜ੍ਹੇ ਲਿਖੇ ਲੋਕ ਹਨ ਫਿਰ ਅੱਜ ਭਾਰਤ ਦੇਸ਼ ਕਿਨ੍ਹਾਂ ਕਰਜ਼ਾ ਹੈ ਤੇ ਪੰਜਾਬ ਸਿਰ ਕਿਨ੍ਹਾਂ ਕਰਜ਼ਾ ਹੈ , ਇਹ ਹੀ ਨਹੀਂ ਅਮਰੀਕਾ ਵਰਗੇ ਦੇਸ਼ ਤੇ 4 ਟ੍ਰੀਲੀਅਨ ਦਾ ਕਰਜ਼ਾ ਕਿਉਂ ਹੈ । ਪਾਣੀਆਂ ਤੇ ਉਹਨਾਂ ਨੇ ਕਿਹਾ ਕਿ ਸਾਨੂੰ ਵੀ ਇਕ ਪਾਲਸੀ ਤਹਿਤ ਉਹ ਹੀ ਕਹਿਣਾ ਚਾਹੀਦਾ ਹੈ ਜੋ ਅਸੀਂ ਭਾਵੇਂ ਪੰਜਾਬ ਹੋਵੇ ਜਾਂ ਹਰਿਆਣਾ, ਰਾਜਸਥਾਨ ਕਿ ਕਿਸੇ ਨਾਲ ਵਧੀਕੀ ਨਹੀਂ ਹੋਣੀ ਚਾਹੀਦੀ ਤੇ ਇਕ ਜਾਇਜ਼ ਵੰਡ ਹੋਵੇ।

29/08/2026

29 ਅਗਸਤ 2026 ਲੁਧਿਆਣਾ

ਨਾਭਾ 28 ਸਤੰਬਰ
ਖੇਤੀਬਾੜੀ ਤੇ ਕਿਸਾਨ ਵਿਕਾਸ ਫਰੰਟ ਪੰਜਾਬ ਦੀ ਮੀਟਿੰਗ ਬਲਾਕ ਪ੍ਰਧਾਨ ਕੁਲਦੀਪ ਸਿੰਘ ਪਾਲੀਆ ਦੀ ਪ੍ਰਧਾਨਗੀ ਹੇਠ ਨਾਭਾ ਵਿਖੇ ਹੋਈ।
ਮੀਟਿੰਗ ਨੂੰ ਸੰਬੋਧਨ ਕਰਦਿਆ ਪ੍ਰਧਾਨ ਖੇਤੀਬਾੜੀ ਤੇ ਕਿਸਾਨ ਵਿਕਾਸ ਫਰੰਟ ਪੰਜਾਬ ਜਗਪਾਲ ਸਿੰਘ ਉਧਾ ਨੇ ਕਿਹਾ ਕਿਸਾਨੀ ਮੰਗਾਂ ਨੂੰ ਲੈ ਕੇ ਸੰਯੁਕਤ ਕਿਸਾਨ ਮੋਰਚੇ ਵੱਲੋ 1 ਸਤੰਬਰ ਤੋ 7 ਸਤੰਬਰ ਤੱਕ ਵਿਸਾਲ ਰੋਸ ਧਰਨੇ ਵਿਚ ਕਿਸਾਨ ਵਿਕਾਸ ਫ਼ਰੰਟ ਸਮੂਲੀਅਤ ਕਰੇਗਾ । ਕੇਂਦਰ ਦੀ ਮੋਦੀ ਸਰਕਾਰ ਵਲੋ ਅਮਰੀਕਾ-ਭਾਰਤ ਫਰੀ ਟਰੇਡ ਸਮਝੋਤਾ,ਬੀਜ ਸੋਧ ਬਿੱਲ, ਬਿਜਲੀ ਬਿੱਲ, ਨਰੇਗਾ,ਜੀ ਰਾਮ ਜੀ ,ਐਮ ਐਸ ਪੀ ਗਰੰਟੀ ਕਾਨੂੰਨ ਆਦਿ ਮੰਗਾਂ ਨੂੰ ਲੈ ਕਿ ਚੰਡੀਗੜ੍ਹ ਵਿਖੇ ਵਿਸ਼ਾਲ ਰੋਸ ਧਰਨਾ ਦਿੱਤਾ ਜਾ ਰਿਹਾ। ਕਿਸਾਨ, ਮਜਦੂਰ ਵੀਰਾਂ ਨੂੰ ਵੱਧ ਤੋ ਵੱਧ ਗਿਣਤੀ ਵਿੱਚ ਸ਼ਾਮਲ ਹੋਣ ਦਾ ਸੱਦਾ ਦਿੱਤਾ ਜਾਂਦਾ ਹੈ। ਆਮ ਆਦਮੀ ਪਾਰਟੀ ਦੇ ਮੌਜੂਦਾ ਐਮ ਐਲ ਏ ਦੇਵ ਮਾਨ ਵੱਲੋ ਨਿਰਪੱਖ ਅਵਾਜ ਦੇ ਪੱਤਰਕਾਰ ਗੁਰਤੇਜ ਸਿੰਘ ਥੂਹੀ ਪ੍ਰੈਸ ਕਲੱਬ ਦੇ ਪ੍ਰਧਾਨ ਨੂੰ ਪਰਚਾ ਦਰਜ ਕਰਵਾਉਣ ਦੀ ਧਮਕੀ ਦੀ ਸਖਤ ਸਬਦਾ ਵਿੱਚ ਨਖੇਧੀ ਕੀਤੀ ।
ਮੀਟਿੰਗ ਵਿੱਚ ਪ੍ਮਾਤ ਸਿੰਘ ਨਾਭਾ, ਗੁਰਦਿਆਲ ਸਿੰਘ ਅੱਚਲ, ਪਿਆਰਾ ਸਿੰਘ ਅਗੇਤੀ, ਦਵਿੰਦਰ ਸਿੰਘ ਨੌਹਰਾ, ਗੁਰਬਖਸ਼ੀਸ ਸਿੰਘ ਗੋਪੀ ਕੋਲ, ਗਮਦੂਰ ਸਿੰਘ ਕੱਲਾ ਮਾਜਰਾ ਅਦਿ ਸ਼ਾਮਲ ਹੋਏ।

27/08/2026

#ਖੇਤੀਬਾੜੀਤੇਕਿਸਾਨਵਿਕਾਸਫਰੰਟਪੰਜਾਬ

27 ਅਗਸਤ 2026 ਲੁਧਿਆਣਾ
22 ਅਗਸਤ ਨੂੰ ਸ੍ਰੀ ਸੁਖਦੇਵ ਭੁਪਾਲ ਜੀ ਮੀਟਿੰਗ ਨੂੰ ਸੰਬੋਧਨ ਕਰਦੇ ਹੋਏ।

26/08/2026

26 ਅਗਸਤ 2026 ਲੁਧਿਆਣਾ
ਕੁਦਰਤ ਮਾਨਵ ਕੇਂਦਰਤ ਲੋਕ ਲਹਿਰ ਦੀ ਆਲ ਇੰਡੀਆ ਕਾਨਫਰੰਸ 2 ਅਕਤੂਬਰ ਤੋਂ 4 ਅਕਤੂਬਰ ਤਕ ਲਹਿਰਾ ਗਾਗਾ ਜ਼ਿਲ੍ਹਾ ਸੰਗਰੂਰ ਵਿੱਖੇ ਹੋ ਰਹੀ ਹੈ। ਇਸ ਵਿੱਚ ਕਾਫੀ ਮਹੱਤਵ ਪੂਰਨ ਵਿਚਾਰ ਚਰਚਾ ਹੋਣ ਗੀਆਂ। ਸਭ ਨੂੰ ਇਸ ਵਿੱਚ ਪਹੁੰਚਣ ਦੀ ਅਪੀਲ ਕੀਤੀ ਗਈ ਹੈ ਤੇ ਇਸ ਵਿਚਾਰ ਚਰਚਾ ਨੂੰ ਹੋਰ ਪ੍ਰਫੁਲਿਤ ਕੀਤਾ ਜਾ ਸਕੇ। ਸੱਦਾ ਪੱਤਰ ਪੜ੍ਹੋਂ ਤੇ ਹੋਰਨਾਂ ਨੂੰ ਪੜ੍ਹਾਓ।

24/08/2026

24 ਅਗਸਤ 2026 ਲੁਧਿਆਣਾ

23 ਅਗਸਤ 2026 ਨੂੰ ਲਹਿਰਾ ਗਾਗਾ ਇਲਾਕੇ ਦੀਆਂ ਸਮੂਹ ਕਿਸਾਨ ਮਜ਼ਦੂਰ ਅਤੇ ਜਨਤਕ ਜਥੇਬੰਦੀਆਂ ਦੀ ਸਾਂਝੀ ਮੀਟਿੰਗ ਹਰਵਿੰਦਰ ਸਿੰਘ ਲਦਾਲ ਦੀ ਪ੍ਰਧਾਨਗੀ ਹੇਠ ਬਾਬਾ ਧੰਨਾ ਸਿੰਘ ਗੁਰੂ ਘਰ ਵਿਖੇ ਹੋਈ। ਮੀਟਿੰਗ ਵਿੱਚ ਕੇਂਦਰ ਸਰਕਾਰ ਦੀ ਇੰਡਸਟਰੀਅਲ ਕੋਰੀਡੋਰ ਦੀ ਪਾਲਸੀ ਦੇ ਤਹਿਤ ਲਹਿਰਾ ਗਾਗਾ ਇਲਾਕੇ ਅੰਦਰ ਸਰਕਾਰ ਵੱਲੋਂ ਗੁਪਤ ਰੂਪ ਵਿੱਚ ਜਮੀਨਾਂ ਦਾ ਸਰਵੇ ਕਰਨ ਬਾਰੇ ਵਿਚਾਰ ਵਟਾਂਦਰਾ ਕੀਤਾ ਗਿਆ। ਇਸ ਸਬੰਧੀ ਬੋਲਦਿਆਂ ਬੁਲਾਰਿਆਂ ਨੇ ਕਿਹਾ ਕਿ ਕੇਂਦਰ ਸਰਕਾਰ ਜੋ ਅੰਮ੍ਰਿਤਸਰ ਤੋਂ ਕਲਕੱਤੇ ਤੱਕ ਇੰਡਸਟਰੀਅਲ ਕੋਰੀਡੋਰ ਬਣਾ ਰਹੀ ਹੈ ਜਿਸ ਦੀ ਚੌੜਾਈ 300 ਕਿਲੋਮੀਟਰ ਤੇ ਲਬਾਈ 1840 ਕਿਲੋਮੀਟਰ ਦੇ ਲਗਭਗ ਹੈ। ਉਸ ਦੇ ਤਹਿਤ ਸਾਰੇ ਪੰਜਾਬ ਦੀ ਹੀ ਜਮੀਨ ਕਿਸਾਨਾਂ ਤੋਂ ਖੋਹ ਕੇ ਕਾਰਪੋਰੇਟ ਕੰਪਨੀਆਂ ਨੂੰ ਦਿੱਤੀ ਜਾਣੀ ਹੈ। ਇਸੇ ਲਈ ਵੱਖ-ਵੱਖ ਥਾਵਾਂ ਤੇ ਸਰਕਾਰ ਵੱਲੋਂ ਕੀਤੇ ਜਾ ਰਹੇ ਸਰਵੇ ਉਸੇ ਕੜੀ ਦਾ ਸਿੱਟਾ ਹੈ। ਸਰਕਾਰ ਖੇਤੀਬਾੜੀ ਦੀ ਬਜਾਏ ਇੰਡਸਟਰੀਅਲ ਭਾਵ ਕਾਰਖਾਨਿਆਂ ਨੂੰ ਪਹਿਲੀ ਤਰਜੀਹ ਦੇ ਰਹੀ ਹੈ ਜਦੋਂ ਕਿ ਖੇਤੀਬਾੜੀ ਸਮੁੱਚੀ ਕਾਇਨਾਤ ਦਾ ਜੀਵਨ ਹੈ। ਇਹ ਇੰਡਸਟਰੀਅਲ ਕੋਰੀਡੋਰ ਸਾਰੇ ਭਾਰਤ ਵਿੱਚ ਬਣ ਰਹੇ ਹਨ ਜਿਸ ਦੇ ਅੰਦਰ ਸਾਰੇ ਭਾਰਤ ਦੀ ਬਹੁਤ ਹੀ ਉਪਜਾਊ 40% ਜਮੀਨ ਇਹਨਾਂ ਕੋਰੀਡੋਰਾਂ ਦੇ ਅਧੀਨ ਆ ਜਾਣੀ ਹੈ। ਪਹਿਲ ਦੇ ਤੌਰ ਤੇ ਚਾਰ ਜੋਨਾਂ ਦੇ ਵਿੱਚ ਸਰਕਾਰ ਨੇ ਇਹ ਕੰਮ ਵੱਡੀ ਪੱਧਰ ਤੇ ਵਿਡ ਲਿਆ ਹੈ। ਸੋ ਇਹਨਾਂ ਕੋਰੀਡੋਰਾਂ ਦੇ ਖਿਲਾਫ ਇੱਕ ਲੋਕ ਲਹਿਰ ਬਣਾਉਣ ਦੇ ਲਈ ਲਹਿਰਾ ਗਾਗਾ ਇਲਾਕੇ ਦੇ ਸਮੂਹ ਕਿਸਾਨਾਂ ਅਤੇ ਜਥੇਬੰਦੀਆਂ ਨੇ ਪਹਿਲ ਕਰਦੇ ਹੋਏ ਸੰਘਰਸ਼ ਕਰਨ ਬਾਰੇ ਵਿਚਾਰ ਚਰਚਾ ਕੀਤੀ। ਜਿਸ ਦੇ ਤਹਿਤ ਸਾਰੇ ਹੀ ਪਿੰਡਾਂ ਦੇ ਵਿੱਚ ਜਾਗਰੂਕਤਾ ਦੇ ਤੌਰ ਤੇ ਲੋਕਾਂ ਨੂੰ ਇਸਦੇ ਨੁਕਸਾਨ ਬਾਰੇ ਦੱਸਿਆ ਜਾਵੇਗਾ। ਨਾਲ ਹੀ ਸਾਰੇ ਪੰਜਾਬ ਵਾਸੀਆਂ ਨੂੰ ਇਹਨਾਂ ਕੋਰੀਡੋਰਾਂ ਦੇ ਖਿਲਾਫ ਸੰਘਰਸ਼ ਵਿੱਢਣ ਦਾ ਸੱਦਾ ਦਿੱਤਾ। ਲਹਿਰਾ ਗਾਗਾ ਇਲਾਕੇ ਦੇ ਸਾਰੇ ਪਿੰਡਾਂ ਵਿੱਚ ਜਿੱਥੇ ਵੀ ਸਰਕਾਰ ਇਸ ਸਬੰਧੀ ਕੋਈ ਸਰਵੇ ਕਰੇਗੀ ਤਾਂ ਉਸਦਾ ਜ਼ਬਰਦਸਤ ਵਿਰੋਧ ਕੀਤਾ ਜਾਵੇਗਾ। ਆਉਣ ਵਾਲੇ ਦਿਨਾਂ ਵਿੱਚ ਕੋਈ ਵੱਡਾ ਇਕੱਠ ਕਰਕੇ ਸਰਕਾਰ ਨੂੰ ਇਸ ਸਬੰਧੀ ਚੇਤਾਵਨੀ ਦਿੱਤੀ ਜਾਵੇਗੀ। ਬੁਲਾਰਿਆਂ ਵਿੱਚ ਸ੍ਰੀ ਮਹਿੰਦਰ ਸਿੰਘ ਖੋਖਰ ਖੇਤੀਬਾੜੀ ਤੇ ਕਿਸਾਨ ਵਿਕਾਸ ਫਰੰਟ ਪੰਜਾਬ, ਸ੍ਰੀ ਜਗਜੀਤ ਸਿੰਘ ਭਟਾਲ ਜ਼ਿਲਾ ਪ੍ਰਧਾਨ ਜਮਹੂਰੀ ਅਧਿਕਾਰ ਸਭਾ, ਮਾਸਟਰ ਰਘਵੀਰ ਸਿੰਘ ਲੋਕ ਚੇਤਨਾ ਮੰਚ ਲਹਿਰਾ ਗਾਗਾ, ਬਲਵਿੰਦਰ ਸਿੰਘ ਪ੍ਰਧਾਨ ਕਿਸਾਨ ਯੂਨੀਅਨ ਰਾਜੇਵਾਲ, ਬਲਵੀਰ ਸਿੰਘ ਜਲੂਰ ਸੂਬਾ ਆਗੂ ਪੰਜਾਬ ਕਿਸਾਨ ਯੂਨੀਅਨ, ਸਤਵੰਤ ਸਿੰਘ ਖਡੇਬਾਦ, ਲਛਮਣ ਸਿੰਘ ਅਲੀ ਸ਼ੇਰ ਪੰਜਾਬ ਕਿਸਾਨ ਸਭਾ, ਸੁਖਦੇਵ ਸਿੰਘ ਚੰਗਾਲੀ ਵਾਲਾ, ਨਾਜਰ ਸਿੰਘ ਰਾਮਗੜ੍ਹ, ਬਿੱਲੂ ਸਿੰਘ ਸੰਗਤਪੁਰਾ, ਜੰਟਾ ਸਿੰਘ ਖੰਡੇਬਾਦ, ਭੋਲਾ ਸਿੰਘ ਗੰਡੂਆਂ ,ਬੰਤਾ ਸਿੰਘ ਘੋੜੇਨਾਵ ਅਤੇ ਹੋਰ ਵੱਡੀ ਗਿਣਤੀ ਵਿੱਚ ਕਿਸਾਨ ਆਗੂ ਸ਼ਾਮਿਲ ਹੋਏ।

23/08/2026

23 ਅਗਸਤ 2026 ਲੁਧਿਆਣਾ

22 ਅਗਸਤ 2026 ਨੂੰ ਖੇਤੀਬਾੜੀ ਤੇ ਕਿਸਾਨ ਵਿਕਾਸ ਫਰੰਟ ਪੰਜਾਬ ਕਮੇਟੀ ਦੀ ਮੀਟਿੰਗ ਸ੍ਰੀ ਮਹਿੰਦਰ ਸਿੰਘ ਭੱਠਲ ਸੂਬਾ ਪ੍ਰਧਾਨ ਦੀ ਪ੍ਰਧਾਨਗੀ ਹੇਠ ਗੁਰਸਾਗਰ ਸ੍ਰੀ ਮਸਤੂਆਣਾ ਸਾਹਿਬ ਵਿਖੇ ਹੋਈ, ਜਿਸ ਵਿੱਚ ਕਿ ਸਾਰੇ ਪੰਜਾਬ ਤੋਂ ਸੂਬਾ ਕਮੇਟੀ ਮੈਂਬਰਾਂ ਅਤੇ ਹੋਰ ਸਰਗਰਮ ਮੈਂਬਰਾਂ ਨੇ ਭਾਗ ਲਿਆ। ਕਿਸਾਨ ਫਰੰਟ ਵੱਲੋਂ 26 ਜੁਲਾਈ ਦੀ ਨਾਭਾ ਕਾਨਫਰੰਸ ਦਾ ਰਿਵਿਊ ਕੀਤਾ ਗਿਆ। ਸਾਰੇ ਹਾਜ਼ਰ ਸਾਥੀਆਂ ਨੇ ਕਾਨਫਰੰਸ ਤੇ ਤਸੱਲੀ ਪ੍ਰਗਟ ਕੀਤੀ। ਦੇਸ਼ ਵਿਦੇਸ਼ ਅਤੇ ਕਿਸਾਨੀ ਦੇ ਮਸਲਿਆਂ ਬਾਰੇ ਬੋਲਦਿਆਂ ਸ੍ਰੀ ਸੁਖਦੇਵ ਸਿੰਘ ਭੋਪਾਲ ਕੌਮੀ ਸਕੱਤਰ ਨੇ ਦੱਸਿਆ ਕਿ ਭਾਰਤ ਸਰਕਾਰ ਦੀ ਇੰਡਸਟਰੀਅਲ ਕੋਰੀਡੋਰ ਦੀ ਪਾਲਸੀ ਤਹਿਤ ਪੰਜਾਬ ਵਿੱਚ ਸਾਰੀ ਜਮੀਨ ਕਿਸਾਨਾਂ ਤੋਂ ਖੋਹ ਕੇ ਇੰਡਸਟਰੀ ਲਈ ਦਿੱਤੀ ਜਾਣੀ ਹੈ। ਜਿਸ ਦੇ ਅਨੁਸਾਰ ਤਲਵੰਡੀ ਸਾਬੋ, ਮੌੜ ਮੰਡੀ ,ਭਵਾਨੀਗੜ੍ਹ ਅਤੇ ਲਹਿਰਾ ਗਾਗਾ ਇਲਾਕੇ ਵਿੱਚ ਸਰਵੇ ਦਾ ਕੰਮ ਸ਼ੁਰੂ ਹੋ ਚੁੱਕਿਆ ਹੈ। ਇਸ ਮਕਸਦ ਲਈ ਸਾਰੇ ਭਾਰਤ ਵਿੱਚ ਤਕਰੀਬਨ 30% ਖੇਤੀ ਯੋਗ ਉਪਜਾਊ ਜਮੀਨ ਕਿਸਾਨਾਂ ਤੋਂ ਖੋਹ ਕੇ ਵੱਡੇ ਕਾਰਪੋਰੇਟ ਘਰਾਣਿਆਂ ਨੂੰ ਦਿੱਤੀ ਜਾਣੀ ਹੈ ਕਿਉਂਕਿ ਸਰਕਾਰਾਂ ਇੰਡਸਟਰੀ ਨੂੰ ਹੀ ਵਿਕਾਸ ਦਾ ਮੁੱਖ ਧੁਰਾ ਮੰਨਦੀਆਂ ਹਨ ਜਦੋਂ ਕਿ ਖੇਤੀਬਾੜੀ ਸਮੁੱਚੀ ਕਾਇਨਾਤ ਦਾ ਜੀਵਨ ਹੈ। ਸੋ ਉਨਾਂ ਸਰਕਾਰ ਦੀਆਂ ਇਨਾਂ ਚਾਲਾਂ ਦੇ ਖਿਲਾਫ ਸਮੁੱਚੀ ਮਾਨਵਤਾ ਨੂੰ ਇਕੱਠੇ ਹੋ ਕੇ ਖੇਤੀਬਾੜੀ ਦੇ ਹੱਕ ਵਿੱਚ ਲੋਕ ਲਹਿਰ ਬਣਾਉਣ ਦਾ ਸੱਦਾ ਦਿੱਤਾ ਅਤੇ ਕੁਦਰਤੀ ਖੇਤੀ ਦੀ ਮੰਗ ਕਰਨੀ ਚਾਹੀਦੀ ਹੈ ਤਾਂ ਕਿ ਖਰਾਬ ਹੋ ਰਹੇ ਵਾਤਾਵਰਨ ਅਤੇ ਪੌਣਪਾਣੀ ਨੂੰ ਠੀਕ ਕੀਤਾ ਜਾ ਸਕੇ। ਮਾਰੂ ਹਥਿਆਰਾਂ ਅਤੇ ਐਸ਼ੋ ਇਸ਼ਰਤ ਦੀਆਂ ਫੈਕਟਰੀਆਂ ਤੇ ਤੁਰੰਤ ਰੋਕ ਲੱਗਣੀ ਚਾਹੀਦੀ ਹੈ ਅਤੇ ਖੇਤੀ ਅਧਾਰਤ ਸੰਨਤਾਂ ਲੱਗਣੀਆਂ ਚਾਹੀਦੀਆਂ ਹਨ। ਖੇਤੀਬਾੜੀ ਨੂੰ ਵਿਕਾਸ ਤੇ ਮਾਡਲ ਵਿੱਚ ਪਹਿਲੀ ਤਰਜੀਹ ਦਿੱਤੀ ਜਾਣੀ ਚਾਹੀਦੀ ਹੈ। ਕਿਸਾਨਾਂ ਨੂੰ 50% ਮੁਨਾਫਾ ਜੋੜ ਕੇ ਫਸਲਾਂ ਦੇ ਭਾਅ ਤੈਅ ਕੀਤੇ ਜਾਣੇ ਚਾਹੀਦੇ ਹਨ ਅਤੇ ਸਮੁੱਚੀ ਕਿਸਾਨੀ ਦਾ ਕਰਜਾ ਤੁਰੰਤ ਮਾਫ ਕਰਨਾ ਚਾਹੀਦਾ ਹੈ। ਸਰਕਾਰ ਇੰਡਸਟਰੀਅਲ ਕੋਰੀਡੋਰ ਵਰਗੇ ਮਾਰੂ ਫੈਸਲਿਆਂ ਤੇ ਤੁਰੰਤ ਰੋਕ ਲਗਾਵੇ। ਪੰਜਾਬ ਸਰਕਾਰ ਵੱਲੋਂ ਪੱਤਰਕਾਰ ਮਨਜਿੰਦਰਜੀਤ ਸਿੰਘ ਸਿੱਧੂ ਤੇ ਸੱਚ ਬੋਲਣ ਤੇ ਪਰਚਾ ਦਰਜ ਕਰਨ ਦੀ ਸਖਤ ਨਿਖੇਧੀ ਕੀਤੀ ਗਈ।ਮੀਟਿੰਗ ਦੇ ਅੰਤ ਵਿੱਚ ਅਗਲੇ ਦੋ ਸਾਲਾਂ ਲਈ ਪੰਜਾਬ ਦੀ ਆਗੂ ਟੀਮ ਦੀ ਚੋਣ ਕੀਤੀ ਗਈ ਜਿਸ ਵਿੱਚ ਕਿ ਸ੍ਰੀ ਜਗਪਾਲ ਸਿੰਘ ਉਦਾ ਨੂੰ ਪੰਜਾਬ ਪ੍ਰਧਾਨ, ਮਹਿੰਦਰ ਸਿੰਘ ਭੱਠਲ ਮੀਤ ਪ੍ਰਧਾਨ, ਹਰਨੇਕ ਸਿੰਘ ਖੇੜੀ ਕਲਾਂ ਸਕੱਤਰ, ਅਵਤਾਰ ਸਿੰਘ ਸੰਗਰੂਰ ਸਹਾਇਕ ਸਕੱਤਰ ਅਤੇ ਮਨਜਿੰਦਰ ਸਿੰਘ ਹੇੜੀਕੇ ਨੂੰ ਖਜਾਨਚੀ ਚੁਣਿਆ ਗਿਆ। ਪ੍ਰਧਾਨ ਵੱਲੋਂ ਆਏ ਹੋਏ ਸਾਥੀਆਂ ਦਾ ਧੰਨਵਾਦ ਕੀਤਾ ਅਤੇ ਮੀਟਿੰਗ ਵਿੱਚ ਲਏ ਗਏ ਫੈਸਲਿਆਂ ਨੂੰ ਲਾਗੂ ਕਰਨ ਦਾ ਸੱਦਾ ਦਿੱਤਾ।

Sansar-Safar News

14/09/2026

14/09/2026

13/09/2026

12/09/2026

06/09/2026

29/08/2026

27/08/2026

26/08/2026

24/08/2026

23/08/2026

Address

Telephone

Website

Alerts

Shortcuts

Share

Category

Listing takedown request