19/07/2025
ਪੱਛਮੀ ਬੰਗਾਲ ਦੇ ਦੱਖਣੀ 24 ਪਰਗਣਾਂ ਜ਼ਿਲ੍ਹੇ ਦਾ ਰਹਿਣ ਵਾਲ਼ਾ ਇਹ ਆਦਮੀ ਛੇ ਸਾਲ ਪਹਿਲਾਂ ਆਪਣੇ 15 ਸਾਥੀਆਂ ਨਾਲ਼ ਬੰਗਾਲ ਦੀ ਖਾੜੀ ਵਿੱਚ ਹਲਦੀਆ ਨੇੜੇ ਮੱਛੀਆਂ ਫੜਨ ਗਿਆ ਸੀ। ਫ਼ਿਰ ਅਚਾਨਕ ਸਮੁੰਦਰ ਦੀ ਦਿਸ਼ਾ ਬਦਲ ਗਈ, ਤੇਜ਼ ਤੂਫ਼ਾਨ ਉੱਠਿਆ, ਲਹਿਰਾਂ ਕਾਬੂ ਤੋਂ ਬਾਹਰ ਹੋ ਗਈਆਂ ਅਤੇ ਟਰੋਲਰ ਪਲਟ ਗਿਆ। ਸਾਰੇ ਸਮੁੰਦਰ ਦੀਆਂ ਵਿਸ਼ਾਲ ਲਹਿਰਾਂ ਵਿੱਚ ਵਹਿ ਗਏ, ਰਬਿੰਦਰਨਾਥ ਵੀ।
ਪਰ ਉਹ ਡਰਨ ਵਾਲ਼ਾ ਨਹੀਂ ਸੀ। ਪੇਸ਼ੇ ਤੋਂ ਮਛੇਰਾ ਹੋਣ ਕਰਕੇ, ਪਾਣੀ ਉਸਦਾ ਦੁਸ਼ਮਣ ਨਹੀਂ ਸੀ, ਸਗੋਂ ਉਸਦਾ ਸਾਥੀ ਸੀ। ਉਸਨੇ ਹਾਰ ਨਹੀਂ ਮੰਨੀ। ਉਹ ਤੈਰਦਾ ਰਿਹਾ, ਤੈਰਦਾ ਰਿਹਾ! ਉੱਪਰ ਆਸਮਾਨ, ਹੇਠਾਂ ਅਸੀਮਿਤ ਪਾਣੀ। ਘੰਟੇ ਬੀਤ ਗਏ, ਦਿਨ ਬੀਤ ਗਏ।
ਰਬਿੰਦਰਨਾਥ 5 ਦਿਨ ਸਮੁੰਦਰ ਵਿੱਚ ਇਕੱਲਾ ਤੈਰਿਆ, ਨਾਂ ਖਾਣਾਂ, ਨਾਂ ਪੀਣ ਵਾਲ਼ਾ ਪਾਣੀ, ਬੱਸ ਬਚਣ ਦੀ ਜ਼ਿੱਦ। ਜਦੋਂ ਮੀਂਹ ਪੈਂਦਾ ਹੈ, ਤਾਂ ਉਹ ਮੀਂਹ ਦਾ ਪਾਣੀ ਪੀਂਦਾ ਅਤੇ ਆਪਣੇ ਆਪ ਨੂੰ ਜ਼ਿੰਦਾ ਰੱਖਦਾ। ਮੌਤ ਹਰ ਪਲ ਨੇੜੇ ਸੀ, ਪਰ ਹਿੰਮਤ ਹੋਰ ਵੀ ਮਜ਼ਬੂਤ ਸੀ।
ਦਿਨ 5! ਇੱਕ ਜਹਾਜ਼ 'ਐਮਵੀ ਜਵਾਦ' ਬੰਗਲਾਦੇਸ਼ ਦੇ ਕੁਤੁਬਦੀਆ ਟਾਪੂ ਦੇ ਨੇੜੇ ਲੱਗਭੱਗ 600 ਮੀਟਰ ਦੂਰ ਲੰਘ ਰਿਹਾ ਸੀ। ਜਹਾਜ਼ ਦੇ ਕਪਤਾਨ ਨੇ ਦੂਰੋਂ ਸਮੁੰਦਰ ਵਿੱਚ ਕੁਝ ਹਿੱਲਦਾ ਦੇਖਿਆ। ਧਿਆਨ ਨਾਲ਼ ਦੇਖਿਆ, ਕੋਈ ਤੈਰ ਰਿਹਾ ਸੀ! ਕੈਪਟਨ ਨੇ ਲਾਈਫ ਜੈਕੇਟ ਸੁੱਟੀ, ਪਰ ਇਹ ਰਬਿੰਦਰਨਾਥ ਤੱਕ ਨਹੀਂ ਪਹੁੰਚੀ। ਫ਼ਿਰ ਵੀ ਕਪਤਾਨ ਨਹੀਂ ਰੁਕਿਆ! ਉਨ੍ਹਾਂ ਨੇ ਸਿਰਫ਼ ਇੱਕ ਚੀਜ਼ ਵੇਖੀ ਜੋ ਸੀਮਾਵਾਂ, ਧਰਮਾਂ, ਜਾਤਾਂ ਦੀਆਂ ਰੇਖਾਵਾਂ ਨੂੰ ਭੁੱਲ ਗਈ, ਮਨੁੱਖਤਾ।
ਰਬਿੰਦਰਨਾਥ ਕੁਝ ਦੂਰੀ 'ਤੇ ਦੁਬਾਰਾ ਨਜ਼ਰ ਆਇਆ ਹੋਇਆ ਅਤੇ ਇਸ ਵਾਰ ਕਪਤਾਨ ਨੇ ਜਹਾਜ਼ ਨੂੰ ਮੋੜ ਦਿੱਤਾ। ਲਾਈਫ ਜੈਕੇਟ ਸੁੱਟ ਦਿੱਤੀ, ਅਤੇ ਇਸ ਵਾਰ ਰਬਿੰਦਰਨਾਥ ਫੜਨ ਵਿੱਚ ਕਾਮਯਾਬ ਹੋ ਗਿਆ। ਉਸਨੂੰ ਇੱਕ ਕ੍ਰੇਨ ਤੋਂ ਉੱਪਰ ਖਿੱਚਿਆ। ਥੱਕਿਆ ਹੋਇਆ ਪਰ ਜ਼ਿੰਦਾ। ਜਦੋਂ ਉਹ ਜਹਾਜ਼ 'ਤੇ ਚੜ੍ਹਿਆ, ਤਾਂ ਪੂਰੇ ਜਹਾਜ਼ ਦੇ ਮਲਾਹ ਖੁਸ਼ੀ ਨਾਲ ਚੀਕ ਉੱਠੇ। ਉਹ ਮਨੁੱਖਤਾ ਨੂੰ ਜ਼ਿੰਦਾ ਦੇਖ ਰਹੇ ਸਨ, ਸਿਰਫ਼ ਇੱਕ ਮਨੁੱਖ ਨੂੰ ਨਹੀਂ। ਉਸ ਪਲ ਦੀ ਵੀਡੀਓ ਜਹਾਜ਼ 'ਤੇ ਇੱਕ ਮਲਾਹ ਦੁਆਰਾ ਰਿਕਾਰਡ ਕੀਤੀ ਗਈ ਸੀ ਅਤੇ ਇਹ ਦ੍ਰਿਸ਼ ਅਜੇ ਵੀ ਦਰਸ਼ਕਾਂ ਦੀ ਰੂਹ ਨੂੰ ਹਿਲਾ ਦਿੰਦਾ ਹੈ।
ਧੰਨਵਾਦ, ਉਸ ਜਹਾਜ਼ ਦੇ ਹਰ ਮਲਾਹ ਦਾ। ਤੁਸੀਂ ਸਿਰਫ਼ ਇੱਕ ਜਾਨ ਨਹੀਂ ਬਚਾਈ, ਤੁਸੀਂ ਸਾਨੂੰ ਯਾਦ ਦਿਵਾਇਆ ਕਿ ਮਨੁੱਖਤਾ ਅਜੇ ਵੀ ਜ਼ਿੰਦਾ ਹੈ। ਕਈ ਵਾਰ ਇੱਕ ਆਦਮੀ ਦੀ ਜ਼ਿੱਦ, ਅਤੇ ਦੂਜੇ ਆਦਮੀ ਦੀ ਹਮਦਰਦੀ, ਪੂਰੀ ਦੁਨੀਆਂ ਨੂੰ ਬਿਹਤਰ ਬਣਾ ਸਕਦੀ ਹੈ। 👏
ਅਗਿਆਤ
