10/09/2026
#ਸ੍ਰੀ ਗੁਰੂ ਹਰਿਕ੍ਰਿਸ਼ਨ ਸਾਹਿਬ ਜੀ ਦੇ ਚਰਨਾਂ ਵਿੱਚ ਸਵੇਰ ਦੀ ਅਰਦਾਸ
#ੴ ਵਾਹਿਗੁਰੂ ਜੀ ਕੀ ਫ਼ਤਹਿ॥ ਸ੍ਰੀ ਭਗਉਤੀ ਜੀ ਸਹਾਇ॥ ਵਾਰ ਸ੍ਰੀ ਭਗਉਤੀ ਜੀ ਕੀ ਪਾਤਿਸਾਹੀ ੧੦॥ ‘ਸ੍ਰੀ ਗੁਰੂ ਹਰਿਕ੍ਰਿਸ਼ਨ ਧਿਆਈਐ ਜਿਸ ਡਿਠੇ ਸਭਿ ਦੁਖਿ ਜਾਇ॥’
#ਹੇ ਦੀਨ-ਦੁਨੀ ਦੇ ਮਾਲਕ, ਅੰਤਰਜਾਮੀ, ਬਾਲਾ ਪ੍ਰੀਤਮ #ਸ੍ਰੀ ਗੁਰੂ ਹਰਿਕ੍ਰਿਸ਼ਨ ਸਾਹਿਬ ਜੀਓ! ਅੰਮ੍ਰਿਤ ਵੇਲੇ ਆਪ ਜੀ ਦੇ ਪਾਵਨ ਤੇ ਪਵਿੱਤਰ ਚਰਨ-ਕਮਲਾਂ ਵਿੱਚ ਦੋਵੇਂ ਹੱਥ ਜੋੜ ਕੇ, ਸੀਸ ਨਿਬਾ ਕੇ ਪ੍ਰਣਾਮ ਕਰਦੇ ਹਾਂ।
#ਹੇ ਪਾਤਸ਼ਾਹ! ਜਿਵੇਂ ਆਪ ਜੀ ਨੇ ਦਿੱਲੀ ਦੀ ਧਰਤੀ 'ਤੇ ਮਹਾਂਮਾਰੀ ਅਤੇ ਬਿਮਾਰੀਆਂ ਨਾਲ ਤੜਫ਼ ਰਹੀ ਲੋਕਾਈ ਨੂੰ ਆਪਣੇ ਮਿਹਰ ਭਰੇ ਹੱਥਾਂ ਨਾਲ ਚਰਨਾਮ੍ਰਿਤ ਬਖ਼ਸ਼ ਕੇ ਅਰੋਗਤਾ, ਢਾਰਸ ਅਤੇ ਨਵਾਂ ਜੀਵਨ ਦਿੱਤਾ ਸੀ, ਤਿਵੇਂ ਹੀ ਅੱਜ ਮਿਹਰ ਭਰੀ ਨਜ਼ਰ ਸਾਡੇ ਸਿਰ 'ਤੇ ਵੀ ਰੱਖੋ ਜੀ।
#ਸਾਡੇ ਤਨ ਦੇ ਰੋਗ, ਮਨ ਦੇ ਸੋਗ, ਚਿੰਤਾਵਾਂ, ਭਟਕਣਾ ਅਤੇ ਸਾਰੇ ਦੁੱਖ-ਕਲੇਸ਼ਾਂ ਦਾ ਨਾਸ ਕਰੋ ਜੀ। ਸਾਡੀ ਬੁੱਧੀ ਨੂੰ ਸੱਚ, ਨਿਮਰਤਾ, ਦਇਆ ਅਤੇ ਨਾਮ-ਸਿਮਰਨ ਦਾ ਚਾਨਣ ਬਖ਼ਸ਼ੋ ਤਾਂ ਜੋ ਅੱਜ ਦਾ ਸਾਰਾ ਦਿਨ ਆਪ ਜੀ ਦੀ ਰਜ਼ਾ ਅਤੇ ਸ਼ੁਕਰਾਨੇ ਵਿੱਚ ਬਤੀਤ ਹੋਵੇ।
#ਸਾਡੇ ਹੱਥੋਂ ਕਿਸੇ ਦਾ ਬੁਰਾ ਨਾ ਹੋਵੇ, ਨੇਕ ਕਿਰਤ ਕਰਨ ਦਾ ਬਲ ਬਖ਼ਸ਼ੋ, ਸਭ ਜੀਵਾਂ ਨਾਲ ਪ੍ਰੇਮ ਕਰਨ ਦੀ ਸੋਝੀ ਦਿਓ ਅਤੇ ਹਰ ਔਕੜ ਵਿੱਚ ਆਪਣਾ ਓਟ-ਆਸਰਾ ਬਣਾਈ ਰੱਖਣਾ ਜੀ।
#ਹੇ ਗੁਰੂ ਪਾਤਸ਼ਾਹ! ਆਪਣੀ ਪਾਵਨ ਗੋਦ ਦਾ ਨਿੱਘ ਅਤੇ ਨਾਮ ਦੀ ਦਾਤ ਬਖ਼ਸ਼ ਕੇ ਸਾਡੇ ਅੰਦਰੋਂ ਹਉਮੈ-ਹੰਕਾਰ ਨੂੰ ਦੂਰ ਕਰੋ ਅਤੇ ਆਪਣੀ ਸੱਚੀ ਭਗਤੀ ਵਿੱਚ ਜੋੜੀ ਰੱਖੋ ਜੀ।
#ਨਾਨਕ ਨਾਮ ਚੜ੍ਹਦੀ ਕਲਾ, ਤੇਰੇ ਭਾਣੇ ਸਰਬਤ ਦਾ ਭਲਾ॥ ਵਾਹਿਗੁਰੂ ਜੀ ਕਾ ਖ਼ਾਲਸਾ, ਵਾਹਿਗੁਰੂ ਜੀ ਕੀ ਫ਼ਤਹਿ॥ਧੰਨ ਧੰਨ #ਸ੍ਰੀ ਗੁਰੂ ਹਰਕ੍ਰਿਸ਼ਨ ਸਾਹਿਬ ਜੀ 🍁
ਸਤਿਨਾਮੁ ਸ਼੍ਰੀ ਵਾਹਿਗੁਰੂ ਜੀ ਕਾ ਖਾਲਸਾ ਸ੍ਰੀ ਵਾਹਿਗੁਰੂ ਜੀ ਕੀ ਫਤਿਹ 🌹
#ਬਾਬਾ ਜੀਵਨ ਸਿੰਘ ਜੀ ਰੰਘਰੇਟੇ ਗੁਰੂ ਕੇ ਬੇਟੇ #
#ਭਾਈ ਜੈਤਾ ਜੀ(ਬਾਬਾ ਜੀਵਨ ਸਿੰਘ ਜੀ #
#ਸ਼੍ਰੀ ਗੁਰੂ ਹਰਕ੍ਰਿਸ਼ਨ ਸਾਹਿਬ ਜੀ #
#ਸਤਨਾਮ ਵਾਹਿਗੁਰੂ ਸਾਹਿਬ ਜੀ #
