14/07/2026
Tawipui Southah Leiminin Chenna In hnawl.
Zoen July Ni 14, 2026 : Tukin dar 5:00 vel khan Tawipui South hmar lam Esther Hotel bulah nasa takin lei a min a, Chenna in pahnih bakah Esther Hotel leh dawrte ahnawl vek a , Vanneih thlak takin thi leh hliam erawh an awm lo.
Tawipui South atanga thu dawn danin he lai hmunah hian tunhnai khan nasa vak lo in Lei a lo min tawh a, nizan Dar 11 vel atang khan Lei hi che chhunzawmin tukin dar 5 vel khan nasa takin a min leh a, Leimin hi a nasat em avang leh thenfai ngam mai ala nih rih loh avangin, Kawng tlang hun tur pawh hriatthiam a harsa hle a, tunkar chhungin a tlang hman dawn em tih pawh sawi mai harsa an tih thu Khawtlang hruaituten an sawi.
Tawipui South khawtlang hruaitute chuan helai hmunah hian Lei khi nasa tak a awm avangin a chhehvela cheng te bungrua chu nimin lamah an thiar chhuah tawh thu leh In nei tute pawh hmun dangah riah chhuah tir an nih thu sawiin hetiang a nih avang hian mihring thi leh hliam an awm loh thu an sawi.
Tun dinhmun (zing dar 6:30) ah chuan Leimin hi a chawl ta deuh a, Leiminin a hnawlte hi Pu F Lalhredika, Pu Jethra leh Pi Hmingchhuangi dawr te a ni.
