ਪੰਜਾਬ Punjab پنجاب पंजाब

17/02/2023

25/12/2022

ਮਿਤ੍ਰ ਪਿਆਰੇ ਨੂੰ ਹਾਲ ਮੁਰੀਦਾਂ ਦਾ ਕਹਿਣਾ ॥
ਤੁਧੁ ਬਿਨੁ ਰੋਗੁ ਰਜਾਈਆਂ ਦਾ ਓਢਣ ਨਾਗ ਨਿਵਾਸਾਂ ਦੇ ਰਹਿਣਾ ॥
ਸੂਲ ਸੁਰਾਹੀ ਖੰਜਰੁ ਪਿਆਲਾ ਬਿੰਗ ਕਸਾਈਆਂ ਦਾ ਸਹਿਣਾ ॥
ਯਾਰੜੇ ਦਾ ਸਾਨੂੰ ਸੱਥਰੁ ਚੰਗਾ ਭੱਠ ਖੇੜਿਆਂ ਦਾ ਰਹਿਣਾ ॥

25/12/2022

ਕਦੇ ਮੱਥਾ ਕੰਧ ਨਾਲ
ਕਦੇ ਸਰਹੰਦ ਨਾਲ
ਜੰਗਲਾਂ ਚ ਪਿਆ
ਦੇਖੋ ਬਾਦਸ਼ਾਹ ਆਨੰਦ ਨਾਲ 🙏

#ਸ਼ਹੀਦੀ_ਹਫਤਾ

24/12/2022

ਸੁਫ਼ਨਾ

ਮੇਰੇ ਸੁਫ਼ਨੇ ਦੇ ਵਿੱਚ ਆਇਆ
ਇੱਕ ਐਸਾ ਨੂਰ ਇਲਾਹੀ,
ਸਿਰ ਦਸਤਾਰ ਤੇ ਕਲਗੀ ਸਾਜੇ
ਮੈਂਨੂੰ ਜਾਪੇ ਸੰਤ ਸਿਪਾਹੀ।

ਕਸ਼ਮੀਰੀ ਪੰਡਤਾਂ ਦੀ ਫਰਿਆਦ ਦੇਖਾ
ਵਿੱਚ ਦਰਬਾਰ ਗੁਰੂ ਤੇਗ ਬਹਾਦੁਰ,
ਚਾਂਦਨੀ ਚੌਂਕ ਚ ਦੇਕੇ ਸ਼ੀਸ਼ ਆਪਣਾ
ਬਣ ਗਏ ਜੋ ਹਿੰਦ ਦੀ ਚਾਦਰ।

ਭਰੀ ਸਭਾ ਵਿੱਚ ਵੱਜਦੀ ਹਾਕ ਸੁਣਾ
ਜਿੱਥੇ ਦਸ਼ਮ ਪਿਤਾ ਸੀ ਵਿਰਾਜੇ,
ਕਿਵੇਂ ਤੰਬੂ ਵਿਚ ਤਲਵਾਰ ਖੜਕੀ
ਕਿਵੇਂ ਪੰਜ ਪਿਆਰੇ ਸਾਜੇ।

ਆਪੇ ਗੁਰੂ ਤੇ ਆਪੇ ਬਣੇ ਚੇਲਾ
ਐਸਾ ਨਾਮ ਦਾ ਅੰਮ੍ਰਿਤ ਪੀਤਾ,
ਧਰਮ ਲਈ ਸਰਬੰਸ ਵਾਰਿਆ
ਦੇਖ ਕੇ ਅਣਡਿਠ ਕੀਤਾ।

ਪੋਹ ਮਹੀਨੇ ਦੀ ਕੜਕਦੀ ਠੰਡ ਚ
ਮੈਨੂੰ ਠੰਡਾ ਬੁਰਜ ਰੁਲਾਵੇ,
ਦਾਦੀ ਮਾਂ ਗੁਜਰੀ ਤੇ ਲਾਲ ਛੋਟੇ
ਮੇਰਾ ਕਾਲਜਾ ਫੱਟਦਾ ਜਾਵੇ।

ਘੋੜੇ ਤੇ ਚੜੇ ਹੋਏ ਕਲਗੀਧਰ ਦੇ
ਹੱਥ ਚ ਫੜੀ ਸ਼ਮਸ਼ੀਰ ਦੇਖਾ,
ਮਾਛੀਵਾੜੇ ਦੇ ਜੰਗਲਾਂ ਵਿਚ
ਹੋਇਆ ਜਾਮਾ ਲੀਰੋ ਲੀਰ ਦੇਖਾ।

ਦੋ ਲਾਲ ਨੇ ਜੰਗ ਵਿੱਚ ਜੂਝ ਰਹੇ
ਜੋ ਪਿੱਛੇ ਨਹੀਓ ਹੱਟ ਦੇ,
ਦੋ ਬਾਲ ਨੀਹਾਂ ਵਿੱਚ ਚਿਣੇ ਹੋਏ ਵੀ
ਵਾਹਿਗਰੂ ਵਾਹਿਗੁਰੂ ਜਪ ਦੇ।

ਲੋਚਨ ਮੂੰਦ ਹਨੀ ਸਜਦਾ ਕਰੇ
ਅਪਣਾ ਤਨ ਮਨ ਅਰਪਣ ਕਰਕੇ,
ਵੇਖ ਕਲਗੀਂ ਵਾਲੇ ਪਾਤਸ਼ਾਹ ਨੂੰ
ਬਹਿ ਗਿਆ ਆਪਾ ਹਰਕੇ।
🙏🙏🙏🙏🙏

__ਹਨੀ ਬਡਾਲੀ__✍️✍️

#ਵਾਹਿਗੁਰੂ #ਸ਼ਹੀਦ